اى پي ايل: ممبۍ ټیم نه بېنګلورپه سوپر اور کې لوبه وګټله

اى پي ايل: ممبۍ په بېنګلورپه سوپر اور کې لوبه وګټله د اى پي ايل لوبه ډېره ښه او په زړه پورې وکړه، چې دواړو ټيمونو ٢٠١ منډې وکړې او لوبه سوپر اور راونډ ته اووته چې په سوپر اور کې د رايل چېلنجرز بېنګلور ټيم د ممبۍ انډينز ټیم ته ماتې ورکړه او لوبه ېې وګټله.

د اى پي ايل ١٠مه لوبه په دوبۍ کې د رايل چېلنجرز بېنګلور او ممبۍ انډينز لوبډلو ترمنځ وشوه. په اول کې د لوبې پچه ممبۍ انډينز په خپل نوم کړه او لومړى يې د رايل چېلنجرز بېنګلور لوبډلې ته د توپوهنې بلنه ورکړه.د بېنګلور له لوري ديودت پاډيکال او ارون فنچ توپوهنې ته راووتل او دواړو د ٨١ منډو په زړه پورې ملګرتيا ترسره کړه، چې ارون فنچ د ٥٢ منډو ترلاسه کولو وروسته وسوځېده، همدا راز ويراټ کوهلي توپوهنې ته راغى خو په ١١ توپونو يې يوازې ٣ منډې وکړې او له مېدانه بهر شو.له هغه وروسته اې بي ډيويليرز توپوهنې ته راغى او له پاډيکال سره په ګډه يې د بېنګلور منډې ١٥٤ ته ورسولې، چې پاډيکال د ٥٤ منډو ترلاسه کولو وروسته اووټ شو.

ډيويليرز او شيوام ډوبى په وروستيو اورونو کې چټکه توپوهنه پیل کړه ، چې ډيويليرز په ٢٤ توپونو ٥٥ ناسوځېدلې منډې وکړې او ډوبى په ١٠ توپونو ٢٧ ناسوځېدلې منډې وکړې.رايل چېلنجرز بېنګلور په ټاکلو ٢٠ اورونو کې د ٣ لوبغاړو په سوځېدو ٢٠١ منډې وکړې او د ممبۍ انډينز لوبډلې ته يې د ٢٠٢٠ منډو ستر هدف وټاکه.د ممبۍ انډينز له لوري ټرينټ بولټ ٢ او راهول چاهار ١ ويکټ واخیسته

د ٢٠٢ منډو د هدف په تعقيب د ممبۍ انډينز لوبډلې پيل ډېر سوړ و، لومړى لوبغاړى روهيت شرما و چې د ٨ منډو ترلاسه کولو وروسته وسوځېده، ورپسې سوريا کمار يادو هم په صفر له مېدانه بهر شو او کوانټين ډي کوک بيا يوازې ١٤ منډې وکړې او وسوځېده. هارديک پانډيا هم کوم کمال ښکاره نه کړ او ١٥ منډو ترلاسه کولو وروسته له مېدانه بهر شو.ممبۍ انډينز په ١١.٢ اورونو کې د ٧٨ منډو په جوړولو سره ٤ مهم توپوهونکي اووټ شول.

کشن په ٥٨ توپونو ٩٩ منډې وکړې، چې ٩ شپږيزې يې هم وهلې وې، همدا راز کيرون پولارډ په ٢٤ توپونو ٦٠ منډې وکړې، چې ٥ شپږيزې يې هم ووهلې.ممبۍ انډينز په ټاکلو ٢٠ اورونو کې د ٥ لوبغاړو په سوځېدو ٢٠١ منډې وکړې او د دواړو لوبډلو ترمنځ لوبه مساوي شوه، چې له هغه وروسته سوپر اور ته لوبه لاړه.د رايل چېلنجرز بېنګلور له لوري ايسورو ادانا ٢، واشينګټن سندر، يوژيندرا چاهل او اډم زمپا ١-١ ويکټ واخيستې.

بلخوا بیا په سوپر اور کې د بېنګلور له لوري سنديپ سېني توپ اچونې ته راغى او د ممبۍ له لوري کيرون پولارډ او هارديک پانډيا بیټنګ ته راووتل، پولارډ په لومړي توپ ١ منډه ترلاسه کړه، پانډيا په دويم توپ ١ منډه واخيسته، دريم توپ مس شو، په څلورم توپ پولارډ څلوريزه ووهله او په پنځم توپ پولارډ کېچ شو او له مېدانه بهر شو، شپږم ليګ باى توپ ترسره شو او ممبۍ په اور کې ٧ منډې ترلاسه کړې او بېنګلور ته يې د ٨ منډو ټارګټ کېښود.

په اول بال ډيويليرز ١ منډه وکړه، په دويم توپ کوهلي ١ منډه وکړه ، دريم توپ مس شو، په څلورم توپ ډيويليرز څلوريزه ووهله، په پنځم توپ ډيويليرز ١ منډه وکړه او په شپږم توپ کوهلي څلوريزه ووهله، چې په دې سره يې په سوپر اول لوبه په خپل نوم کړه.

