له کرونا ویروس له امله په نړۍ کې د مړو شمېر ۴لکه ۳۹ ته ورسېد

له کرونا ویروس له امله په نړۍ کې د مړو شمېر۴۲۳۰۰۰ ته او په امریکا کې دغه تعداد ۱۱۴۴۴۶ ته ورسید.د امریکې جانزهاپکنزپوهنتون د شمېرو ترمخه په نړیواله کچه د کرونا وایرس د مریضانو شمیر ۷۵۸۹۸۳۸ دی.

انډیا کې د جمعې په ورځ د کرونا وایرس ۱۱۰۰۰نوي پېښې ثبت شوې چې په ملک کې په ۲۴ ګنټو کې د ناروغۍ تر ټولو زیاته شمېره ده.پاکستان د جمعې په ورځ ۶۳۹۷ پېښې ثبت کړې او متخصیصین وايي په هېړادکې ویروس د تېرې میاشت راهسې خپور شوی کله چې د پاکستان صراعظم عمران خان په هېواد کې ویروس د مخنیوي په خاطر لاک ډاون لېرې کړ.په هندوستان کې د کرونا نوي پېښې په داسې حال کې رپورټ شوي دي چې په ملک کې دوکانونه، مالونه، کارخانې او د عبادت ځایونه د دوو میاشتو د بند وروسته بیا پرانیستل شوي دي خو د زیات خطر په ځایونو کې بندیزونه پرځای دي.

د کرونا ناروغۍ د تازه پېښو وروسته انډیا د نړۍ څلورم هېواد شو چې د ناروغۍ زیاتې شمېرې لري. دا وخت په امریکا تر ټولو زیات د کرونا ویروس پېښې لري، ورپسې برازیل او بیا روس دی.د امریکې د جانز هاپکنزپوهنټون د راپور له مخې هندوستان کې د کرونا ویروس مجموعې شمېرې ۲۹۷۵۳۵ دي او په نړیواله کچه دغهشمېر اووه اشاره پنځه مېلین ته رسېدلی دی.د امریکې د کرونا ویروس شمېر د دوه مېلین نه زیات دی. په برازیل کې ۸۰۰۰۰۰ او روس کې ۵۱۰۰۰۰ دی.امريکا د کرونا وایرس د دنیا تر ټولو زیات مرګونه لري چې تعداد یې ۱۱۳۸۰۰ دی. په نړیواله کچه دغه شمېر ۴۲۲۰۰۰ دی.

او یو امریکنۍ کمپنۍ ویلي اینده میاشت به په پراخه کچه د کرونا وایرس د ممکنه وېکسین ازموینې شروع کړي. موډرنه نومې کمپني د امریکې د نېشنل انسټېټیوټس اف هېلت سره په شریکه په دغه وېکسین کار کوي. کمپني وايي په ۳۰۰۰۰ رضاکارانو په ازموینې شروع کوي د صحت نړیوالې ادارې د اندازو تر مخه دا مهال لاتیني امریکا د کرونا وبا نوی مرکز ګرځیدلی چرې چې په نژدیو ورځو کې د کرونا اغیزمنو شمیره د یو میلین یا لس لکو نه سېوا او مرګونه د ۷۰ زرو نه زیات شوي.

بلخوا په لاتیني‌ امریکا کې بیا ټولو زیات اغیزمن هیواد برازیل دی چې د مرګونو او ناروغانو په حساب په امریکا پسې په دویم نمبر دی. د برازیل وروسته پیرو کې د اغیزمنو خلکو شمیره د دوه لکه نه زیاته شوې. چلي بیا په دریم نمبر او میکسیکو په څلورم نمبر دی.‌

د متحده ایالاتو جان هاپکنیز پوهنتون په ویب پاڼه خپرو شوو شمیرو تر مخه برون د سهر پورې په امریکا کې د کرونا ناروغانو شمیره شل لکه ۴۶۴ ته ورسیدله او د یاد وایرسه ۱ لک ۱۲ زره او ۹۲۴ تنه مړه شوي دي.د کرونا ناروغۍ له امله دمرګونو او ناروغانو په حساب امریکا په ټوله نړۍ کې تر ټولو زیاته په دغه هېواد کې خپره شوې ده.‌

د امریکا په کېلیفورنیا سټیټ کې بیا د کرونا ویروس زیاتیدونکې شمیرو دروغتیا ځايي چارواکي په دې مجبوره کړل چې دغلته هرکال د اکتوبر په میاشت کې کیدونکي دوه مشهورې ځايي د موسیقۍ میله یا دستور وځنډوي. دغه دواړه دستورې په شورو کې د اپریل په میاشت کې اعلان شوې وې خو بیا د کرونا وبا خوریدو وروسته دغه دواړه د اکتوبر میاشتې پورې ځنډول شوې وې.‌

