د عبدالله اود ولسمشرغني د ټاکنیزو ډلو ترمنځ خبرې شوي

عبالله عبدالله او اشرف غني په خپلو منځو کې سیاسي کړکېچ لري ډااکټر عبدالله غواړي په حکومت یعنې کابینې کې ورته سهم ورکړۍ شي په همدغې لړ د ډېروخت راهیسې هڅې روانې دي ترڅو دواړه لورې یو سیاسي توافق ته  ورسيږي. د واک ویش په سمه ټوکه وشي او یو ټول شموله حکومت تشکیل کړۍ شي.

  د سولې په چارو کې د دولت وزارت وايي چې د ارګ او سپيدار ماڼيو ترمنځ سياسي اختلاف هواري ته لنډ شوی دی او ښايي په يوې يا دوه ورځو کې دغه کړکېچ پای ته ورسيږي او ژر به په یو همه شموله حکومت توافق لاسلیک شي.د دې توافق سره به سیاسي کړکېج هوار شي.او حکومت به ۵۰ ٪ په دواړو لورو وویشل شي.. 

د یاد وزارت سلاکار عزیزالله فضلي په دې اړه رسنیو  سره خبرو کې ویلي چې، “په افغانستان کې سیاسي اختلافات مخ په ختمېدو دي. د روانې اوونۍ دتر پایه یا دوه ورځو کې  پای ته رسېږي او بالاخره به د جهادي او قومي مشرانو په شمول یو پیاوړی مرکچي ټیم وټاکل شي.”

ارګ هم په خبرو کې د پرمختګ وايي خو په اړه يې جزئيات نه ورکوي او همدا ډول د ۵۰ – ۵۰ سلنه واک وېش خبرې ردوي، خو بيا د عبدالله عبدالله ډله وايي چې عبدالله عبدالله ته د مصالحې شورا ورکړه، حکومت کې ۵۰ سلنه ونډه، د يو شمېر واليانو ټاکل، جنرال دوستم ته مارشالي او ځيني نور هغه مسايل دي چې هوکړې  باندې توافق شوۍ دۍ. . 

ډېر وخت راهیسې د پخواني ولسمشر حامد کرزي او عبدالرب رسول سياف په مشرۍ د ولسمشر غني او عبدالله عبدالله ترمنځ د ستونزو د حل لپاره هڅې کيږي خو تر دې دمه يې وروستۍ نتیجه نه دهمعلومه.

د دې تر څنګ عام عوام له دغو ناندریو تنګ شوي دي او غاړي چې ژر دغې سیاسي کړکېچ ته د پاۍ ټکۍ کېښودل شي بازې عام وګړي وايی چې باید د ملي وحدت په څېر تش په نوم حکومت تشکيل نشي او یو داسې د خل لاره ورته وکتل شي چې د افغانستان پکې خیر وي.او ټولو خواوو ته د منلو وړ وي.

د بادونې وړده چې افغانستان کې ۲۰۱۴ کال ګې هم همداسې سیاسي کړکېچ منځ ته راغلۍ وو هغه وخت کې عبدالله عبدالله نه منله چې اشرف غنی د څانته ریس جمهور شي. او انخابات یی د تقلب نه ؤک یاد کړي وو هغه هم د جان کېري په راتګ سره د وحدت ملي حکومت جوړ شو په کابینه کې دواړو ته نیمايي ونډه ورکړل شوه او ډاکټر عبدالله د اجرایه ریس په صفت وګمارل شو.

خو که اوګورو دا ځل شاید حکومت د تېر په څېر نه وي او صلاحیتونه ورته محدود په نظر کې نيول شوي وي. او د تېر په څېر ورته سفارتونه او کونسل ګرۍ هم ورنکړل شي.مونږ ټولو افغانانو ته پکار دي چې خپل شخصي ګټې په نظر کې ونه نيسو او افغانستان او اقغان ملت ته اولیت ورکړو. . 

