راشد خان ١٣ ورځولپاره اسټرالیا کې قرنطیین شو

راشد خان ١٣ ورځولپاره اسټرالیا کې قرنطیین شو.دکرکټ ملي ټيم مشهور سپېنر راشد خان تېره ورځ اسټراليا ته لاړ، چې نوموړى د اسټراليا په سډني ښار کې د ١٤ ورځو لپاره کرنټين شوى دى.نوموړی به کرنطین نه وروسته به هلته خپل کارونه پر مخ ویسي.

ښاغلی راشد د متحده عربي اماراتو د دوبۍ ښار څخه د اسټراليا سډني ښار ته لاړ، چېرته چې د ١٤ ورځو له کرنټين وروسته به نوموړى له خپلې لوبډلې سره يو ځاى شي.هغه د بيګ باش سياليو کې د اډلايډ سټرايکرز لوبډلې لپاره لوبېږي.د کورونا په راتلو سره د کرکټ سياليو ته هم دا نوې اضافه شوې ده، چې هر ځاى د سياليو څخه مخکې لوبغاړي کرنټين کېږي، راشد خان به هم د ١٤ ورځو لپاره کرنټين وي.ځکه دا ددغه ځاۍ قانون د چې څوک چې خارج نه ورشي نو اول باید کرنطین شي او بیا به ورته د بیرون اجازه ورکول کیږي.

په ورلډ T20 لوبو کې د نړۍ غوره توپ اچونکى راشد خان په دې وروستيو کې په متحده عربي اماراتو کې د اى پي ايل سياليو کې ولوبېده. هغه د سنرايزرز حېدراباد لوبډلې لپاره لوبېده، چې په ١٦ لوبو کې يې ٢٠ ويکټې ترلاسه کړې او همدا راز د سږکال تر ټولو غوره اقتصادي توپ اچونه يې هم ترسره کړه.په اى پي ايل کې له راشد خان پرته محمد نبي او مجيب الرحمان هم لوبېدل، همدا راز دواړه په بيګ باش کې هم اخيستل شوي دي، خو دوى افغانستان ته راستانه شو او راشد خان د اى پي ايل ختمېدو وروسته هم په متحده عربي اماراتو کې پاتې شو.

راشد خان له متحده عربي اماراتو څخه نېغ اسټراليا ته لاړ.په بيګ باش سياليو کې د راشد خان پرته محمد نبي او نور احمد لکڼوال د ميلبورن رينيګاډز، مجيب الرحمان د بريسبين هيټ او ظاهر خان د ميلبورن سټارز لوبډلې اخيستي دي.نوموړی وايي چې خوشاله دی چې د دغو سیالیو برخه دی.

د بيګ باش سيالۍ سږکال د دسمبر په ١٠مه نېټه پيلېږي، چې د فبرورۍ تر ٦مې نېټې پورې به دوام وکړي. د بيګ باش لومړۍ لوبه به د هوبارټ هوريکنز او سډني سيکسرز لوبډلو ترمنځ ترسره شي.هغه وايي چې کوشش به وکړي چې دغه سیالیو کې ښه لوبه وکړي او ښه لاسته راوړنې هک ولري. د هغه لوبه په مړی کې مشهوره ده او هر ځاۍ کې چې لوبیږي نو ښه پرفامنس شو کوي.

دافغانستان دکرکټ ملي لوبډلې د پاکستان لومړي وزیر عمران خان سره لیدلي دي

د افغانستان دکرکټ ملي لوبډلې د پاکستان لومړي وزیر عمران خان سره لیدلي دي دپاکستان لومړى وزير عمران خان پرون کابل ته په رسمي سفر راغلى وو. چې د نورو سياسي چارواکو ترڅنګ د افغانستان کرکټ ملي لوبډلې لوبغاړو هم له هغه سره ليدل کتل شوي دي.

د هېوادمي کرکټ لوبډلې لوبډلمشر اصغر افغان په دې ملاقات کې عمران خان ته هغه بېټ هم ډالۍ کړ، چې افغان لوبغاړو پرې لاسليکونه کړي ول پاکستاني ميډیا وايي، چې افغان لوبغاړو له لومړي وزير عمران خان نه غوښتنه کړې ده، چې د افغانستان او پاکستان ملي لوبډلو لوبلړۍ دې جوړکړي.داېکسپرېس نيوز وېبپاڼې په يو راپور کې ليکلي دي د افغانستان کپتان اصغر افغان د لومړي وزير عمران خان نه غوښتنه وکړه چې د پاکستان او افغانستان لوبډلو ترمنځ لوبلړۍ دې برابره کړي.

