افغان ولس:دسولېراتګ وخته پورې به جګړې نيمايې افغان ولس له منځه ویسي

افغان ولس:دسولېراتګ وخته پورې به جګړې به نيمايې افغان ولس له منځه وبیسي افغانستان کې روان ناورين، ۴۳ کلنې جګړې، خراب اقتصادي وضعیت ، بې روزګارۍ او ګڼو نورو ستونزو افغانان سخت ګړولي او له ژوند څخه يې زړه ورتور کړی.

زمونږ د هېواد د خلکو تر ټولو لويه ستونزه او انساني ناورين روانه جګړه ده چې هره ورځ په سل ګونو افغانان پکې شهيدان ، معلول، معيوب او ژوبل کيږي.بايد وويل شي چې عام ولس له جګړې سخت ستړی دی د جنګ له ټولو لوريو څخه يې په وار، وار غوښتي چې د خدای لپاره جګړه بس کړی.موږ هم انسانان يو د ژوند کولو حق لرو ، ددې حق لرو چې چې ارامه ، سوکاله ژوند وکړو. ددې حق لرو چې علم ، پوهه او د ژوند نور هنرونه زده کړو.

اوسه پورې په افغانانو هیڅ چا باندې رحم ونه کړ بلکي خپل ټول جنګي پلانونه يې په همدې ځای کې پلي کړي دي، له افغانستان څخه د نړۍ جنګ جوړ شوی دی.عارف ځاځي چې په کابل پوهنتون د اقتصاد پوهنځی لولي خبريال ويبپاڼې ته داسي وايې (( زما دری ورڼه ددې بدبختې جګړې له لاسه شهيدان شول ، مور مې د ورړنو له غمه بيخي ليونۍ ده موږ ټولو ته يو ډول راوني تکليف راپيښ شوی دی.ښاغلی عارف زياتوي چې دا يوازي موږ نه يو چې له د جګړې له لاسه مو ژوند له سخت ګړاو سره مخ دی بلکي په افغانستان کې به داسي کور نه وي چې له اوسني ناورين څخه نه وي زيانمن شوی نه وي.

عارف ځاځی له دواړو لوريو غواړي چې ددې غريب ولس په خاطر دې نور سره کينې ، سوله دې وکړې په خاص ډول دی، وايې چې له طالبانو مې غوښتنه دا ده چې تاسو تر څو سوله کوئ جګړې به تر نميايې زيات افغانان شهيدان کړي وي.نو باید د سولې خبرې په ترڅ کې اور بند وکړي او دغه بدبختیو نه خلاص شو.

د ښاغلي ځاځي په وينا حکومت او حکومتولي خو هم په خلکو کيږي نه په قبرونو دی زياتوي چې هديرو او تشو ګنډوالو خو حکومت نشي کيدای.بايد وويل شي چې په وار ، وار خلک لارو کوڅو ته را ووتل ، لاريون مظاهرې يې وکړې افغان ولس له جګړې سخت ستړی دی.

افغان ولس:دسولېراتګ وخته پورې به جګړې نيمايې افغان ولس له منځه ویسي
افغان ولس:دسولېراتګ وخته پورې به جګړې نيمايې افغان ولس له منځه ویسي

له يوه افغان ماشوم څخه را نيولي بيا تر پوه سيپن زيږي او افغان پوري ټول له جګړې ستړي. بس چې له هر چا سره کيني همدا د جګړې او رروان ناورين خبري به کوي له دې څخه به سر ټکوي او د هر عام وګړي په خوله دا خبره تل اوريدل کيږي الله تعالی دې ټول افغانستان کې سوله راولي.

اى پي ايل: ممبۍ ټیم نه بېنګلورپه سوپر اور کې لوبه وګټله

اى پي ايل: ممبۍ په بېنګلورپه سوپر اور کې لوبه وګټله د اى پي ايل لوبه ډېره ښه او په زړه پورې وکړه، چې دواړو ټيمونو ٢٠١ منډې وکړې او لوبه سوپر اور راونډ ته اووته چې په سوپر اور کې د رايل چېلنجرز بېنګلور ټيم د ممبۍ انډينز ټیم ته ماتې ورکړه او لوبه ېې وګټله.

د اى پي ايل ١٠مه لوبه په دوبۍ کې د رايل چېلنجرز بېنګلور او ممبۍ انډينز لوبډلو ترمنځ وشوه. په اول کې د لوبې پچه ممبۍ انډينز په خپل نوم کړه او لومړى يې د رايل چېلنجرز بېنګلور لوبډلې ته د توپوهنې بلنه ورکړه.د بېنګلور له لوري ديودت پاډيکال او ارون فنچ توپوهنې ته راووتل او دواړو د ٨١ منډو په زړه پورې ملګرتيا ترسره کړه، چې ارون فنچ د ٥٢ منډو ترلاسه کولو وروسته وسوځېده، همدا راز ويراټ کوهلي توپوهنې ته راغى خو په ١١ توپونو يې يوازې ٣ منډې وکړې او له مېدانه بهر شو.له هغه وروسته اې بي ډيويليرز توپوهنې ته راغى او له پاډيکال سره په ګډه يې د بېنګلور منډې ١٥٤ ته ورسولې، چې پاډيکال د ٥٤ منډو ترلاسه کولو وروسته اووټ شو.

