شاه محمود قریشي: افغانستان کې سوله دپاکستان په ګټه ده

افغانستان کې سوله دپاکستان په ګټه ده د پاکستان خارجه وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره چې پرون په رسمي سفر اسلام اباد ته تللی، ملاقات کې ویلي چې افغانستان کې سوله پاکستان په ګټه ده او داداسې معنا لري لکه پاکستان کې چې سوله وشي.

ښاغلی قریشي ویلي د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي، هغه وایي طالبانو سره یې هم په همدې تالار کې چې له عبدالله عبدالله سره ګوري، ملاقات کړی ، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري باید د خبرو له لارې حل شي تر څو افغانان خپل ژوند په سمه توګه مخې ته یوسي اوهر وګړی دا احساس وکړي چې افغانستان اوس د سولې ارامش هېواد دی.

د مصالحې عالي شورا مشر ډاکټر عبدالله عبدالله بیا له شاه محمود قریشي سره ملاقات کې وویل، چې پاکستان ته دا ځل په بدلې روحیې سره راغلی، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له کوششونو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار هواره شي.اړو افغانستان به یو وار بیا دبد بختیو سره مخ شی. نو ښه دا ده چې شته فرصت ضایع نه کړو.او افغانستان کې دایمي سوله قایم کړو.

ښاغلي عبدالله عبدالله د پاکستان له حکومت مننه وکړه، چې طالبان یې د افغانانو خپل منځي خبرو ته وهڅول، خو ویې ویل مذاکرات چټک روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لویه ضربه ورسوي.هغه ویلي چې باید د تاوتریخوالي کچه کمه شي او د سولې مزاکرات د امن فضا کې وشي دا به دېره ښه وي.

عبدالله عبدالله پاکستاني چارواکو سره شوي ملاقات کې ورته وویل چې ترهګري د سیمې ټولو هېوادونو ته یو ګواښ دی او په افغانستان کې د یوې سر تا سري سولې ټینګښت بې له شکه چې د سیمې د ټولو هېوادونو په ګټه دی.باید د سیمې هېوادونه افغان سولې ته کار وکړي اوخپل پوره پوره ملاتړ ورڅخه وکړي. تر د سیمې هېوادونو کې هم امن پاتې شي

شاغلي عبدالله له پاکستاني چارواکو سره تر ملاقات وروسته د پاکستان بهرنیو چارو وزارت کې یو نیالګی هم کېناوه.د ښاغلي عبدالله د لیدنو مهالوېش کې پلان شوې چې نوموړی به سبا د پاکستان له لومړي وزیر عمران خان سره ملاقات او بیا به د پاکستان پوځ له لوی درستیز قمر جاود باجوه سره په راولپنډۍ کې د نوموړي په دفتر کې لیدنه تر سره کړي.

تر دې وړاندې چې کله ولسمشرغني پاکستان ته د سفر پر مهال جې ایچ کیو ته تللی وو، د عامو افغانانو له تندو غبرګونونو سره مخ شو.خو اوسمهال د ملاقاتونو د مهالویش پر بنسټ به عبدالله عبدالله د پاکستان د فوځ مشر سره په راولپنډی کې ګوري بلخوا بیا د مصالحې شورا سر چینی وايي چې نوموړی به راوپنډی کې د لوی درستیز سره نه ګوري.

روغتیا وزارت: په هېواد کې دننه د تولیدي دوا کیفیت ښه دی

روغتیا وزارت: په هېواد کې دننه د تولیدي دوا کیفیت ښه دی د هېواد د عامې روغتیا وزارت وایي، په کور دننه د دوا د تولید کیفیت د بهرنۍ دوا نه څو برابره ښه دی.او عام افغانان باید د وطن خپل تولیداتونه ګټه پورته کوي.تر ځو د خپل وطن عواید مو ښه شي.او د نورو د اجتیاج ته پاتې نشي.

د یاد وزارت سلاکار او ویاند اکمل سمسور وایي، افغانستان ته ٦٠ سلنه دوا له بهرنیو هېوادونو را واردیږي او ٤٠ سلنه په هېواد دننه تولیدیږي.نوموړۍ وایي، په هېواد دننه د تولیدي درملو کیفیت د بهرنیو درملو په پرتله ښه دی، خو دا چې هغه له بهر را واردیږي، اکثره روغتونونه او ډاکټران ناروغانو ته په نسخه بهرنۍ دوا لیکي څو هغه را وارده شوې دوا وپلورل شي او له دې کبله چې له بهر راځي په لوړه بیه هم پلورل کیږي.