دنورې نړۍ ترڅنګ افغانستان کې هم د کرونا ویروس له امله د مړو شمېر ورځ تربله زیاتيږي د کابل په شمول ولایاتو کې هم دغه ویروس لا هم خپريږي اوسمهال په افغانستان کې د کرونا ویروس پېښو شمېر د ۲۰ زرو نه زیات شوۍ دۍ بل خوا د روغتیا وزارت وايي چې د کرونا ویروس د مخنيوي لپاره ورسره فنډ ختم شوۍ دۍ،

بهرنیو چارو وزارت: ایران ته د سفر موخه سوداګرۍ او اقتصادي موضوعاتو باندې خبرې کول وو

د بهرنیو چارو وزارت وايي، د افغانستان، امریکا او روسیې په درې اړخیزه ناسته کې د افغانانو په مشرۍ د سولې په بهیر او تېرو ۱۹ کلونو کې د افغانستان د لاسته راوړنو په ساتلو بحث وشو،

دبهرنیو چارو وزارت د اعلامیې له مخې دا ناسته د سرپرست وزیر حنیف اتمر، د افغانستان لپاره د روسیې ځانګړي استازي ضمیر کابلوف او د افغان سولې لپاره د امریکا د ځانګړي استازي زلمي خلیلزاد ترمنځ د ویډیو کانفرنس له لارې د افغان سولې په اړه خبرې وشوې،

یادې ناسته کې مسکو او واشنګټن د افغان دولت له خوا د طالب بندیانو خوشي کولو هرکلی شوی او د افغانانو خپلمنځي خبرو لپاره دا ګام ضروري بلل شوی دی په دې ناسته کې د باور جوړولو او د خبرو لپاره د مناسبې چاپېریال رامنځ ته کولو په خاطر پر ښکېلو اړخونو د تاوتریخوالي کمولو غږ شوی دی.

د بهرنیو چارو وزارت د اعلامیې له مخې دې غونډه کې د افغانستان پر هغې غوښتنې موافقه شوې چې له مخې یې باید د تاوتریخوالي کمولو لپاره یو میکانیزم جوړ شي او دا ډاډ باید تر لاسه شي چې د سولې بهیر کې هر لوری خپل مسؤلیت ترسره کوي. د اعلامیې له مخې خبرو کې ښکېلو خواوو پر طالب وسلوالو هم غږ کړی چې دوحه کې له امریکا سره د سولې تړون د ژمنو له مخې دوی هم د افغان حکومت بندیان خوشي کړي.

د افغان طالبانو او امریکا د سولې تړون له مخې، حکومت پنځه زره طالب بندیان او مقابل کې دا ډله هم زر حکومتي بندیان خوشي کوي. افغان حکومت تر اوسه درې زره طالبان بندیان خوشي کړي او افغان ولسمشر محمد اشرف غني تېره پنجشنبه د امریکا اټلانټیک کونسل بنسټ سره ځانګړې مرکه کې وویل افغان حکومت به ډېر ژر دوه زره نور طالب بندیان خو شي کړي.

طالبانو هم تر اوسه د حکومت څه باندې پنځه سوه بندیان خوشي کړي او هم یې وروستیو کې ژمنه کړې چې دا شمېر به زرو ته ورسوي. په تېره یوه اوونۍ کې د افغان حکومت او طالبانو ترمنځ د مخامخ خبرو د پیل هیلې زیاتې شوې او دې لړ کې د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد کابل کې له افغان ولسمشر سره کتلي. همدا راز د پاکستان د پوځ لوی درستیز جنرال قمر جاوېد باجوه د ترهګرۍ پر وړاندې د مبارزې او د شخړو د اوارولو لپاره د منځګړيتوب په برخه کې د قطر بهرنیو چارو وزير ځانګړی استازی مطلق بن ماجد القحطاني هم کابل ته تللی وو,

ریس جمهورغني ویاند صدیق صدیقي هم وایي، د افغان دړلت او طالبانو ترمابین د مخامخ خبرو د ځای په تړاو تر اوسه افغان حکومت کومې هوکړې ته نه دی رسېدلی، خو یوازې لومړنۍ ناسته به په دوحه کې پيل شي،

اوس وخت د دې رارسسېدلۍ دۍ چې و سيمې هېوادونه باید افغانستان کې د سولې ټينګښت لپاره کار وکړي ترڅو ژر ترژره افغانستان کې امنیت تامين شي او ټول هېوادال د سکون ساه واخلي په دغه لړ کې د روس او ایران ترڅنګ پاکستان هک ډېر مهم رول لري باید دغه هېواد هم د افغانستان په سوله کې حپل پوره پوره ونډه واخلي،

دروس سره مرسته کونکی افغان نوم افشا شو

افغانستان کې د پېړيو راهيسې جګړه روانه ده او د امرېکې په شمول لسګونه هېوادونه پکې جنګونه کوي خو اوس وخت د دې رارسېدلۍ دۍ چې باید سولې لپاره کار وشي او د سولې په نتیجه کې افغانستان یو ارامه پرامنه هیواد وګرزي. د سولې لپاره ټولو نه مهمه خبره دا ده چې د سېمې هېوادونه په دغه پروسې کې خپل مهم رول ولوبوي،


د امریکا متحده ایالاتو مخکې ويلي وه چې دويي  غواړي په افغانستان کې خپله ١٨ کلنه اوږده جګړه پای ختمه کړي  او افغانان نور د افغانستان  په سياسي راتلونکي سره جوړ راشي. د امريکا د بهرنيو چارو وزير مايک پمپيود په استراليا کې و او هلته يې د افغانستان په اړه د امريکا د دريځ په باره کې ویل ” د امريکا  جمهور ریس ډونلډ ټرمپ روښانه کړه چې غواړي يو ډيپلوماټيکه حللاره پيدا کړو چې پر مټ يې په افغانستان کې خپل پوځي حضور کم کړو. .