ډيويليرز او شيوام ډوبى په وروستيو اورونو کې چټکه توپوهنه پیل کړه ، چې ډيويليرز په ٢٤ توپونو ٥٥ ناسوځېدلې منډې وکړې او ډوبى په ١٠ توپونو ٢٧ ناسوځېدلې منډې وکړې.رايل چېلنجرز بېنګلور په ټاکلو ٢٠ اورونو کې د ٣ لوبغاړو په سوځېدو ٢٠١ منډې وکړې او د ممبۍ انډينز لوبډلې ته يې د ٢٠٢٠ منډو ستر هدف وټاکه.د ممبۍ انډينز له لوري ټرينټ بولټ ٢ او راهول چاهار ١ ويکټ واخیسته

د ٢٠٢ منډو د هدف په تعقيب د ممبۍ انډينز لوبډلې پيل ډېر سوړ و، لومړى لوبغاړى روهيت شرما و چې د ٨ منډو ترلاسه کولو وروسته وسوځېده، ورپسې سوريا کمار يادو هم په صفر له مېدانه بهر شو او کوانټين ډي کوک بيا يوازې ١٤ منډې وکړې او وسوځېده. هارديک پانډيا هم کوم کمال ښکاره نه کړ او ١٥ منډو ترلاسه کولو وروسته له مېدانه بهر شو.ممبۍ انډينز په ١١.٢ اورونو کې د ٧٨ منډو په جوړولو سره ٤ مهم توپوهونکي اووټ شول.

کشن په ٥٨ توپونو ٩٩ منډې وکړې، چې ٩ شپږيزې يې هم وهلې وې، همدا راز کيرون پولارډ په ٢٤ توپونو ٦٠ منډې وکړې، چې ٥ شپږيزې يې هم ووهلې.ممبۍ انډينز په ټاکلو ٢٠ اورونو کې د ٥ لوبغاړو په سوځېدو ٢٠١ منډې وکړې او د دواړو لوبډلو ترمنځ لوبه مساوي شوه، چې له هغه وروسته سوپر اور ته لوبه لاړه.د رايل چېلنجرز بېنګلور له لوري ايسورو ادانا ٢، واشينګټن سندر، يوژيندرا چاهل او اډم زمپا ١-١ ويکټ واخيستې.

بلخوا بیا په سوپر اور کې د بېنګلور له لوري سنديپ سېني توپ اچونې ته راغى او د ممبۍ له لوري کيرون پولارډ او هارديک پانډيا بیټنګ ته راووتل، پولارډ په لومړي توپ ١ منډه ترلاسه کړه، پانډيا په دويم توپ ١ منډه واخيسته، دريم توپ مس شو، په څلورم توپ پولارډ څلوريزه ووهله او په پنځم توپ پولارډ کېچ شو او له مېدانه بهر شو، شپږم ليګ باى توپ ترسره شو او ممبۍ په اور کې ٧ منډې ترلاسه کړې او بېنګلور ته يې د ٨ منډو ټارګټ کېښود.

په اول بال ډيويليرز ١ منډه وکړه، په دويم توپ کوهلي ١ منډه وکړه ، دريم توپ مس شو، په څلورم توپ ډيويليرز څلوريزه ووهله، په پنځم توپ ډيويليرز ١ منډه وکړه او په شپږم توپ کوهلي څلوريزه ووهله، چې په دې سره يې په سوپر اول لوبه په خپل نوم کړه.

د عبد الله عبدالله سفر اسلام اباد ته

عبدالله عبدالله د عمران خان په بلنه اسلام اباد ته په سفر روان شو.نن دوشنبه سپيدار ماڼۍ اعلان وکړ چې د مصالحې عالي شورا مشر ډاکټر عبدالله عبدالله د پاکستان د لومړي وزير عمران خان په غوښتنه د پاکستان په سفر ووت او نن سهر اسلام اباد ته ورسېد.

د مصالحې شورا څخه په خپره شوي خبرپاخبرپاڼه کې ويل شوي چې د دې لیدنې په جریان کې ، د ملي پخلاینې عالي شورا مشر به د پاکستان د اسلامي جمهوریت له مشرانو سره په افغانستان کې د تلپاتې ، وقار او عادلانه سولې د تعقیب په اړه بحث او خبرې وکړي.د دې سفر په جریان کې به ، د ملي پخلاینې عالي شورا مشر ډاکټر عبدالله عبدالله به د پاکستان د اسلامي جمهوریت له ولسمشر ډاکټر عارف علوي ، لومړی وزير عمران خان ،د ولسي جرګي له مشر اسد قیصر ، د پاکستان د مشرانو جرګې مشر سره به ملاقات وکړي

عبدالله عبدالله به جلالتمآب محمد صادق سنجراني ، د بهرنيو چارو له وزير قریشي او ښاغلي قمر جاوید باجوه ، د پاکستان د پوځ لوی درستیز سره لیدل کتل وکړي .د ملي پخلاینې عالي شورا مشر د پاکستان له اسلامي جمهوریت څخه د لیدنې پرمهال د ملي پخلاینې شورا له مرستیالانو ، سلاکارانو او یو شمیر سیاسي شخصیتونو سره په ګډه ملاقات لري.

