د افغان حکومت مذاکراتي ټيم د اسلامي علماوود نړیوالې ټولنې له مشرسره لیدلي

د افغان حکومت مذاکراتي ټيم د اسلامي علماوو د نړیوالې ټولنې له مشرسره لیدلي قطر ته له طالبانو سره د خبرو په موخه له کابله د تللي مذاکراتي ټیم یو شمېر غړو په دوحه کې د اسلامي علماوو د نړیوالې ټولنې مشر ملاقات کړی.

او د هغه نه ېې غوښتنهکړې چې له مذاکراتو ملاتړ وکړي تر څو اوربند ته لارههواره شي. د سولې په چارو کې د دولت وزات له ادرسه په همدې اړه خپره شوې خبرپاڼه کې ذکرشوي ، چې په دې ملاقات کې د کابل دمذاکراتي ټیم غړو د روانو خبرو پروسه تشریح کړې او له الریسوني یې غوښتي، چې له مذاکراتو ملاتړ وکړي تر څو «اوربند» ته لاره پرانستل شي.

بل خوا بیا د اسلامي علماوو د نړیوالې ټولنې مشر د مذاکراتو هر ډول همکارۍ ته چمتووالی ښودلی او افغانستان یې د امام اعظم ابوحنیفه ټاټوبی یاد کړی، چې دده په خبره، کولای شو د اسلامي هیوادونو په کچه یې د غوره بېلګې په توګه وبلو.او د نورو اسلامي هېوادونو به هم اوغواړو چې د سولې مزاکراتو ملاتړ وکړي تر څو یو منتقوي او سیاسي اجماع رامنځته شي. تر افغانستان کې دایمي سوله قایمه شي او افغانان په یو سولیز هېواد کې ‌ژوند وکړي.

یاده لیدنه داسې مهال ده، چې ویل کېږی، په دوحه کې د ناستو د طرزالعمل د دوو مادو په سر د جنجال له امله د طالبانو او له کابله تللي مذاکراتي پلاوي خبرې له ځنډ سره مخ شوې.او بازې موردداسې دي چې د حل لارې ورته سختې دي. ځيني سرچینی وايي چې ښايي دغه ځنډونه نور وخت هم واخلي.ځکه بازې مسایل ډېر پیچيده دي.او نور ډېر بحث ته هم ضرورت لري.

هېره دې نه وي چې طالبان ټينګار لري، چې ددوی او امریکا تر منځ شوی تړون باید د راتلونکو توافقاتو بنسټ وي او ټولې پرېکړې باید د حنفي فقه په اساس وشي؛ خو له کابله تللی پلاوی بیا د ولسي جرګې پرېکړې او د کابل-امریکا تر منځ شوی تړون د پرېکړو د بنسټ په حیث د وړاندې کولو هڅه کوي  او تیار نه دي، چې پرېکړې دې د حنفي فقهې پر بنسټ وي.

اوس دواړه لوریو ته پکار ده چې خپل شخصي ګټو نه تېر شي او سولې ته کار وکړي. دويي باید هر هغه قرباني ورکړي چې د کوم له امله چې سوله رازي او سوله شوني وي. دويي باید مزاکرات ونه ځنډوي او هر ممکن لارې نه ګټه پورته کړي. که چرته مزاکرات کامیاب شو افغانان به د نورو د احتیاج نه خلاص وي او اینده به ېې معلومه وي.

عبدالله عبدالله وطن ته راستون شو

 عبدالله عبدالله وطن ته راستون شو د ملي مصالحې عالي شورا مشر ډاکټر عبدالله عبدالله چې اسلام اباد په رسمي سفر تللی وو بېګا ماښام خپل وطن ته راستون شو. هغه وطن ته د راتلو په وخت کې وویل چې وطن ته به خالې لاس نه ځي.

ښاغلۍ عبدالله د مشعل راډیو له خبریال سره په خبرو کې هم وویل چې افغانستان ته خالي لاس نه ځي بلکې ډک لاس یعنې له یو ښه پیغام سره راځي. دملي روغې جوړې عالي شورا مشر ډاکټر عبدالله عبدالله د روانې اوونۍ دوشنبې پر ورځ د پاکستان د لومړي وزیر عمران خان په رسمي بلنه اسلام اباد ته تللۍ وو ډاکټر عبدالله اسلام اباد ته د سفر په لومړۍ ورځ د پاکستان بهرنیو چارو وزارت ودانۍ کې د پاکستان د بهرنیو چارو له وزیر شاه محمود قریشي او چارواکو سره لیدنه وکړه،

ښاغلي قریشي ورته ډاډ ورکه، چې د افغان سولې له بهیر ملاتړ کوي، افغانستان کې سوله پاکستان کې د سولې په معنا ده، د افغانستان له جګړې موږ هم زیانمن شوي یوو.عبدالله د سې شنبې په ورځ د سفر پر دویمه ورځ د پاکستان د سنا مجلس له مشر و د لومړي وزیر عمران خان سره ولیدل او د افغان سولې پر سر او د افغانانو خپل منځي خبرو په تړاو یې بحث وکړ.او نوموړي ته ېې ډاډ ورکړ چې د سولې ملاتړي دي.

