حکمتیار:حکومت سوله نه غواړي

د حزب اسلامي ګوند جهادي مشر ګلبدین حکمتیار اسلام اباد ته په درې ورځني سفر اسلام اباد ته تلی او هلته ېې د چارواکو سره د ملاقاتونو ترڅنګ یو خبري کنفرانس هم کړی نوموړي په دغه ه خبري ناسته کې وویل، چې د کابل حکومت د جګړې دوام غواړي او د سولې پلوی نه دی.

ګلبدین حکمتیار چې نن یې اسلام اباد کې د سفر دویمه ورځ په خبري ناسته کې په افغانستان کې د امریکا او نورو بهرنیو ځواکونو شتون ته په اشارې وویل، څو چې په افغانستان کې بهرني ځواکونه شتود ولري، سوله او ثبات به هېڅکله ټینګ نه شي.حکمتیار دا راز وویل، چې امریکا په افغانستان کې ماتې خوړلې او اوس له وتلو پرته بله لاره نه لري.هغه وایي، چې پاکستان د امریکا او طالبانو تر منځ سوله کې خورا مهم رول لوبولی او د افغان سولې پروسې بشپړ ملاتړ ته هم ژمن دی.

نوموړي ددې تر څنګ په دوحه کې پر روانو مذاکراتو انتقاد کړی او په خبره یې یاد مذاکرات یوازې د ارګ او طالبانو تر منځ روان دي «په دوحه کې اوسني مذاکرات د ارګ د یوه ټیم او طالبانو تر منځ دي او د ټولو افغانانو تر منځ نه دي.همدا لامل دی چې ګڼ سیاسي ګوندونه په مذاکراتو کې نشته، موږ هم نه یو. اړتیا ده چې اجماع جوړه شي او تر هغه وروسته په واحد نظر مذاکراتو ته ولاړ شو.»

د ښاغلي حکمتیار څرګندونې داسې مهال دي، چې په دوحه کې هم د طالبانو او کابل د مذاکراتي ټيم تر منځ هم خبرې روانې دي او تر څنګ یې له هیواده د بهرنیو ځواکونو د وتلو لړۍ هم پيل شوې. د حزب اسلامي ګوند مشر ګلبدین حکمتیار پرون د پاکستان حکومت په بلنه اسلام اباد ته په سفر ولاړ او لومړۍ لیدنه یې د پاکستان بهرنیو چارو وزیر شاه محمود قریشي او د بهرنیو چارو وزارت له لوړ پوړو چارواکو سره وه

اړونده خبرونه: د افغان عسکرو او نظامي سکتور سره د امریکا ملاتړ دوام کوي

او پرون یې د پاکستان له لومړي وزیر عمران خان، د پاکستان د پارلمان له مشر صادق سنجراني او نورو لوړ پوړو چارواکو سره لیده کاته وکړل.د ګلبدین حکمتیار سره تللی پلاوی وایي چې حکمتیار له پاکستانیو چارواکو سره د افغان سولې پر پروسې او د افغانانو خپل منځي ناستو په تړاو خبرې اترې وکړې.ترڅو دغه خبرې یوې نتیجې ته ورسیږي او پایلې ولري.

ذ یادونې وړ ده چې د ښاغلي حکمتیار د دغه څرګندونو وروسته په افغانستان کې د عامو وګړو خورا زیات غبرګونونه راپارولي په دې اړه ېې سوشل ميډیا کې مختلف نظریات شریک کړي دي او ویلي ېې دي چې دا ډول څرګندونې به افغانستان ته زیان ورسوي او دا یو ډول غیر مسولانه خبرې دي باید د نوموړي خبرې د اعلی چارواکو لخوا وغندل شي تر څو دا ډول خبرې بیا لپاره ونشي .

قومي مشران:دولت باید زمونږ امنیت لپاره اقدامات وکړي

قومي مشران:دولت باید زمونږ امنیت لپاره اقدامات وکړي دننګرهار ولایت د غني خیلو ولسوالۍ قومي مشرانو لاریون وکړ او دولت ته یې خبرداری ورکړ چې که په ولسوالۍ کې امنیت ښه نه شو نو دوی به خپله وسلې ته لاس کړي او د ځان د امنيت لپاره ګوټلي اقدامات وکړي.