راشد خان دهېواد سېلاب ځپلو لپاره کومکونه راټولوي

اول ځل راشد خان اي پي ایل کې غوره پلیر شود هند یا انډیا کرکيټ په غوره ليګ I P L مشهور سياليو کې پرون په اول ځل افعان لوبغاړی راشد خان د لوبي د غوره لوبغاړي جايزه په خپل نوم کړه. او په دې جایزه ګټلو سره د کرکټ د مینه والو نور هم فیورټ شو

ښاغلی راشد خان په تېره ورځنی میچ کې چې تېر ماښام تر سره شوه په دغه لوبه کې راشد خان د ډهلي پلازمېنې کلپټيلز لوبډلي درې مهم لوبغاړي وسوځول او سنرایزرز حیدراباد لوبډلي ته يې لوبه وګټله. راشد خان په څلورو اورونو کې تر ټولو کمي ۱۲ منډې ورکړې او درې مهم لوبغاړي یې وسوځول.دغه سيالۍ چې تیره شپه په ابوظهبي لوبغالي کې تر سره شوه لومړی د لړبي پچه د سنرایزرز حیدراباد لړبډلي وګټله په ټاکل شوي ۲۰ اورونو کې يې د څلور لوبغاړو په سوځیدو سره ۱۶۳ منډې جوړې کړې ،

خو ډیلي کلپټلز لوبډلي دغه هدف ته ونه رسیده او د ۷ اوه لوبغاړو په سوځيدو یې۱۴۷ منډي وکړي.بايد وويل شي چې د راشد خان تر څنګ نور افغان لوبغاړي محمد نبي او مجيب ځدراڼ هم لوبه کوي چې ډير ښه برفامنس ېې شو کړې. دا هم باید یاده شي چې راشد خان په دې ورستيو کې د کرکيټ د نړيوالي شورا (ICC) له خوا په نړيواله درجه بندۍ کې په لومړي مقام اعلان کړ.

اوس راشد خان په نړيواله کچه په بالينګ کې اول مقام لري.راشد خان په ۱۸۹۸ کال کې زيږدی دی چې لومړي ځل د کرکيت ډګر ته په ۲۰۱۵ زيږديز کال د زمبابي خلاف لوبه تر سره کړه چې په اوله لوبه کې ډير ښه وځليد په ډير کم وخت کې يې نړيوال حيران او ګوته په غاښ کینول.راشد خان تر دې دمه ۴ ټيست، ۷۱ يوه ورځنۍ او ۴۸ شل اوزيزي لوبي تر سره کړي دي.

او د ويکټو شمير يه په ټيسټ کې ۲۳ په يوه ورځنۍ لوبو کې ۱۳۳ او شل اوريزو کې ۸۹ ويکټې خپلې کړي دي.راشد خان په ډير کم وخت کې په ټوله نړۍ کې مشهور شو چې اوس هم د هند په غوره ليګ ای پې ايل کې د سنرايزر حيدر اباد لوبډلي سره لوبه کوي.نوموړۍ یو ښه بالر تر څنګ کله کله بیټنګ کې هم ښه پرفامنس کوي او خپل ټيم ته ویاړونه راوړي.

د هغه په ویل کیږي چې د کورنيو ليګونو په پرتله د تجاراتي ليګونو ډير شوقي دی چې له عمدي امله ګڼو افغانانو ډير ځله پرې سخته نيوکې هم کړيدي.بايد دا هم وويل چې راشد خان د افغانستان په شپږيزه ملي ليګ سياليو کې نه وو بلکي په دوبي کې په يوه تجارتي ليګ کې لوبيد

راشد خان د IPL لوبو لپاره تمریناتو کې برخه واخیسته

راشد خان د IPL لوبو لپاره تمریناتو کې برخه واخیسته د هند تجارتي ليګ یا IPL د ممبۍ انډينز او چيناى سوپر کنګز ترمنځ د اوګد ځنډ وروسته د لومړۍ لوبې په ترسره کېدو سره په متحده عربي اماراتو کې پیل شو.

یاد تجارتي لیګ کط ، راشد خان، محمد نبي او مجيب الرحمان هم برخه اخلي ، چې د کارابين پريمئير ليګ څخه نېغ اى پي ايل ته رسېدلي دي.تازه سنرايزرز حېدراباد لوبډلې د راشد خان يو عکس نشرکړۍ چې هغه پکې د يادې لوبډلې له کاليو څخه ښودل کیږي چې د يادې لوبډلې په ټریننګونو کې يې برخه اخيستې ده.په دې تصویر کې د راشد خان تر څنګ بوينشور کمار هم موجود دی.