دغه وزارت هر کال د ٥٠٠ میلیونه ډالرو په ارزښت له بهرنیو هېوادونو نه افغانستان ته دوا را واردوي او افغانان هر کال ٢ نیم میلیون ډالر پر خپلې روغتیا لګوي.د یاد وزارت ویاند اکمل سمسور وایي، د شلو کلونو په وخت کې روغتیا وزارت او د وزارت د دوا سکټور نه دی توانېدلی چې سودګرانو او پانګ الو ته پروسې ساده کړي څو افغانستان کې د دوا د تولید لپاره (investment) وکړي.

نوموړی زیاتوي، چې اوس مهال د روغتیا وزارت په هېواد دننه د دوا د تولید لپاره هڅې کوشش شروع کړی او د څلورو کلونو په موده کې به ښه دوا ورسولی شي.هغه وایي، کندهار کې د دوا د تولید لویه فابریکه جوړیږي او دا فابریکه د ٧٠ پانګوالو له لوري د ګډې پانګې اچونې په پایله کې جوړیږي چې وبه کولی شي په کور دننه د لوړ کیفیت ډېره دوا تولید کړي چې نه یوازې افغانستان بلکې نورو هېوادونو کې به هم ترې ګټه پورته شي.

افغانستان ته د قاچاقي درملو په تړاو د روغتیا وزارت ویاند اکمل سمسور وایي، چې د افغانستان سرحدات تړلې نه دي او له ایران او پاکستان افغانستان ته درمل په قاچاقي ډول هم راځي چې دوی نه شي کولی سکن یې کړي، له دې کبله په بازار کې په پټه پلورل کیږي او کیفیت یې هم خراب وي، خو په وروستیو کې وزارت هڅه کوي د قاچاقي درملو د واردېدلو مخه ونیسي او یا یې په ښه ډول چک او کنټرول کړي.

ښاغلی سمسور وایي، یو شمېر روغتونونه په ښه کیفیت کې خدمات لري چې دا به د نورو روغتونونو لپاره د نمونې په توګه وټاکل شي څو ټول روغتونونه د خدماتو کیفیت ښه کړي.او افغانان دغه روغتونو ته مراجعه وکړي. دويي د هېوادوالو غوښتي هم دي چې نور د بهرنیو هېوادنو تولیداتو پرځاۍ خپل وطني تولیدات کاروۍ او افغانستان ته فایده ورسوی تر ځو د نورو هېوادونو د احتیاج نه خلاص شۍ.

اوس وخت رارسدلۍ چې عام وکړي باید ځانونه اوښیار کړي او افغانستان ته رجوع وکړي دويي باید د نورو ملکونو بقا پر ځاۍ خپل هېواد ته کار وکړي تر څو افغانستان په خپلو پخو ودریږي. او مونږ هېوادوال په ارامه فضا کې ژوند وکړو ځکه افغانستان د دېر وخت راهیسې د جنګ په حالت کې دی اوهره ورځ په لس هاو عام وکړو ته مرګ ژوبله اوړي.

څنګه کولای شو پریشر کې رانشو؟

څنګه کولای شو پریشر کې رانشو تاسو د فعلي وخت نه خوشاله نه یاست او تاسو خپله پوهېږۍ چې دهغه کار په تر سره کولو چې تاسو تر اوسه ندۍ کړئ هیڅ څه به هم بدل نشي او هیڅ نتیجه نه لري او له بل اړخه ډاریږی هغه څه چې مو تر اوسه لاس ته راوړي هغه به هم له لاسه لاړل.

د فعلن لپاره چې کوم کار کوئ او یو څه ناڅه پیسې یې ستاسو ژوند کې تیارې کړي او هغه نیم او نیمګړي ملګري چې مو درباندی باور لري هغه مو هم له لاسه ورکړی دی او په پایله کې د دی پر ځای چې ژوند مو ښه شي لا به هم پسی بد تر شي. نو په دې اړه باید سوچ وشي چې څه زما په خیر دۍ او څیشۍ زما په خیرندۍ نو دې سره به د انسان تسلي وشي.

ايا له ځان مو دا پوښتني کړي؟ ایا تر اوسه مو له ځان سره ویلي چې زړه ور تیا یې لرم؟ ایا تر اوسه مو تیر وخت ته کتلي او دا هیله مو کړی چې زړه ور ياستئ؟ په ډیر ګمان سره حتمن دا کار تاسو سره کیږي او مونږه ټول دا اړتیا لرو چې د زړه ورتیا په حالت کې و اوسو مګر دا مو ضوع باید ومنوچې خبرې کول له زړه ورتیا څخه اسانه ده او په هغه عمل کول او دا موضوع دې کار ته اړتیا لری چې مو نږه خپل ځان وژغورو دخفګان او هغه خطر په مقابل کې چې ایمان ته مو زیان رسوي مثلا زمونږ غرور.