ښاغلی عبدالله عبدالله پرون د پاکستان له ولسمشر عارف علوي سره لیدنه درلوده، علوي ډاکټر عبدالله ته زیاته کړه چې له افغان جګړې دوی سخت زیانمن شوي دي او د افغان سولې له بهیر او د افغانانو په مشرۍ د سولې له خبرو ملاتړ کوي.عارف علوي عبدالله عبدالله ته وویل، چې هڅه کوي افغانستان سره هر اړخیزې همکارۍ پراخې او پیاوړي کړي.

ښاغلی عبدالله پرون د پاکستان ولسمشر او نورو چارواکو سره له لیدنې تر سره کړې.د ډاکټر عبدالله عبدالله د لیدنو مهالوېش کې ټاکل شوې وه، چې نوموړی به راولپنډۍ کې د پاکستان د پوځ له مشر لوی درستیز قمر جاوېد باجوه سره هم وګوري، خو عبدالله عبدالله د درې ورځو په ترڅ کې سفر پای ته ورساوه او د قمر جاوېد باجوه سره یې ونه لیدل.

عبدالله عبدالله وطن ته راستون شو
عبدالله عبدالله وطن ته راستون شو

نوموړی د ټولو چارواکو سره د کتلو ترڅنګ د پاکستان ستراتیژیک مطالعاتو انسټیټیوټ کې وینا وکړه. ۍاغلي عبدالله د سولې د اجماع لپاره مختلفې غونډې وکړې او د خپل سفر په ترڅ کې ېې د حامد میر او نورو مشهورو ژورنالستانو سره هم ولیدل نوموړي پرون بیګا خپل سفر پاۍ ته ورسو او خپل وطن ته راستون شو.

 

د سولې مزاکرات او پښتانه

زمونږ هېواد افغانستان د وروڼو قومونو ګډ هېواد دی او پښتون د میرویس نیکه له وخته راهیسې د روسانو تر یرغل پورې د مشر ورور په ت صفت د هیواد د وحدت او ازادۍ ساتلو مشري پر مخ بیولې. د استعمار په تندرونو او توپانونو کې چې د افریقا، اسیا، جنوبي امریکا، هند نیمې وچې، قفقاز او منځنۍ اسیا لوی لوی هیوادونه او ملتونه مات او تسلیم شول،

ځانته د پښتون په مشرۍ افغان قامونو دوه ځل انګریزي اردوګانې غرقې او په دریم وار یې سیاسي خپلواکي واخیسته. ورپسې یې د روسي فیل، نه په شا کیدونکې لښکرې هم وځپلې. خو متاسفانه روسانو دلته داخلي جګړې ته لار ورکړه او جنګ او سیاست ته ېې قومي رنګ ورکړ. قومي جنګ طالبانو وګاټه خو امریکا راغله او طالبانو لخوا مات شوي قوتونه یې بیرته سیاست ته راوستل. د روسانو له یر جنګ سره په واک کې د پښتون مشري هتمه شوه . روسانو پښتون ولسممشر حفیظ الله امین له خپلو اولادونو سره پخپل کور کې وواژه؛ کشمیري کارمل یې ولسمشر، هزاره کشتمند صدراعظم او تاجک قادر د دفاع وزیر وګمارل شول.

شوروي ویل چې په نظام کې داخل خلقیان ټول پښتانه دي او د نورو پښتنو په شان باید له منځه لاړ شي ، ځکه د روسانو په نظر پښتانه د نړۍ نیولو په وړاندې د دوی د لارې خنډ دی او باید دا خنډ هوار شي، چې پرمختګ ممکن شي. شورویانو له نظام څخه بهر پښتنو مجاهدینو د له منځه وړلو لپاره یې هوایي او ځمکني قوتونو نه کار واخیسته او د نظام په دننه کې د پښتنو خلقیانو په باب یې فرموله داسې ورکړه چې دوی دې په مرمیو او وسلو بمبار شي، سنګر ته ولیږل شي، له خپلو وروڼو سره وجنګول شي چې هملته له منځه لاړ شی.