هغه وويل چې د پاکستان او افغانستان ترمنځ يوه دوستانه لوبلړۍ پکار ده، چې په ځواب کې ورته لومړي وزير وويل، چې زما هم دا خوښه ده، چې د پاکستان او افغانستان ترمنځ ژر يوه لوبلړۍ وشي. په راپور کې ههمدا راز ويل شوي دي، چې عمران خان د افغانستان کرکټ لوبډلې ستاينه وکړه او وې ويل، چې په اوسني وخت کې افغان لوبډله ډېر ښه کرکټ کوي.او که همداسې لوبه وکړي نو اینده کې به یو ښه ټیم ترینه جوړشي.

دافغانستان دکرکټ ملي لوبډلې د پاکستان لومړي وزیر عمران خان سره لیدلي دي
دافغانستان دکرکټ ملي لوبډلې د پاکستان لومړي وزیر عمران خان سره لیدلي دي

د هېواد کرکټ بورډ هم په فېسبوکپاڼه کې د پاکستان د لومړي وزير عمران خان سره د لوبغاړو عکسونه نشرکړي دي کرکټ بورډ له دې عکسونو سره ليکلي د افغانستان کرکټ بورډ عمومي رييس ښاغلي فرهان يوسفزي‌ او د ملي لوبډلې لوبغاړو نن د پاکستان له لومړي وزير ښاغلي عمران خان هرکلی وکړ او نوموړي ته يې د افغاني مېلمه پالنې، کلتور او د کرکټ د جذبې له مخې د کرکټ بېټ ډالۍ کړ.

(ACB)بيا د پاکستان سره د لوبلړۍ ترسره کولو يا د عمران خان څخه د لوبو د غوښتنې په تړاو هېڅ نه دي ويلي.د یادولو وړ ده چې د دې نه وړاندې هم د افغانستان او پاکستان میچونه شوي دي په یو میچ کې بیا پاکستان افغانستان ته ماتې ورکړې خو د افغان لوبډلې هم ښه پرفامنس خلکو ستایلۍ وو.

راشد خان چرته دی او څه کوي؟

دملي کرکټ ټيم مشهور سپېنر بالر راشد خان اوسمهال د متحده عربي اماراتو په دوبۍ کې دى، چې هره ورځ خپل تازه عکسونه خپروي.او په اردو او انګلیسي کې ورسره خبرې لیکي. نوموړي تازه یو عکس خپور کړی او په اردو ژبه ېې ورسره ډسکرپشن کې لیکلي چې دا څو دانې راشد دي.

هېره دې نه وي چې ښاغلی راشد د اى پي ايل سياليو له پاى ته رسېدو وروسته افغانستان ته راستون نه شو او هماغلته په دوبۍ کې پاتې شو، نوموړى اوس وزګار دى او له تېرو څو ورځو راهيسې په سوشل ميډیا کې هم ډېر فعاله دى.هغه په انسټاګرام، ټويټر او ټک ټاک کې هره ورځ تازه عکسونه او ويډيوګانې خپروي، چې د هغه مينه وال هم زړه د خلاصه لايکونه ورکوي.راشد يوه تازه سيلفي په ټويټر کې خپره کړې ده، چې د شيشې مخې ته ولاړ دى او شاته يې هم شيشې دي، چې په ټولو شيشو کې ښکاره کېږي.

د نوموړي د عکس نه داسې ښکاري چې هغه په کومه سلمانۍ کې دى او تازه يې ويښتان جوړ کړي دي.راشد خان له دې عکس سره ليکلي دي: ((راشد کے دو آګے راشد، راشد کے دو پيچهے راشد، بولو کتنے راشد؟.)) په اردو ژبې کې د راشد خان د دې ليکلو مطلب دا دى، چې د راشد خان مخکې هم دوه راشد خان دي، د راشد خان شاته هم دوه راشد خان دي، اوس ووايئ چې ټول څو راشد خان دي.

د راشد خان دا عکس چې په ټويټر کې خپور کړى دى، په څو دقيقو کې له دوه زرو څخه زياتو کسانو خوښ کړى دى.او ريټویټ او نر کړی ېې هم دی نوموړی د سوشل میډيا په استعمال باندې هم ښه پوهيږي او هر خت چې پوسټ نشروي نوپه مسلکي ډول ېې نشروي نوموړی په اردو پښتو او انګلیسي ژبه روانې خبرې کولی شي او هر وخت چې پوسټ کوي د همدې ژبو نه استفاده کوي.