دفکر خبره داده چې ډیرې خلک هروخت له ډار سره ژوند کوي او تر هغه وخته چې کله شاته وګوری او په هغه خطر منلو باندی افسوس وکړي چې هیڅکله یې نه ده کړي مګر اصلي ټکی داده چې هیڅوک دډار نه په امن کې نه ده زیږیدلی او مونږ ټول کولی شو زده یې کړو چې تر څو ورباندې کامیاب شو.

د همدې لپاره زړه ورتیا یو عادت نده چې یواځې بختور خلک یې ولري بلکه یو مهارت او رویه ده چې کولې شو زده یې کړو او د ټولو مهارتونو په څیر یې تقویت کړو او ماهر شو لکه څنګه چې د ورزش په ډګر کې دورزشي سامان په واسطه خپل دبدن غړي قوي کوو نو کولې شو چې دزړه ورتیا لپاره هم په ژوند کې ځینې برنامې جوړې کړو.

څنګه کولای شو پریشر کې رانشو؟
څنګه کولای شو پریشر کې رانشو؟

هر وګړۍ چې غواړي چې تر تاثير لاندي رانشئ تر ټولو لومړی هغه ناسم باورونه له مخي لري کړئ چې تاسو د بې جرعني خواته بيايې.ځان داسي احساس کړئ چې د نړۍ تر ټول قوي او پياوړی انسان يې.نو انسان ته پکار دی چې هر وخت مقاومت نه کار واخلي او هر مشکل ته غاړه ورکړي او په سمه توګه ېې حل کړي ځکه که چېرې مونږ مشکل په زړه واخلو نو دا به نور مشکل هم حوړ کړي او ژوند به ځانته سخت کړي.

حامدکرزی:طالبان په سوله پوره باور لري

حامدکرزی: طالبان په سوله پوره باور لري د افغانستان پخوانی ولسمشر «حامد کرزی» وایي، طالبان د نورو افغانانو په څېر پر سوله بشپړ باور لري او د افغانستان د خپلواکي غوښتونکي دي. نوموړۍ وايي د سوله شته فرست نه باید پوره ګټه پورته شي.

ښاغلي کرزي دغه څرګندونې له «دویچه ویله» راډیو سره په تازه مرکه کې کړې.هغه ویلي، چې طالبان د افغانستان بچیان دي، چې د نورو افغانانو په څېر یې درد لیدلی او په سوله بشپړ باور لري « په ټوله مانا په سوله باور لري او د افغانستان د خپلواکۍ غوښتونکي دي، هغوی هم دافغانستان د نورو خلګو په څېر درد لیدلی، واړه ماشومان یې ورته پارچه پارچه شوي، ژوند یې خراب شوی.

نوموړي ددې تر څنګ د خپلمنځي مذاکراتو بریا ته هیله ښودلې او ټینګار یې کړی، چې هیڅ لوری باید د مذاکراتو ناکامي په ذهن کې ونلري او یوازې د بریا لپارهکاروکړي. هغه وايي چې داسې فرست افغانستان لپاره لومړۍ وار رامنځته شوی او باید دا فرست ضایع نه کړل شي نوموړي په دواړو لوریو غږکړی چې دسولې مزاکرات په سولیزه او ښه فضا کې ترسره کړۍ او لونړۍ اسانه خبرو ته د خل لاره اوګوري.

کرزي ددې پوښتنې په جواب کې چې ولې يې د خپلې واکمنۍ په دوره کې د طالبانو د سیاسي دفتر له خلاصون سره مخالفت وکړ؛ وویل، چې هغه مهال حکومت د افغانستان په ټوله ځمکه واکمن وو او تر څنګ یې د امریکا په نیت شک ددې لامل شو، چې د طالبانو له سیاسي دفتر له خلاصېدو سره مخالف شي.

د هغه په خبره ، په مذاکراتو کې د بیان ازادي، مدني حقونه، د نجونو او هلکانو د تعلیم حق  او ملي حاکمیت هغه څه دي، چې باید معامله ورباندې ونشي.نوموړي همداراز وویل چې د سولې مزاکراتو کې باید د عامو افغانانو حق هم خوندي شي او ټول افغانان باید د سولې نه وروسته په ارامه فضا کې ژوند وکړۍ شي. داسې هیځ بهانه باید پاتې نشي چې سوله پکې ټکنې شي.

د کرزي له لوري پورته څرګندونې داسې مهال دي، چې په قطر کې د طالبانو او افغان جهتونو د مذاکراتي ټیمونو تر منځ خبرې روانې دي او تمه ده په نږدې ورځو کې دواړه لوري رسماً مخامخ خبرو ته کښېني.طالبان وایي، د مذاکراتو بریا ته هیلمن دي او په دې برخه کې به خپل مسئولیت په ښه توګه اداء کوي.