هېره دې نه وي چې عبدالله عبدالله دا سفر په داسي حال کې د پاکستان هيواد ته کوي چې د افغان حکومت او طالبانو ترمنځ د سولي خبري جیریان لري خو ددغو خبرو ۱۷ ورځي کيږي چې هيڅ پرمختګ يې نه دی کړی. حتی په ميډيا کې خو لا داسي خبرونو هم خپاره شوي چې د سولي خبري شاید کامیابې نشي او نورې هم سختې شي.

خو اوسمهال باید دې خبرې ته ځواب پیدا شي. چې د ښاغلي عبدالله سفر پاکستان ته د سولي په ټپه ولاړ بهير څومره مثبت اغيز وشي که څه هم ددې ښه ځواب به راتلونکی وخت ووايو خو ولي حالاتو په کتو ويلای شو چې پاکستان په طالبان جوت او ښکار اغيز لري اوس هم هر پلان د پاکستاني پوځ سره په مشوره وړاندي کوي.
نو همدې ته په کتو ويلای شو چې شايد که پاکستان له زړه وغواړي حتمن طالبان دې ته مجبورولای شي چې اوربند پرې وکړي.

عبدالله عبدالله : لویه مشورتي جرګه فرمایشي نه وه
عبدالله عبدالله : لویه مشورتي جرګه فرمایشي نه وه

بلخوا بیا په افغانستان کې د سولي د خپل منځي خبرو د پيل راهسي جکړي زور نيولی دی. او اوس محال د افغانستان په ډيری ولايتو کې سخته جکړه روانه ده چې افغانان يې سخت انديښمن کړي دي عام افغانان له طالبانو او افغان حکومت څخه غواړي چې اوربند او دسولي لپاره دې صادقانه کار وکړي.او دا روان جنګ چې په هر قیمت کيږي په سولې بدل کړي. تر څو افغانان په سوله کې ژوند وکړي.

مالیې وزارت :سږ کال تر دې دمه ١١٥ میلیارد افغانۍ عواید راټول شوي

مالیې وزارت :سږ کال تر دې دمه ١١٥ میلیارد افغانۍ عواید راټول شوي د هېواد مالیي وزارت تر دې دمه په روان کال کې ١١٥ میلیارده افغانۍ عواید را ټول کړي ویل کیږي چې د سږ کال راټول شوي عواید د تېر کال په پرتله کم دي

ماليې وزارت وایي، ملي بودجه کې د تعدیلاتو له وجهې ټاکلی ١٧٧ میلیارد افغانیو ته واوښت، دې نه مخکې د روان کال د عوایدو را ټولولو لپاره ٢٠٨ میلیارده افغانۍ هدف ټاکل شوی وو.دغه وزارت یې لامل په ملي بودجه کې تعدیلات او د کرونا وبا له کبله هدف ته نه رسېدل بولي دويي وايي چې سږ کال کرونا ویروس له امله ډېر کاروبارونه بند پاتې وو او مالیه نه وه راټوله شوې له خلکو نو ځکه

یاد وزارت پروسه کال تر دا مهاله ١٣٣ میلیارده افغانۍ عواید را ټول کړي وو، خو سږ کال یې دا مهال ١١٥ میلیارد افغانۍ عواید را ټول کړي چې د تېر کال سره نږدې ١٨ میلیارده افغانۍ کمې شوي ، خو مالیې وزارت وایي، دوی به د کال تر پای عواید نور هم لوړ کړي.سږ کال د کرونا وبا له کبله چې د سیمې او نړۍ له هېوادونو سره سوداګریزې اړیکې په ټپه ودرېدې او د افغانستان دننه د ګمرکاتو چارې هم ټکنۍ شوې وې له کبله یې د افغانستان عواید کم شول او اقتصادي راغلل.

بلخوا بیا د اسیا پراختیایي بانک د افغانستان د اقتصادي ځوړتیا په اړه وړاندوینه تأیید کړه.د اسیا پراختیایي بانک د افغانستان د اقتصاد په تړاو راپور خپور کړی وو او ویلي وو، چې د افغانستان اقتصاد مخ پر بحران رواندۍ یاد بانک خپور کړي راپور کې ویلي وو، چې د افغانستان اقتصاد به روان زېږدیز کال کې ډېر پر شا راشي.په راپور کې ویل شوي وو، چې د افغانستان نا خالص تولیدات به منفي ٥ سلنې ته ټیټ شي، د دغه بانک د وړاندوینې پر بنسټ د افغانستان اقتصادي وده به روان کال یو نیم سلنې ته لوړ شي.