راشد خان له کارابين پريمئير ليګ څخه متحده عربي اماراتو ته سفر وکړ ، نو د اى پي ايل د نوي قوانين او د کورونا د مخنيوي په پار دواړه کرنټين شوي و.د کرنټين پر مهال د دواړو عکسونه هم د سنرايزرز حېدراباد لوبډلې په ټويټر او فېسبوکپاڼه کې ورکړل شوي وو. دويي د کرنطین پر مهال هم ټریننګونه کول او ځانونه ېې اي پي ایل ته چمتو کول.

د دې مخکې بيا دوى د محمد نبي يوه ويډيو هم خپره کړې وه، چې د کرنټين پر مهال ورزش کوي او ځان راتلونکو لوبو ته اماده کوي.د يادولو وړ ده چې سږکال د کورونا له امله د اى پي ايل سيالۍ په خپل وخت ترسره نه شوې، او تر اوږده انتظار وروسته د ممبۍ انډينز او چيناى سوپر کنګز ترمنځ د لومړۍ لوبې په پيلېدو سره د اى پي ايل سيالۍ هم شروع شوې، اي پي ایل چې ډېر مینه وال ېې افغانستان کې هم شته نو دا وار ورتهخلک ورته ډېر منتظر پاتې شو. اوس چې پیل شو نو خلک به ېې ښه په شوق سره اوګوري.

د اى پي ايل دا لومړۍ لوبه چې د متحده عربي اماراتو په ابوظهبۍ کې ترسره شوه ، د افغانستان په وخت به ماښام ٦:٣٠ بجې پيل شوه. او عامو وګګړو لابف وکته په غټوغټو سکرینونو. لکه مونږ چې څنګه مخکې یاده کړه افغانان ېې هم ډېر شوقیان دي دويي په ګډه ورته بیټکونو کې کیني کوري ېې او خوند ترینه اخلي.

هېره دې نه وي چې سږکال د کورونا له امله د اى پي ايل سيالۍ په خپل وخت ترسره نه شوې، او تر اوږده انتظار وروسته نن د ممبۍ انډينز او چيناى سوپر کنګز ترمنځ د لومړۍ لوبې په پيلېدو سره د اى پي ايل سيالۍ هم پيلېږي.د اى پي ايل دا لومړۍ لوبه چې د متحده عربي اماراتو په ابوظهبۍ کې ترسره ده، او افغانستان کې ېې هم مختلف چینلونه لایف نشروي.

شپږیزه لیګ کې د کابل بازانو ټیم مس عینک سره پای لوبه لري

د شپږيزې لیګ ډېر وخت راهیسې پیل شوې او مختلف ټیمونه له یو بل سره لوبې لري خو د ځيني لوبډلو لوبې بیا ډېرې جالبې وي اوسمهال دغه لیګ کې اووم پړاو سیالیو کې مس عینک د شپږیزې پای لوبې ته ووته.او دغه ټیم به د کابل بازانو سره پاۍ لوبه کې ولوبیږي.

د مس عینک لوبډلې پرون له بند امیر سره لوبه وکړه او ویې کولی شول، چې بند امیر لوبډله د پنځو ویکټو په توپیر وروسته کړي او ځان نته تر پای لوبې پورې لاره هواره کړي .لومړی بیټنګ د بند امیرټیم لخوا ترسره شوه، چې مقابلې مس عینک ټيم ته یې ١٧٩ هدف کېښود او مس عینک لوبډلې وکولی شول چې د پنځو ویکټو په توپیر بند امیر له پای لوبې را وګرځوي او بریالۍ شي.

د بند امیر ټيم د بېټنګ په برخه کې عثمان غني ٦٤، میرویس اشرف ٢٢ ناټ اوټ، او اصغر افغان او ناصر جمال د ٢٣ منډو په جوړولو هدف تر ١٧٩ ورسولو، د مس عینک لوبډلې له منځه، بهار علي شینواري ٤٧، شاهدالله کمال ٤٢، افسر ځاځي ٣٥ او حشمت الله شهیدي ٢٢، منډې جوړې کړې چې په پنځو ویکټو یې د بند امیر لوبډلې ته ماتې ورکړه.

د دې نه مخکې پای لوبې ته د کابل بازانو لوبډله لاره پیدا کړې وه ، چې د مس عینک لوبډله به سبا د کابل بازانو سره د پای لوبې لپاره په میدان کې مخامخ کیږي.د شپږیزې لیګ اووم پړاو کرېکټ سیالۍ چې باید لا پخوا ترسره شوي وی د کرونا وبا د خپرېدو او ترې د خوندیتوب له کبله ځنډول شوې وه.دا هم باید یاده کړو چې د کرونا ویروس له امله بازې نور ټورنمنټونه هم ځنډېدلي وو.

بل خو ا بیا په ورته وخت کې په کابل کې د نجونو فوټبال لیګ پای لوبې ته د عدالت او سنګر ټیمونه بریالۍ شوي دي.تېره ورځ د استقلال او عدالت لوبډلو تر منځ نیمه پای لوبه ترسره شوه چې عدالت لوبډله وتوانېده استقلال لوبډلې ته ٢/١ ماتې ورکړي او د فوټبال پای لوبې ته ځان وباسي. او همدا راز د نجونو فوټبال لیګ وروستۍ سیالۍ یا پای لوبه به سبا د فوټبال فدراسیون په لوبغالي کې د عدالت او سنګر لوبډلو تر منځ تر منځ پیل شي.