د یادونې وړ ده چې په سوشل ميډيا کې هم د افغان سولې په اړه د عامو افغانانو لخوا مختلف نظریات وړاندې کیږي دويي په ځانګړي ډول فیسبوک کې لیکنې کړي او ویلي دا فرست باید پّ سمه توګه وکارول شي دويي خوشبین دي چې که مزاکرات کامیاب شي او پایداره سوله راشي نو مونږ به د ګاوندیو د احتیاج نه ازاد شي اويي وايي چې که سوله راشي نو به د بدخشان او نوریستان سیل وکړو او د افغانستان ښکلانه به خوند واخلو.

شپږیزه لیګ کې د کابل بازانو ټیم مس عینک سره پای لوبه لري

د شپږيزې لیګ ډېر وخت راهیسې پیل شوې او مختلف ټیمونه له یو بل سره لوبې لري خو د ځيني لوبډلو لوبې بیا ډېرې جالبې وي اوسمهال دغه لیګ کې اووم پړاو سیالیو کې مس عینک د شپږیزې پای لوبې ته ووته.او دغه ټیم به د کابل بازانو سره پاۍ لوبه کې ولوبیږي.

د مس عینک لوبډلې پرون له بند امیر سره لوبه وکړه او ویې کولی شول، چې بند امیر لوبډله د پنځو ویکټو په توپیر وروسته کړي او ځان نته تر پای لوبې پورې لاره هواره کړي .لومړی بیټنګ د بند امیرټیم لخوا ترسره شوه، چې مقابلې مس عینک ټيم ته یې ١٧٩ هدف کېښود او مس عینک لوبډلې وکولی شول چې د پنځو ویکټو په توپیر بند امیر له پای لوبې را وګرځوي او بریالۍ شي.

د بند امیر ټيم د بېټنګ په برخه کې عثمان غني ٦٤، میرویس اشرف ٢٢ ناټ اوټ، او اصغر افغان او ناصر جمال د ٢٣ منډو په جوړولو هدف تر ١٧٩ ورسولو، د مس عینک لوبډلې له منځه، بهار علي شینواري ٤٧، شاهدالله کمال ٤٢، افسر ځاځي ٣٥ او حشمت الله شهیدي ٢٢، منډې جوړې کړې چې په پنځو ویکټو یې د بند امیر لوبډلې ته ماتې ورکړه.

د دې نه مخکې پای لوبې ته د کابل بازانو لوبډله لاره پیدا کړې وه ، چې د مس عینک لوبډله به سبا د کابل بازانو سره د پای لوبې لپاره په میدان کې مخامخ کیږي.د شپږیزې لیګ اووم پړاو کرېکټ سیالۍ چې باید لا پخوا ترسره شوي وی د کرونا وبا د خپرېدو او ترې د خوندیتوب له کبله ځنډول شوې وه.دا هم باید یاده کړو چې د کرونا ویروس له امله بازې نور ټورنمنټونه هم ځنډېدلي وو.

بل خو ا بیا په ورته وخت کې په کابل کې د نجونو فوټبال لیګ پای لوبې ته د عدالت او سنګر ټیمونه بریالۍ شوي دي.تېره ورځ د استقلال او عدالت لوبډلو تر منځ نیمه پای لوبه ترسره شوه چې عدالت لوبډله وتوانېده استقلال لوبډلې ته ٢/١ ماتې ورکړي او د فوټبال پای لوبې ته ځان وباسي. او همدا راز د نجونو فوټبال لیګ وروستۍ سیالۍ یا پای لوبه به سبا د فوټبال فدراسیون په لوبغالي کې د عدالت او سنګر لوبډلو تر منځ تر منځ پیل شي.

شپږیزه لیګ کې د کابل بازانو ټیم مس عینک سره پای لوبه لري
شپږیزه لیګ کې د کابل بازانو ټیم مس عینک سره پای لوبه لري

اوس وخت کې افغان کرکټ بورډ او نورو ورزشي ادارو بازې تجارتي ټورنمنټږنږ ته ډېره پاملرنه پیل کړې. باید همداسې په اینده کې هم د ټورنمنټونو نه ملاتړ وکړي او نور انټرنيشنل پلیران هېواد ته د لوبو لپاره راولي ترڅو د اي سي سي او نورو ادارو په افغانستان باندې اعتماد نور هم یات شي او افغانستان په سيمه کې یو با اعتماده هېواد وګرزي.