زلمۍ خلیلزاد او طالبانو په دوحه کې د پرېکړې نهايي کېدو ته نزدې شوي وو، چې د طالبانو د سياسي دفتر وياند سهيل شاهين پخپل ټويټ کې څرګند کړي و، چې که د امريکا او طالبانو تر منځ هوکړه ليک نهايي شو، ورسره سم به امريکايان له افغانستان نه اوځي او له دې سره زموږ او افغان لوري د خبرو لار کې دا خنډختم شي،.

همدا و چې د امريکا او طالبانو تر منځ د سولې تړون د ١٣٩٨ کال د کب په ١٠ نېټه لاسليک شو او تړون سره سم به وروسته تر دې د بين الافغاني مذاکراتو د پيل وار را ورسېږي، تمه وه چې که دا پړاو سرته ورسېږي نو افغانان به بشپړې سولې ته لاره پيدا کړي خو لا هم بین الافغاني مزاکرات ندي پيل شوي،.

بازې سرچينو ویلي وو چې بين الافغاني مذاکرات به ژر په قطر کې پيل شي. د ګڼو رسنيو د راپورونو سره سم د روژې مياشت کې د طالبانود رهبري شورا موافقه کړې چې بین الافغاني مذاکرات دې شرع  شي او د یادې شورا وروستۍ ناسته کې پرېکړه شوې چې د بين الافغاني مذاکراتو پر ایجنډا دې هم کار وشي، .

بلخوا د مصالحې مشر ډاکټرعبدالله ويلي، چې د بين الافغاني مذاکراتو د پيل تر نېټې پورې هڅه کوو چې تر څو ټول (5000) طالب بنديان خوشې  او يا هم دومره شمېر له زندانو خوشي شي چې د دواړو لورو پرې موافقه وشي. همداراز د بين الافغاني مذاکراتو د شرع کېدو څخه مخکې بايد پورته شمېر طالب بنديان او ١٠٠٠ تنه د امنيت کارکوونکي له زندان نه خوشې شي،

دکویډ۱۹ ناروغۍ  په اړه رسمي خبرې نشته چې د سولې پروسه دې ټکنۍ کړي وي، خو داسې ګونګوسی دی چې د افغان دولت ځينې کليدي کسان لکه حنيف اتمر، دېته ورته نور مشران او د طالبانو ځينې مهم غړي په ياد ويروس اخته شوي دي،

د دواړو لورو لخوا اماده ګۍ نيول کېږي چې ددې پروسې د وړاندې تګ لپاره د جون په نهمه  د پاکستان د پوځ مشر جنرال قمر باجوه د  افغان سولې د خبرو لپاره افغانستان ته راغلی و

افغانان باید په خپلو کې سره په یو اتفاق شي او دغه روانې جګړه باید په اتفاق سره ختمه کړي ترڅو عام وګوي کړۍ شي چې خپل هیړاد افغانستان کې به ارامه فضا کې ژوند وکړي افغانان د ډېر وخت راهېسي د پردیو په جګړه کې ښکېل دي نو اوس هم وخت تلۍ ندۍ چې سیاسيون په یو میز سره کیني او دې روان بحران دې د حل لارو باندې خبرې اترې وکړي،

امریکا يی ځواکونه د افغانستان وتل پیل شوي

د امریکايي پوځ یو جنرال چې په افغانستان کې د دغه هېواد ځواکونو څار کوي وايي، طالبانو لا هم هغه شرایط نه دي برابر کړي چې له مخې یې تر راتلونکې میاشتو کې له افغانستانن نه د امریکاېې ځواکونو د وتلو پلان چمتو شي. افغان طالبانو او امریکا تېره فبرورۍ په دې اړه تړون لاسلیک کړ.

د اسوشیټیډ پرېس خبري اژانس په خبره د امریکا د مرکزي قوماندانۍ سرپرست جنرال فرانک مکنزي وايي  چې امریکا د دې پروګرام له لومړۍ برخې مخکې ده، چې له مخې یې په افغانستان کې تر جولای د امریکايي سرتېرو شمېر ۸۶۰۰ ته  را کم شي . خو جنرال مکنزي ټینګار وکړ چې تر مۍ یا راتلونکي پسرلي پورې له افغانستان د ټولو امریکايي ځواکونو وتل اسان کار ندۍ او دا عمل به شرط پورې تړلي وي.