د يادولو وړ ده چې راشد خان په بيګ باش سياليو کې د اډلايډ سټرايکرز لوبډلې لپاره لوبېږي او له متحده عربي اماراتو څخه به نېغ هلته لاړ شي. خو بل لوري ته د افغانستان او ايرلېنډ يو ورځنۍ سيالۍ هم د جنورۍ په مياشت کې اعلان شوي دي، چې کرکټ بورډ وايي، په بيګ باش کې لوبېدونکي ټول لوبغاړي به يادو سياليو ته راستانه شي.ا او وه به لوبیږي.

دهوني د کرکټ څخه د استعفا ورکولو وروسته څه کار کوي؟

دهوني د کرکټ څخه د استعفا ورکولو وروسته څه کار کوي د اننډیا کرکټ ملي لوبډلې پخواني کپتان، ويکټ ساتونکي او چټک توپوهونکي مهيندرا سينګ دهوني چې روان کال د اګست په مياشت کې يې له نړيوال کرکټ څخه استعفا اعلان کړه اوس يې د چرګانو يو فارم جوړ کړی او دغه بزنس پر مخ وړي.

د انډین ميدیا د راپورونو په وېنا، مهيندرا سينګ دهوني د (کړک نات) نسل د ډېرو نادرو چرګانو يو فارم جوړ کړى دى، چې د داسې دوه زره چرګانو ارډر يې هم ورکړى دى.د (کړک نات) نسل دا چرګان په اصل کې د هند په مدهيه پردېش ايالت په جبوا ولسوالۍ کې پېدا کېږي، له هغه ځايه به ډېر ژر دا چرګان د مهيندرا سينګ دهوني فارم ته چې جهاړکنډ په رانچي کې جوړ شوى دى، ورسېږي. ويل کېږي د دسمبر تر ١٥مې نېټې پورې به دا چرګان د دهوني فارم ته ورسېږي.او خرڅ ته به برابر شي.

کوم چرګان چې به دهوني پر مخ وړي.چرګانو په اړه ويل کېږي، چې د دې چرګانو غوښه ډېره خوږه وي او په دې کې وازګه او کوليسټرول هم بېخي نه وي.د يادولو وړ ده چې مهيندرا سينګ دهوني د هند کرکټ ملي لوبډلې يو تر ټولو کامياب لوبډلمشر تېر شوى دى، نوموړى يوازينى لوبډلمشر دى چې د اى سي سي درې جامونه يې په خپله لوبډلمشرۍ کې ګټلي دي.

هغه په اى پي ايل کې د چيناى سوپر کنګز لوبډلې لوبډلمشر هم دى، خو سږکال د نوموړي په لوبډلمشرۍ کوم کمال ښکاره نه کړ او په ليګ سياليو کې بهر شوه.د چيناى سوپر کنګز لوبډله چې له تېرو اته يا لس کلونو راهيسې پلى اف پړاو ته تلله، په لومړي ځل ورسره داسې کار وشو، چې په ليګ پړاو کې له مخکې تګ څخه بهر شوه.

  1. دهوني د کرکټ څخه د استعفا ورکولو وروسته څه کار کوي

مهيندرا سينګ دهوني د وروستي ځل لپاره په ٢٠١٩ کال نړيوال جام کې د هند کرکټ ملي لوبډلې لپاره لوبېدلى و.نوموړی د خو اخلاقو خاوند دی او په دې مشهور دی چې نوموړی د هر چا سره نرمه لهجه کې خبرې کوي او هر چا سره غواړي چې ښه انداز کې خبرې وکړي نوموړی د کرکټ په د نیا کې هم ښه لاسته راوړنې لري نوموړی چې به کله د هند لپاره لوبه کوله نو پوره کوشش به ېې کولو چې لوبه وګټي.

د افغانستان کرکټ بورډ ادارې د ملي ټلويزيون سره ١٠ کلن هوکړه ليک لاسليک کړ

د افغانستان کرکټ بورډ ادارې د ملي ټلويزيون سره ١٠ کلن هوکړه ليک لاسليک کړد هېواد کرکټ بورډ او ملي راډيو ټلويزيون ترمابین پرون د افغانستان غوره ليګ د تنظيمولو په برخه کې ١٠ کلن هوکړه ليک لاسليک شو.

د دواړو ادارو دغه غغونډه د کابل په سرينا هوټل کې ترسره شوه، د کرکټ بورډ عمومي رييس فرهان يوسفزي او د ملي راډيو ټلويزيون مشر اسماعيل مياخېل ترمنځ ياد هوکړه ليک لاسليک شو.د کرکټ بورډ له لوري په خپره شوې خبرپاڼه کې ويل شوي: ((فرهان يوسفزي په دغه ناسته کې وويل، افغانستان کرکټ بورډ او ملي راډيو ټلويزيون ګډې موخې لري، له شک پرته د دوو ملي ادارو يو ځاى کېدل به هرو مرو ډېرې لاسته راوړنې ولري.او اینده کې به دواړه ادارې کامیابې وي.

