افغانستان،پاکستان اوچين د کرکټ دوستانه میچ کوي

د پاکستان ميډیا په تازه راپورونو کې ويلي دي، چې د پاکستان، چين او افغانستان ترمابین د اړيکو ښه کولو لپاره د درې واړه هېوادونو کم عمره لوبډلې به په راتلونکې مياشت کې میچ ترسره کړي.ویل کيږي چې دغه درې هېوادونه غواړي چې د کرکټ له لارې خپلې اړیکې تازه ا دوستانه کړي،

د دغه هېواد ورځپاڼې ايکسپرېس نيوز د راپور په وينا، چې پاکستان، چين او افغانستان د ښو اړيکو لپاره د کرکټ لاره پېدا کړې ده او د درې واړه هېوادونو کم عمره لوبډلې به په راتلونکې مياشت کې دوستانه سيالۍ ترسره کړي.او په سیالیو کې به درې ټیمونه ونډه واخلي ترڅو د دويي په مابین کې تعلقات نور هم پیاوړې شي او یو بل سره نوور هم رانږدې شي که مونږ اوکورو د پاکستان او افغانستان تعلقات له ډېر وخت راهیسې ترنګلې شوي دي

یاد راپور کې زياته شوې ده، چې د پاکستان ١٩ کلنو کم عمره لوبډله راروانه مياشت کې د چين هېواد په دوستانه سفر باندې ځي. د پاکستان ياده لوبډله د اکتوبر په ١٦مه نېټه د چين بيجينګ ښار ته روانېږي. د چين په بيجينګ ښار کې به د پاکستان ١٩ کلنو کم عمره لوبډله د چين د ١٩ کلنو کم عمره لوبډلې سره ١٥ اوريزه لوبه ترسره کړي.

همدارنګه په دغه راپور کې زياته شوې ده، چې د چين پر وړاندې به په دويمه لوبه کې بيا د افغانستان او پاکستان ګډه يا شريکه لوبډله لوبېږي.د یادونې وړ ده چې په اجتماعي شبکو کې د افغانستان او پاکستان تر مابین لوبې ته عامو خلکو لېوالتیا ښودلې ده او ویلي ېې دي چې باید ژر تر ژره د ې دغه لوبې تاریخ اعلان شي او بیا ځلې دې دغسې لوبې ترسره شي،

دوى همدا راز زياته کړې ده، چې په دغه سفر کې د پاکستانۍ لوبډلې لپاره ځينې پروګرامونه هم په نظر کې نيول شوي دي او همدا راز د اکتوبر په ٢٤مه نېټه به يې لوبډله هېواد ته بېرته راستنه شي.

ای سي بي با ملي کر کټ بورډ اداره تر دې مهاله پورې د يادو لوبو يا چين ته د کم عمره لوبډلې د تګ په تړاو څه نه دي ويلي. همدا راز د پاکستان ايکسپرېس ورځپاڼې هم دا يادونه نه ده کړې، چې د پاکستان او افغانستان مشترکه لوبډلې افغان لوبغالي به له افغانستان نه ورځي او که په پاکستان کې مېشت افغان کډوال به له دوى سره ځي او هلته به د چينايي ١٩ کلنې کم عمره لوبډلې په وړاندې مشترکه لوبډله جوړوي.

اوس ووخت د دې رارسېدلۍ دۍ چې باید درېواړه هېوادونه په یو مېز سره کیني او خپل سیاسي تعلقلات هم دغسې د کرکټ اونورو لوبو په ترسره کولو سره جوړ کړي ترڅو دغه ګاونډي هېوادونه په سیمه کې په امن او رور ولۍ سره ژوند وکړي او افغانان هم خپل هېواد کې د امن په فضا کې سره ژوند وکړي،

حميد حسن اسیا جام لپاره ټرېننګ پیل کړ

د ملي کړکټ لوبډلې تېز بالر حميد حسن د اسیا جام او نورو سیالیو لپاره تمرینات پیل کړل هغه یو کال په کور کې وو او هيڅ یو نړیوال کړکټ کې ېې برخه نده اخیستې، نوموړي په کابل کې د روزونکو د څار لاندې روزنه اخلي،

هغه د یو شخصي رسنۍ سره په مرکه کې وویل چې په ځان ېې ډېر کار کړۍ دۍ او ۷۰ ٪ فټ دۍ او په راتلونکو دوه هفتو کې به تر ٩٠ سلنه پورې فټ شي.نوموړۍ وايي چې بالنګ يې هم شروع کړې ده او د خپل تکړښت لپاره يې هم هڅې پيل کړي دي او تمرينات کوي.حميد حسن راتلونکي اسيا جام او نړيوال شل اوريز جام کې د ګډون لپاره هيله من دى. هغه وايي چې په لوبډله او اداره باندې بوج نه جوړېږم او نه خپل ځان ته دوکه ورکولى شم، خو کله چې په ځان اعتمادي او باوري شوم، چې څلور اورونه ترسره کولاى شم او لوبه کولاى شم، نو بيا به ادارې ته ووايم چې له ما څخه ټرايل واخلئ.