نوموړۍ چې په فلوریډا کې ژوند کوي او په واشنګټن کې د منځني ختیځ لپاره د یوه موسسې په کوربتوب ویډیويي کنفرانس  کې وویل: “دا شرطونه په دې ډول دي: ایا ډاډمنېدلی شو چې پر موږ بریدونه پای ته رسېږي؟ که له ما وپوښتئ په اوسني حالت کې دا شرایط نه دي پوره شوي.”

ډونلډ ټرمپ له افغانستان د امریکايي ځواکونو ژر ویستل غواړي د امریکا ولسمشر ټرمپ د افغان جګړې له لوی اودیجې ناراض دی او له دغه هېواد یې د امریکايي ځواکونو د ژر ویستلو غوښتنه کړې.جنرال مکنزي وايي، طالبان امریکا نه ګواښي، طالبانو هیڅکله هم امریکا نه ده ګواښلې، د ګواښ  منبع هغه نه علاوه نورې ډلې دي.

نوموړي افغانستان کې داعش او القاعده پورې تړلو ډلو ته په اشاره وویل “زما په باور طالبان د داعش ملګري نه دي او د دوی پر وړاندې کار کوي. خو ما ته دا نه ده  معلومه شوې چې دوی به د القاعده پر وړاندې هم همدا دریځ غوره کړي.” دغه جنرال وویل. چې د ټرمپ اداره په افغانستان کې د “راتلونکې لار نخشې د ارزولو” لپاره په خپل منځ کې او د ناټو غړو او خپلو ایتلافي ملګرو سره په “خورا ځواکمنو خبرو” بوخته ده.

د یادونې وړ ده چې طالبانو او امریکا یانو د هوکړې د متن له مخې امریکايي او ناټو ځواکونه به په ۱۴ میاشتو کې له افغانستان وځي. په ځواب کې طالبانو ویل، نور له بهرنیانو سره کار نه لري، خو د افغان دولتي ځواکونو پر ضد به یې بریدونه دوام وکړي. د امریکا او طالبانو د سولې تړون د لاسلیک سره سم، د سولې بین الافغاني خبرې هم پیلېږي.

وسلوال طالبان د پنځو زرو طالب بندیانو خوشي کېدل د دې خبرو لپاره شرط بولي او مقابل کې افغان ولسمشر اوربند، له پاکستان سره د دې ډلې د اړیکو وضاحت او د نشه يي توکو د سوداګرۍ ختمول د دې خبرو لپاره خپل شرطونه بولي.

سیاسي او اقتصا دي تحلیلګر وايي چې که چېرې افغانستان څخه په نا څاپي ډول امریکیان ووځي دا به دافغانستان امنیت او اقتتصاد لپاره لويي ګواښ وي ځکه افغانستان د پخوا نه هم ډېر په سختو مشکلاتو کې ګېر دۍ او که بهرني کومکونه ورباندې یو دم ورک شي نو دابه ډېر سخت ټکان ورسوي افغانستان ته ا د افغانستان خلک به نور هم نارامه شي.

امریکا: افغان جنګ کې تر دې دمه ۱۹۰۹ امریکايي عسکرمړه شوي دي

افغانستان د جګړې په اړه د سيګار د زاپور له مخېد امریکې او طالبانو ترمنځ د فېبرورۍ په ۲۹ نېټه د امن معاهدې نه پس طالبانو په امریکايي او نړیوالې ځواکونو حملې بندې کړې خو په افغان امنیتي ځواکونو یې بریدنه تند کړل

خو د طالبانو واکمنۍ رايدیخوا د اکتوبر د لومړۍ نېټې نه د سږ کال د اپرېل د میاشت پورې د افغان جنګ کې ۱۹۰۹ امریکايي عسکر مړه شوي دي دا خبره په افغانستان کې د بیا رغونې هلو ځلو د څار د امریکې دولت ادارې سیګار خپل اخیري راپورکې شریکه کړې ده.د دغې راپور له مخې افغانستان کې د دغه هیواد اخیري ځل جنګي پوځي تلفات روان کال د جنورۍ او فېبروۍ په میاشتو کې شوي وو. د جنورۍ په ۱۱ په کندهار ولایت کې د سړک د غاړې بم چاودېدو له امله دوه امریکايي عسکر ووژل شو او د فېبرورۍ په اتمه نېټه په ننګرهار ولایت کې د افغان پوځ په درېشۍ کې مسلح تن دوه امریکايي عسکر ووژل. درې نور امریکايي په غېر جنګي پېښو کې سږ کال ووژل شوو.

د ر ایس، یا په افغانستان کې د امریکايي او نړیوالو ځواکونو د ادارې ترمخه د روان کال د جنورۍ نه تر د مارچ د میاشت پورې د افغان امنیتي ځواکونو دننه ۱۷ حملې وشوي چې له امله یې د ۵۴ عسکرو مرګ ژوبله رامنځته شوه.