د عبدالله او غني انتخاباتي ټيمونو ترمنځ مذاکرات پیل شوي

افغانان نور نه غواړي چې وحدت ملي په څېر تش په نوم حکومت جوړ کړي ، خلک وايي چې په سياسي معاملو کې د ملي القابو او رتبو ورکول خيانت دى او دغه رتبې باید وړ کسان ته ورکړي. هېوادوال د ولسمشر غني او عبدالله عبدالله ترمنځ جوړجاړي او د واک وېش ته اندېښمن دي او وايي چې ښايي تېره پنځه کلنه دوره يو ځل بيا هم تکرار شي.

افغانان له سياسیونو غوښتنه کوي، چې چوکیو لپاره دې پر ملي او ارزښتمنو مسايلو معاملې نه کوي. د کابل ښار يو اوسېدونکى حاجي محمد نسيم وايي، چې تېر پنځه کلن حکومت هېڅ هم ونه شول کولاى، تر دې پورې چې په کابل کې يې د ناروغانو لپاره يو روغتون جوړ نه کړو، که يو ځل بيا د تېر په څېر حکومت جوړېږي، نو دا د وطن او خلکو په تاوان دى.

بل خوا  ته بيا ډېرى ږګړي  له ولسمشر غني او عبدالله عبدالله څخه غواړي چې په خپل منځ کې دې جوړ شي، خو د واک وېش او د پخوانۍ دورې تکرار دې بيا نه کوي.

د کابل ښار يو بل اوسېدونکى اجمل بيات بيا وايي، چې تېر ځل هم له خلکو سره ژمنې وشوې چې ستونزې به نه جوړېږي او حکومت به ټولې چارې په بريالۍ توګه پر مخ يوسي، خو هغسې ونه شول. هغه وايي چې دا ځل ملت تمه لري چې د تېر حکومت تجربې تکرار نه شي. خلک د سولې تږې دي او دوى بايد د سولې لپاره جدي کار وکړي.

بل لوري ته په ټولنيزو رسنيو هم د ولسمشر غني او عبدالله عبدالله ترمنځ په جوړجاړي سختې نيوکې کېږي او که يو لوري ته عبدالله عبدالله د واک ترلاسه کولو لپاره د خلکو تر نيوکو لاندې دى، نو بل لوري ته پر ولسمشر غني هم له دې امله نيوکې کېږي، چې څنګه يو کس ته مارشالي ورکوي او دا ځلې بيا هم نيم حکومت ناکامه کانديد ته ورکوي.

بازې خلک بيا په ټولنيزو رسنيو کې دا جوړجاړى په نېک پال نيسي او وايي، چې په اوسني وخت کې لازمه ده چې ټول سياستوال يو موټى شي او د سولې خبرې پر مخ يوسي. دوى وايي که چېرته د سياستوالو ترمنځ يووالى رامنځته نه شي، نو ګټه به يې طالبانو ته ورسېږي او د سولې خبرې به هغسې پر مخ لاړې نه شي، لکه څنګه چې پکار دي.

د یادونې وړ ده چې کېدایشي ډېر ژر د اشرف غني او ډاکټر عبدالله عبدالله په یو توافق سره موافق شي او د یو لړ مراسمو کې دغه توافقنامه لاسلیک شي. له دغې توافق له مخې به واک ۵۰ ٪ دواړو نوماندانو په مینځ کې وویشل شي. په ټوله کابینه کې به ورته ۱۲ وزارتونه ورکړل شي. د دې نه علاوه کېدایشي د مستقلو ادارې هم نیم په نیمه ورکړل شي..

اشرف غني: طالبانو سره به په شرطونو مخې ته ځو

ولسمشرمحمد اشرف غني وايي د سولې بحث یوملي بحث دی او په ګډه به دایمي سولې ته د رسېدو هڅې کوي.