د افغان کرکټ ټيم د فيټنس ټرېنر عبدالمنان مسعود وايي، چې حميد حسن دې ته چمتو دى چې په راتلونکو سياليو کې ګډون وکړي. هغه وايي چې هيله من دى چې حميد حسن به راتلونکو سياليو ته چمتو شي.د يادولو وړ ده چې حميد حسن د ټپونو له امله ونه شول کولاى چې د نورو لوبغاړو په څېر په ملي لوبډله کې په پرلپسې ډول ولوبېږي، هغه د افغانستان يو له چټکو توپ اچونکو څخه دى چې افغانستان ته يې ډېرې برياوې راوړي دي.

ډېر وخت بعد نوموړى د ٢٠١٩ نړيوال شل اوريز جام کې د افغانستان لپاره ولوبېده، خو وې نه شول کولاى چې ټولې لوبې ترسره کړي او وروستۍ لوبه يې د پاکستان پر وړاندې ترسره کړه، چې هلته هم په نيمه کې له لوبې څخه بهر شو.حميد حسن د دغه لوبې څخه وروسته له نړيوالو يو ورځنيو لوبو څخه استعفا ورکړه او وې ويل چې يوازې په نړيوالو شل اوريزو لوبو کې به لوبېږي.

او د ورلډ کپ جام وروسته افغانستان له بنګله دېش، زمبابوې، ويسټ انډيز او ايرلېنډ سره سيالۍ ترسره کړې، خو حميد حسن پکې ګډون نه درلود.٣٣ کلن حميد حسن د افغانستان لپاره په ٣٨ يو ورځنيو او ٢٢ شل اوريزو لوبو کې ګډون کړى دى، چې په يو ورځنيو لوبو کې يې ٥٩ او په شل اوريزو لوبو ک يې ٣٢ ويکټې ترلاسه کړې دي.

حميد حسن نړيواله يو ورځنۍ وروستۍ لوبه په ٢٠١٩ کال کې د پاکستان پر وړاندې ترسره کړې وه، خو نړيواله شل اوريزه وروستۍ لوبه يې بيا په ٢٠١٦ کال کې د ويسټ انډيز پر وړاندې ترسره کړې وه.

د حمید حسن په څېر باید کرکټ بورډ هغه کمسان ملي أوبډلې ته راولي ترڅو چې نړیوال جامونو کې او اسیا کپ کې ښه وځليږي د حميد حسن یو داسې بالر دۍ چې تل ېې افغانستان ته ښه پرفامنس ښودلۍ دۍ باید ټولو نړیوالو لوبو کې ولوبول شي، نوموړي ته باید سم ټرېننک ورکړۍ شي ترڅونور هم سم پرفامنس وښايي،

بازې سیاستوال او پخواني د کرکټ ادارې چارواکي کرکټ بربادول غواړي

د کرکټ بورډ اداره چې پخوا ېې ښه لاسته راوړنې لرلې په نړیوواله کچه ښه ټيم وود او د دغه ادارې چارې په سمه توګه روانې وې خو اوسمهال دغه اداره د سیاست ښکار شوې ده که څه هم دغه اداره مسلکې اداره ده خو په اوسمهال د سیاست ښکار شوې ده،

په افغانستان کې د اوسنو ټولو ناخوالو تر څنګ کرکټ یواځینۍ برخه ده چې افغانانو ته ډېرې خوشالۍ ورکوي، په ملت جوړونې،سوله او ثبات کې د کرکټ رول تر بل هر څه خه دي . نن سبا د افغانستان خلک له کرکټ سره خورا ډیره علاقه لري، یو وخت داسې و چې یواځې ډير کم خلک او هغوی چې پاکستان کې وو په کرکټ پوهېدل، ستاسو ښه یادیږي د ۲۰۱۰ کال د مخه به مو د افغانستان د لوبو ننداره په کریک انفو یواځې د سکور لیدل و.

د داسې وخت وو چې څو افغان لوبغاړو به په نشت امکاناتو د افغانستان ټیم د ودې او پرمختګ لپاره په نیو جرسي، ارجنټاین، پپو ګینو او نورو هیوادونو کې لوبې کولې.د هغه وخت کیسې چې واورئ نو تعجب به وکړئ. افغانستان کرکټ چې نن چېرته قرار لري دا دهغه نه سټړکېدونکو هلو ځلو برکت دی.له دې هېڅوک سترګې نشي پټولی چې د کرکټ په برخه کې افغانان په لنډ وخت کې تر بل هر هیواد ډیرې لاسته راوړنې لري، چې ددغه لاسته راوړنو کرېډیټ لوبغاړو او هر هغه چاته ګرځي چې د کرکټ لپاره یې کار کړی او زیار یې ایستلی دی.