سیګار په خپل رپورټ کې زکر کړي په افغانستان کې امریکې او نېټو پوځي ماموریت د روان کال په دریو میاشتو کې د وسله والو دبریدونو په اړه معلومات څرګند نکړل ځکه چې دغه معلومات د امریکې او طالبانو ترمنځ د مذاکراتو برخه وبلل شوه. سيګار وویل د دغو معلوماتو په بنیاد په افغانستان کې د ناارامه سیمو او هلته د تشدد کچه معلومېږي. په دغه راپور کې د افغانستان په جګړه کې ټول معلومات ورکړل شوي.

د سيګار په رپورټ کې وېل شوي چې د امریکې او طالبانو ترمنځ د فېبرورۍ په ۲۹ نېټه د امن معاهدې نه پس طالبانو په امریکايي او نړیوالې ځواکونو حملې بندې کړې خو په افغان امنیتي ځواکونو یې بریدنه تند کړل.دغه راپور کې راغلي افغانستان کې دیوان دفتر یوناما د زیاترو ملکي تلفاتو ‌‌ذمه واري په طالبانو، د داعش خراسان څانګې او په نورو وسله والو ګوتدونو باندې راړوي یوناما وايي په کال ۲۰۱۹ کې ۶۷۴۴۷ ملکې تلفات پيښ شوي وو چې ۴۷ فیصد پکې د طالبانو دلاسه، ۱۲ فیصد د داعش خران او د درې فیصد د نورو نامعلومه وسله والو په غاړه وو. د ۲۰۱۸ په مقال کې تېر کال طالبانو دلاسه د تلفاتو په کچه کې ۲۱ فیصد زیات شوي وو

د یادونې وړ ده کله چې د طالبان واکمنی ختمه شوه نو امریکا په افغانستان باندې حمله وکړه او ټول هیواد ېې ونيوه دغه وخت کې د افغانستان ولسشر کرزۍ وټاکه کرزۍ د لنډ مهالې دورې لپاره ولسمشر شو او بیا وروسته انتخابات وکړل دغه انتخابات هم حامد کرزي وګټل

دا هم باید یاده کړو چې د کرزٍي په دوره کې د حکومت او طلبانو ډېر جنګونه وشو او یو بل ته ېې تلفات واړول په دغه وخت کې د امریکا او طالبانو هم زیات جنګونه او جګړې وشوې چې له امله ېې زیات شمیر امریکني عسکر ووژل شول او ټپیان هم شول.

کرونا ویروس:امریکارسما له اقتصادي ستونزوسره مخ ده

کرونا ویروس یو داسې ناروغي ده چې نړۍ ېې له بېلابېلو ستونزو سره مخ کړې ده او د ټولې نړۍ په پرتله امریکا ټولو نه زیاتو ستونزو سره مخ ده امریکا کې کاروبار ته له اجازې ور کولو وروسته اوس تګزاس او فلوریډا په ګډون ځینې ایالتونو کې د کورونا وېروس پېښې ډېرې شوې دي.

دغه هیواد کې د اقتصاد څېړلو دفتر د دوشنبې په ورځ وویل، امریکا له فرورۍ راپریخوا د اقتصادي ځوړ پېر ته ننوتلي دي. د اقتصاد څېړلو ملي دفتر- چې د اقتصادي کړکېچ د پیل او پای اعلانولو برخه کې باوري خصوصي اداره ده- خپل رپوټ کې زیاتوي، د امریکا اقتصاد په فرورۍ میاشت کې د ۲۰۰۷- ۲۰۰۹ اقتصادي کړکېچ وروسته د ودې اوج ته رسېدلی و، خو له هغه راهیسې په ځوړ روان دی.

دا بهیر د کورونا وېروس له امله لا تیز شوی دی. په دا مهال د اقتصاد څېړلو ملي دفترخپل رپوټ کې لیکلي د امریکا د اقتصادي پرمختګ موسم- چې د ۲۰۰۷ کال له اقتصادي کړکېچ تر وتلو وروسته پیل شوی و- پام وړ ریکارډونه جوړ کړي؛ په داسې ډول چې د امریکا اقتصاد تېرو ۱۲۸ میاشتو کې په لوړ روان و، یا یې صعودي بهیر درلود.

د کورونا وبا له خپرېدو مخکې هم ډېری کارپوهانو د یوه اقتصادي ځوړ خبره کړې وه، خو د وضعیت د خرابوالې پر کچه یې نظر مختلف وو. د کورونا له امله چې امریکا کې مختلف کاروبارونه له ټولبندیز یا قرنطین سره مخ شول، ور سره په دغه هېواد کې د مۍ تر وروستیو تر څلوېښت میلیونو کسان بې کاره شول.

امریکا کې د ټولبندیز یا قرنطین وروسته بیا ټیکزاس او فلوریډا په ګډ ځینې ایالتونو کې په کورونا د نویو کسانو د اخته کېدو شمېر ډېر شوی دی. د یکشنبې په ورځ فلوریډا کې په پرلپسې پنځمه ورځ ډېر کسان په کووېډ-۱۹ ناروغان شول چې ټول شمېر یې ۶۴ زرو ته رسېږي.