کله چې شورويانو له هر څه مایوس شول نو اردو یې له داخله وپاشله او لویه برخه یې نظار شورا ته ورکړه، چې په داخلی جګړو کې منحله شوه.امریکا هم د روسانو په قدم لاړه، پښتون یې له واکه لیرې کړ او د دوی په اصطلاح فعال اقلیتونه یې صحنې ته راوستل. اردو (۹۰ سلنه جنرالان او ۷۵٪ افسران)، پولیس (تر ۹۰٪)، استخبارات (تر ۹۵٪)، اقتصاد او تجارت (لوی تجارتونه: ګازونفت، هوایي کرښې، ساختمان، معادن او …)، او رسنۍ یې ټول دوی ته ورکړل، خو د روسانو برخلاف یې سمبولیکه مشري پښتون ته وسپارله

اوسمهال دسولې مزاکراتو کې د د پښتنو په نماینده ګۍ کسانو تشګیل داسې دی درې پښتانه (معصوم ستانکزی، شریفه زرمتۍ او عطاالله لودین)، یو تاجک/ بلوچ/ زوري (نادري) او یوه سادات (فاطمه ګیلاني) لیږلي دي:معصوم ستانکزی پخوانی خلقي، پښتون خو اوس د انګلیسي ګټو ساتلو لپاره تللی دی.

نادر نادري چې په بیلابیلو وختونو کې یې ځان زوري، بلوچ او تاجک قامونو ته منسوب کړی دی، اوس د پښتون په نماینده ګۍ جلسې ته لیږل شوی دی. په فکري ډول شعله یي او عملاً امریکاپلوه شخص دی، نه پښتون دی او نه د پښتنو نماینده دی.

شریفه زرمتۍ یوه شریفه خو ساده، له سیاست ناخبره او یوه غیر مطرح څیره ده. نه د کوم لوري نماینده ګي کولی شي، نه د کوم قوت.مولوي عطاالله لودین چې د پښتنو د یوه کمزوري ګوند (د ارغندیوال په مشرۍ حزب اسلامي) نماینده ګي کوي. فاطمه ګیلاني چې سادات ده، کوم لوری نه دی او نه هم د چا نماینده ګي کولی شي، د حزب اسلامي، افغان ملت، حرکت انقلاب اسلامی او نورو ملي اسلامي ډلو او پښتنو مدني او ولسي حرکتونو نماینده ګي پکې شتون نه لري.

ډاکټرعبدالله عبدالله اسلام اباد ته د خپل سفر په تر څ کې عمران خان سره لیدل کتل شوي

ډاکټرعبدالله عبدالله اسلام اباد ته د خپل سفر په تر څ کې عمران خان سره لیدل کتل شوي دهېواد د ملي مصالحې عالي شورا مشر ډاکټر عبدالله عبدالله اسلام اباد ته د رسمي سفر پر دویمه ورځ د پاکستان د سنا جرګې له مشر صادق سنجنراني سره ولیدل. او د هغې نه وروسته ېې بیا د لومړي وزیر عمران خان سره هم لیدل کتل وشو.

ښاغلي عبدالله له سنجنراني سره په لیدنه د افغان سولې پر پروسې، ټرانزېټ او سوداګریزو اړیکو په اړه خبرې وکړې.عبدالله د پاکستان سنا جرګې له مشر سره له لیدنې وروسته د پاکستان له وزیر اعظم عمران خان سره ولیدل او په یو لړ موضوعاتو سره خبرې وکړې. د افغانستان د ملي مصالحې عالي شورا رییس ډاکټرعبدالله عبدالله اسلام اباد ته د پاکستان د لومړي وزیر عمران خان په رسمي بلنه سفر وکړ.

ښاغلی عبدالله عبدالله په اولې لیدنې کې د پاکستان د بهرنیو چارو له وزیر شاه محمود قریشي سره د دواړو ملکونو په هر اړخیزو اړیکو او سولې بهیر کې د پاکستان د رول په تړاو خبرې وکړې د پاکستان د بهرنیو چارو وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره لیدنه کې ویلي وو چې افغانستان کې سوله پاکستان کې د سولې په معنا ده. دا یې د وینا هغه ټکی دی چې افغانان یې په زړه کږه او په خوله خوږه ګڼړي.

د بهرنیو چارووزارت زیاته کړې وه، چې د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي ، نوموړی وایي طالبانو سره یې هم په همدې تالار کې چې له عبدالله عبدالله سره ګوري، لیدلي دي، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري.