یاده اداره د هرې بلې ادارې په رقم په مختلفو وختونو کې مختلفې ستونزې درلودل خو په ټوله کې دغه مشکلاتو د هیواد کرکټ په پرمختګ خاص منفي اغیز نه درلود، خو کله چې د هیواد کرکټ غیر متوقع پرمختګ وکړ، لوبې یې وګټلې، په نړیوالو فلټفارمونو راښکاره شول نو د افغانستان سیاسیونو علاقه هم ورسره ډیره شوه، هر چا غوښتل په کرکټ بوړد کې نفوذ ولري، له لوبغاړو او کرکټ ادارې مشرانو سره اړیکې وپالي او دې چارې په کرکټ بوړد کې سیاسې مداخلې ته لاره هواره کړه.

که مونږ اوګورو نن سبا یو ځل بیا ځېنې ځينې کسان د یو شمېر سیاسیونو په مرسته چې د کرکټ بورډ د پخوانیو چارواکیو مشورې هم ورسره دي، هڅه کوي د کرکټ بورډ په مشرتابه کې بدلون راولي چې دا د افغانستان کرکټ او د کرکټ راتلونکي ته ښه پیغام نه ی.

د کرکټ بوړد په اداره او رهبرۍ کې تغییر راځي دوه عمده تاوانونه به لري، لومړی دا چې پخواني امتحان شوي چارواکي چې په رسمي لوبو کې به یې ځان سره د کورنۍ لسګونه غړي د بورډ په بودیجه بهر ته د چکر لپاره بیول، یو ځل بیا کرکټ بوړد ته راشي او دوهم دا چې کرکټ بوړد اداره به یو ځل بیا د سیاسي معاملو لپاره وکاریږي چې په دواړو صورتونو کې یې تاوان یواځې د افغانستان کرکټ ویني.

اوس وخت د دې رارسېدلۍ دۍ چې ټول چارواکي او سیاسیون باید د کرکټ نه لاس وواخلي او دغه اداره مسلکي خلکوته پرېږدي،ترڅو دغه اداره په سمه توګه فعالیتونه وکړي او افغانستان ته ویاړونه راوړي ځکه دغه یو واحده اداره ده چې افغانستان خلکو ته خوشالۍ راوړي عام وګړي ېې په شوق ګوري او سات تیري کوي،

پي سي بي: ایشیا کپ په خپل وخت په يو اې اي یاسريلانکاکې ترسره کېږي

پي سي بي وايي ایشیا کپ په خپل وخت په يو اې اي یاسريلانکاکې ترسره کېږي د کورونا ويروس له امله په ټولې دنیا کې د نورو چارو تر څنګ کرکټ باندې هم تاثیر شوۍ ، چې په دې لړ کې د اسيا جام په تړاو هم وروستۍ پرېکړه نه ده شوې چې ايا دا جام به ترسره شي او که نه او چېرته به ترسره شي.

د پي سي بي (سي اي او ) وسيم خان ويلي چې دټا کل شوي وخت سره سم اسيا کپ به سرېلانکا يا اماراتو کې وشي .وسيم خان هغه ګنګوسې رد کړې چې د ای پي ايل په لاره اچولو لپاره ممکن اسيا کپ لغو شي. ” اسيا کپ به د جدول سره سم مخ ته لاړ شي.پاکستان کرکټ لوبډله د سيپتمبر په دوهمه له انګلينډ نه راستنېږي,مونږ په سيپتمبر يا اکتوبر کې اسيا کپ تر سره کولای شو” نوموړي دغه څرګندونې له رسنيو سره په خبرو کې وکړې.

نوموړي زیاته کړه ځينې شيان شته چې په خپل وخت به مالوم شي.سرېلانکا د کرونا مثبتې پېښې کمې لري مونږ هيله مند يو ياد ټورنمنټ سرېلانکا کې تر سره شي خو که هغوی ونشو کولای نو متحده عربي امارات اماده دي ”

د دې نه مخکې ګونګوسۍ وې چې د هندوستان کرکټ بورډ کوشش کوي د ای پي ايل د تر سره کېدو لپاره سږني اسيايي جام لغو شي خو بل خوا د پاکستان کرکټ بورډ هڅه کوي ياد جام تر سره شي. دا چې د اسيا کپ برخليک به څه ډول شي راتلونکو څو ورځو کې به مالومه شي.

ګاونډي هېواد پاکستان د ٢٠٢٠ کال اسيا جام کوربه دى، خو د کورونا ويروس له امله دوى سريلانکا ته وړانديز کړى دى چې د اسيا جام کوربه توب دې وکړي. پاکستان کرکټ ملي لوبډله د جون په ٢٨مه نېټه انګلستان ته ځي، چې له انګلستان سره تر لوبو وروسته به د سپتمبر مياشت په لومړۍ اونۍ کې بېرته پاکستان ته راستانه شي او وسيم خان هيله من دى چې له هغه وروسته به دوى اسيا جام ترسره کړي.