دغه ایالتو کې د وېروس د اوج په ورځو کې هم دومره کسان اغېزمن شوي نه وي. په امریکا کې تر شل لکو کسان په کورونا وېروس اخته شوي او د دې وېروس له امله ډېر کسان هم په دغه هېواد کې مړه شوي چې نږدې یو لک یوولس زرو ته رسېږي.

د یادونې وړ ده چې په نړۍ کې اوه میلیونه ۸۵ زره ۸۹۰ کسان په کورونا اخته شوي او څلور لکه پنځه زره ۱۶۵ ترې مړه شوي دي.تر هغه وروسته برتانیا کې څلوېښت زره ۶۸۰ کسان له کووېډ-۱۹ ناروغۍ مړه شوي دي.خو بازې راپورونو له مخې امریکا په نړۍ کې ترټولو هیوادونو نه زیاته د دغه ناروغۍ نه اغېرمنه شوې ده

دا هم باید یاده کړو چې د کرونا له امله افغانستان هم اقتصادي ستونزو سره مخ ده د بې کارۍ کچه پکې نوره هم زیاته شوې ده داسې فامیلونه شته چې د پیکارۍ له امله خپل اولادونو ته دوه وخته ډوډۍ هم په سمه توګه نشي ورکولۍ که څه هم دغه وضیعت د پخوا نه هم خراب وو خو اوسمهال د کرونا له امله نور هم خراب شوۍ دۍ.

د ټرمپ خپل د ګوند مهم غړي ټرمپ ته رايې نه ورکوي

د ولسمشر ټرمپ خپل نفر ټرمپ ته رایه نه ورکوي د امريکا د واکمن ګوند جمهوريپال مهم کسان د امريکا ولسمشر ډونالډ ټرمپ مخالفت کوی، پخواني ولسمشر بش هم په راتلونکو ټاکنو کې د ټرمپ له ملاتړ څخه لاس واخيست.دوي وايي چې ولسمشر ټرمپ ته رایه نه ورکوي

د معلوماتو له مخې، د امريکا ولسمشر ډونالډ ټرمپ د خپلو غلطو پالېسيو له امله د خپل ګوند جمهوريپال د مشرانو تر سختو نيوکو لاندې دى. د جمهوريپالانو سناتور مټ رومني په واشنګټن کې د نژاد پرستۍ پر ضد لاريون کې ګډون وکړ، امريکايي رسنۍ ادعا کوي چې د جمهوريپالانو مهم مشران د ډونالډ ټرمپ پر ضد شوي دي او پخواني ولسمشر بش هم د ټرمپ د ملاتړ نه کولو پرېکړه کړې ده.

د امريکې پخواني د بهرنيو چارو وزير کولن پاول هم په لاريون کې ګډون کړى و او وې ويل چې هغه به دا ځل د ټرمپ پر ځاى د ديموکراتانو نوماند جوبايډن ته رايه ورکوي.دوي دغه پریکړه د ټرمپ د نا سمو کړنو له امله کوي دوي وايي چې د ټرمپ له لاسه امریکا په تاریخ کې اول ځل داسې اقتصادي او سیاسي بهران سره مخ شوه

د جمهوريپالانو سناتور مټ رومني د اوسنيو پېښو له امله د ولسمشر ټرمپ پر پالېسيو سختې نيوکې وکړې او وې ويل چې په راتلونکو ټاکنو کې هغه ته رايه نه ورکوي.د دغو اشخاطو ترڅنګ نورې سیاسي څېرې هم ټرمپ ته رایه نه ورکوي دوېې ژمنه کړې ده چې دا ځل به ټول جوبایډن ته رایه ورکوو ترڅو امریکا د روانو سیاسي اواقتصادي ستونزو اوباسي.

د يادولو وړ ده چې د روان کال په نومبر مياشت کې په امريکا کې ولسمشريزې ټاکنې ترسره کېږي، چې د ډونالډ ټرمپ پر وړاندې پخوانى مرستيال ولسمشر جوبايډن ولاړ دى، جوبايډن وايي چې د ولسمشريزو ټاکنو لپاره يې د خپل ګوند رايې ترلاسه کړې دي.

دا هم باید یاده کړو چې ولسمشر ټرمپ غواړي چې خبل توان سره د امریکا په عوامو کې خپل محبوبیت زیات کړی او راتلونکي د ولسمشرۍ انتخابات په خپل نوم کړي نوموړۍ هذ هغه څه کوي کوم کې چې د د :ټې جانس زیاتیږي

دا هم باید یاده کړو چې راتلونکې انتخابات به د افغانستان په سیاسي حالاتو هم اغېز کوي ځکه ولسمشز ټرمپ غواړي ژرتر ژره بین الافغاني خبرې پیل کړي او افغانستان نه خپل فوځیان اوباسي ترڅو نوموړۍ دا هم امریکا یان ته د یو لاسته راوړنه وښايي او راتلونکې انتخاباتو کې ځان کامیاب کړي.