شپږیزه لیګ کې د کابل بازانو ټیم مس عینک سره پای لوبه لري
شپږیزه لیګ کې د کابل بازانو ټیم مس عینک سره پای لوبه لري

اوس وخت کې افغان کرکټ بورډ او نورو ورزشي ادارو بازې تجارتي ټورنمنټږنږ ته ډېره پاملرنه پیل کړې. باید همداسې په اینده کې هم د ټورنمنټونو نه ملاتړ وکړي او نور انټرنيشنل پلیران هېواد ته د لوبو لپاره راولي ترڅو د اي سي سي او نورو ادارو په افغانستان باندې اعتماد نور هم یات شي او افغانستان په سيمه کې یو با اعتماده هېواد وګرزي.

مشرانو جرګې د کرېکټ بورډ د مشر ستاینه وکړه

مشرانو جرګې د کرېکټ بورډ د مشر ستاینه وکړه د هېواد مشرانو جرګې د افغانستان د کرېکټ بورډ عمومي مشر فرهان یوسفزی وستایه.او نوموړي ته ېې د ښه کردار او کرکټ بورډکې اصلاحاتو راوستلو له امله مډال ورکړ.

په دې وروستیو کې په کرېکټ بورډ اداره کې د وروستیو مثبتو اصلاخاتو را وستلو، ښه پلانونو عملي کولو په موخه هغه د لا تشویق لپاره پر ستاینلیک یې وستایه.د کرېکټ بورډ عمومي ریس فرهان یوسفزي په دې وروستیو کې په کرېکټ بورډ اداره کې خورا ډېر او مثبت بدلونونه راوستل او دا اداره یې د سیاسیونو او د کرېکټ بورډ ادارې د پخوانیو چارواکو له لاسوهنوپاکه کړه

نوموړي یو شمېر کسان چې کار ېې نه درلودل او په مفتو کې یې د کرېکټ بورډ له ادارې معاشونه اخیستل له ادارې ګواښه کړل ، چې د ادارې د مدیریت او د چارو د ښه والي لپاره یې وروستي اقدامات د خلکو له لوري هم په پراښه کچه وستایل. د کرېکټ بورډ ادارې په وروستیو کلونو کې د سیاسیونو د لاس وهنو له کبله خپل پخوانی حیثیت نه وو پاتې او یاده اداره د سیاسي او مافیایي کړیو په منګولو ورغلې وه ، خو اوس یې ورو ورو خپل پخوانی حیثیت بیا جوړ کړ او دغه اداره په یو مسکي ادارې بدله شوه.

په یاده ادارې تورونه وو، چې یوازې د څو کسانو لپاره کار کوي او اکثره موقفونه یې په واسطو او پیسو دي.د هېواد د کرېکټ بورډ ادارې عمومي مشر فرهان یوسفزي شاوخوا میاشت مخکې اعلان وکړ چې د شکر الله عاطف مشعل په ګډون د کرېکټ بورډ یو شمېر پخواني چارواکي حق نه لري چې د کرېکټ په چارو کې را داخل شي او نوموړی یې د کرېکټ بورډ له غړیتوب لرې کړ . او په همدې عملسرهنوموړۍ په هغه وخت کې وستایل شو.

پروسه کال کې د افغانستان د کرېکټ بورډ ادارې لپاره عمومي مشران د څو میاشتو په ترڅ کې تبدیل شول او د عمومي مشر په توګه د فرهان یوسفزي له ټاکلو سره هم خلک هم چندان خوښ نه وو او نه یې د دندې په لومړیو وختونو کې چندان لاسته راوړنې نه لرلې.

خو بیا په وروسته وخت کې د کرېکټ بورډ کې یې د یو لړ مثبتو اصلاخاتو په راوستلو، ښه مدیریت غوره پلانونو او پالیسیو په عملي کولو سره یې بېرته د کرېکټ بورډ اداره په پخو ودروله او بایللی حیثیت یې ورکړو، ښاغلي یوسفزي ویلي چې له دې وروسته به د بورډ ادارې د ښه والي لپاره نور مثبت اقدامات هم وکړي او غوره پلانونه به پلي کړي.

اوس وخت کې باید د مشرانو جرګې په څېر ټول اړوند جهتونه او نور مشران دې ته اړ شي چې د هېواد دکرکټ بورډ ادارې مشران او لوبغاړي نور هم تقدیر کړي ترڅو دويي افغانستان لپاره نور ویاړونه هم راوړي او د افغانستان نوم په نړۍ روښانه کړي. او لا نور ویاړونه هې،اد ته راوړي. د یادونې وړ ده چې د افغانستان کرکټ اوس په نړۍ کې پېژندل شوی.او لوبغاړي ېې د نړۍ غوره لیګونو کې هم لوبیږي.