خو بل لوري ته بيا د هند کرکټ بورډ دې ته هيله من دى چې سږکال به د هند تجارتي ليګ (اى پي ايل) ترسره کړي او د هند کرکټ بورډ چارواکو داسې هم ويلي دي، چې که دوى په دې وتوانېدل چې په سپتمبر او اکتوبر مياشتو کې د اى پي ايل ترسره کېدو لاره برابره شي، نو دوى به د اسيا جام پر ځاى اى پي ايل ته اهميت ورکړي، دوى همدا راز د نړيوال شل اوريز جام د نه ترسره کېدو غوښتنه هم کړې ده.

همدارنګه د هند او پاکستان ترمابین په پاکستان کې د اسيا جام ترسره کېدو په تړاو هم ډېرې لانجې وې، هند ويل که اسيا جام په پاکستان کې ترسره کېږي، نو دوى پکې ګډون نه کوي، خو اوس خبره د اى پي ايل، اسيا جام او نړيوال شل اوريز جام ده، چې هند غواړي د دغه جامونو پر ځاى اى پي ايل ترسره کړي.

د یادونې وړ ده څه موده وړاندې افغانستان کې هم اوازې وې چې ښايي چې بازې چامونه یا سیالۍ ځنډ سره مخ شي بازې سرچينیو ویلي وو د کرونا له امله به لوبې ځنډ سره مخ شي خو اوس بیا اې سي بي ویلي چې شايي د شپږيزې پریمیر لیګ ژر په خپل ټاکل شوي وخت تر سره شي،

د ننګرهار والي د راشد خان کوربه وو

د هېواد کرکټ ملي ټيم مشهور ورو توپ اچونکي راشد خان د ننګرهار والي شاه محمود مياخېل سره ملاقات وکړ،د ننګرهار والي شاهحمود میاخیل د راشد خان کوربه وو او نومووړي لوبغاړي ته ېې ملمستیا کړې وه

د ننګرهار ولايت مقام مطبوعاتي دفتر له لوري په خپره شوې خبرپاڼه کې راغلي وو ، چې د ننګرهار والي شاه محمود مياخېل د جلال اباد ښاروالۍ په مېلمستون کې له راشد خان سره وليدل.شاه محمود مياخېل يو ځل بيا راشد خان ته د هغه د مور د مړينې له امله د تسليت او ډاډګيرنې مراتب وړاندې کړل، همدا راز يې په ننګرهار ولايت کې کرکټ ته دپرمختګ ورکولوپه اړه بېلا بېلو موضوعاتو خبرې وکړې.

دجلال آباد والي وياند په يو بل پوسټ کې بيا له راشد خان سره عکسونه خپاره کړي دي او ليکلي يې دي، چې ننګرهار والي راشد خان او د هغه کورنۍ ته نن مېلمستيا کړې وه.د يادولو وړ ده چې د ملي لوبغاړي راشد خان مور څو ورځې مخکې په جلال اباد کې د ورپېښې ناروغۍ له امله ومړه، چې لومړۍ جنازه يې په جلال اباد کې او دويمه جنازه يې په اچين ولسوالۍ کې ترسره شوه او هماغلته خاورو ته هم وسپارل شوه.

د نوموتې پلير راشد خان د مور د مړينې له امله په جلال اباد کې دى، چې له دې مخکې نوموړى په کابل کې په تمريناتي کمپ کې و، چې شاوخوا ١٧ ورځې مخکې پيل شوى دى او يوه مياشت دوام به کوي.د راشد خان د مور په مړينه نه يوازې دا چې د ملي لوبډلې لوبغاړو، چارواکو او هېوادوالو له هغه سره غمرازي وکړه، بلکې ځينې نوموتو بهرنيو لوبغاړو هم له هغه سره په دې ورځ غمرازي ښکاره کړه.

د یادونې وړ ده د ننګرهار الي په څېر باید ټول سیاسي او دولتي چارواکي د دغسې مشهورو او قومي پلیرانو ستاینه وکړي او د هغويي په غم کې ځان شریک وګڼړي ترڅو دغه نیشنل پلیران لا نور هم وځلیږي او افغانستان ته نور ویاړونه هم راوړي

راشد خان د ملي ټيم په ۲۰ اوریزه او ۵۰ اوریزه لوبو کې لوبيږي اوافغانستان لپاره اکثره لوبو کې ښه پرفامنس ښايي نوموړۍ د اي سۍ سۍ لووبو ترڅنګ هند تجارتي لیګونو کې هم لوبيږي او د افغانستان په پلیرانو کې تر ټولو نه په زیاتو پیسو اخيستل کيږي دولت باید نوموړۍ نور هم وستايي ترڅو د افغانسنتان أباره نورو لوبو وګټي او د افغانستان نوم په کرکټ کې نور هم وځليږي،

کرکټ بورډ: شپږيزه ټورنمنټ به په اګست کې ترسره شي

د هېواد کرکټ بورډ اداره وايي ، چې په پلان کې لري چې سږکال د شپږيزې کرکټ ليګ سيالۍ د اګست په مياشت کې ترسره کړي.که څه هم د کرونا ویروس له امله د کرکټ په شمول زیات نورې لوبې ځنډول شوي دي،

د کرکټ بورډ ادارې د مۍ مياشتې په مجله کې د شپږيزې کرکټ ليګ د شروع کېدو په اړه خبر ورکړل شوى دى.یادې مجله کې راغلي دي، چې د افغانستان کرکټ بورډ په پام کې لري چې د روان زېږديز کال په اګست مياشت کې د شپږيزې کرکټ ليګ اووم پړاو سيالۍ هم ترسره کړي.