ډاکټر عبدالله بیا شاه محمود قریشي ته ویلي وو، چې پاکستان ته دا ځل په بدلې روحیې سره اسلام اباد ته سفر کوي ، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له هڅو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار خلاصه شي.

هغه د پاکستان له دولت مننه وکړه، چې طالبان یې د بین الافغاني خبرو ته وهڅول، خو ویې ویل مذاکراتښه روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لوي زیان رسوي عبدالله له پاکستاني چارواکو سره تر لیدنې وروسته د پاکستان بهرنیو چارو وزارت کې یو نیالګی کېناوه.

د ملي مصالحې عالي شورا مشر د لیدنو مهالوېش کې پلان شوې چې نوموړی به د پاکستان پوځ له لوی درستیز قمر جاوېد باجوه سره په راولپنډۍ کې هم ملاقات ولري دې نه مخکې کله چې ولسمشر اشاف غني پاکستان ته د سفر پر مهال جي ایچ کیو ته تللی وو، نو سوشل ميډیا کې سختې نیوکې پرې وشوې،

راتلونکې هفته ټول دولتي مکتبونه پیلیږي

راتلونکې هفته ټول دولتي مکتبونه پیلیږي د افغانستان د معارف وزارت ویانده نوریه نزهت وایي، د کابینې د پرېکړې پربنسټ راتلونکې اوونۍ د شنبې په ورځ له اول تر لسم ټولګي ټول مکتبونه شروع کیږي. د دې نه وړاندې د یولسم او دولسم تولګې درسونه لا مخکې يبل شوي.

باید یاده وکړو چې ,څه باندې پنځه میاشتو راپدېخوا د کرونا ویروس نه د خوندیتوب په موخه ټول ښوونځي بند شوي وو او د وږي په میاشت کې یوازې له لسم تر دولسم ټولګیو ښوونځي پیل شوي وو، خو تازه کابینې پرېکړه وکړه چې له اول نه تر لسم هغه ټولګیو پورې چې نه وو پیل شوي یو ځل بیا به د شنبې په ورځ خلاص شي .دويي له شاګردانو غوښتي دي چې باید مکتب ته د تلو په وخت کې د روغتیا وزارت په لارښوونو عمل وکړي تر څو د بیا ځلې کرونا خپرېدو نه مخنیوۍ وشي.

د لسم تر دولسمو ټولګیو پورې ښوونځي د وږي میاشتې پهېلومړۍ نېټه پیل شول، خو د عامې روغتیا وزارت او د پوهنې وزارت ښوونځیو ته امر کړی وو چې د کووېډ١٩ ناروغۍ نه د خوندیتوب په موخه دې ټول روغتیایي تدابیر مراعت کړي.د پوهنې وزارا ویلي وو، که په ښوونځیو کې د کووېډ١٩ ناروغۍ مثبتې پېښې ثبت شوې، د هغې په صورت کې به بیا د ښوونځیو د تړلو په اړه پر پرېکړه غوروکړي.

د مکتبونو په پیلېدو سره ځای ځای په پلازمېنه کابل کې هم په یو شمېر ښوونځیو کې د کووېډ١٩ ناروغۍ مثبتې پېښې ثبت شوي دي.دا ځکه پیل شوې چې ځینې شاګردان د کویډ۱۹ ناروغي مخنیوي لپاره په سمه توګه تدابیر نه کوي او نه هم د روغتیا وزارت په لارښوونوعمل کوي.

هېواد کې د هوا په ګرمېدو او د دوبي په راتلو سره د کرونا ویروس یا کووېډ١٩ ناروغۍ د مثبتو پېښو ثبت را کم شو چې په دې توګه د عامې روغتیا او پوهنې وزارتونو په ګډه سره د ښوونځیو د پرانیستلو طرحه جوړه کړه او د کابینې له لوري په تایید سره دولتي ښوونځي له لسم تر دولسم او خصوصي ښوننځي له اول تر دولسم تولکي شروع شول.

راتلونکې هفته ټول دولتي مکتبونه پیلیږي
راتلونکې هفته ټول دولتي مکتبونه پیلیږي

بلخوا بیا هم د هوا په سړېدو سره د کرونا ویروس ناروغۍ د بیا تیزی خپرېدنې او دویمې څپې وېره موجوده چې د روغتیا وزارت وایي له وړاندې ورته چمتووالی لري، خو که د امکان په صورت کې د کووېډ١٩ ناروغي بیا چټکه خپره شي ترې نه د خوندیتوب او مخنیوي په موخه به یو ځل بیا پوهنتونونه، ښوونځي او ټولې ښوونیزې ادارې بند شي.نو اوسمهال باید ټول شاګردان احتیات وکړي او د خپل ځانونو خیال وساتي.