اصغر افغان: شپږيزه د نوي ځوانانو لپاره ډېر مهم لیګ دی

اصغر افغان: شپږيزه د نوي ځوانانو لپاره ډېر مهم لیګ دی د هېواد د ملي کرکټ ټيم مشهور لوبغاړۍ او کپتان اصغر افغان چې په شپږيزه کرکټ ليګ کې روان کال د بند امير ښامارانو د ټيم کپتان دی، وايي چې شپږيزه کرکټ ليګ د افغانستان د نوي نسل لپاره ډېره مهمه ده.

ښاغلۍ افغان يوه ويډيو چې د کرکټ بورډ لخوا خپره شوې ده، پکې اصغر افغان ویلي ، چې د دوى لوبډله بند امير ښاماران ډېرهښه ټيم جوړه کړې ده، چې ځوانان او سينئير لوبغاړي پکې شامل دي، هغه په خپلو خبرو کې زیاتوي ، چې شپږيزه کرکټ ليګ د افغانستان د راتلونکي لپاره ډېره مهمه ده او بايد هر کال وشي تر څو دا رواج قایم وساتل شي،

هغه وويل، شپږيره ليګ کې ځوانان ډېر څه زده کوي او همدا رنګه له سينئير پلیرانو څخه به هم ډېر څه زده کړي، چې په راتلونکي کې ورته فایده کوي افغان وايي، چې له شپږيزې څخه ډېر ځوان لوبغاړي ملي لوبډلې، د ١٩ کلنو لوبډلو، اې لوبډلې او ايمرجينګ لوبډلې ته راغلل او ملي ټيم کې هم موثر تمام شول.

نوموړي همداراز وویل ، چې ځوانان هڅه وکړي ، چې په شپږيزه کې ډېر څه زده کړي او خپل ځانونه ښکاره کړي، ځکه همدېکې د دويي کامیابي ده.اصغر افغان د لوبډلو په اړه وويل، چې ټول ټيمونه ډېر ښه جوړ شوي دي. هغه وويل چې شپږيزه به هغه لوبډله ,ګټي، چې شپږيزه ډېره سيريس واخلي او ځانونه ورته اماده کړي نوموړي وویل چې باید ټول ټيمونه هڅه وکړي چې لوبې وګټي ځکه ټول پلیران د افغانستان لپاره فایده ده چې ټرین شي او د لوبو ګټلو چل ورته زده وي،

هغه وویل ، چې زه هره سيالۍ کوم، که هغه نړيواله سيالي وي او که کورنۍ سيالي وي، نو ډېره توجه يې سيالۍ ته وي، ډېر سيريس ډول باندې لوبه کوي.هغه وايي چې کوشش کوم چې ځان فټ وساتم او تر پایه ولوبېږم نوموړي وویل چې دا کورنۍ لوبې دي او هر انټرنیشنل پلیر ترینه خوند اخلي

اصغر افغان: شپږيزه د نوي ځوانانو لپاره ډېر مهم لیګ دی
اصغر افغان: شپږيزه د نوي ځوانانو لپاره ډېر مهم لیګ دی

نوموړي همداراز وویل چې په نړيوالو سياليو کې پرېشر بوج ځکه ډېر وي چې هغه نړيوالې سيالۍ وي، خو کورني سيالۍ بيا فرق کوي، ځکه کورنۍ په خپل هېواد کې وي. نوموړي وويل، چې هر ډول سيالۍ چې وي خو بايد ښه لوبډلمشري وشي.

عبدالله بارکزۍ د کرکټ بورډ ډپټي یا مرستیال چيرمین وټاکل شو

عبدالله بارکزۍ د کرکټ بورډ ډپټي یا مرستیال چيرمین وټاکل شود افغانستان کرکټ بورډ مشر فرهان يوسفزي د کرکټ بورډ ادارې مرستيال يا ډپټي چيرمېن په توګه عبدالله بارکزى ګمارلۍ دۍ،عبدالله بارکزي د دې نه وړاندې هم په دغه اداره کې دنده ترسره کړې ده،

ښاغلۍ بارکزۍ د یو مکتوب پر اساس د فرهان یوسفزي په لاسلیک مقرر شوۍ دغه مکتوب ، رسنیو تر لاسه کړۍ دۍ ، په دغه مکتوب کې ذکر شوي دي ، چې عبدالله بارکزى د مديريت او کرکټ په برخه کې ډېره تجربه لري او د کارمندانو او لوبغاړو ترمنځ د ښې هماهنګۍ لپاره په دې بست ټاکل ګمارل کیړي، هغه مهال چې کله فرهان يوسفزى د کرکټ بورډ عمومي رييس وټاکل شو، نو عبدالله بارکزى يې له ځان سره خپل ستر سلاکار وټاکه، چې د نوموړي زياتره چارې عبدالله بارکزي مخې ته وړلې،