د(Asian Development Bank) د افغانستان مسؤول نارندرا سینګرو بیا هیله مندي ورکړې وه، که دوحه کې د سولې مذاکرات بریالۍ پایله ورکړي، دا به راتلونکی زېږدیز کال د افغانستان پر اقتصادي وده مثبت سیوری وغوړوي.د اسیا پراختیایي بانک د افغانستان د اقتصادي ودې په تړاو خپور کړي راپور کې د افغانستان اقتصادي ودې زیانمېدو عوامل، د کرونا وبا یا کووېډ١٩ ناروغي، امنیتي ستونزې، سیاسي ننګونې او د افغانستان د خلکو بې کاري ښودلې وه

د کويد۱۹ وبا، سیاسي او اقتصادي ننګونې، امنیتي ستونزې، سوداګریزو لارو او بندرونو تړل د افغانستان همېشنۍ ستونزې دي چې پر اقتصاد یې بد اثر کړی .افغانستان به د اقتصادي ودې د ځوړ پور هله پرې کړي، چې د سولې خبرې بریالۍ شي او د نړیوالو مرستې دوام ولري، د افغانستان اقتصاد به ښه شي

داهم باید یاده کړو چې امید شته چې دوحه کې د افغان سولې بین الافغاني مذاکراتو پر ښې پایلې به افغانستان له بې وزلۍ او بې کارۍ را ووځي.افغانستان کې د بې وزلۍ ستر لامل جګړه او طالبان بلل کیږي.د ځينې سرچینیو له مخې افغانستان ته به یو ځل بیا بهرني کومکونه را جلبیږي او دې سره هم شاید ډېرې پروژې پیل شي دې سره به هم د افغانستان اقتصاد مخ په ښه کېدو شي.

د رغتیا وزیر څارنوالۍ ته معریفي شوۍ

دافغانستان پخوانی دعامې روغتیا وزیر فېروز الدین فېروز د پخوانیو درې معینانو سره یو ځای لوی څارنوالۍ ته ور معریفي شوی،د سرچینیو له مخې دويي د کرونا سره مبارزې لپاره مصرف شوې بودیجې کې فساد اوخپلو وظیفو نه ناوړه ګټه اخییستلو په تور څارنوالی ته معریفي شوي دي،

، له دوی سره یو ځای د عامې روغتیا وزارت یو اسنۍ معین هم لوی څارنوالۍ ته معریفي شوۍ، دوی له خپلو دندې نه د ناوړې ګټې اخیستنې په تور او د کرونا اړوند د سرچینو په حیف او میل تورن شوي، چې د لا زیاتو تحقیقاتو لپاره لوی څارنوالۍ ته ور وپېژندل شول، دا په داسې حال کې ده، چې د ارګ د تفتېش ریاست ته د کرونا اړوند د سرچینو د مصرف او لګښت په اړه د څېړنو دنده ورکول شوې وه او په دې تړاو د یاد ریاست څېړنې مکمل شوي دي،

دې نه مخکې هم په سخت کرونایي وضعیت کې د میلیونونو مرسته شویو ډالرو په ورک کېدو او غلا کېدو سره د عامې روغتیا پخوانی وزیر فېروز الدین فېروز او د ولسمشر سلاکار او د کرونا پر وړاندې د مبارزې د کمېټې پخوانی مشر وحید عمر د ملي شورا له لوري لوی څارنوالۍ ته معریفي شوي وو، خو ملي شورا خپله پرېکړه واخيسته،

د دويي څانوالۍ ته معریفي کېدل په داسې حال کې دي چې، له افغانستان سره د کرونا وبا پر وړاندې د مبارزې لپاره د یو شمېر هېوادونو، نړیوال بانک او نړیوالو ټولنو له لوري میلیونونه ډالره مرسته وشوه، خو نه هغې مرستې پر خپل ځای ولګېدې او نه پرې د روغتیایي سېسټم جوړشو،

له روغتیا وزارت سره د میلیونونو کومک شویو ډالرو سره سره لا هم دولت په هېواد کې د کرونا وبا پر وړاندې په مبارزه کې کامیاب شووۍ ندی.د نغدي مرستو سره سره د روغتیایي توکو او په ځانګړې توګه د تنفسي دستګاوو یو شمېر مرستې هم ژوندۍ ګړندۍ ورکې شوې او پاکستان ته قاچاق شوې خو حکومت او په ځانګړې توګه د عامې روغتیا وزارت لا هم سر زوري کوي او نه یې قبلوي

بل خوا د روغتیایي توکو د کمښت له کبله یو شمېر ولایتي روغتونونو کې د ناروغانو لپاره ان پېچکارۍ او عادي د سر درد ګولۍ هم نه پیدا کیږي او ناروغان د ناروغۍ پر بستر کړیږي.له دې سره جوخت د عامې روغتیا وزارت ویلي، په هېواد کې د کرونا وبا د دویمې احتمالي څپې پر وړاندې یې تدابیر نیولي او پوره چمتووالی لري،

اوس وخت کې حکومت ته پکار دي چې یاد کسانو نه سمې څېړنې وکړي او که چرته فساد کې ښکېل وي نو باید قضیه ېې په سمه توګه محکمې کې وڅېړل شي او د کوم فساد ېې چې کړۍ په هغې کې ېې جرمانه کړي ترڅو دا یو مثال قایم شي او اینده لپاره نورچارواکي هم د داسې فساد کولو نه ډډه وکړي،