یادې ادارې همدا راز وايي، چې په اوسني حالت کې به د شپږيزې کرکټ ليګ د افغانانو د خوښۍ شېبې زياتې کړي او خلک به په ژوندۍ بڼه د خپلو اتلانو لوبې ننداره کړاى شي.دا په داسې حال کې ده چې د کورونا له امله په ټوله نړۍ کې د کرکټ سيالۍ ځنډېدلي دي، چې د هند ستر تجارتي ليګ اى پي ايل هم د کورونا له امله سږکال تر دې مهاله پورې نه دى ترسره شوى.

بل خوا ته د ويسټ انډيز لوبډله بيا انګلېنډ ته تللې ده او د جولاى په اتمه نېټه به دواړه لوبډلې د درې ټېسټ سياليو لوبلړۍ پيل کړي.همدا راز د افغانستان کرکټ ملي لوبډلې ٢٤ لوبغاړو شاوخوا لس ورځې مخکې په کابل کې يو مياشتينى تمريناتي کمپ پيل کړى دى، چې کرکټ بورډ يې موخه راتلونکي اسيا جام او نړيوال جام ته د لوبغاړو چمتووالى ښايي.

کرکټ بورډ وايي، چې په دې ترننګ کمپ کې به د پلیرانو په بیټنګ ، او بالنګ او همدا راز په تکړښت باندې پوره کار وشي.دوه ورځې مخکې د ملي لوبډلې لوبډلمشر اصغر افغان په خپله يوه مرکه کې دا هم ويلي و، که چېرته د دوى لوبغاړي ښه پرفامنس ښه وو نو کېدایشي د روان کال د اسیا جام پاکستان ته راوړي،

د یادونې وړ ده چې د کرونا ناروغۍ له امله په ټوله نړۍ کې د وړو ټونمنټونو ترڅنګ ګڼ شمېر سیالۍ ځنډېړلي دي او ترسره نشوې، د نورې نړۍ ترڅنګ ګران هېواد افغانستان کې هم د کرونا ویروس ښه په زور کې روانه ده باید د کرکټ اداره دغه وبا هم په نظر کې ونیسي ترڅو د زیاتو انساني فاجعو نه مخنیوۍ وشي په افغانستان کې تر دې دمه ۲۰ -۲۲ زرو نه ریات کسان په کرونا اخته شوي دي،

کرکټ بورډ که دغه ټورنمنټ یا سیالۍ ترسره کوي هم نو باید ځانګړي شرایط ورته وضع کړي لکه تماشیانو کم شمېر په لوبغالي کې پريګدي او د زیاتو خلکو اجازه ورنکړي ترڅو د کرونا ویروس د خپرېدو نه مخنيوۍ وشي او کرونا په کڼټرول کې وساتل شي،

د نړیوال کرکټ مجلې د روانې، يعنې ٢٠٢٠مې لسيزې لپاره غوره لوبغاړي خوښ کړي ، چې په اینده١٠ کلونو کې به دا پلیران په نړيواله کچه لاسته راوړنې لري،په دغه لست کې ۴ افغان لوبغاړي هم شامل دي،

د نړیوال کرکټ مجلې د روانې، يعنې ٢٠٢٠مې لسيزې لپاره غوره لوبغاړي خوښ کړي ، چې په اینده١٠ کلونو کې به دا پلیران په نړيواله کچه لاسته راوړنې لري،په دغه لست کې ۴ افغان لوبغاړي هم شامل دي،

یاد پليران د ١٥ روزونکو، لوبغاړو، شنونکو او کرکټ پوهانو له نظرونو سره سم انتخاب شوي دي. په دې لوبغاړو کې د افغانستان نور احمد، ابراهيم ځدراڼ، رحمان الله ګربز او قېس احمد شامل دي.

لومرۍ به د ١٥ کلن چپ لاسى ورو توپ اچونکى نور احمد باده وکړو چې د افغانستان ١٩ کلنې کم عمره ځوانانو لوبډلې کې لوبېدلى دى، هغه مهال نوموړى ١٤ کلن و. نوموړي په خپله دويمه لوبه کې د ٣٠ منډو په بدل کې ٤ لوبغاړي سوځولي و، همدا راز په ٢٠١٩ کال کې د شپږيزې کرکټ ليګ د مس عينک اتلانو لوبډلې لپاره هم لوبېدلى و.د نور احمد د خوښې لوبغاړى راشد خان دى او هغه غواړي چې د نړۍ غوره توپ اچوونکى شي. د نور احمد د خوښې لوبه بيا د افغانستان او پاکستان ١٩ کلنو ځوانانو ترمنځ د ٢٠٢٠ ١٩ کلنو کم عمره ځوانانو نړيوال جام لوبه وه، چې نوموړي پکې د ٣٢ منډو په بدل کې ٢ لوبغاړي سوځولي و.د افغانستان کرکټ ډايريکټر انډي مولز د هغه په اړه وايي، چې نور احمد يو لوبه ګټونکى لوبغاړى دى، په ځانګړې توګه هغه په ميډل اورونو کې ويکټې اخلي چې دا ډېرې مهمې دي.