ولسمشرغني پرون ماښام د افغانستان د یو شمېر ولایتونو له والیانو سره د ویډیوکنفرانس د لارې د سولې وروستیو پرمختګونو په تړاو ویلي له طالبانوسره چې هره هوکړه لاس لیک کیږي په مشروط ډول به وي.

نوموړی وايي د شرطونو پربنسټ به له طالبانو سره مذکرات له یوې مرحلې بلې ته ځي او که دا ډله (طالبان) له جګړې لاس واخلي په شرطونو کې به هم بدلون راځي.

اشرف غني دغه څرګندونې په داسې حال کې کړي چې نن په دوحه کې د امریکا او طالبانو د سولې د موافقنامې په هوکړه لاسليک کېدل ټاکل شوي دي.

ښاغلي غني زیاته کړې افغان دولت د داعش په ګډون له ټولو نورو ترهګرو ډلو سره هیڅ راز اوربند نه لري او په وینا یې طالبان باید له دې ډلو ځانونه جلا کړي.

د ولسمشری ماڼۍ دمطبوعاتي ادارې د معلوماتو له مخې په دې وډيوي کنفرانس کې اشرف غني ویلي طالبان باید له پاکستان سره داړیکولرلو، د خپلوامن پټن ځایونو او د جرمي اقتصاد په تړاو خلکو ته وضاحت ورکړي.

محمد اشرف غني وویل (دافغانستان بهرنی سیاست روښانه دی،افغانستان دایمي دوست او دښمن نه لري او یوازې دایمي ګټې لري).

ولسمشرغني په سیمه کې وروستیو بدلونوته په اشارې وویل هیچا ته به اجازه ورنه کړي چې افغانستان د خپل ستراتیژیک عمق وګرځوي.

نوموړي د افغاستان یو شمیر والیانو ته په خبرو کې ویلي دافغانستان ټول مسایل به په تدبیرسره حل کیږي او په خبره یې زه مونږ دریځ اساسي قانون،ولسواکۍ،ملي حاکمیت اودهیواد دخلکو د درناوي دریځ دی.

اشرف غني ویلي له نړۍ سره یې اړیکې مهمې دي،له نړیوالې ټولنې او په ځانګړې توګه له امریکا متحدوایالتونواوناټو سره شوي ټول تړونونه پرځای دي او له نړیوالې ټولنې او امریکا سره دمشترکو ګټو پربنسټ ښې اړیکې لري.

ولسمشرغني:دلوګرامنیتي مسولینو ته ویلي د لوګرلپاره دې امنیتي پلان جوړکړي

د هېواد ولسمشر اشرف غني ويلي “دا چې طالبانو د تاؤ تریخوالي په پام وړ کموالي موافقه وکړه دا هم اور بند او پايدارې سولې ته د رسېدو دپاره مهم ګام دی”.

په افغانستان کې د سولې د خبرو د موافقنامې په موخه د تاؤ تريخوالي کمولو اوونۍ نن د خالي، شنبې د ورځې څخه پېل شوه.

“اشرف غني ويليد طالبانو لخوا د تاؤ تريخوالي د کمولو په اوونۍ کې بايد په احتیاط پاتې شو او ځواکونه په جدي توګه د وضعيت څارنه کوي”.

نوموړي ويلي په دغه لړ کې امنیتي او دفاعي ځواکونو ته لارښوونه شوې ده.

غني زياته کړې “د ميونخ د غونډې نه بيرته په راتګ يې د امنيتي او دفاعي ځواکونو د مشرانو د مشرانو د جرګې غړو او نورو سره وليده او د سولې په اړه مې ورسره خبرې وکړې”.

د نوموړي سره پرون د جمعې په ورځ د افغانستان د سولې د خبرو دپاره د امريکا ځانګړي استازي زلمي خليلزاد هم ليدلي دي.