دا هم باید یاده کړو چې وروسته د واک په سر د پخواني اجراييوي رييس لطف الله ستانکزي او عبدالله بارکزي ترمابین لانجې راپورته شوې، چې عموميمشر لطف الله ستانکزى له دندې ليرې کړ او عبدالله بارکزى يې استعفا ته مجبور کړ، که څه هم تراوسه پورې د کرکټ بورډ لپاره بل اجراييوي رييس نه دى ټاکل شوى،

دسي اي او پوسټ ته ډېرى کسانو نومليکنه کړې ده او ښايي په نږدې ورځو کې له دغه کسانو سره انټرویوګانې وشي او یو کس به د امتحان له لارې وټاکل شي، خو د عبدالله بارکزي د عمومي رييس د مرستيال په توګه ټاکل کېدو په ټولنيزو رسنيو کې غبرګون هم راپورته کړى دى.

څینو پخوانیو کسان چې پخوا يې په کرکټ بورډ کې دندې ترسره کولې يا هم د کرکټ له چارو سره نږدې پاتې شوي دي، د نوموړي پر ټاکنه يې غبرګون ښکاره کړى دى.او ویلي دي چې دا ډېر لوړ پوسټ دۍ باید یو تجربه لرونکۍ کس ېې دي زي ته راوستۍ وۍ چې په شرایطو برابر او تجربه ېې هم لرلۍ ،

عبدالله بارکزۍ د کرکټ بورډ ډپټي یا مرستیال چيرمین وټاکل شو
عبدالله بارکزۍ د کرکټ بورډ ډپټي یا مرستیال چيرمین وټاکل شو

بختيار ساحل، چې مخکې د ختيځ زون د کرکټ مسول او وروسته يې په کرکټ بورډ کې دنده ترسره کړې ده، په دې تړاو په خپل فېسبوک کې ليکلي دي، چې عبدالله بارکزى پخواني اجراييوي رييس لطف الله ستانکزي منفک کړى و، خو بيا چيرمېن وخت ورکړ او استعفا يې ورکړه، چې اوس يې خپل مرستيال وګماره . هغه وايي: اوس به کرکټران دې ماشوم ته ناست وي او د هغه پلانونو او لارښوونو ته به غوږ ګدي

د هند کرکټ بورډ دهوني ته د مخه ښې میچ برابروي

د هند کرکټ بورډ اداره غواړي چې د هند کرکټ ملي لوبډلې پخواني کپتان او مشهور توپوهونکي مهيندرا سينګ دهوني لپاره د مخه ښې لوبې ترتیب کړي،نوموړۍ د ډېر وخت راهیسې د هند لپاره په نړبیوالولوبو کې لوبیږي او هرې لوبې کې ېې هند لپاره ښه لوبه کړې،

د هندي ميډیا د راپورونو له مخې ، د هند کرکټ بورډ يو غړي ميډیا ته ويلي دي، چې اوسمهال هېڅ نړيواله لوبلړۍ نشته دى او د هند تجارتي ليګ (اى پي ايل) نږدې ورځو کې پيلېږي، چې له دې سياليو وروسته به دوى وګوري چې د مهيندرا سينګ دهوني لپاره د مخه ښې يوه لوبه ترتیب کړي ، ځکه د هند کرکټ لپاره د هغه خدمتونه خورا زیات دي او باید د هغه د خدمتونو درناوۍ وشي،دغه اداره زیاتوي ، چې دوى له مخکې څخه د مهيندرا سينګ دهوني لپاره د مخه ښې لوبې جوړولو په فکر کې و، خو هغه په داسې وخت کې خپله استعفا اعلان کړه، چې هېچا يې هم په اړه فکر نه و کړى، کرکټ بورډ به له هغه سره په دې اړه خبرې وکړي.

د يادونې وړ ده چې څو ورځې وړاندې مهيندرا سينګ دهوني په انسټاګرام باندې اعلان وکړ، چې هغه نور له هر ډول نړيوال کرکټ څخه استعفا اعلانوي د دهوني څخه وروسته د هند کرکټ ملي لوبډلې يو بل مخکښ لوبغاړي سرېش راينا هم د خپلې استعفا اعلان وکړ.او د نړیوالو لوبو سره ېې مخه ښه وکړه خو دويي دواړو لپاره هيڅ ډول د مخه ښې لوبه نده ترتیب شوې خو کرکټ بورډ وايي کوشش به وکړي چې یوه د مخه ښې لوبه برابره کړي

دهوني د هند يو له مخکښو لوبډلمشرانو، توپوهونکو او ويکټ ساتونکو څخه و، نوموړي د خپلې لوبډلمشرۍ پر مهال نړيوال جام، نړيوال شل اوريز جام او د چيمپينز ټرافۍ اتلولۍ هم ترلاسه کړې دي، نوموړي ډېرې سنچریانې او ففټیانې هم جوړې کړي دي، او ډېر نور رېکارډونه ېې هم جوړ کړي دي

دا هم یاده کړو چې د نړۍ په يو شمېر هېوادونو کې د لوبغاړو لپاره د مخه ښې لوبې برابرول هم ممکن نه وي، ځکه ځينې کرکټ بورډونه چې لوبغاړي له لوبډلو څخه ليرې کړي، نو وروسته د استعفا پر مهال هم هغوى ته دا چانس برابر نه شي چې د خپل هېواد لپاره وروستۍ لوبه ترسره کړي.