امريکايي ځواکونه: د اختر نه وروسته امریکايي ځواکونو پر طالبانو اول وار برید وکړ

کابل کې د امريکايي ځواکونو وياند  سوني لګیت نن ورځ په خپل ټوېټر لېکلي چې د تېر کوچني اختر د شوي اوربند وروسته امريکايي او ناټو ځواکونو افغانستان پر طالبانو دوه ځلې هوايي حملې وکړې د د پر وینا دغه برید لدې امله کړۍ چې دغه ګوند پر افغان ځواکونوباندې د حملې پلان درلود.

دسوني لګیت د مالوماتو له مخې بريدونه فراه او کندهار ولايتونو کې پر وسله وال طالبانو نن او تېره شپه تر سره شوي دي. امريکايي ځواکونو دغه بريدونو د افغانسان ځواکونو د ملاتړ په پار کړي دي. د دغه بريدونه د تلفاتو په اړه مالومات نه دي ورکړل شوي.  سوني لګیت په ټوېټر ليکلي دي چې ټولې خواوې بايد تاوتريخوالي کم کړي ترڅو بين الافغاني خبرو ته لار پرانېستل شي. 

 د هغه په ویناړوند بريدونه هغه مهال شوي دي چې وسله والو طالبانو پر افغان ځواکونو د بريدونو پلان درلود. له دې وړاندې افغانستان کې د امريکايي او ناټو ځواکونو عمومي قومندان جنرال سکاټ میلر مېلر هم طالبانو ته خبرداری ورکړی وو، چې که چېرې دوی پر افغان ځواکونو بريدونه کوي، نو امريکايي او ناټو ځواکونه به د افغان ځواکونو ملاتړ ته ور ودانګي. 

څه موده مخکې د امریکا او د طالبانو تر منځ هوکړه شوې وه چې طالبان او امریکايي فوځیان به په یو یل باندې برید نکوي خو طالبان بیا هم تاوتریخوالي ته دوام ورکوي او څو ورځې راهیسې ېې په مختلف ځایونو باندې بریونه وکړل.

بلخوا طالبانو اختر کې درې ورځو لپاره د اوربند اعلان وکړ خو وروسته دغه اوربند ونه غځید د طالبانو ویاند اعلان وکړچې اوربند نور نه غځوو او جنګ ته دوام ورکوو اوسمهال د امریکا د فوځ ویاند اعلان وکړ چې امریکايي فوځیانو د سولې او اختر خبر نه وروسته اول ځل بریدونه وکړل

دا هم باید یاده کړو چې د سولې خبرې او مزاکراتو ته د دوام په خاطر باید دولت او طالبان اوربندته دوام ورکړي ترڅو دغه جګړه پاۍ ته ورسيږي او امریکا هم باید پوره توان سره سولې لپاره کاروکړي ددې ترڅنګ افغان دولت بایدټول خواوې سره په اتفاق کړي او د سولې خبرو ته دواک ورکړي.

افغانستان د ۳۰ کلونو راهیسې په جګړه بوخت دۍ او افغانانو ژوند خوندي نه دۍ باید ټول نړیوال په دې فکر وکړي چې څنکه دغه نا ختمیدونکې جګړه پاۍ ته ورسوي.

ولسمشر ټرمپ: کرونا به ډېر زرله منځه وېسو

ولسمشر ډونالډ ټرمپ غواړي چې په امريکا کې د انتخاباتو مخکې خپل پوځيان له افغانستان څخه وباسي.هغه دا څرګنړونې په داسې حال کې کړي دي چې  افغانستان دولت د ۲۰۰۰ طالب بندیانو د خوشېکېدو امر کړۍ دۍ. .

نيويارک ټايمز ورځپاڼې د امريکايي چارواکو له قوله ليکلي دي، چې په راتلونکو ورځو کې به د امريکا ځينې لوړپوړي پوځي چارواکو له ډونالډ ټرمپ سره له افغانستانه د خپلو سرتېرو په ايستلو سلا مشورې وکړي. دغه ورځپاڼه وايي، چې ډونالډ ټرمپ له افغانستان څخه د خپلو پوځيانو ويستل د خپلو ټاکنو د ګټې لپاره کاروي او همدا لامل دى چې ښايي هغه تر ټاکنو مخکې خپل پوځيان له افغانستان څخه وباسي.

د امريکا ولسمشر له دې مخکې هم څو څو ځلې په خپلو خبرو کې ويلي دي، چې هغه غواړي ژر تر ژره له افغانستان څخه خپل پوځيان وباسي څو ورځې وړاندې ولسمشر ټرمپ یو بیان کې ویلي وو چې افغانان دې په خپله خپل وطن وساتي نور موږ نشو کولۍ چې افغانستان کې خپل فوځیان وساتو. .

دغه ورځپاڼه کاږي، چې د امريکا او طالبانو ترمنځ په افغانستان کې د سولې د راوستلو تړون کې ويل شوي دي چې امريکا به له ١٢ څخه تر ١٤ مياشتو کې له افغانستان څخه خپل پوځيان وباسي، خو که چېرته دا پوځيان له وخت څخه مخکې له افغانستان نه ووځي، نو ښايي د سولې تړون ته زيان ورسوي.