دغه مشران تور پوري کړ چې د ولسوالۍ امنيتي چارواکي په قاچاق او ورانکارۍ کې لاس لري.دا د ننګرهار د غني خیلو ولسوالۍ قومي مشران او د تورخم – جلال اباد په لویه لاره د مارکو بازار سوداګر دي چې د لاریون لپاره ولایتي شورا ته راغلي دي. دوی وايي هدفي وژنې ، لوټمارۍ او ډيري ځورونې تر سره شوي دي.
په مارکو بازار کې د پیسو د بدلولو( صرافانو) مشر وايي چې په مارکو بازار کې هره ورځ ځينې غله د دولتي یونیفورم او نومونو په کارولو سره طرافان لوټي اونوری غلا هم ترینه کوی.

دويي وايي چې د غني خېلو ولسوالۍ له شپږو میاشتو راپدیخوا د پولیسو امنيه قومندان نه لري او په ولسږالۍ کې د امنيت چاري ټیټ پوړي پوليس افسران فعالیت کوي. دوی وايي په ولسوالۍ کې ځینې خلک په رشوت او بډو کې دخیل دي او ولسوال یې بې کفایته دی. دوی خبرداری ورکړ چې که د حکومت بې پروايي همداسې دوام وکړي ، نو وسلې به پورته کړي.

بلخوا بيا د ننگرهارد والي ویاندعطاالله خوګیاڼړي تایید کړه چې په شینوارو کې ناامني زیاته شوې ده. هغه وویل چې د سولې د خبرو له پیل راهیسې ، طالبان په مختلف ډولونو خپل تاوتریخوالی ته زور ورکړی ترڅو په حکومت فشار راوړي.او د هغويي غوښتنې ومني خو که چېرې د دويي غوښتنې ونه منل شي نو داسې تاوتریخوالی به لا هم دوام وکړي او اوربند ته به هم لارې بندې شي.

د یادونې وړ ده چې د غني خيلو قومي مشران له هغه وروسته لاريون کوي او حکومت ته ګواښ کوي چې د تيرې شنبې په ورځ ددې ولسوالۍ د غني خيلو په ولسوالۍ درنه چاودنه وکړه. چې تر ۵۰ زيات کسان پکې شهيد او ژوبل شول.د شینوارو د قومي مشرانو نه پرته نورو کسانوهم په سوشل ميډیا کې ویلي چې دا ډول کړنې مونږ ته د منلو وړ ندي او دولت په دې اړه سم تصمیم ونیسي.

قومي مشران:دولت باید زمونږ امنیت لپاره اقدامات وکړي
قومي مشران:دولت باید زمونږ امنیت لپاره اقدامات وکړي

ځینو د سوشل ميډیا انفلوینسرانو هم ویلي چې دا واقعه باید په سمه توګه وڅېړل شي تر څو په اینده کې ددا ډول کړنو نه مخنیوی وشي او افغانستان کې په ځانګړي ډول په ننګرهار کې د امن تضمین وشي.اوس باید دولت د دويي غوښتنې اومني او ننګرهار کې د امنیت ټينګښت لپاره ځانګړي اقدامات وکړي. او د ننګرهاریانو ژوند وژغوري.

پومپیو:دطالبانواوافغان خکومت ترمنځ خبرې به مشکلات ولري

پومپیو: دطالبانواوافغان خکومت ترمنځ خبرې به مشکلات ولري په داسې حال کې چې په قطر کې د طالبانو او افغاني مذاکراتي ټیمونو ګډې ناستې پیل شوي او د افغانانو هیله مندي هم ورته زیاته شوې،

د متحده ایالاتو د بهرنیو چارو وزیر مایک پومپیو ددې مذاکراتو په اړه تازره څرګندونو کې ویلي چې بین الافغاني مزاکرات به مشکلات ولري د امریکا د بهرنیو چارو وزیر مایک پومپیو وايي، د طالبانو او افغاني جهتونو ترمنځ ترسره کېدونکي بین الافغاني مذاکرات به ساده نه بلکې پیچلي او سخت وي.هغه وايي چې دواړه لورې باید د دقت نه کار واخلي او شته فرست ضایع نه کړي.