روغتیا وزارت: په هېواد کې دننه د تولیدي دوا کیفیت ښه دی

روغتیا وزارت: په هېواد کې دننه د تولیدي دوا کیفیت ښه دی د هېواد د عامې روغتیا وزارت وایي، په کور دننه د دوا د تولید کیفیت د بهرنۍ دوا نه څو برابره ښه دی.او عام افغانان باید د وطن خپل تولیداتونه ګټه پورته کوي.تر ځو د خپل وطن عواید مو ښه شي.او د نورو د اجتیاج ته پاتې نشي.

د یاد وزارت سلاکار او ویاند اکمل سمسور وایي، افغانستان ته ٦٠ سلنه دوا له بهرنیو هېوادونو را واردیږي او ٤٠ سلنه په هېواد دننه تولیدیږي.نوموړۍ وایي، په هېواد دننه د تولیدي درملو کیفیت د بهرنیو درملو په پرتله ښه دی، خو دا چې هغه له بهر را واردیږي، اکثره روغتونونه او ډاکټران ناروغانو ته په نسخه بهرنۍ دوا لیکي څو هغه را وارده شوې دوا وپلورل شي او له دې کبله چې له بهر راځي په لوړه بیه هم پلورل کیږي.

دغه وزارت هر کال د ٥٠٠ میلیونه ډالرو په ارزښت له بهرنیو هېوادونو نه افغانستان ته دوا را واردوي او افغانان هر کال ٢ نیم میلیون ډالر پر خپلې روغتیا لګوي.د یاد وزارت ویاند اکمل سمسور وایي، د شلو کلونو په وخت کې روغتیا وزارت او د وزارت د دوا سکټور نه دی توانېدلی چې سودګرانو او پانګ الو ته پروسې ساده کړي څو افغانستان کې د دوا د تولید لپاره (investment) وکړي.

نوموړی زیاتوي، چې اوس مهال د روغتیا وزارت په هېواد دننه د دوا د تولید لپاره هڅې کوشش شروع کړی او د څلورو کلونو په موده کې به ښه دوا ورسولی شي.هغه وایي، کندهار کې د دوا د تولید لویه فابریکه جوړیږي او دا فابریکه د ٧٠ پانګوالو له لوري د ګډې پانګې اچونې په پایله کې جوړیږي چې وبه کولی شي په کور دننه د لوړ کیفیت ډېره دوا تولید کړي چې نه یوازې افغانستان بلکې نورو هېوادونو کې به هم ترې ګټه پورته شي.

افغانستان ته د قاچاقي درملو په تړاو د روغتیا وزارت ویاند اکمل سمسور وایي، چې د افغانستان سرحدات تړلې نه دي او له ایران او پاکستان افغانستان ته درمل په قاچاقي ډول هم راځي چې دوی نه شي کولی سکن یې کړي، له دې کبله په بازار کې په پټه پلورل کیږي او کیفیت یې هم خراب وي، خو په وروستیو کې وزارت هڅه کوي د قاچاقي درملو د واردېدلو مخه ونیسي او یا یې په ښه ډول چک او کنټرول کړي.

ښاغلی سمسور وایي، یو شمېر روغتونونه په ښه کیفیت کې خدمات لري چې دا به د نورو روغتونونو لپاره د نمونې په توګه وټاکل شي څو ټول روغتونونه د خدماتو کیفیت ښه کړي.او افغانان دغه روغتونو ته مراجعه وکړي. دويي د هېوادوالو غوښتي هم دي چې نور د بهرنیو هېوادنو تولیداتو پرځاۍ خپل وطني تولیدات کاروۍ او افغانستان ته فایده ورسوی تر ځو د نورو هېوادونو د احتیاج نه خلاص شۍ.

اوس وخت رارسدلۍ چې عام وکړي باید ځانونه اوښیار کړي او افغانستان ته رجوع وکړي دويي باید د نورو ملکونو بقا پر ځاۍ خپل هېواد ته کار وکړي تر څو افغانستان په خپلو پخو ودریږي. او مونږ هېوادوال په ارامه فضا کې ژوند وکړو ځکه افغانستان د دېر وخت راهیسې د جنګ په حالت کې دی اوهره ورځ په لس هاو عام وکړو ته مرګ ژوبله اوړي.