بیا ١٨ کلن ابراهيم ځدراڼ چې د افغانستان يو تکړه توپوهونکى، بلکې هيټر دى، د هغه د توپوهنې تخنيک هغه لا پياوړى توپوهونکى ثابتوي. نوموړي دوه ځلې د ١٩ کلنو کم عمره ځوانانو نړيوال جام کې ګډون کړى دى او همدا راز د بنګله دېش پر وړاندې يې خپله لومړۍ ټېسټ لوبه هم تېر کال ترسره کړه، چې ٨٧ منډې يې وکړې او د افغانستان په بريا کې يې برخه واخيسته. ابراهيم ځدراڼ بيا په کرکټ کې خپل اتل خپل تره نور علي ځدراڼ ګڼي.

١٨ کلن رحمان الله ګربز دا وړتيا لري چې په ٣٦٠ درجه توپوهنه وکړي، هغه په ځانګړې توګه د شل اوريزو لوبو لپاره جوړ لوبغاړى دى. تېر کال نوموړي د ويسټ انډيز پر وړاندې په زړه پورې توپوهنه ترسره کړه، همدا راز د بنګله دېش پريمئير ليګ کې نوموړي په ١٨ توپونو باندې پنځوسيزه ووهله.رحمان الله ګربز په لوبغاړو اې بي ډيويليرز د خپلې خوښې لوبغاړى ګڼي،

١٩ کلن قېس احمد چې ليګ سپينر دى، هغه د نړۍ په بېلا بېلو تجارتي ليګونو کې ځان ثابت کړى دى چې څومره ښه او غوره توپ اچوونکى دى، همدا راز د ايرلېنډ پر وړاندې په خپله لومړۍ شل اوريزه لوبه کې، چې د روان کال په مارچ کې ترسره شوه، نوموړي د ٢٥ منډو په بدل کې ٣ لوبغاړي وسوځول.هغه د خپلې خوښې لوبغاړى ويراټ کوهلي ګڼي او دا يې هيله ده چې د افغانستان لپاره په ټولو بڼو کرکټ لوبو کې ولوبېږي.

د يادولو وړ ده چې د کرکټ مجلې په دغه ليکنه کې د نورو هېوادونو ١٦ لوبغاړي هم غوره شوي دي، چې دا لوبغاړي يې د روانې لسيزې راتلونکي غوره لوبغاړي ګڼلي دي، خو موږ له دې برخې څخه يوازې د افغانستان دغه څلور لوبغاړي راواخيستل.

د افغانتستان کرکټ بورډ ته هم پکار دي چې یاد لوبغاړي باید وستايي ترڅو دغه لوبغاري د افغانستان لپاره نور ویاړونه هم راوړي ځکه که مونږ اوګورو دغه لوبغاړو د پخوا نه هم پرفامنس خه وو نو باید په ټولو ټورنمنټونو کې ولوبول شي،او د افغانستان لپاره د لا ویاړ سبب وګرزي،

د کرکټ نوۍ انداز به څنګه وي ؟

ټي ټونټي. سوپر سيکسز، دي هنډرد او لس اوريزه ليګ نه بعد په کرکټ کې د لوبې يوه نوې انداز هم پکې شامل شوۍ دۍ،اوس به د دوو پر ځاۍ درې لوبډلې په مېچ کې لوبېږي د دغې رلز له مخې به درې لوبډلې سره یو کيږي او هغې نه بعد به لوبه پیل کوي،

د افريقا کرکټ ادرې تهري ټي سي بڼه، يعنې تهري ټيم کرکټ بڼه وړاندې کړې ده، چې په دې کې به د دوه لوبډلو پر ځاى درې لوبډلې په يوه لوبه کې ګډون کوي او هره لوبډله به اته اته لوبغاړي لري.

ددغه هېواد کرکټ بورډ له مخې د دې ډول اوله لوبه به د جون په ٢٧مه نېټه د اې بي ډيويليرز، کاګيسو رباډا او کوانټين ډي کوک په لوبډلمشرۍ د درې لوبډلو ترمنځ ترسره شي. په دې لوبه کې به د سويلي افريقا ٢٤ لوبغاړي ګډون کوي، دا به ٣٦ اوره لوبه وي، چې ١٨ اورونه به په لومړۍ نيمايي کې او ١٨ اورونه به په دويمه برخه کې ترسره کېږي.