ښاغلي پمپیو دا څرګندونې تیره ورځ امریکا کې د یوې خبري ناستې پرمهال کړي او استدلال یې کړی چې له شلو کلونو وروسته افغانان د سولې خبرو ته ناست دي، ځکه به ددوی ترمنځ خبرې سختې او پیچلې وي.هغه ویلي چې د قطر د ناسې نه معلومیږي چې که څه هم دغه مزاکرات مشکلات لري حو بیا هم افغاناناونړیواله ټولنه هیله منده ده چې افغانستان کې به سوله قایمه شي.

دسیاسي مبصرینو په باور په داسې حال کې چې طالبان او افغاني جهتونه د سولې خبرو ته ناست دي او د دواړو مذاکراتي ټیمونو مشران او اعضاء د خبرو پایلو ته خوشبین ښکاري، د امریکا د بهرنیو چارو وزیر مایک پومپیو تازه څرګندونې ددې ښکارندويي کوي چې امریکایان په قصدي توګه غواړي د سولې خبرې سختې او پیچلو پړاوونو ته بوزي، ترڅو ددوی د لاسوهنې لپاره زمینه برابره کړي.

پومپیو:دطالبانواوافغان خکومت ترمنځ خبرې به مشکلات ولري
پومپیو:دطالبانواوافغان خکومت ترمنځ خبرې به مشکلات ولري

بلخوا بیه په سوشل ميډیا کې همپه دې اړه مختلفې خبرې کیږي اوهېوادوال خپل خپل نظرونه لري دويي لیکلي چې که دا ځل هم د سولې فرست ضایع شي نو دا به د افغانانو لپاره ډېره د شرم خبره وي دويي وايي چې دواړه لورې باید دبل هر ځه نه سولې ته زیاته توجوع ورکړي ځکه افغانان وروسته له ډېر وخت داسې یو وخت او فرست ته رسېدلي چې ددې نه وړاندې بل هیڅ وخت کې نه ووراغلۍ نو دواړه لورې باید خيل شخصي ګټې شاته اوغورزۍ او وطن ته سوله راولي.

د امرالله صالح په موټریز کاروان باندې بريد دپلازمینې ښار د څلورمې امنیتي حوزې اړوند «تایمني» چوک کې د کابل حکومت د مشر د لومړي مرستیال «امرالله صالح» پر موټریز کاروان باندې حمله شوې.

امنیتي مسولینولاهم پوره معلومات ندي شریک کړي ؛ خو دا تاییدوي چې په تایمني څلور لاې کې نن سهار اووه نیمي بجې شاوخوا  حمله شوې بلخوا د غیر رسمي معلوماتو له مهې په دغې برید کې ۱۰کسان عام وګړي وژل شوي.او د صالح بارډيګارډان تپیان شوي دي. دښاغلي صالح د دفتر هم په همدې تړاو وایي، چې په چاودنه کې د صالح درې تنه ساتونکي ټپیان شوي؛ خو نوموړي ته کوم زیان نه دی شوۍ او صرف لاس ېې لګ خوګ شوی وو.

دعامي روغتیا وزارت هم بیا وایي، چې د  پېښې له ځایه مړي او اووه ټپیان روغتونونو ته لېږدول شوي.طالبانو په یاد برید کې لاس لرل رد کړي.طالب ویاند «ذبیح الله مجاهد» په یوه لنډ ټویټ کې لیکلي «د کابل چاودنه د اسلامي امارت په مجاهدینو پورې اړه نه لري.

دا حمله داسې مهال کېږي، چې وړمه ورځ امرالله صالح له طلوع نیوز سره په مرکه کې د کابل د امنیت په تړاو ډاډ څرګند کړ او ژورنالست ته یې وویل، که کارونه یې نه درلودای چمتو وو په بایسکل همدلته راشي.او ګشت او ګرز وکړي. اوس په دې اړه کومې بلې دلې هم څه ندي ویلي او د دې پېښې بریرګر نا معلوم دي نو اوس باید دې پېښې لپاره یو کمیسون جوړ شي او څېړنه وشي چې دا برید چاکړۍ.