دوحه: څو ورځي ځنډ وروسته یو ځل بیا د دواړو ټیمونو د تماس ډلو د خپلمنځي مزاکراتو په اړه خبرې کړي

دوحه: څو ورځني ځنډ وروسته یو ځل بیا د دواړو ټیمونو د تماس ډلو د خپلمنځي مزاکراتو په اړه خبرې کړي. دوحه کې د طالبانو او له کابله د تللي مذاکراتي ډلې د تماس ډلو له نږدې یوې اوونۍ ځنډ وروسته تېره شپه یو ځل بیا ناسته کړې او د اختلافي موضوعاتو په حقله ېې بحث کړی.

دوحه کې د طالبانو د سیاسي دفتر ویاند «ډاکټر محمد نعیم وردک ویلي ، جلسه ماښام شپږ بجې شاوخوا ترسره شوه او په مهال یې د کاري اصولو يا طرز العملونو اړوند موضوعاتو په اړه خبرې وشوې،د نعیم په خبره، دا ډول ناستې به دوام ولري تر څو يو نهايي توافق رامنځ ته شي او بيا د مذاکراتو د اجنډا په اړه بحثونه پيل شي.ورته مهال له کابله د تللي پلاوي ویاند «نادر نادري» هم ناسته تاید کړه او په خبره يې د تماس د ډلو تر منځ به دا بحثونو لړۍ به نور هم دوام وکړي.

یاده ناسته داسې مهال ترسره کېږي، چې په د دواړو لورو د مذاکراتي ټیمونو تر منځ خبرې سختې شوي دي چې له امله یې نږدې یوه اوونۍ ناستې ځنډ سره مخ وې خو د دواړو ټيمونو لخوا ېې یو ځل بیا دوام وکړ. طالبان ټینګار لري چې په بین الافغاني مذاکراتو کې کېدونکې پرېکړې باید ددوی او امریکايي لوري تر منځ د شوي توافق پر بنسټ وي.

خو افغان پلاوی بیا د مشورتي لویې جرګې پرېکړې او د افغانستان او امریکا تر منځ صادره شوې اعلامیه د پرېکړو بنسټ بولي. دويي وايي چې د بین الافغانی مزاکراتو بنسټ باید لویه جرګه وي چې په همدې خبره فعلن اختلاف دی او څو ورځې حبرې هم ځنډ سره مخ وې. او د افغانان ېې د سولې خبرو نه نا هیلي کړي وو.

د طالبانو په وینا ، د مقابل لوري د مذاکراتي ټیم له څرګندونو او نه دلچسپي ښکاري، چې هغوی وخت ضایع کوي او نه مشکلات نه حل کوي. دويي وايي چې سولې ته د حکومت ټینګه اراده نشته او غواړي چې د سولې خبرې ځنډ سره مخ شي ترڅو دويي ته فرست پیدا شي چې خپل اهداف سر ته ورسوي.دويي زیاته کړه چې مهالفه ډله دې افغانان نه ناهیلي کوي.

اوس وخت رارسېدلۍ دۍ چې باید دواړه لورې کیني او خپلمنځي اختلافات له منځه یوسي او داسې یو ميګانېزم باندې دې کار وکړي چې افغانستان پکې واقعي سولې ته ورسېږۍ ځکه افغانان د دېر وخت راهیسې په جنګ اخته دي. او لس نور د جنګونو نه شوۍ دی . که دواړه لورې غواړي چې د ولس هیلو ته وګورٍي او ارمان ېې پوره کړي نو باید دواړه لورې شخصي ګټې دې شاته واچوي او افغانستان کې دې دایمي سولې ته کار وکړي.

د عبد الله عبدالله سفر اسلام اباد ته

عبدالله عبدالله د عمران خان په بلنه اسلام اباد ته په سفر روان شو.نن دوشنبه سپيدار ماڼۍ اعلان وکړ چې د مصالحې عالي شورا مشر ډاکټر عبدالله عبدالله د پاکستان د لومړي وزير عمران خان په غوښتنه د پاکستان په سفر ووت او نن سهر اسلام اباد ته ورسېد.