ارګ ویلي، “په دغه کتنه کې دواړو لوریو د تاوتریخوالي د پام وړ کموالي پر جزئیاتو او د تاوتریخوالي کموالي اونۍ د مدیریت په اړه بحث او خبرې وکړې. “

بل لور ته طالبانو هم د تاؤ تریخوالي د کمولو د اوونۍ په اړه ويلي چې په دې اووه ورځو کې به د دوی جنګيالي دفاع ته اماده وي او مخالفه ساحو ته به نه ځي.

طالب وياند ذبيح الله ويلي چې د اووه ورځو وروسته په اتمه ورځ چې موافقت نامه لاسليک کيږي د هغې وروسته به بيا نوې لارښوونه کيږي.

ملګرو ملتونو او پاکستان هم د تاؤ تریخوالي د اوونۍ هرکلی کړی دی.

پرطالبانودې بریدونه بندشي ولسمشرغني

ولسمشر پرون، د فبرورۍ په ۲۱مه نېته په ټول هېواد کې امنیتي او د فاعي ځواکونو ته امر وکړ چې پر وسله‌والو طالبانو حملې بندې کړي.

د امریکا اوطالبانو ترمنځ د موافقې له مخې، د بېګا شپې له ۱۲ بجو د فبرورۍ تر ۲۹ مې به په ټول افغانستان کې تاوتریخوالی کم وي.

اشرف غني پرون په ټلویزوني وینا کې وویل چې د افغانستان امنیتي ځواکونه به په دفاعي حالت کې وي.

ښاغلي غني زیاته کړه: “اوس چې د سولې لپاره زمینه برابره شوې، له دې فرصته موږ د خپلو خلکو برحقه غوښتنه مطرح کړه چې طالبان اوربند ومني او مذاکرات پېل شي، خو دا چې د طالبانو ډلې د تاوتریخوالي په کموالي هوکړه وکړه، داهم اوربند او پایه دارې سولې ته د رسېدو لپاره یو مهم ګام دی.”

د  طالبانو د نظامي چارو کمېسیون هم یو بیان خپور کړی او ویلي یې دي چې تر راتلونکې شنبې به د افغانستان پر امنیتي او دفاعي ځواکونو او امریکايي قواوو حملې نه کېږي.

په خبرپاڼه کې وسله‌والو طالبانو ته ویل شوي چې دافغانستان د حکومت تر کنټرول سیمو ته له تګه ډډه وکړي.

د امریکا د بهرنیو چارو وزیر مایک پامپیو وویل چې په یوه اوونۍ کې د تاوتریخوالي د کمولو پرېکړه په بریالیتوب عملي شوه، د فبرورۍ په ۲۹مه به امریکا له طالبانو سره د سولې هوکړه لاسلیک کړي.

اروپایي ټولنې جمهور رئیس غني ته مبارکي ورکړه

ویل کيږي چې اروپایي ټولنه دیته سترګې په لار ده چې د جمهور رئیس محمد اشرف غني تر مشرۍ لاندې د افغانستان د نوي حکومت سره په ګډه کار وکړي.

یوه اعلامیې کې د افغانستان د انتخاباتو د کمیسونونو کار ستایل شوی. په اعلامیه کې ویل شوي ” اروپایي ټولنه د انتخاباتو د نظم ادارې ستایي چې د ننګونو باوجود یې خپل کار وکړ.”

دغه اروپایي چارواکي همدرانګه ویلي چې اروپایي اتحادیې تل په افغانستان کې د اساسي او اداري کاري چوکاټونو ملاتړ کړی دی.

جوسیپ بوریل همدرانګه د جمهور رئیس محمد اشرف غني دا ژمنه هم وستایله چې وایي داسې یو حکومت به جوړوي چې ټولو ته پکې برخه ورکړل شي او د ټولو خواو استازي پکې شامل وي.

دغه اروپایي چارواکي ټینګار کړی چې تر دې وروسته مهم اقدام باید د ټول شموله سولې پروسې د ملاتړ لپاره د یووالي یقیني کول وي.