د کرکټ نوې بڼه

هر ټيم به اته اته لوبغاړي لري او ١٢ اورونه توپوهنه به کوي. له ١٢ اورونو څخه به ٦ اورونه په لومړۍ برخه کې ترسره کوي او پاتې ٦ اورونه به په دويمه برخه کې د بلې لوبډلې پر وړاندې ترسره کوي.

که چېرته د يوې لوبډلې ٧ لوبغاړي وسوځېدل، نو اتم لوبغاړى به يوازې توپوهنه کوي، خو هغه به يوازې څلوريزې، شپږيزې او دوه منډې ترلاسه کوي.دا انداز سره خلکو بلد تیا نشته چې کله پیل شي او خلک ېې مستقیم او د ټي وي له لارې اوګوري نو بیا به ورته تجربه ورته وشي،

مېچ کې به ټيم په درې پوزيشنو کې وي، د توپوهنې برخه، د توپ اچونې برخه او ډګ اوټ برخه. په لومړۍ برخه کې به کومه لوبډله کومه دنده ترسره کوي، د دې لپاره به پچه اچول کېږي او په دويمه برخه کې به بيا د لومړۍ برخې د منډو ترلاسه کولو په حساب هره لوبډله خپل پوزيشن ګوري،

په دې مېچ کې به هرې لوبډلې ته مډالونه ورکول کېږي، خو که چېرته د دوه لوبډلو ترمنځ لوبه مساوي شوه، نو هغوى به بيا سوپر اور ترسره کوي او که چېرته د درې واړه لوبډلو ترمنځ لوبه مساوي شوه، نو بيا به درې واړه لوبډلې د طلا مډال ترلاسه کوي.

کرکټ چې نړۍ کې یوه مشهوره لوبه ده باید اول اي سي سي د کرکټ اندار په اړه د کرکټ مينه والو ته معلومات ورکړي او د سوشل ميډیا په شمول ټي وي او له نورو لارو مينه والو ته اګاهي ورکړي اوبیا په نړیواله سطحه باندې ولووبوي، د بازۍ راپورونو له مخې دغه نوۍ انداز به ډېر هټ شي او شاید خلک ېې ډېر خوښ کړي،

د نړيوالو شل اوريزو لوبو کې زیاتې منډې کومو لوبغاړوجوړې کړي؟

دکرکټ نړيوالوټي ټونټي سياليو له شروع کېدو سره سم چټکې توپوهنې ته هم ځانګړې پاملرنه وشوه او بۍټسمنان هڅه کوي چې په ټي ټونټي سياليو کې تر نورو ډېره چټکه توپوهنه شروع کړي،ټي ټونټي چې اکثره لوبغاري پکې تېزه لوبه کۍ پکې او اکثره د اسیا توپوهونکي پکې په اول نمبر باندې دۍ،

هغه لوبغاړوزکر کوو، چې په نړيوالو شل اوريزو سياليو په يو کال کې يې ډېرې منډې ترلاسه کړې وي.د ايرلېنډ لوبغاړي په دې برخه کې تر نورو مخکې دى او پال سټرلينګ بيا په نړيوال شل اوريزو لوبو کې تر نورو لوبغاړو په يو کال کې ډېرې منډې ترلاسه کړې دي.

پال سټرلينګ په ٢٠١٩ کال کې د ٤١.٥٥ په اوسط په ٢٠ لوبو کې ٧٤٨ منډې ترلاسه کړې دي، چې په ١٤٠.٦٠ سټرايک رېټ يې توپوهنه ترسره کړې ده.دا په يو کال کې د يوه توپوهونکي له لوري تر ټولو زياتې منډې دي. همدا راز ورپسې هم د ايرلېنډ کيوين اوبراين راځي، چې هغه هم په ٢٠١٩ کال کې په ٢٣ لوبو کې ٧٢٩ منډې ترلاسه کړې دي، د نوموړي اوسط ٣١.٦٩ دى او سټرايک رېټ يې ١٥٥.٤٣ دى.

د نيدرلېنډز مېکس اودود بيا دريم هغه توپوهونکى دى چې په يو کال کې يې ډېرې منډې ترلاسه کړې دي. نوموړي په ٢٠١٩ کال کې په ٢٤ لوبو کې ٧٠٢ منډې ترلاسه کړې دي، چې ٢٩.٢٥ يې اوسط او ١٢٠.٨٢ يې سټرايک رېټ دى. د هند شيکر دهون بيا په ٢٠١٨ کال کې په ١٨ لوبو کې ٦٨٩ منډې ترلاسه کړې دي او د هند لوبډلمشر ويراټ کوهلي بيا په ٢٠١٦ کال کې په ١٥ لوبو کې ٦٤١ منډې کړې دي.