د کرکټ بورډ مشر ښاغلی يوسفزي د دغه غونډې پر مهال ويلي دي، چې د افغانستان شل اوريز غوره ليګ لوبې به يو ځل بيا پيل شي او د کرکټ نړيوالې شورا له لوري زموږ ليګ روڼ بلل شوى او ادارې ته يې د ياد ليګ د لوبو کولو اجازه ورکړې او موږ به وکولى شو چې دغه ليګ په ښه توګه ترسره کړو.خو نوموړي دا نه دي ويلي، چې ياد ليګ به کله ترسره شي او همدا راز سنکسر سره روانه قضيه يې کوم ځاى ته رسېدلې ده.

ملي راډیو ټلویریون مشر مياخېل په ياده غونډه کې ويلي دي، چې له دې وروسته به افغانستان کرکټ بورډ زموږ ستراتيژيک او اوږدمهاله ملګرى وي چې دا دى نن د افغانستان غوره ليګ او شپږيزه کرکټ ليګ تړونونه لاسليک کوو او افغان کرکټ ته به لا ډېر پرمختګ ورکوو.بل لوري ته په ياد تړون سختې نيوکې هم شوې دي، چې د مينه والو تر څنګ د ملي لوبډلې چټک توپ اچونکي شاپور ځدراڼ او د ملي لوبډلې پخواني منېجر شېر اغا همکار په دې تړون سختې نيوکې کړې دي.

  1. د افغانستان کرکټ بورډ ادارې د ملي ټلويزيون سره ١٠ کلن هوکړه ليک لاسليک کړ

هغه ویلي چې دا يو غېر قانوني تړون ترسره شوى دى او همدا راز هېڅ ډول معلومات يې هم له خلکو سره نه دي شريک شوي. دوى په خپلو پوسټونو کې دا هم ويلي دي، چې فرهان يوسفزي د ميليون جام ليګ مخه نيولې ده، چې دوى پکې ډېرو خلکو ته د عايد زمينه برابره کړې وه.هغه وايي چې اوسنی د کرکټ بورډ مشران د کرکټ په منجمنټ کې ناکام راغلي دي.

د روان کال IPL د راشد خان لپاره تر ټولو غوره، خو د نبي او مجيب لپارهښه نه وو

د روان کال IPLد راشد خان لپاره تر ټولو غوره، خو د نبي او مجيب لپاره ښه نه وود IPL ٢٠٢٠ کال پړاو کې هم درې افغان لوبغاړي راشد خان، محمد نبي او مجيب الرحمان ولوبېدل، که يو لوري ته دا پړاو د راشد خان لپاره تر ټولو غوره پړاو و، نو بلخوا ته بيا د محمد نبي او مجيب لپاره ښه نه وو

د راشدارمان لپاره غوره ځکه و، چې د خپلې لوبډلې په ټولو لوبو کې يې ګډون وکړ، خو نورو دوه لوبغاړو ته بيا ډېر چانس ورنه کړل شو.راشد خانراشد خان چې د سنرايزرز حېدراباد لوبډلې لپاره لوبېده، په ياده لوبډله کې يو مهم لوبغاړى و او د حېدراباد په ټولو ١٦ لوبو کې يې ګډون وکړ، چې په ځينو لوبو کې ډېر ښه وځلېده.هغه د حېدراباد لپاره تر ټولو زياتې ٢٠ ويکټې هم ترلاسه کړې، نوموړي په يوه لوبه کې تر ټولو ښه توپ اچونه د ٧ منډو په بدل کې ٣ لوبغاړي هم اوټ کړل .راشد خان په عمومي ډول په روان ليګ کې پنځم بالردى

زیاتې ويکټې يې ترلاسه کړې، همدا راز په ورو توپ اچونکو کې بيا دويم توپ اچونکى دى چې ډېرې ٢٠ ويکټې يې واخيستې.د هغه توپ اچونې اوسط هم ډېر ښه و، ځکه د اوسط په برخه کې هم هغه په دريم مقام کې راغلى دى، چې له جسپريت بومرا او جېسن هولډر وروسته يې ١٧.٢٠ اوسط دى.په روان ليګ کې د هغه توپ اچونه تر ټولو اقتصادي توپ اچونه وه، نوموړي په ١٦ لوبو کې ٦٤ اورونه ترسره کړل، ١ مېډن اور يې وکړ، ٣٤٤ منډې يې ورکړې او ٢٠ ويکټې يې واخيستې چې اکانومي يې ٥.٣٧ وه. دا تر ټولو ښه اکانومي ده او په دې برخه کې تر ټولو مخکښ و.