په اعلامیې کې ویل شوي چې د سولې دا فرصت باید د لاسه ورنکړل شي او پکې زیاته شوې چې “اروپایي ټولنه د سولې د پروسې ملاتړ ته چمتو ده.”

د بهرنیو اړیکو او سیاسي پالیسۍ په چارو کې د د اروپایي ټولنې جګپوړي استازي، جوسیپ بوریل همدارنګه ویلي اروپایي ټولنه په افغانستان کې په اوږ مهال کې د سیاسي او اقتصادي اصلاحاتو ملاتړ کوي چې د قانون حاکمیت لا قوي شي چې دا د ټول افغان ولس اساسي حق دی.

په کابل کې د ملګرو ملتونو سیاسي دفتر یا یوناما د جمهوري ریاست د انتخاباتو د وروستۍ نتیجې د اعلان په هکله په اعلامیه کې چې د احتیاط نه پکې کار اخیستل شوی ویلي چې ” د نوي حکومت هرکلی کوي او چمتو دي چې ګډ کار ورسره وکړي.”

د یوناما په اعلامیې کې ویل شوي ” د کاندیدانو او د هغوي د پلویانو د اندیښنو نه خبر یو.” په اعلامیې کې همدرارنګه ویل شوي چې ملګري ملتونه به د ټولو سیاسي ګوندونو په شمول د افغانستان د ادارو ملاتړ ته دوام ورکړي او دکاندیدانو د غوښتنو ته د ځواب ویلو لپاره د انتخاباتو د تنظیم ادارو ته بې پرې او تخصصي سلا مشورې ورکوي.

محمد اشرف غني څوک دۍ

اشرف غني چې ۷۰ او د افغانستان برحاله ولسمشر دی، په ۱۳۲۸ هجري لمریز کال کې د افغانستان د لوګر په ولایت کې زېږېدلی دی.

نوموړی په ۱۹۷۷ کې له افغانستان څخه ووت او شاوخوا دوې لسیزې وروسته بېرته هېواد ته ستون شو. محمد اشرف غني د متحدو ایالتونو د کولمبیا د پوهنتون څخه په انسان پېژندنې کې دوکتورا لري.

ښاغلي غني په نړیوال بانک کې د ۱۱ کلونو کار وروسته، په ۲۰۰۲ کال کې افغانستان ته ستون شو، د ملګرو ملتونو سره یې کار پیل کړ او ورپسې د مرستو د همغږۍ د ادارې مشر شو.

اشرف غني چې هغه مهال یې د احمدزي تخلص هم کاروه، د ولسمشر حامد کرزي لخوا په ۱۳۸۴ کې د ماليي وزیر په توګه وټاکل شو. دی د افغانستان د ماليې یو بریالی وزیر بلل کېږي. د ده په وزارت کې افغانستان د نویو بانک نوټونو خاوند شو.

ښاغلي غني د ۲۰۰۹ کال ولسمشرۍ په ټاکنو کې یوازې څلور سلنه رایې وګټلې، تر ټاکنو وروسته د کابل پوهنتون د مشر په توګه وټاکل شو. ښاغلی غني بیا وروسته د نړیوالو ځواکونو څخه افغان ځواکونو ته د واک د انتقال د بهیر مشري وکړه.

د ۲۰۱۴ کال د ناندریزو ټاکنو په پاې کې، ښاغلي غني،‌ د امریکا د هغه مهال د باندنیو چارو وزیر په منځګړیتوب، له ډاکټر عبدالله عبدالله سره د ملي یووالي د حکومت د جوړولو تړون لاسلیک کړ.

محمد اشرف غني په درېیم ځل هم د افغانستان د جمهوري ریاست انتخاباتو ته کاندید شو. د هغه لمړی مرستیال امرالله صالح او دویم یې سرور دانش دي.