جو بایډن:د افغانستان نه د عسکرو ویستلو برخه کې د ولسمشر ټرمپ هم نظره یم

جو بایډن:د افغانستان نه د عسکرو ویستلو برخه کې د ولسمشر ټرمپ هم نظره یم د امریکا د دیموکرات ګوند د جمهوري ریاست کاندید جوزیف بایډن د چهارشنبې ویلي چي هغه دولسمشر ټرمپ سره له افغانستان اوعراقه د امریکايي عسکرو د وتلو په مورد هم نظری دی.

جو بایدن وویل«بلې هو، زه ورسره همنظره یم. خو ټرمپ باید د داعش د ځپلو لپاره یو عملي پلان وړاندي کړي. نوموړي څخه پوښتنه وشوه چې تاسو د امریکايي عسکرو په اړه څه نظر لری یعني په عراق او افغانستان کې وتل غواړی او که نه نو نووړي ځواب کې وویل چې هو ځه غواړم چې د افغانستان او عراق نه باید افغان عسکر وځي هغه وویل چې زه په دې برخه کې د ولسمشر ټرمپ سره په دې برخه کې هم نظری یم.

د امریکا ولسمشر غواړي چي د اکټوبر په آخرو ورځو کي په افغانستان کي د خپلو عسکرو شمېر له ۸۵۰۰ څخه ۴۰۰۰ او یا ۵۰۰۰ ته راکم کړي.رو  امریکا د متحده ایالاتو ولسمشر وایي، د بهرنیو چارو وزیر یې په یوه تاریخي سفر دوحې ته ځي تر څو هلته د طالبانو او افغان جهتونو ترمنځ د بین الافغاني خبرو د پیلېدو په غونډه کې برخه واخلي.

ښاغلي ټرمپ دغه څرګندونې په وايټ هاوس کې یوې خبرې ناستې ته کړې. نوموړي ویلي، چې پمپیو به په یوه تاریخي سفر باندې دوحې ته ولاړ شي او هلته به د بین الافغاني مذاکراتو د پیلېدو په غونډه کې برخه واخلي او تر څنګ به یې موږ په نږدې راتلونکې د خپلو عسکرو شمېر څلور زره ته را کم کړو.

هغه وړاندې زیاته کړې، چې دولت یې له افغانانو سره له اوږدې مودې راهیسې مذاکرات کوي او له هغه وخته چې له طالبانو سره یې تړون توافق کړی ، په افغانستان کې مشکلات کم شوي او هيڅوک وژل شوي نه دي.د ټرمپ په خبره ، دا دده د حکومت د ډيپلوماټیکو هڅو پایله وه، چې ټول جهتونه مذاکراتو ته په یومېز کېناستل.

جو بایډن:د افغانستان نه د عسکرو ویستلو برخه کې د ولسمشر ټرمپ هم نظره یم
جو بایډن:د افغانستان نه د عسکرو ویستلو برخه کې د ولسمشر ټرمپ هم نظره یم

د یادونې وړده چې د ډېر ځنډ وروسته طالبانو او حکومت د خپلمنځي مزاکراتو ته چمتووالۍ خودلۍ. او د حکومت مزاکراتي ټيم نن د کابل هوايي ډګر ته رارسېدلي او ډېر ژر به د یو پرواز له لارې د دوحې پلازمینې قطر ته لاړ شي.دويي به هلته په دوحه کې سبا ورځ اول په یوې غونډې کې ګډون وکړي په دغه غونډې کې به د افغانستان د مصالحې شورا مشر هم ګډون وکړي.

خلیلزاد د افغان سولې په اړه ایران سره خبرې کوي

خلیلزاد: وخت رارسېدلۍ چې جګړه پاۍ ته ورسیږي بعد له هغه نه طالبانو او افغان حکومت د خپلمنځي مذاکراتو پيلېدو او قطر یې کوربتوب ته خپل چمتووالی اعلان کړ. او ویل کيږي چې  سبا به مزاکرات پیل شي

د افغانستان د سولې لپا ره د امریکااستازی خلیلزاد په دې اړه ویلي ، د سولې لپاره یو تاریخي فرصت رامنځته شوی، چې کولای شي د افغانستان جګړه پای ومومي پرون طالبانو د سیاسي دفتر اعلان وکړ، چې خپلمنّځي  مذاکرات به د شنبې په ورځ په دوحه کې پيل شي او طالبان چمتو دي په یادو مذاکراتو کې برخه واخلي.خلیلزاد په همدې اړه ټویټر لیکلي، چې د سولې لپاره اوسنی رامنځته شوی فرصت «تاریخي» دی او کولای شي هغه څلوېښت کلنه جګړه چې نظامي حل نه لري او ګڼ افغانان یې ووژل، نور بس کړي او له منځه لاړه شي.