یو مېچ کې هم بيا د راشد خان اقتصادي توپ اچونه تر نورو ټولو ښه وه، دا لوبه يې د ډيلي کاپيټلز پر وړاندې ترسره کړې وه چې په ٤ اورونو کې يې ٧ منډې ورکړې او ٣ لوبغاړي يې وسوځول او اقتصادي توپ اچونه يې ١.٧٥ وه.که په عمومي ډول خبره وکړو، نو د سږکال پړاو د راشد خان لپاره ډېر ښه او غوره پړاو و، چې هغه پکې د حېدراباد لپاره ښه وځلېده او لوبډله يې هم دويم کواليفاير ته رسېدلې وه، چې پرون يې له ډيلي کاپيټلز څخه ماتې وخوړه او پايلوبې ته يې لار پېدا نه کړه.

نبي د افغانستان تجربه کاره الراونډر محمد نبي، چې په نړيوالو شل اوريزو لوبو کې د نړۍ غوره الراونډر او په نړيوالو يو ورځنيو لوبو کې د نړۍ دويم غوره الراونډر دى، سږکال هم د سنرايزرز حېدراباد لوبډلې سره و، خو د هغه لپاره د سږکال سيالۍ بېخونده وې.نوموړى سږکال يوازې په يوه لوبه کې ولوبېده، چې ١١ ناسوځېدلې منډې يې وکړې او په ٤ اورونو کې يې ٢٣ منډې ورکړې، خو کومه ويکټ يې ترلاسه نه کړه.که څه هم هغه په خپله يوازينۍ لوبه کې اقتصادي توپ اچونه وکړه چې اکانومي يې ٥.٧٥ وه، خو حېدراباد په نورو لوبو کې چانس ورنکړ او تر پاى پورې په پويلين کې ناست او لوبې يې ننداره کولې.

مجيب د افغانستان مخکښ ورو توپ اچونکى مجيب الرحمان د تېر کلونو په څېر د کنګز اليون پنجاب لوبډلې لپاره لوبېده، خو د هغه لپاره هم سږکال ډېر ښه نه و.په ٢٠١٨ کال کې نوموړى په ١١، په ٢٠١٩ کال کې نوموړى په ٥ او سږکال هغه يوازې په ٢ لوبو کې ولوبېده، چې کومه ويکټ يې ترلاسه نه کړه.مجيب الرحمان په دوه لوبو کې ٨ اورونه ترسره کړل چې ٨٣ منډې يې ورکړې و د کومې ويکټ په ترلاسه کولو ونه توانېده، هغه په يوه لوبه کې توپوهنې ته م راووت خو يوازې ١ منډه يې ترلاسه کړه.

د ساها کمالي اووارنرتوپوهنې په کومک، حېدراباد ستره بريا ترلاسه کړه

د ساها کمالي اووارنرتوپوهنې په کومک، حېدراباد ستره بريا ترلاسه کړه د ممبۍ انډينز لخوا ورکړل شوى هدف ډيويډ وارنر او وريديمان ساها په خپله زبردسته او کمالي توپوهنه پوره کړ او حېدراباد د ١٠ ويکټو په ستر توپير بريا خپله کړه چې له دې سره پلى اف پړاو ته هم نږدې شو.

بلخوا بیا د کلکته نايټ رايډرز ټيم هيلې هم کم شوې اومخکې لا نړې .د هند تجارتي ليګ يا اى پي ايل ٥٦مه لوبه د ممبۍ انډينز او سنرايزرز حېدراباد لوبډلو ترمنځ په شارجه کرکټ لوبغالي کې ترسره شوه.د لوبې په پيل کې سنرايزرز حېدراباد پچه وګټله او لومړى يې د ممبۍ انډينز لوبډلې ته د توپوهنې بلنه ورکړه.ممبۍ انډينز په ټاکلو ٢٠ اورونو کې د ٨ لوبغاړو په سوځېدو ١٤٩ منډې وکړې، چې له ډلې يې کيرون پولارډ د ٤ شپږيزو او ٢ څلوريزو په مټ په ٢٥ توپونو ٤١، سوريا کمار يادو ٣٦، ايشان کشن ٣٣ او کوانټين ډي کوک ٢٥ رنز جوړ کړل.