د هند کرکټ بورډ دهوني ته د مخه ښې میچ برابروي
د هند کرکټ بورډ دهوني ته د مخه ښې میچ برابروي

دهونې د يو ښه لوبغاړي ترڅنګ د ښه اخلاقو خاوند هم دی د نوموړي د اخلاقو ذکر ډېرو افغان لوبغاړو هم څوڅو ځلې کړۍ دۍ افغان لوبغاړو ویلي چې د هند په لوبډلې کې دهوني یو مینه ناک انسان دی او اخلاق ېې ډېر ښه دي خلکو سره ښه سلام کلام کوي او هر وخت ېې پر مخ مسکا وي،

پريټي زنټا د افغانستان لوبغاړي محمد نبي ته په ښه لوبې مبارکي ویلې

د هند سینما مشهورې هنرمندې پريټي زنټا تېره ورځ په کارابين پريمئير ليګ کې په ښه پرفامنس ترسره کولو محمد نبي ته مبارکي وویله.او هغه ېې د لوبې د ګټونکي لوبغاری وبله، هغې وویل د محمد تبي ښه بیټینګ او باللګ له امله دغه ټيم لوبه وګټله،

د کارابين پريمئير ليګ کې د بارباډوس ټريډينټس او سينټ لوسيه زوکس لوبډلو ترمنځ لوبه ترسره شوه، چې ټريډينټس په ١٨.١ اورونو کې د ٧ لوبغاړو په سوځېدو ١٣١ منډې وکړې، خو د باران له امله لوبه وځنډېده.وروسته د ډي ايل قانون له مخې زوکس لوبډلې ته په ٥ اورونو کې د ٥٠ منډو هدف وټاکل شو، چې زوکس لوبډلې د ٣ لوبغاړو په سوځېدو ورته ټارګټ پوره کړ

نبي په دې لوبه کې ١ لوبغاړۍ وسوزو او همدا رنګه ١ کېچ يې هم واخیست ، د دې تر څنګ په توپوهنه کې يې په ٦ توپونو ١٥ منډې وکړې او خپله لوبډله يې بريا ته ورسوله.هغه ته د ښې لوبې ترسره کولو په بدل کې د لوبې د غوره لوبغاړي یا مین اف دي میچ اعزاز هم ورکړل شو نوموړي په ډېر لګ بالونو باندې ډېرې منډې جوړې کړ هغه یو ښه کيچ هم واخیست،

پريټي په خپل يو ټويټ کې د سينټ لوسيه لوبډلې ته په کارابين پريمئير ليګ کې په لومړۍ بريا مبارکي ویله ده او همدا رنګه د نورو برياوو هيله يې هم ښودلې ده .هغې په ځانګړې توګه بيا محمد نبي ته مبارکي ویله ده، چې د دغه لوبې غوره لوبغاړى و.محمد نبي هم د پريټي زنټا ياد ټويټ ريټويټ کړى دى.پریټي ویلي چې ټولو اوبغاړو ښه لوبه وکړه خو بیا په ځانګړي ډول محمد نبي ښه لوبه کړې او ورته دې مبارک وي،

پريټي زنټا د افغانستان لوبغاړي محمد نبي ته په ښه بالنګ اوبیټنګ مبارکي ویلې
پريټي زنټا د افغانستان لوبغاړي محمد نبي ته په ښه بالنګ اوبیټنګ مبارکي ویلې

هېره دې نه وي چې پريټي زنټا په کارابين پريمئير ليګ کې د سينټ لوسيه زوکس لوبډلې مالکه ده، دا لوبډله د پريټي زنټا په ګډون ٤ هنديانو اخيستې ده.د پريټي زنټا پرته موهيت برمن، نيس واډيا او کرن پاول هغه کسان دي چې د دې لوبډلې مالکيت لري.دغه خلک اکثره ټویټونه کوي او خپل ټيمونه تشویق کوي ترڅو دويي بیا ځل لپاره ښه لوبه وکړي،

دا هم باید یاده کړو چې په یاد لیګ کې د افغانستان لخوا محمد نبي راشد خان او مجیب ځدران شامل دي دويي څه موده مخکې دغه لیګ ته ځانونه رسولي وو بلخوا بیا دغه لوبغاړي د افغانستان کورني لیګ شپږيزه لیګ کې هم شامل دي خو اوس سوال دا دې چې ایا دویي به وکولۍ شي چې شپږیزې ته ځان راورسوي او که نه ځکه سفرونه هم د پخوا په څېر لا هم نورمال ندي،خو کرکټ بورډ وايي چې دويي به په شپږيزه کې شامل وي او قوي امکان شته چې زانونه ورته راورسوي،