ښاغلي خلیلزاد وړاندې زیاته کړې، چې د سولې لاره اوږده او ستونزمنه وه، لاسته راوړنې پکې اسانه نه وې او اوس د افغان مشرانو مسئولیت دی چې له شته فرصت ښه ګټه واخلي او جګړه پای ته ورسوي او یو داسې مېکانېزم له لارې مخې ته لاړ شي چې دواړه لوریو او ولس حق پکې خوندي وي. نو بنا اوس باید فرصت په سمه تو ګه استفاده کړي.

نوموړي ددې تر څنګ د «روغې جوړې» په کولو ټینګار وکړ او په خبره یې، د قدرت یو بعدي کول او په زور د یوې مفکورې تحمیلول، جګړې او د بهرنیو هیوادونو لاسوهنې ته لار برابروي نو اوس باید د بل هر څه نه زیات سولې ته لومړیتوب ورکړل شي. او افغانستان کې دایمي سولې لپاره دایمي کار وشي.اومونږ او تاسو ټول د یو باثباته سولې شاهدان اووسېږو.

دا هم باید یاده کړو چې د بهرنیو چارو وزیر پمپیو  چې د خپلمنځي  مذاکراتو د پیلېدو په ناسته کې د ګډون په موخه دوحې ته سغر کوي ، د یادو مذاکراتو له پیلېدو هرکلی کړی او د روغې جوړې په کولو يې ټینګار کړی. د امریکا ولسمشر هم د افغانانو د خبرو پیلېدل د خپل دولت د ډيپلوماتيکو هڅو زیږنده بولي او په خبره یې، دا دده د ادارې هڅې وې چې بیلابېل افغان جهتونه د سولې خبرو ته چمتو کړل.

خلیلزاد: وخت رارسېدلۍ چې جګړه پاۍ ته ورسیږي
خلیلزاد: وخت رارسېدلۍ چې جګړه پاۍ ته ورسیږي

د هغه له قوله، افغانستان کې ډېر پر مختګ رامنځته شوی او امریکا به ډېر ژر  په دې هیواد کې د خپلو عسکرو شمېر څلور زره ته راکم کړي.دا همباید یاده کړو چې طالبان او حکومتي پلاوي مزاکراتو پېلېدو ته چمتووالی خودلۍ او طالب پلاوي څو ورځې وړاندې دوحه کې موجود دی او افغان پلاوي نن د غرمې مخکې کابل هوايي ډګر ته رارسېدلي دي او ښايي نن دوخې ته سفر وکړي.

ولسمشری ماڼړۍ: ټول طالب زندانیان مو ازاد کړي

ولسمشری ماڼړۍ: ټول طالب زندانیان مو ازاد کړي. طالبان وایي، مذاکراتي ټيم یې خبرو ته چمتو دی ؛ خو د بندیانو د خوشې کېدو پروسه نه ده تکمیل شوې، ارګ یادې څرګندونې ردوي او ادعاء کوي، چې د طالبانو له خوا د ورسپارل شوي لست سره سم یې ټول بندیان ېې ازاد کړي.

«ډاکټر محمد نعیم» چې د طالبانو د سیاسي دفتر ویاند دی وړمه ورځ پر خپل ټویټر ولیکل، چې د طالبانو بندیان لا هم پاتې دي چې د خوشې کېدو په اړه یې خبرې روانې دي او کله چې یاده پروسه تکمیل شي ، مذاکرات به پیل شي « کله چې د بندیانو د خلاصون پروسه پاي ته ورسیږي ، زمونږ مذاکراتي ټیم د خپلمنځي خبرو د پیل لپاره چمتو دي.

بلخوا بیا یو ميډیا ګروپ بیا د ارګ د ویاند «صدیق صدیقي» له قوله لیکلي «په اوسني وخت کې هیڅ داسې طالب زنداني له موږ سره شتون نه لري. چې نوم یې دې د طالبانو په لست کې وي، زموږ تمه داده چې طالبان ژر تر ژره خپلمنځي مذاکرات پيل کړي.او د سولې په اړه په نورو جزیاتو باندې خبرې وکړي ترڅو د سولې پروسې لارې او چارې معلومې کړي.

د ولسمشرۍ ماڼړۍ ویاند لخوا دغه څرګندونې داسې مهال دي، چې تر دې وړاندې ارګ ویلي وو، د شپږ تنه طالب بندیانو په اړه یې له یو شمېر هغو غربي هیوادونو سره خبرې روانې کړي، چې د یادو بندیانو په اړه ملاحظات لري.د ارګ له لوري د طالب بندیانو په اړه پورته څرګندونې داسې مهال دي، چې طالبانو د بین الافغاني مذاکراتو لپاره یو قوي ټیم ټاکلۍ او په بیا  بیا یې ټینګار کړی چې د بندیانو له خوشې کېدو سره سم تیار دي خپلمنځي خبرې پيل کړي.