پروني میچ کې روهيت شرما هم له انجري وروسته ولوبېده، خو يوازې په ٤ منډو يې خپله ويکټ له لاسه ورکړه.د کنګز اليون پنجاب له لوري سنديپ شرما په زړه پورې توپ اچونه ترسره کړه او ٣ لوبغاړي يې وسوځول، جېسن هولډر او شهباز نديم ٢-٢ او راشد خان بيا ١ ويکټ واخيسته.د ١٥٠ منډو هدف د سنرايزرز حېدراباد لوبډلې پيليز توپوهونکو په ١٧.١ اورونو کې پوره کړ او د ١٠ ويکټو په ستر توپير يې بريا خپله کړه. ډيويډ وارنر د ١ شپږيزې او ١٠ څلوريزو په مټ په ٥٨ توپونو ٨٥ ناسوځېدلې منډې وکړې او وريديمان ساها د ١ شپږيزې او ٧ څلوريزو په مټ په ٤٥ توپونو ٥٨ ناسوځېدلې منډې وکړې.

دغه مېچ د بريا ترلاسه کولو سره سنرايزرز حېدراباد د ١٤ نومرو سره ٣م مقام ته لاړه، چې له دې سره يې پلى اف پړاو سياليو ته هم لار پېدا کړه.د کلکته نايټ رايډرز لوبډله، چې نن د حېدراباد ماتې ته په تمه وه، ټولې هيلې يې مړاوې شوې او د پلى اف پړاو سياليو څخه بهر شوه.د اى پي ايل د ليګ سياليو له پاى ته رسېدو وروسته ممبۍ انډينز د ١٨ نومرو سره په لومړي، ډيلي کاپيټلز د ١٦ نومرو سره په دويم، سنرايزرز حېدراباد د ١٤ نومرو سره په دريم او رايل چېلنجرز بېنګلور د ١٤ نومرو سره په څلورم مقام خپل کړی

کلکته نايټ رايډرز هم ١٤ نومرې لري، خو رن رېټ يې کم دى او په پنځم مقام کې ده.له دوى پرته کنګز اليون پنجاب، چيناى سوپر کنګز او راجستان رايلز لوبډلو بيا ١٢-١٢ نومرې درلودې او ټولې له مخکې څخه د پلى اف پړاو سياليو ته ندی بریالۍ شوې.

د نومبر په ٥مه نېټه به لومړۍ کواليفاير لوبه د ممبۍ انډينز او ډيلي کاپيټلز لوبډلو ترمنځ ترسره شي، همدا راز د نومبر په ٦مه نېټه به ايليمينېټر لوبه د سنرايزرز حېدراباد او رايل چېلنجرز بېنګلور لوبډلو ترمنځ ترسره شوه.ئه کواليفاير ١ کې چې کومې لوبډلې ماتې وخوړه، هغه به کواليفاير ٢ ته لاړه شي او په ايليمينېټر کې چې کومه لوبډله بريالۍ شوه، هغه به په کواليفاير ٢ کې بيا له يادې لوبډلې سره ولوبېږي. د نومبر په لسمه نېټه به د کواليفاير ١ او کواليفاير ٢ لوبډلو ترمنځ پايلوبه ترسره شي

د یادونې وړ ده چې IPL په افغانستان کې تر ټولو خوښونکۍ لیګ دی هر افغان او پښتون ېې هره لوبه په شوق او زوق سره ګوري او خوند ترینه اهلي د IPL په څېر لیګونه افغانستان کې هم تر سره کیږي لکه شپږیزه او میلیون لیګ چې په خوست ښار کې به نږدې راتلونکي کې ترسره شي او خوستیان به ترینه خوند واخلي.که څه هم افغانستان کې د امنیتي ستونزو له امله ډېر مشکلات دي خو بیا هم ولس د کرکټ سره شوق لري او د مېچونو کتلو لپاره ګراونډونو ته زي.

افغان ځوانان: د کرکټ میلیون لیګ سیالۍ باید ژر ترژره پیل شي

افغان ځوانان: د کرکټ میلیون لیګ سیالۍ باید ژر ترژره پیل شي لاریون والو وویل د کرېکټ میلیون لیګ سیالیو ترسراوي ته باید اجازه ورکړل شي او که یې غوښتنه ونه منل شوه بیا به هم د کرېکټ بورډ پر خلاف لاریون ته راووځي.تر څو چې دويي د میلیون لیګ ته د پیلیدو اجازه نه وي ورکړي دويي به لاریون ته ادامه ورکړي.

پلازمینه کابل کې له دې لاریون وړاندې په خوست ولایت کې هم د جنوب لویدیځ زون ځوانانو د کرېکټ بورډ له لوري د میلیون لیګ سیالیو پیلېدو ته د نه اجازې ورکولو پر خلاف لاریون کړی وو.په لاریون کې د خوست او لویې پکتیا ځوانانو له ولسمشر وغوښتل چې د کرېکټ یورډ رییس فرهان یوسفزی محاکمه کړي او کرېکټ وژغوري.خو کرېکټ بورډ بیا په خوست ولایت کې د لاریون سره هم مهاله پر هماغه ورځ اعلامیه خپره کړه چې د میلیون لیګ سیالیو تنظیموونکي دې د دوی شرایط او اصول باید برابر کړي.