د شپږیزې ټورنمنټ د ټولو ټیمونو د لوبغاو لست

د شپږيزې لیګ د پلیرانو د پېرلو يا ډرافټ مراسم د افغانستان کرکټ بورډ کې ترسره شول، چې ټولو ټيمونو پکې په بېلا بېلو کټګوريو کې پلیران وپېرل، ټولو لوبغاړو ته په ډرافټ کې دا حق هم ورکول شوۍ وو،

هر ټيم یو یو پلیر د پخوانيو پلېرانو څخه له ځان سره وساتي او همدا رنګه پاتې نور پلیران بيا په ٥ بېلا بېلو کټګوريو کې په بېلا بېلو پړاوونو کې واخیستل شي،هر ټيم ١٧ لوبغاړي له ځانه سره واخیستل ، چې يو پخوانى له ځان سره ساتل شوى لوبغاړى، ١ په ايکن کټګورۍ کې، ٢ په ډايمنډ کټګورۍ کې، ٣ په پلاټينيم کټګورۍ کې، ٤ په ګولډين کټګورۍ کې او ٦ په سلور کټګورۍ کې وساتل.

د شپږواړو ټيمونو د پلیرانو لست

د بند امير ښاماران ټيم :راشد خان، اصغر افغان، شرف الدين اشرف، حميد حسن، ابراهيم ځدراڼ، حضرت الله ځاځى، طارق ستانکزى، ميروېس اشرف، وقار سلامخېل، عثمان غني، ناصر جمال، محمد سردار، ابراهيم عبدالرحيمزى، وفادار مومند، اکرام عليخېل، عمران مير او پروېز امين.

د مس عينک اتلان ټيم :محمد نبي، محمد شهزاد، نجيب الله ترکى، حشمت الله شهيدي، شاهدالله کمال، نور احمد لکڼوال، عبدالرحمان، صديق الله پاچا، دولت ځدراڼ، ابراهيم خان، افسر ځاځى، بهار علي شينوارى، عابد تڼيوال، عبدالله مزاري، عبدالباقي پوپل، جمشېد خان او غمى ځدراڼ،د امو نهنګان ټيم :جاوېد احمدي، جمعه ګل مياخېل، يمين احمدزى، فريد ملک، عبدالوصي نوري، دروېش رسولي، شوکت زمان، باطن شاه، نصرت الله قرېشي، مراد علي مراد، حيات الله ناصري، يوسف ځاځى،

د کابل بازان ټيم :رحمان الله ګربز، سميع الله شينوارى، مجيب الرحمان، نوين الحق، عظمت الله عمرزى، رياض حسن، فرمان الله ساپى، ضيا الرحمان اکبر، صديق الله اتل، ضيا الرحمان شريفي، يونس احمدزى، اسحاق رحيمي، احسان الله احسان، عبدالله نايب، رحيم منګل، نجات مسعود او رحمان الله ځدراڼ.

د بوست ساتونکي ټيم :ګلبدين نايب، کريم جنت، رحمت شاه، حمزه هوتک، احسان جنت، سيد احمد شېرزاد، شفيق الله غفاري، منير احمد کاکړ، طاهر عادل، سليم ساپى، وقار الله اسحاقزى، عمران جنت، نثار وحدت، محمد عالم، غلام دستګير، نصيب الله شيردلي او ضيا الحق عيساخېل.

د سپين غر زمريان ټيم :نجيب الله ځدراڼ، قېس احمد، افتاب عالم، کريم صادق، شبير نوري، فضل ځاځى، ظاهر خان پکتين، وحيد الله شفق، عبدالله عادل، مسلم موسى، ناصر عمر، رحمت الله سهاک، پروېز ملکزى، بهير شاه محبوب، زبېد اکبري، ظاهر شهزاد او مجيد عالم.

د شپږیزې ټورنمنټ د ټولو ټیمونو د لوبغاو لست
د شپږیزې ټورنمنټ د ټولو ټیمونو د لوبغاو لست

د یادولو وړ دي چې یاد لوغاري مختلف کټګورۍ کې مختلف ریټونه لري ايکن کټګورۍ: ٥٥٠ زره افغانۍ، ډايمنډ کټګوري: ٣٦٠ زره افغانۍ، پلاټينيم کټګوري: ٢٠٠ زره افغانۍ، ګولډين کټګوري: ١٢٠ زره افغانۍ او سلور کټګوري: ٧٥ زره افغانۍ.د شپږيزې کرکټ ليګ سيالۍ د سپتمبر په ٦مه نېټه د دفاعي اتلې لوبډلې مس عينک اتلانو او بند امير ښامارانو ترمنځ د لوبې سره پيلېږي او پايلوبه به د سپتمبر په ١٦مه تاریخ شروع شي.