د ۲۰۱۹ کال د سپتمبر په ۲۸ نېټه د افغانستان د جمهوري ریاست انتخابات وشول چې شاوخوا پنځه میاشتې وروسته د ۲۰۲۰ کال د فبرورۍ په ۱۸ نېټه یې نتایج اعلان شول.

حوا علم نورستانۍ وویل چې محمد اشرف غني (١٨٢٣٩۴٨) رایو له جملې څخه یې (۹۲۳۵۹۲) رایې ګټلې چې د ټولو رایو ۵۰.۶۴ فیصده کیږي، په دې حساب هغه د افغانستان د جمهوري ریاست د ټاکنو ګټونکی دی.

ولسمشرغني د ولسمشرئ ټاکنو ګټونکئ اعلان شو

دټاکنو کمېسون د افغانستان اوسنی ولسمشر محمد اشرف غني ګټونکی اعلان کړئ دی. د افغانستان د ټاکنو د کمېسیون مشرې حوا علم نورستانۍ د سه شنبې په ورځ (فبروري۱۸) د ټاکنو نهايي پایلې اعلان کړې.

د اعلان شوې پایلو په اساس محمد اشرف غني د ټولو رایو له جملې څخه یې (۹۲۳۵۹۲) رایې ګټلې چې ۵۰.۶۴ فیصده رایې کیږي.

مېرمن نورستانۍ وویل چې د دغو نتایجو په اساس محمد اشرف غني چې (۹۲۳۵۹۲) یې رایې ګټلې دي د جمهوري ریاست د ټاکنو ګټونکی دی.

ښاغلي عبدالله ۷۲۰۸۴۱ رایې ګټلې چې ٣٩.٥٢ فیصده کیږي. ګلبدین حکمتیار ۷۰۲۴۱ رایې ګټلې دي او نور کاندیدن په ترتیب سره یو په بل پسې دي.

رحمت الله نبیل۳۳۹۱۹، فرامرز تمنا ۱۸۰۶۳، نورالله جلیلي،۱۵۵۱۹، لطیف پدرام ۱۲۶۰۸، عنایت الله حفیظ ۱۱۲۷۵، محمد حکیم تورسن ۶۵۰۰، ولي مسعود ۳۹۴۲، شهاب حکیمي ۳۳۱۸، فاروق نجرابي ۱۶۰۶ او نور رحمن لیوال ۸۵۵ رایې ګټلي دي.

د افغانستان د جمهوري ریاست په انتخاباتو کې د کارول شویو رایو څخه په مجموعي توگه یو میلیون ٨٢٣ زره او ٩۴٨ (١٨٢٣٩۴٨) رای د اعتبار وړ گڼل شوي دي.

د مېرمن نورستاني په وینا د رایو اچوونکو ۳۱.۵ سلنه یې ښځې وې. دیادونې وړده چې دافغانستان د جمهوري ریاست انتخابات د ۲۰۱۹ کال د سپتمبر په میاشت کې وشول

دامریکايي چارواکوسره د افغان چارواکو ليدنې

ولسمشر محمد اشرف غني د متحدو ایالتونو د سنا یو شمېر غړو سره لیدلي دي

دولت یوه خبرپاڼه کې ویلي چې د افغانستان د اسلامي جمهوریت جمهوررئیس محمد اشرف غني وړم ماښام په المان کې د مونیخ امنیتي کنفرانس په څنډه کې د سناتور لینزي ګراهام په مشرۍ د امریکا متحدو ایالتونو د سنا جرګې له یو شمېر غړو سره وکتل.

دغه کتنه کې دواړو لوریو د سولې پروسې او د افغانستان او سیمې د امنیتي وضعیت په اړه بحث او خبرې وکړې.