تاجکستان ټول افغانستان تیاره تیاره کړ

تاجکستان افغانستان لپاره د برېښنا واردول کموي د هېواد د برېښنا شرکت ویلي پرون سهار ٧:٣٠ بجې هېواد ته له ګاونډي مملکت تاجکستان نه وارداتي برېښنا له ٣ سوه ٥٠ مېګاواټو نه ٤٠ مېګاواټو ته راکمه شوه.او د همدې له امله په بازې منتقو کې برق هم کم شوۍ ،

د هېواد د برېښنا شرکت یې لامل په تاجکستان کې د اوبو کمښت بولي.دغه اداره / شرکت وایي، کوشش کوي د برېښنا انرژۍ د کمښت ستونزه د ازبکستان نه د برېښنا پر پېرلو حل کړي او پلازمېنې کابل او ولایتونو ته د اړتیا وړ برېښنا چمتو کړي، دغه شرکت د یوې اعلامیې پر خپرولو له خلکو غوښتنه کوي چې د برېښنا سپما ته ځانګړې توجه وکړي او د ستونزې تر حل پورې به له کورنیو سرچینو په نوبتي ډول ګټه اخیستل کیږي.

دهېواد د برېښنا شرکت همدا رنګه د تاجکستان نه قرض هم کړۍ او ویل کېدل که برېښنا شرکت د تاجکستان پیسې اداء نه کړي تاجکستان به خپله وارداتي برېښنا پر افغانستان قطع کړي د تاجکستان برېښنا چې د افغانستان په یو شمېر نا امنو ولایتونو هم را تېره شوې، وخت نا وخت دبازې ډلو له خوا یې پایې ویشتل کیږي او بریدون پرې کيږي او لاینونه یې هم پرې کیږي.

رمونږ هېواد چې خپله پرېمانه اوبه لري او کولی شي چې له اوبو برېښنا تولید کړي خو دولت لا هم کوشش ندۍ کړۍ چې داسې اقدامات وکړي چې خپله زیات برق تولید کړي،.د افغانستان په سلو کې ٧٥ سلنه اوبه ګاونډیو هېوادونو ایران او پاکستان ته روانې دي او د افغانستان اوبه په هېواد دننه پرته له ګټې اخیستنې ګاونډیو هېوادونو ته روانې دي.

هېواد وال په حکومت نیوکه کوي، چې له خپلو اوبو ولې ګټه نه اخلي او نه پرې د برېښنا ډیمونه جوړوي، برېښنا له نورو هېوادونو پلوري او د هېواد په اوبه دښمن هېوادونو پاکستان او ایران مزې وکړې.چې کوم زمونږ د هېواد لپاره د شرم خبره هم ده باید اوس په نورو هېوادونو باندې باور کم کړو او خپله خپل هېواد برېښنا تولید کړو تر څو افغانستان یو پرمختللي هېواد اووسې ځکه دا ډېر د شرم ځاۍ دۍ چې مونږ بیخي خپل تولید نه لرو او اکثر مو په نورو هې،ادونو تمرکز دۍ،

تاجکستان افغانستان لپاره د برېښنا واردول کموي
تاجکستان افغانستان لپاره د برېښنا واردول کموي

زمونږ هې،اد کې چې ایران او پاکستان ته د روانو اوبو د بندولو پر سر خبرې را پورته شي،دواړه هېوادونه سیاسي اړیکې خرابوي، افغان کډوال ځوروي او په افغانستان دننه د جګړې لپاره پر ترهګروملاتړ کوي باید د دې هم مخه ونیسو او داسې یو نظام په هېواد کې ولرو چې ټول افغانان پکې د یو ازاد هېوادوال په څېر ژوند وکړي او داسې ژوند نه وي چې هېوادوال مو پکې غلام په څېر وي او تل د بل لاس ته ناست وي

نن د بیرغ ملي ورځ ده

نن د بیرغ ملي ورځ ده د هېواد د بېرغ ملي ورځ نن د زمري يا اسد ٧مه، د جولاى ٢٨مه په ټول افغانستان کې په دولتي او قومي کچه ښه زور او جوش سره لمانځل کيږي،په دې اړه عام وګړي سوشل ميډیا کې هم ګرم پوسټونه کوي او دغه ورځ لمانځي،

نه يوازې پهسوشل ميډیا کې هېواد وال له خپل ملي بېرغ سره د وياړ څرګندولو په تړاو عکسونه شیر کوي ، بلکې په دې ورځ په ولايتونو او مرکز کې ځانګړې غونډې هم جوړې شوي، د دې ترڅنګ هېواد نه بهر هم افغانان دغه ورځ ښه په زور او جوش سره لمانڅي او ځانګړي غونډو کې د ملي بېرغ ورڅ په اړه ترانې او سندرې هم ویل کيږي، د هېواد درې رنګه بېرغ يو وياړلى بېرغ دى، چې غازي امان الله خان په وخت کې جوړ شو،