د مصالحې شورا څخه په خپره شوي خبرپاخبرپاڼه کې ويل شوي چې د دې لیدنې په جریان کې ، د ملي پخلاینې عالي شورا مشر به د پاکستان د اسلامي جمهوریت له مشرانو سره په افغانستان کې د تلپاتې ، وقار او عادلانه سولې د تعقیب په اړه بحث او خبرې وکړي.د دې سفر په جریان کې به ، د ملي پخلاینې عالي شورا مشر ډاکټر عبدالله عبدالله به د پاکستان د اسلامي جمهوریت له ولسمشر ډاکټر عارف علوي ، لومړی وزير عمران خان ،د ولسي جرګي له مشر اسد قیصر ، د پاکستان د مشرانو جرګې مشر سره به ملاقات وکړي

عبدالله عبدالله به جلالتمآب محمد صادق سنجراني ، د بهرنيو چارو له وزير قریشي او ښاغلي قمر جاوید باجوه ، د پاکستان د پوځ لوی درستیز سره لیدل کتل وکړي .د ملي پخلاینې عالي شورا مشر د پاکستان له اسلامي جمهوریت څخه د لیدنې پرمهال د ملي پخلاینې شورا له مرستیالانو ، سلاکارانو او یو شمیر سیاسي شخصیتونو سره په ګډه ملاقات لري.

هېره دې نه وي چې عبدالله عبدالله دا سفر په داسي حال کې د پاکستان هيواد ته کوي چې د افغان حکومت او طالبانو ترمنځ د سولي خبري جیریان لري خو ددغو خبرو ۱۷ ورځي کيږي چې هيڅ پرمختګ يې نه دی کړی. حتی په ميډيا کې خو لا داسي خبرونو هم خپاره شوي چې د سولي خبري شاید کامیابې نشي او نورې هم سختې شي.

خو اوسمهال باید دې خبرې ته ځواب پیدا شي. چې د ښاغلي عبدالله سفر پاکستان ته د سولي په ټپه ولاړ بهير څومره مثبت اغيز وشي که څه هم ددې ښه ځواب به راتلونکی وخت ووايو خو ولي حالاتو په کتو ويلای شو چې پاکستان په طالبان جوت او ښکار اغيز لري اوس هم هر پلان د پاکستاني پوځ سره په مشوره وړاندي کوي.
نو همدې ته په کتو ويلای شو چې شايد که پاکستان له زړه وغواړي حتمن طالبان دې ته مجبورولای شي چې اوربند پرې وکړي.

عبدالله عبدالله : لویه مشورتي جرګه فرمایشي نه وه
عبدالله عبدالله : لویه مشورتي جرګه فرمایشي نه وه

بلخوا بیا په افغانستان کې د سولي د خپل منځي خبرو د پيل راهسي جکړي زور نيولی دی. او اوس محال د افغانستان په ډيری ولايتو کې سخته جکړه روانه ده چې افغانان يې سخت انديښمن کړي دي عام افغانان له طالبانو او افغان حکومت څخه غواړي چې اوربند او دسولي لپاره دې صادقانه کار وکړي.او دا روان جنګ چې په هر قیمت کيږي په سولې بدل کړي. تر څو افغانان په سوله کې ژوند وکړي.

خلیلزاد د افغان سولې په اړه ایران سره خبرې کوي

خلیلزاد د افغان سولې په اړه ایران سره خبرې کوي د افغان سولې لپاره د امریکا ځانګړی استازی د امریکا دولت په غوښتنه له ایراني چارواکو سره د افغان د سولې مزاکراتو لپاره بحث کوي. ویل کیږي چې نوموړي ته د امریکا لخوا دا وظیفه ورکړل شوې چې ایران سره مزاکرات وکړي.

دا په داسې حال کې ده چې اوس مهال د امریکا او ایران دولتونو تر مابین ناندرۍ او سیاسي کړکېچ اوج ته اوچت شوۍ. امریکا پر ایران له پخوا څو برابره بندیزونه ولګول او د دواړو هېوادونو تر منځ سیاسي کړکېچ د ایران د اټومي پروګرام له کبله رابر سېره شوۍ. ښاغلي خلیلزاد تازه خبروکې ویلي چې د ایران له حکومت پرته د سیمې او نړۍ ګڼو هېوادونو د افغان سولې له بهیر ملاتړ وکړ.

د متحده ایالاتو دولت اقدام کړی چې د بهرنیو چارو وزارت د ځانګړي استازي زلمی خلیلزاد له ایران سره د افغان سولې پر سر خبرو لپاره بحث ته واستوي او د افغان سولې پروسې لپاره د ایران دریځ معلوم کړي، خو ایران تر دې وړاندې هم ویلي وو چې له افغان سولې ملاتړ کوي. د یادونې وړ ده چې زملی خلیلزاد د افغان سولې بهیر د ملاتړ لپاره کله هم د ایران هېواد ته ندۍ تلی.

د ایران او امریکا دولتونو تر منځ کړکېچ دومره زیات شوی چې وخت نا وخت یو بل ته سپکې سپورې کوي او پر یو بل تورونه اچوي. دوي حتۍ دې ته رسېدلي دي چې یو بل باندې پابندي هم لګولې ده. دغه هېوادونو د یوبل سره تجارتي اړیکې هم خرابې کړي دي او یو بل تر منځ تجارت نه کوي. او یو بل ته ځوابونه هم په سختو الفاظو کې ورکوي.