دې نه مخکې داسې تمې وې، چې روانه اوونۍ د کابل مذاکراتي ټیم دوحې ته سفر وکړي ؛ خو د ناڅرګندو دلایلو له امله لا هم یاد پلاوي دوحې ته ندي تللي. خو اوسمهال داسې تمه کیږي چې ډېر ژر به د حکومت یو پلاوی دوحې ته په سفر لاړشي او هلته د سولې لپاره په نورو جزیاتو باندې خبرې به وکړي.

ولسمشری ماڼړۍ: ټول طالب زندانیان مو ازاد کړي
ولسمشری ماڼړۍ: ټول طالب زندانیان مو ازاد کړي

اوس وخت دواړو خواو ته لازمه داده چې د نورو سیاسیونو رځنګ ولسي جرګې سره هم دغه موضوع ګانې شریکې کړي ترڅو دویي هم ورسره د سولې په اړه خپل نظرونه شریک کړي او یو سیاسي او ولسي اجماع سره د سولې خبرو کې مخې ته لاړشي. او افغانستان یو باثباته سوله ولري ځکه افغانستان کې د ډېر وخت راهیسې جنګ پیل دی او باید نور سولې ته کار وشي. طلبان ه نور باید د خپلمنځي مزاکراتو په مخ کې خنډونه لرې کړي او دایمي اوربند باندې بحث پیل کړي،

ولسي جرګه: د حکومت پلاوۍ په مزاکراتي اصولونه پوهيږي په داسې حال کې چې تمه ده په نږدې ورځو کې د کابل مذاکراتي ټیم له طالبانو سره د خبرو پيلولو په موخه دوحې ته سفر وکړي ؛ دافغانستان دولت ولسي جرګه وایي، مذاکراتي پلاوی د هغو موضوعاتو په اړه معلومات نه لري،چې طالبانو سره پرې خبرې وکړي.

د پارلمان رییس «میر رحمان رحماني» پرون د پارلمان عمومي ناستې ته ویلي، چې دولت د پارلمان غړي د سولې له جریاناتو نه خبروي او حتی مذاکراتي ټیم هم په هغه څه نه دی خبر چې له طالبانو سره به ورباندې خبرې کوي « رښتیا هم پارلمان د مذاکراتو په تړاو ندی خبر ، حتی زه هم چې د سولې په ډېرو ناستو کې ګډون هم لرم، نه پوهېږم چې د سولې پروسه به کوم طرف ته لاړه شي.

د نوموړي په وینا ، پارلمان هم سولې په جریاناتو باندې یوازې له مطبوعاتو خبرېږي او مذاکراتي ټيم هم نه پوهېږي، چې په راتلونکي کې به په کومو موضوعاتو مزاکرات کوي هغه وویل چې افغان دولت باید ټول پارلمان په جيریان کې وساتي ځکه که جيریان کې نه شي نو چې کومه پرېکړه وشي دا به بیا ټول ملت ته د منلو وړنه وي ځکه پارملان کې ټول د ملت استازي دي او د ملت نمایندګي کوي.

د سولې په جریاناتو د نه خبرېدو له امله د پارلمان ګیله داسې مهال ده، چې تمه ده په نږدې ورځو کې د کابل مذاکراتي پلاوی له طالبانو سره د خبرو پیلولو په هدف دوحې ته ولاړ شي.او هلته به دسولې په خبرو کې په اوربند او نور د سولې موضوعاتو باندې خبرې وشي. دواړه لورې پلاوي هم چمتو دي فقط د وخت او د ځاۍ ټاکل پاتې دي چې بیا با مزاکرات پيل شي.

جمهور ریس اشرف غني تر دې وړاندې په بیا، بیا ویلي وو چې له طالبانو سره پر مذاکراتي مېز باندې بحث کېدونکې هره خبره به د هوکړې په موخه پارلمان ته وړي او تر هغه وروسته که اړتیا وه په اړه به یې مشورتي لویه جرګه رابولي.خو اوس برعکس ولسي جرګه هيځ د دې خبرو نه نده خبره او په اړه ېې ورسره هیځ معلومات هم ندي شریک کړي .