په هغه وخت کې چې کله دا درې رنګه بېرغ جوړېده، نو تور رنګ ورته د افغانستان د ښکېلاک د وختونو د سمبول په توګه خوښ شو ، سور رنګ ورته د هېواد د ازادۍ د مجاهدو شهيدانو د نښې په توګه خوښ شو او زرغون رنګ ورته د هېواد د ازادۍ د ترلاسه کولو او همدا رنګه د ازادۍ د ترلاسه کولونه بعد د پرمختګ او د زرغونېدو د نښې په توګه ورته خوښ شو، که داسې ووايي، چې د ښکېلاک په تورتم کې د هېواد د ازادۍ لپاره مجاهدينو په خپل شهادت هېواد ته ازادي وګټله او اوس د هېواد د زرغونېدو او پرمختګ وخت دى، نو همدا د درې رنګ بېرغ پېغام او معنا ده.

دامان الله خان وروسته په ملي بېرغ کې يو شمېر بدلونونه رامنځته شو ، خو د خلقيانو د واکمنۍ پر مهال، د مجاهدينو د واکمنۍ پر مهال او د طالبانو د واکمنۍ پر مهال بيا بېرغ په بشپړ ډول بدل شوى و.او بیزته تور سو ر او زرغون رنګ رته غوره شو ، په نورو وختونو کې که په بېرغ کې بدلون راغلى هم دى، خو دومره ډېر نه، بلکې همدا درې رنګونه د بېرغ و.اوسمهال باید د ملي بیرغ ښه وساتل شي او نور بدلون ته پرېنښودل شي تر څو د افغانستان کې نظام ته خلک ژمن ياتې شي اوبیرغ او نورې پالیسیانې هم بدلې نشي،

اوس وخت د دې رارسېدلۍ چې باید افغانستان کې امنیت قایم شي ترڅو زمونږ د هېواد بیرغ په فحر سره ټول عمر اوچت پاتې وي ، باید دا هم یاده کړو چې افغانستان کې اوسمهال د سولې خبرې روانې دي باید دا فرصت ضایع نه کړو او طالبان او دولت داړه داسې یو مېکانېرم له لارې سولې خبرو ته ورسېږو چې افغانستان پکې تل پاتې سولې ته ورسيږي، د بازې سیاسي شنونکو په وینا اوس ډېر برځاي فرصت دۍ باید ټولې خواوې دې فرصت نه ګټه واخلو او یو با ثباته افغانستان شاهدلنواووسو ،

نن د بیرغ ملي ورځ ده
نن د بیرغ ملي ورځ ده

د یادونې وړ ده چې د افغانستان د نوې ادارې د رامنځته کېدو سره سم په ٢٠٠٤ کال کې د هېواد رسمي بېرغ ومنل شو، چې په منځ کې يې ملي نښان او همدا راز کليمه پرې ليکل شوې ده.د افغا ناو له خوا دې ټولو هېوادوالو ته د بېرغ د ملي ورځې په وياړ مبارکي وي او مونږ دعا کوو چې الله تعالي مو بیرغ همداسې سر لوړۍ لري،

خليلزاد: دواړه لورې باید د سولې شفرصت ضایع نه کړي د افغانستان د سولې لپاره دامریکا ځانګړي استازي زلمي خلیلزاد په دوحه کې د ولسمشر غني سره د يوې غونډې پر مهال ليدلي.نوموړي دا خبره په خپل ټویټر لیکلې.

د امریکا ځانګړس استاذس رلمس خلیلزاد له طالب استازو سره لیدل کتل شوي ديرځنډ بعد له هغه چې د افغان سولې لپاره د امریکا ځانګړی استازی کابل، اسلام آباد او تاشکند ته سفرونه وکړل، پرون شپه ناوخته یې په دوحه کې له طالب استازو سره هم د یوه اقتصادي پلاوي په ملتیا ماقات شوی دی،

بازې سرچينۍ وايي دواړو خواوې چې د قطر د خارجه چارو وزارت خاص استازي مطلق القحطاني هم په کې ګؤون کوو، د بین الافغاني خبرو په ژر پیلېدو او دغه راز د بندیانو په ژر خوشي کولو باندې خبرې شوې دي.دا په داسې حال کې ده چې دوه ورځې وړاندې ولسمشر غني له ملي تلویزیون سره په خبرو کې وویل چې دوی به بې قید او شرطه طالب بندیان خوشي نه کړي خو په وینا یې چمتو دي له دغې وسله والې ډلې سره د سولې پّ راتګ کې د تل په څېر انعطاف وښیي.

بلخوا د طالبانو ویاند ذبیح الله مجاهد په خپل اخيري بیان کې د زلمي خلیلزاد د طالبانو له مرستیال او د قطر د دفتر له مشر ملا عبدالغني برادر سره د پنجشنبې په ورځ په دوحه کې له شوې ملاقات څخه پخلی کړی دی او وایي چې دواړو لوریو د سولې په روانه پروسه او د بین الافغاني خبرو په پیدلېدو بحث کړی دی.که څه هم طالبانو او د امریکا ځانګړي استازي تر اوسه پورې د بین الافغاني خبرو د وخت په هکله څه نه دي ویلي خو د حکومت یو شمېر چارواکي وايي چې روانه جولای به د دواړو خواوو ترمنځ د سولې خبرې پیل شي.