همدا راز د نيدرلېنډز بين کوپير په ٢٠١٩ کال کې په ٢١ لوبو کې ٦٣٧، د ايرلېنډ انډي بالبيرني په ٢٠١٩ کال کې په ٢١ لوبو کې ٦٠١، د هند روهيت شرما په ٢٠١٨ کال کې په ١٩ لوبو کې ٥٩٠، د پاکستان فخر زمان په ٢٠١٨ کال کې په ١٧ لوبو کې ٥٧٦، د پي اېن جي ټي پي اورا په ٢٠١٩ کال کې په ١٧ لوبو کې ٥٧٢ منډې ترلاسه کړې دي.

د ګاونډي هیواد پاکستان بابر اعظم بيا په ٢٠١٨ کال کې په ١٢ لوبو کې ٥٦٣، د نېپال پي کړکا په ٢٠١٩ کال کې په ١٨ لوبو کې ٥٤١، د اسټراليا ارون فينچ په ٢٠١٨ کال کې په ١٧ لوبو کې ٥٣١، د سکاټلېنډ مونسي په ٢٠١٩ کال کې په ١٥ لوبو کې ٥٢٦ منډې کړې دي.

همدا رنګه د افغانستان چټک توپوهونکي او ويکټ ساتونکي محمد شهزاد بيا په ٢٠١٦ کال کې په ١٥ لوبو کې ٥٢٠ منډې کړې دي، چې اوسط يې ٣٧.١٤ دى او سټرايک رېټ يې ١٥٢.٩٤ دى،افغانستان هم باید ټي ټونټي سیالیو ته نورهم کار وکړي، ترڅو په نریوالو سیالیو کې افغانستان ته ویاړ راوړي،

د نړيوالو شل اوريزو لوبو کې زیاتې منډې کومو لوبغاړوجوړې کړي؟

د اسټراليا دولت د ورلډ کپ څخه مخکې د کرکټ مينه والو ته ښه زېرى ورکړۍ دۍ،ښايي دغه نړیوال جام په اسټرالیا کې تر سره شي د بازې مینه والو دا ګمان وو چې کېدایشي نړیوال جام ځنډ سره مخ شي او ونشي، خو اوس بازې راپورونه وايي چې احتمال شته چې دغه جام په اسټرالیا کې ترسره شي،

د ميډيا د راپورونوله مخې د اسټراليا حکومت ويلي دي چې د جولاى له مياشتې راهيسې به لوبغالو ته د ١٠ زره کسانو په ورتګ اجازه وي، نړيوال شل اوريز جام بيا د سپتمبر او اکتوبر مياشتو کې په اسټراليا کې پلان شوى دى. د اسټراليا حکومت وايي، په ټولو لوبغالو کې به ټولنيز واټن ساتل کېږي او ٢٥ سلنه مينه وال به وکولاى شي چې لوبغالو ته لاړ شي او له نږدې څخه لوبې وګوري.

د يادولو ده چې له دې مخکې د اسټراليا د لوبو وزير رچرډ کال بېک ويلي و، چې په اسټراليا کې پلان شوى نړيوال شل اوريز جام به په خپل وخت ترسره کوي او هر ډول ترتيبات ورته نيولى شي. نوموړي رسنيو سره په خبرو کې ويلي و، چې وضعيت ډېر په چټکۍ سره ښه کېږي او د نړيوال شل اوريز جام ترسره کولو ته هيله من دى، هغه ويلي و چې په لوبغالو کې به محدود شمېر تماشچيان هم پرېږدي.

ټي ټونټي ورلډ کپ چې سږ کال په اسټراليا کې د اکتوبر له ١٨مې بيا د نومبر تر ١٥مې پورې پلان شوى دى، په دې جام کې به ١٦ لوبډلې ګډون کوي، همدا راز د ٢٠٢١ کال نړيوال شل اوريز جام کوربه بيا هند دى.او ښايي دغه سیالۍ په هند کې وشي ځکه ترهغه وخت پورې به د کرونا ویروس له منځه تلۍ وي،

ياده دې وي چې اى سي سي د نړيوال شل اوريز جام ترسره کولو يا نه ترسره کولو په اړه خپله پرېکړه ځنډولې ده، د دې جام په اړه د اى سي سي په راروانه غونډه کې پرېکړه کېږي، چې په راتلونکې مياشت کې به دغه غونډه ترسره شي.

د نورې نړۍ ترڅنګ افغانستان هم ډېر د کرکټ مینه وال لري افغانان هر ورلډ په غټو سکرینونو ګوري دويي په کورونو کې هم څانته ټي وي ګان لګولي دي غټ او واړه ټو ل د کرکټ ننداره کوي که مونږ اوګورو افغانستان کې داخلي ټورنمنټونو کتلو أباره لوبغالو ته زي،

د یادونې وړ ده چې د کرونا ویروس له امله افغانستان کې هم د کرکټ په شمول د نورو لوبو سیالۍ ځنډیدلي دي او ښايي دغه سیالۍ د کرونا ویروس د ختمېدو پورې ترسره نشي افغانستان کې د نورو مقامي ټورنمنټونو ترڅنګ هر کال د شپيګېزې سیالۍ ترسره کيږي کوم چې ځنډ سره مخ دي،