د دغه لیګ سیالیو تنیظموونکی د کرېکټ ملي لوبغاړی شاپور ځدارڼ دی چې غواړيپه خوست ولایت کې یې ترسره کړي او د دې لپاره یې له لمر ټلوېزیون سره د نشرېدو تړون هم لاسلیک کړی خو کرېکټ بورډ یې نه پرېږدي او د پیلېدو اجازه نه ورکوي. او له دې سره سره یې پر وړاندې خنډونه او ستونزې هم جوړوي.

اړونده خبرونه: د خوست ولس ددولسمشر نه د کرکټ ژغورلو غوښتنه کړې ده

یادلیګ یو تجارتي ‌لیګ دی او د افغانستان د کرکټ بورډ لیګ نه دی،‌ خو باید د بورډ په اجازه اوهمکاري‌وشي. د دې لیګ له لارې به یو شمېر پانګه وال په لوبو او سالمې تفریح پانګونه وکړي، افغانستان کې به د کرکټ مارکیټ لا ښه شي، یو شمېر لوبغاړو او په خاص ډول داخلي لوبغاړو ته د عاید یوه زمینه برابره شي. افغانان به د څو ورځو لپاره سالمه تفریح وکړي، کرکټ به لا دود، ښه او عام شي. شاید دا لیګ د ځینو ستوریو د پېدا کېدو علت شي او له درې لارې نور خلک هم په کرکټ کې پانګونې ته زړه ښه کړي. نهایتآ، په لیګ کې افغان کرکټ او لوبغاړي هم ګټه ترلاسه کولی شي.

افغان ځوانان: د کرکټ میلیون لیګ سیالۍ باید ژر ترژره پیل شي
افغان ځوانان: د کرکټ میلیون لیګ سیالۍ باید ژر ترژره پیل شي

بلخوا بیا که د عدم اعتراض د سند له لرلو پرته دا لیګ کیږي، د کرکټ بورډ او نړیوالې او اسیا د کرکټ د شوراګانو د اصولو خلاف کار دی. هېڅ یو ملي او نور لوبغاړي چې له بورډ سره قرارداد لري، اجازه نلري چې په لیګ کې ولوبیږي، ښايي دا کار د لیګ رنګ او خوند بیخي خراب کړي. دا به په اینده کې پانګه وال زړه ماتې کړي او کوښښ به نکوي چې په کرکټ پانګونه وکړي، نهایتآ تاوان یې افغانانو ته اوړي.اود عامو وګړو به هم د کرکټ څخه زړه مات شي.

د خوست ولس ددولسمشر نه د کرکټ ژغورلو غوښتنه کړې ده

د خوست ولس ددولسمشر نه د کرکټ ژغورلو غوښتنه کړې ده د پکتیا او خوست ولایتونو  سلګونه ځوانانو خوست کې د افغانستان د کرېکټ بورډ ادارې پر ضد لاریون کړی.او د ولسمشر نه ېې غوښتي چې کرکټ بورډ دې د فساد څخه وژغوري.

د دغه ولایتونو خلکو په ولسمشر اشرف غني غږ وکړ، چې د کرکټ بورډ ملي اداره له پراشوټي ګومارنو څخه وژغوره او د افغانستان عزت وساته.لاریون وال وایي، د ولسمشر له لوري د کرېکټ پر برخلیک لوبې کول موږ ته د منلو وړ نه ده، د ځوانانو هیلې دې نه خاورې کوي، کرېکټ بورډ دې وژغوري او د افغانستان عزت دې وساتي. لاریونوالو دا راز له ځانونو سره بېنرونه راوړي وو او د کرېکټ بورډ د رییس فرهان یوسفزي پر عکس یې سرې کرښې کش کړې وې او له ولسمشر یې غوښتل چې یوسفزی دې محاکمه کړي او کرکټ دې کرېکټرانو ته وسپاري.تر څو دغه اداره رشت وکړي.

اړونده خبرونه: د خوست ولس ددولسمشر نه د کرکټ ژغورلو غوښتنه کړې ده

د دغه لاریون، اصلي لامل یې د کرېکټ بورډ له لوري د میلیون جام سیالیو د ترسراوي ځنډ او د یاد لیګ پر وړاندې د بورډ له خوا د بهانو او خنډونو جوړول دي، او لاریونوال له بورډ غواړي چې د میلیون لیګ سیالیو د ترسراوي اجازې دې ژر تر ژره ورکړي، او په خپله نېټه دې په خوست ولایت کې ترسره شي.دغه لیګ ته د خوست خلک ډېر په تمه دي او وايي چې دې سره به د خوست د خلکو ارمان پوره شي.