سرچینه وايي، سناتور ګراهام د دې په څرګندولوسره چې موږ د سولې په برخه کې د افغان حکومت له هڅو ملاتړ کوو وویل:

«له افغانستان څخه به د امریکا ملاتړ دوامدار وي او موږ به د یوه متحد ستراتیژیک په توګه د افغانانو تر څنګ پاتې شو.»

تروریزم ګډ دوښمن دی

ولسمشر غني د سولې پروسې او په دې برخه کې د افغان حکومت د هڅو او تعهد په اړه په خپلو خبرو کې وویل

«تروریزم افغانستان او امریکا ته ګډ ګواښ متوجه کړی او باید له دغې شومې پدیدې سره د مبارزې په برخه کې ګډې هڅې وشي هیله لرو طالبان له جګړې لاس واخلي، اوربند او پایداره سوله ومني.»

ښاغلي غني وویل چې هیواد او ظرفیتونو تغییر کړی، د ولسواک نظام بنسټونه پیاوړي شوي او زموږ د امنیتي او دفاعي ځواکونو وړتیاوې لوړې شوې دي.

هغه وویل:

«زموږ لیدلوری سیمه ییز اتصال او د سوداګریزو او ترانزیټي اړیکو پراختیا ده.»

د افغان ځواکونو عملیات

جمهوررئیس امریکايي سناتورانو ته وویل، موږ مخکې په افغانستان کې د امریکایي ځواکونو د کمولو پر څرنګوالي د امریکامتحدو ایالتونو سره تفاهم کړی او نن ټول عملیات افغان امنیتي او دفاعي ځواکونه مخته وړي.

په دغه کتنه کې سناتور ګراهام د نورو سناتورانو په استازیتوب په خپلو خبرو کې وویل، موږ د افغان حکومت او خلکو تر څنګ یوو او د ګډو لاسته راوړنوساتنه کوو.

دواړو هیوادونو ته ګواښ

سناتور ګراهام زیاته کړه، حقاني شبکه او نورې ټولې تروریستي ډلې اوس هم د دواړو هیوادونو د ګټو پر وړاندې یو ګواښ دی او پر ضد یې باید ګډه مبارزه وکړو.

پرلپسې لیدنې او موخه یې

افغان ولسمشر او چارواکو ناستې پر داسې مهال کیږي چې د افغانستان د سولې په برخه کې د مهمو پرمختګونو راپور ورکړل شوی دی.

د افغانستان حکومت چې پخوا پر بشپړ اوربند یې ټینګار کاوه، له خپل دریځ په شا شوی او د تاوتریخوالي پر کمښت یې یو ډول توافق کړی دی.

لومړی د مونیخ کنفرانس څنډه کې ولسمشر غني د امریکا د بهرنیو چارو وزیر، دفاع وزیر او افغانستان لپاره د امریکا د بهرنیو چارو وزارت د سولې په چارو کې استازي زلمي خلیلزاد سره لیدلي او د سولې پر اړوند مسایلو یې خبرې کړې وې.

وروسته له هغې د امریکا د ولسي جرګې له رییسې نانسي پلوسي سره ولیدل، چې د امریکا د سنا جرګې له غړو سره ناسته یې وروسته هغه وه.

د افغانستان حکومت به هم هڅه کوي چې له بیلابیلو لارو په ګټې اخیستنې سره د امریکا پر حکومت دا ومني چې افغان حکومت څنډې ته پاتې نه شي. ځکه له تیر شا او خوا یوه کال راهیسې د امریکا او طالبانو اړیکې او خبرې دومره تودې شوې چې د افغانستان حکومت په کې کمزوری وښودل شو او خلک فکر کوي چې امریکا او متحدین یې غواړي هر څه طالبانو ته وسپاري.

بې شکه چې د امریکا سنا جرګې په شمول ټول قوتونه د هغوی پرمخکې تګ خپل تاثیر لري او کولی شي چې مهم رول په کې ولوبوي، نو پر همدې اساس هم د افغانستان حکومت دغو ټولو خواوو ته مخ اړوي.