د يادونې ړ ده چې اوسمهال په افغانستان کې شاوخوا ١٢ زره امريکايي پوځيان شتون لري افغانستان کې د امریکا د فوځیانو نه علاوه د اتحادي اروپا هم پوځیان شتون لري دوي هم څو څو ځلې خبردارۍ ورکړۍ دۍ چې موږ هم په دې غور کوو چې فوځیان وباسو.

 څه موده وړاندې د امریکا او افغان طالبانو په منځ کې تړون شوۍ وودغه تړون په قطر کې په امضا رسیدلۍ وو په دغه تړون کې افغانستان کې اسلامي نظام او د امریکا د فوځ وتلو باندې ټينګار په شمول یو شمیر هوکړو باندې توافق شوۍ وو.

موږ افغانان باید ټول سره یړ غږ شو او په دې سوچ وکړو چې که چېرې د امریکا فوځ شتون هم ونلري نو موږ باید په افغانستان کې د امنیت ټینګښت لپاره خپله کار وکړو او خپل وطن خپله اباد کړو.

عمران خان اسامه بن لادن ته د شهید خطاب وکړ

د پاکستان دولت متحده ايالتو ته د طبي وسايلو مرستې لېږلي دي. کرونا ويروس د مبارزې لپاره د پاکستان حکومت له خوا متحدو ايالتو ته ماسکونه، ساتونکې جامې او نورو وسايلو مرسته کړې.  امریکا لخوا دغه مرستې ستایل شوې دي.

امریکا کې د پاکستان سفیر اسد مجید خان وویل چې دا مرسته له متحده ایالاتو سره د “دوستۍ او پیوستون نښه” ده ، چې د نړۍ ترټولو نه زیات کرونا له وجې ځپلی هیواد دی چې په کې۱.۵۷ ملیونه پېښې او شاوخوا ،۹۵۰۰۰۰مړه دي.

نوموړي وویل چې دغه توکي د پاکستان د هوایی ځواک کارګو الوتکه کې ورکړل شوي ول چې په مریلینډ کې د انډریوس هوایی اډې ته راوتلي وو. د متحده ایالاتو لوړ پوړو چارواکو د ۱۰۰۰۰۰ محافظتي ماسکونو او ۲۵۰۰۰ پوښونو کښتۍ د متحده ایالاتو فدرالي عاجل مدیریت ادارې (فیما) ته د مرستې لپاره وسپارل  


د متحدو ايالتو بهرنيو چارو وزير مايک پمپيو په يو ټوېټ کې  د پاکستان حکومت له دغه مرستو مننه کړې او دا يې بشر دوستانه مرستې بللې دي. پمپيو په ټوېټر ليکلي دي چې دا ډول مرستې کرونا ويروس پر وړاندې د پاکستان او امريکا د ګډې مبارزې ښکارندوي کوي. 


کرونا ويروس: کویډ۱۹ سره د مبارزې په برخه کې امريکا سره پاکستان مرسته وکړه


پاکستان په داسې وخت کې  له امريکا سره د کرونا ناروغانو د درملنې او د دغه ويروس د مخنيوي مرستې کوي، چې په خپله پاکستان کې ۵۰ زره کسان په دې ويروس ککړ او تر زرو نورو ژوند يې اخېستی دی. 

بلخوا نړۍ کې مثبتې پېښې له ۵ میلیونونه زیاتې شوې او څه باندې درې لکه کسان د دغې وبا له کبله  خپل ژوند له لاسه ورکړۍ دي. د  ډبلیو ایچ او ته په تېرو ۲۴ ساعتونو کې د ۱۰۶ زره نویو ناروغانو نومونه ورکړل شوي دي، چې د شمېر له پلوه یو غټ تعداد دۍ..

د متحده ایالاتو نه پرته بریتانیا او ایټالیا نه بعد تر ټولو ډېر د کورونا وېروس له کبله فرانسه کې خلکو خپل ژوند له لاسه ورکړۍ د بریتانیا د صحت وزیر مټ هنکوک وايي، هېواد کې د کورونا وېروس معاینې لپاره یوه نوې اله تجربه کېږي، چې په وینا یې په ۲۰ دقیقو کې به معلومات ورکوي.

د یادونې وړ ده چې کرونا لا هم په نړۍ کې په سرعت سره روانه ده او ښايي دغه لا نوره هم تیزه شي که څه هم په نړۍ کې لاک ډاون ختم کړۍ شوۍ دۍ.او یا هم محدودیتونو کې نرم والۍ راغلۍ دۍ خو بیا هم عام خلک په ویره کې دي او له کوزونو نه بهر نشي راوتلۍ او په کور کې بند پاتې دي. مومږ ته هم پکار ده چې باید دیر د احتیات نه کار واخلو او د کرونا ویروس نه څانونه په امان کې وساتو