ولسي جرګه: د حکومت پلاوۍ په مزاکراتي اصولونه پوهيږي
ولسي جرګه: د حکومت پلاوۍ په مزاکراتي اصولونه پوهيږي

اوس دولت ته پکار ده چې د نورو سیاستوالو ترځنګ ولسي جرګې سره هم دغه موضوع ګانې شریکې کړي ترڅو دویي هم ورسره د سولې په اړه خپل نظرونه شریک کړي او یو سیاسي او ولسي اجماع سره د سولې خبرو کې مخې ته لاړشي. او افغانستان یو باثباته سوله ولري ځکه افغانستان کې د ډېر وخت راهیسې جنګ پیل دی او باید نور دا جنګ بند شي او یو باثباته سوله قایمه شي.

ټول هېواد کې نن د شهید اونۍ لمانځل کیږي

ټول هېواد کې نن د شهید اونۍ لمانځل کیږي د سنبلې د مياشتي اتلسمه چې هر کال ددولت له خوا د شهيدانو د اونۍ په مناسبت په شاندارو مراسمو په ترڅ ګې لمانځل کيږي.او حکومت ورته امنیتې تدابیر نیولي تر څو د یو نا څاپي پېښو نه مخنیوۍ وشي.

هر کال د سبلې ۱۸ د مجاهدينو د او شمالې ټالوالي د مشر احمد شاه مسعود د مړيني له ورځی سره سمون خوري. په ټول هېواد کې شمالي ټلوالې دغه ورځ ښه په جوش او جزبې سره لمانځي ددغې ورځي په مناسبت د احمد شاه مسعود پلويان د پلازمينې کابل او په تيره بيا په شمالي ولايتونو کې په زيات شمير کې له داسي موټرانو ،موټرسايکلانو سره واټونو ته راوزي او ټول کابل کې ګرزي. د مسعود پلويانو د اکنتي ځواکونو ينيفورم په تن وړې او درنې سلاوو له ځانونه سره ليږدوي، لاري کوڅي بندوي، هر ځای هوايې ډزي کوي داسي ډزي ته به وايې په کابل ښه درنه جکړه روانه وي، له هري خوا کابل ميشتي وګړي له سخت ځور او ګړاو سره مخ وي.

د کابل هز وګړۍ پر ځای چې چې د مجاهيدنو د پخواني مشر احمد شاه مسعود روح ته دعا وکړي بلکي له ددې ورځي د سختۍ او کړواو له امله ورته ښيراوي کوي او له دې په تنګ دي چې دا ورځ بايد لغوه او د کابل ميشتو په ګډون زيات خلک له دغه مشکلاتو خلاص شي. د یادولو وړ ده چې ددې ورځي په مناسبت څو.ځله د احمدشاه مسعود د پلويانو او عامو خلکو ترمنځ خونړۍ جکړي هم شوي ، هر کال د احمدشاه مسعود د پلويانو له خوا د هغه د تلين د لمانځنې په خوشاله کې ګڼ کسان هم مري.

هېره دې نه وي چې تير کال هم د افغان ځواکونو او مسعود د پلويانو تر منځ سخت اخ ډب رامنځته شو چې بيا وروسته په لوی سياسي مشکلاتو بدل شو. تير کال د کورنيو چارو ارشد سلاکار خوشال سعادات د هغو کسانو مخه ونيوله چې په کابل ښار کې په دغه ورځ راوتلي او هوايې ډزي يې کولي، په لارو کوڅو کې يې خلک وهل او ډبول که څه هم خوشال سعادات ددغو کسانو مخه ونيوله خو دغه پيښه دومره لويه شوه چې ان افغان حکومت اړ شو چې خوشال سعادات د خپلې چوکی نه لرې کړي.

افغان دولت هز کال د شهيد د اونۍ په پلمه د احمد شاه مسعود د تلين لپاره په ميلينونو افغانۍ مصرف او لګوي.خو داوار افغان حکومت د شهيد د اونۍ د لمانځنې په پار يو.کميسون هم جوړ کړي چې تيره ورځ دغه کميسون يوه اعلاميه هم خپره کړي چې په دغه اعلامیه کې په شماروار ډول ويل شوي. باید عامه نظم ګډوډ نشي. دويي لیکلي چې هیڅوک حق نه لري چې امنیتي یونیفورم واغوندي. همداراز دويي لیکلي چې باید هیڅوګ بې اسناده موټرو کې راونه وزي.

ټول هېواد کې نن د شهید اونۍ لمانځل کیږي
ټول هېواد کې نن د شهید اونۍ لمانځل کیږي

اوس دولت پکار دا ده چې باید ټول امنیتي مسولینو ته لارښوونه وکړي چې هر کال باید دا ورځ لپاره امنیت وساتي او داسې یو مېکانېزم ورته جوړ کړي چې د خلکو امنیت پکې خوندي وي ځکه پروسه کال هم په دې ورځ ډېرې زیاتې ستونزې رامنځته شوې وې او ان تر دې چې خلکو ته ېې مرګ ژوبله اړولې وه.