دا هم باید یاده کړو چې تر دې مخکې په ۲۰۱۵ م کال کې هم د پاکستان په مري ښارګي کې د افغان حکومت او طالبانو اول ځل خبرې د جولای په میاشت کې شوې وې.ویل کېږي چې له خلیلزاد سره د امریکا د نړیوالې پراختیا د پانګونې شرکت اجرايي ريیس اډم بولر هم ملتیا کوله. له خلیلزاد سره په روان سفر کې د بولر په مشرۍ یو اقتصادي پلاوی ملګری دی او هڅه کوي چې د سیمې هیوادونه اقتصادي همکاریو ته وهڅوي.

په دې ورستیو کې که له یو پلوه د بین الافني مذاکراتو لپاره هلې ځلې زیاتې شوې دي، بل پلو په ټول هېواد کې د تاوتریخوالي ګراف په کم سارې توګه لوړ شوی دی چې ولس او حکومت یې سخت اندېښمن کړی دی.

د یادونې وړ ده چې تېره هفته ولسمشرغني د ملي تلويزیون سره په مرکه کې وویل چې موونږ غواړو چې ژر بین الافغاني مزاکرات پيل کړو د یو سوال په ځواب کې ولسمشر غني وویل چې ښايي د طالب بندیانو لړۍ راروانې بکشنبې ته بشپړه کړو او ډېر ژر بین الافغاني مزاکرات پيل کړو نوموړې دا هم وویل چې که چېرته طالبانو تاوتريخوالي ته دوام ورکړ نو دا به د سولې خبرې ته سخت زیان ورسوي،

اوس وخت ددې رارسېدلۍ دۍ چې باید ټول افغانان او نورې زیدخل لورې باید په سمه توګه سره کیني او ژرتر ژره د بین الافغاني خبرو لار هواره کړي ترڅو دغه د ۴۰ کلو د جنګ او بدبختیو څخه نور افغانان خلاص شي ځکه افغانان د دې وړاندې ډېرې بدبختۍ او جنګونه تېر کړل باید نور ټول سره په یو مېز کيني اوو راغوهنډ شي چې د افغانستان د سولې لپاره یو سمه او جامع تګلاره جوړه کړي او دغه مظلوم افغان ملت نور د امن په ټغر کيني او ټول عام وګړي د امن په فضا‌‌ء کې ژوند تېر کړي،

بهرنیو چارو وزارت: ایران ته د سفر موخه سوداګرۍ او اقتصادي موضوعاتو باندې خبرې کول وو

دهېواد د بهرنیو چارو وزارت مسولین وايي چې ایران ته یې د بهرنیو چارو وزارت چارواکو دسفر مهمه برخه اقتصادي او سیاسي موضوعات باندې خبرې اترې کول وو،دغه وزارت وايي چې دويي غواړي چېایران سره اقتصادي او سیاسي اړیکې جوړې کړي،

دغه وزارت ویلي چې دا خبرې د بهرنیو چارو وزارت د اقتصادي همکاریو معین میرویس ناب د سوداګرۍ او صنایعو خونې له مرستیال استازو سره مجلس کې کړي دي.په دې ملاقات کې، ښاغلي ناب ایران ته د خپل سفر د نتيجې په اړه خبرې وکړې او د دې سفر د خبرو اړینه برخه یې سوداګریز او اقتصادي موضوعات وبلل چې د هغه هېواد له مقاماتو سره یې شریک او پرې خبرې کړې وې

د ملاقات په دوام، ښاغلي ناب، ایران ته د سفر په وخت کې د خبرو جزئیات د هېواد د سوداګرۍ او صنایعو خونې له استازو سره په تفصیلي توګه بحث وکړ.ایران د افغانستان یو ګاونډي هېواد دۍ باید چې دغه هېواد سره مو خه اقتصادي او سیاسي اړیکې چوړول وو.

بهرنیو چارو وزارت ویلي؛ د افغانستان د سوداګرۍ او صنایع خونې استازو د ټرانزیټ، د ویزې تر لاسه کولو، د پاسپورټ تمدیدولو په شمول د یو لړ موضوعاتو او ستونزو په اړه چې په داخل او بهر کې افغان سوداګر ور سره مخامخ دي، اشاره وکړه او د حل لپاره یې د همکارۍ غوښتنه وکړه.

ویل شوي؛ ښاغلي ناب د یادو ستونزو د غوره حل په موخه، د درې کاري کمیسیونونو د جوړیدو په اړه خبرې وکړې او زیاته یې کړه: “له پاکستان سره د ستونزو د حل کمیسیون، د ایران سره د ستونزو د حل کمیسیون، او د چین د خلکو جمهوریت او د منځنۍ آسیا په هېوادونو کې د افغان سوداګرو د ستونزو د حل کمیسیون جوړ سي، تر څو له دې لارې یادې ستونزې په بنسټیز او غوره ډول حل او مطلوبه پایلې تر لاسه شي.”