خلیلزاد د افغان سولې په اړه ایران سره خبرې کوي
خلیلزاد د افغان سولې په اړه ایران سره خبرې کوي

ایرانيدولت وړاندې ویلي وو چې امریکا افغانستان او نړۍ کې د جګړې او کړکېچ لامل دی او د افغانستان په جګړه کې یې ماته خوړلې، بل لور بیا څو ورځې وړاندې د امریکا ایران تورن کړ چې په سیمه کې ترهګرې ډلې روزي، تمویلوي یې او ملاتړ یې کوي.تر دې وړاندې هم ایران بار بار په سیمه کې د ترهګرو پر تمویل او ملاتړ باندې تورن شوې ده.

ډاکټرعبدالله به ډېر ژرد عمران خان په بلنه اسلام اباد ته سفر وکړي

 ډاکټرعبدالله به ډېر ژر د عمران خان په بلنه اسلام اباد ته سفر وکړي د ملي مصالحې عالي شورا مشر ډاکټر عبدالله عبدالله په راتلونکو څو ورځو کې پاکستان ته په سفر ځي.هغه ته څه وخت وړاندې د پاکستان لومړي وزیر عمران خان بلنه ورکړې وه.

ډاکټر عبدالله به اسلام اباد کې له پاکستاني چارواکو سره په لیدنه کې قطر کې د افغانانو پر خپل منځي خبرو او پخلاینې بحث وکړي ښاغلی عبدالله اسلام اباد ته دا سفر د پاکستان د لومړي وزیر عمران خان په رسمي بلنه کوي.عبدالله عبدالله دا راز پرون په یوه انلاین ناسته کې هیله وښودله چې په قطر کې د افغانانو خپل منځي خبرې به د افغانستان څلور لسیزې جګړه ختمه کړي او په هېواد کې به وینه توییدنه بنده شي.

نوموړي همدا راز وویل، د سیمې ټول هېوادونه د ترهګرۍ له ګواښه سره مخامخ دي او د افغانستان سوله به وکولی شي دا ګواښ له منځه لرې کړي.په وروستیو کې د افغانستان د ملي پخلاینې عالي شورا رییس ډاکټر عبدالله عبدالله هڅې د سولې په برخه کې د ستاینې وړ دي.نوموړۍ شپه او ورځ سولې ته کار کوي او زیاته هڅّ ېې دا ده چې افغانستان کې سوله راشي.

ډاکټر عبدالله د سولې او نورو ملي مسایلو لپاره په چټکو کارونو او هڅو د خلکو پام خپل ځان ته ور اړولی.د قطر پلازمېنه دوحه کې د افغانانو د خپل منځي خبرو پرانیست غونډه کې د عبدالله عبدالله خبرې هر اړخیزې او هیله مندې وې، چې ډېری شننونکي د عبدالله عبدالله وینا او دریځ ستایي.دويي وايي چې باید ټول سیاسیون باید د ډاکټرعبدالله پّ څېر سیاست خپأ کړي او سوله د بل هر څه نه بهتره وبلي

دا په داسې مهال ده چې د خپل منځي خبرو پرانیست غونډه چې د عبدالله عبدالله په حضور کې پیل شوه لا هم د افغانانو د خپل منځي خبرو تر پړاوه نه دي رسېدلي او لا هم دواړه لوري په کاري اصولو طرزالعملونو پر کار مصروف دي. بلخوا افغانان وايي چې باید دا وارته دواړه لورې په صدق کار وکړي او دواړه لورې باید سولې ته لومړیتوب ورکړي.

ډاکټرعبدالله به ډېر ژرد عمران خان په بلنه اسلام اباد ته سفر وکړي
ډاکټرعبدالله به ډېر ژرد عمران خان په بلنه اسلام اباد ته سفر وکړي

له طالبانو د افغان دولت ، امریکا او نړیوالې ټولنې غوښتنه ده چې د مذاکراتو په درشل کې دې ژر تر ژره اور بند اعلان کړي، ځکه د طالبانو لخوا جګړې او تاوتریخوالي بیخي ډېر زور اخیستی.لا هم هره ورځ خلک مړه کیږي او هغه خلک وژل کیږي چې کوم د افغانستان غریبه طبقه ده. او د پوښتنې ېې څوک نشته نو دواړه لورې په ژر اوبند باندې خبرې وکړي.