د میلیون لیګ سیالۍ چې ټاکل شوې را روانه نومبر میاشت د ملي لوبغاړي شاپور ځدراڼ له لوري په خوست ولایت کې ترسره شي، کرېکټ بورډ یې مخه نیسي.ملي لوبغاړی شاپور ځدراڼ چې د یاد لیګ تنظیموونکی دی، له لمر ټلوېزیون سره یې د لیګ د ترسراوي تړون هم لاسلیک کړی، او خلکو سره ېې شریک کړی هم دی.

د خوست ولس ددولسمشر نه د کرکټ ژغورلو غوښتنه کړې ده
د خوست ولس ددولسمشر نه د کرکټ ژغورلو غوښتنه کړې ده

خو د رسنیو د راپورونو پر اساس د کرېکټ بورډ اداره یې پر وړاندې خنډونه جوړوي او د لیګ د ترسره کېدو مخه نیسي.خوست کې د لاریون سره هم مهاله د کرېکټ بورډ ملي ادارې په یوه اعلامیه کې ویلي چې د لیګ تنظیموونکي باید ټول اصول او پروسې بشپړې کړي. دوی د میلیون لیګ د ترسره کېدو مخالفت نه کوي.خو لا هم د دغه بورډ د پیلیدو نيټه پوره په واضحه ډول نده اعلان شوې.

میلیون لیګ په نومبر میاشت کې پیلیږي

میلیون لیګ په نومبر میاشت کې پیلیږي د افغانستان د کورني کرکټ په چوکاټ کې له شپږیزې کرکټ لیګ وروسته ميليون جام کرکټ ليګ سیالۍ په نومبر میاشت کې خوست ولایت کې تر سره کیږي د دويي په وینا به دا ځل خوست کې پیل شي او بل وار به نورو ولایتونو کې تر سره شي.

د راپورږنو له مخې د میلیون لیګ سیالیو ژوندی بهیر به د لمر ټلویزیون په پرده د کرکت مینه والو ته وښودل شي.د معلوماتو له مخې سږکال د میلیون لیګ سیالۍ د کرکټ ملي لوبډلې د مخکښ چټک توپ اچوونکي شاپور ځدران په نوښت له درې کلن ځنډ وروسته پیلیږي.د سږکال میلیون لیګ لپاره به مناسبې لوبډلې جوړې شي او په پانګه والو به وپلورل شي، د تېرو کلونو په پرتله به سږکال میلیون لیګ په نوې بڼه د ملي لوبغاړو په شتون کې په خوست ولایت کې شروع شوې.

به د دغو سیالیو د ژوندي خپراوي په موخه د لمر ټلویزیون سره تړون هم لاسلیک کړی شي.د شپږیزې کرکټ لیګ په شان به میلیون لیګ ته هم د ډرافټ له لارې لوبغاړي واخیستل شي.میلیون لیګ څو کاله وړاندې په کابل کې د لومړي ځل لپاره پیل شوی و، خو په ۲۰۱۶م کال کې له ځنډ سره مخ شو او په ۲۰۱۷م کال کې د بورډ د وخت چیرمین عاطف مشعل له لوري بیرته اجازت ورکړل شوه .

په ۲۰۱۷ م کال کې د میلیون لیګ څلورم پړاو د عاطف مشعل په وخت کې ترسره شو، خو د مشعل له لیرې کېدلو سره سم یاد لیګ له هغې وروسته تر ۲۰۲۰م کاله پورې له ځنډ سره مخ شو.د میلیون لیګ پنځم پړاو ته سږکال په ۲۰۲۰م کال کې د افغانستان د کرکټ بورډ له لوري هم اجازت ورکړل شوې.او دويي به ډېر ژر دغه ليګ پیل کړي او عام تماشیان ترینه مزه واخلي.

روان کال به د نورو کلونو په توپیر میلیون لیګ سیالۍ په خوست ولایت کې ترسره شي او همداراز به ګڼ شمېر د کرکټ ملي لوبډلې لوبغاړي پکې ولوبیږي.میلیون لیګ په خپل وخت کې د افغانستان د کورني کرکټ د پیاوړي کېدلو لپاره تر تولو غوره سیالۍ وې چې له مخې ډیرو مهمو لوبغاړو پکې خپلې وړتیاوې وښودلې.اس به دا وار ته معلوم شي چې پلیران څومره ښه پرفامنس شو کوي.