باید یاده شي چې په دې وروستیو کې افغان حکومت یو لوړپوړی پلاوی ایران ته لیږلی چې موخه یې هلته له میشت افغانانو سره د ایران د سلوک او وروستیو هغو بوږنونکو پيښو په اړه چې ایراني پولیسو له افغان کډوالو سره کړي دي.دويي د افغان عوامو پيغام دغه هېواد ته ورسوو په دې پيغام کې دويي د ایران نه غوښنته کړې وه چې باید افغان مهاجرینو سره دې سم چلند وشي،

اوس ووخت د دې رارسېدلۍ دۍ چې باید افغانستان د سيمې هېوادونو سره سم تعلقات وساتي او اقتصادي او سیاسي اړیکې ورسره جوړې کړي ترڅو افغانستان په سیمه کې حپل ستراتيژیک پارټنران ولري ځکه د نړۍ هر یو هېواد غواړي چې خپل ګاونډي هېوادنو سره ښه اړیکې ولري،

امنیت شورا: طالبانو تاوتریخوالی نور هم زیات کړۍ دی

د هېواد دامنیت شورا وايي، تېره هفته وسله والو طالبانو په ۳۲ ولایتونو کې ۴۲۲ حملې کړي دامنیت شورا وايي دا په تېرو ۱۹ کلونو کې ټولو نه زیات خونړۍ هفته وه، د دغه شورا ویاند چاوید فیصل ویلي چې په تېره هفته کې ترټولو زیات افغان ځواکونه هم شهيدان شوي دي،

د ملي امنیت شورا ویاند جاوېد فیصل په ټويټر اکاونټ کې لیکلي “په تېره هفته کې ۲۹۱ تنه افغان امنیتي او دفاعي ځوکونه شهیدان شوي او ۵۵۰ نورزخمي دي. فیصل زیاته کړه چې د تاوتریخوالي د کمېدو په اړه د طالبانووعدې بې مانا دي او “کړه وړه” یې له سولې راوستلو کې سم نه معلوميږي .تېره شپه هم وسله والو طالبانو د تخار ولایت د بهارک ولسوالۍ جرباشي سیمه کې د پاڅون کوونکو پر پوستې بریدونه کړې او ۵ تنه پاڅون کوونکي یې وژلي او درې تنه زخمیان دي،

د تخار ولایت د پولیسو ویاند خلیل اسیر وايي، وړمه شپه هم وسله والو طالبانو د دې ولایت په چاه اب او نمک اب ولسوالۍ ۲۰ فوځیان وژلي او ۱۳ نور یې زخمیان کړي دي. طالبانو د دې پېښې په اړه څه نه دي ویلي.تېره ورځ یوناما خپل تازه رايور کې په افغانستان کې دکرونا ناروغۍ له رامنځته کېدو راهیسې پر روغتیايي مرکزونو حملو په اړه ژوره خفګان ښودلې وه.

د افغانستان لپاره د ملګرو ملتونو ځانګړې استازې ډېبورا لاینز د دې راپور د موندنو په اړه ویلي چې د داسې اعمالو لپاره هیڅ توجیه نشته؛ او دعامو خلکوخوندیتوب او هوساینه باید یواولیت وي.په ورته وخت کې د افغانستان د امنیت شورا تېره یکشنبه ویلي وو، په تېره یوه اونۍ کې په ۱۸ ولایتونو کې د طالبانو د تاوتریخوالي په پایله کې لږ تر لږه ۴۲ ملکي وګړي وژل شوي او ۱۰۵ نور ټپیان شوي دي.

د یادې شورا ویاند جاوېد فیصل وایي، طالبان د افغان وګړو په وړاندې د تاوتریخوالي کمولو او د سولې لپاره د کارکولو ژمنو کې پاتې راغلي دي.خو طالبانو د ملي امنیت د شورا د ویاند دا وروستۍ څرګندونې پروپاګند بللې دي.

یادې ډلې تل د ملکي مرګژوبلې په اړه د ملګرو ملتونو او افغان حکومت رپوټونه رد کړي او ټینګار کوي چې دوی د ملکي کسانو د مرګژوبلې مخنیوي لپاره ځانګړی مېکانیزم لري.دويي دغه بریدونه په دولت راړولي وو او ویلي وو چې مونږ په ماشومانو او نورو عامو وګړو باندې حملې نه کوو او نه ېې مونږ زمه واري اخیستې ده دغه حملې د دولت لخوا کيږي باید بیانونو کې احتیات وشي،

اوس وخت د دې رارسېدلۍ دۍ چې طالبان باید سم په خپله وعده پوره پوره عمل وکړي څکه طالبانو چې کله د سولې هوکړه لیک د امریکا سره لاسلیک کړ نو دا ژمنه ېې کړې وه چې مونږ به په عامو وګړو برید نه کوو بلخوا دولت هم باید امنیت تامين لپاره سم اقدامات وکړي ترڅو د افغانستان خلک په ارامه فضا کې ژوند وکړي او د پردي جنګ ښکار نشي د دې ترڅنګ علما هم باید په دې برخه خپل رول ولوبوي ترڅو افغانستان کې با سباته سوله راشي،