په سوشل ميډيا کې هم په دې اړه خلک مختلف راېې لري او وايي چې دا برید باید وڅېړل شي او پا اینده کې د بلند پایه چارواکو امنیت باید په سمه توګه ونیول شي.ځکه په یو بلند پایه چارواکي باندې حمله کېدل دا د امنیتي مسولینو د ضعف علامت دي یاید داسې ونشي او دوښمن ته دا اجازه ورنکړي چې دا ډول بریدونه وکړي. که داسې ونشي نو دا به په اینده کې دنورو چارواکو لپاره هم ګواښ وي.

د امرالله صالح په موټریز کاروان باندې بريد
د امرالله صالح په موټریز کاروان باندې بريد

د یادونې وړ دی چې په امرالله صالح باندې دادویم برید دی چې کيږي یو برید ورباندې د دې نه پخوا هم د انتخاباتو په وخت کې شوی وو. دا هم باید یاده کړو چې په ښاغلي صالح باندې حملې نه وروسته د مختلف اعلۍ چارواکي د د پوښتنې ته ورغلي وو. په دې چارواکو کې تر ټولو لومړۍ د مصالحې عالي شورا مشر ډاکټر صیب عبدالله عبدالله ورغی او د نوموړي سره ېې غم شریکې وکړه.. د دې نه پرته حمدالله محب استاد سرور دانش داکټر فضلي او حنیف اتمر شامل وو.

جرمني: مونږ د سولې مزاکراتو ملاتړي یو په داسې حال کې چې په قطر کې د طالبانو او افغان دول د مذاکراتي پلاوو ترمنځ بین الافغاني مذاکرات پیل شوي ، د نړۍ یو شمېر هېوادونو د سولې پروسې د کامیابۍ په صورت کې طالبانو ته ډاډ ورکړۍ چې مونږ هر ډول همکارۍ ته چمتو یو.

د حکومت د سولې د مذاکراتي پلاوي قطر ته سفر نن شنبې نور هم وځنډېده،د ولسمشرۍ ماڼړۍ سرچینو ویلي چې د حکومتي مذاکراتي ټیم تشریفاتي ډله وخته قطر ته رسېدلې خو اسلام اباد ته د سلا مشورو په موخه تللي طالب مشران لاهم قطر ته ندي تللي.

د طالبانو د سفر د ځنډ په اړه څه ندي ویلي خو حکومتي مسولینو ميډیا ته وویل چې تر هغو د افغان حکومت پلاوۍ ټیم دوحې ته نه شي تلای چې تر څو طالب مشران له پاکستان نه بېرته قطر ته نه وي ستانه شوي، دا څو ورځې د بین الافغاني مذاکراتو د پیل لپاره او د قطر پلازمېنې دوحې ته د حکومت د مرکچي پلاوي د تګ خبرونه په رسنیو کې را تاوده شي خو د بازې لاملونو له امله نه پیلېدل،

خپلمنځي خبرې د څو میاشتو را هیسې بار بار د یوې او بلې لوري په پلمو او بهانو ځنډول کیږي، لومړی د بندیانو د خوشې کېدو موضوع وه، چې حکومت او طالبانو د یو او بل بندیان ازاد کړل، خو بیا د درنو جرمونو طالب بندیانو د خلاصون مسله وه چې حکومت نه منله خو طالبانو د سولې مذاکراتو د پیل لپاره اساسي شرط د همدې بندیانو ازادول وړاندې کړ،

دولت د سولې مشورتي لویې جرګې د پرېکړې پر تایید د طالبانو د درانه مجرمینو دخوشې کېدو خبره ومنله یوازې ٨٠ یې ازاد کړل او د نورو د نورو بندیانو خوشې کولو لړۍ یې د ځینو ملاحظاتو له کبله وځنډوله چې طالبان هم له مذاکراتو بېرته په شا شول.او وښ ویل چې تر څو چې د طالبانو نور بندیان نه وي ازاد شوي نو مزاکرات به پیل نه کړي،

څه وخت وروسته بیا افغان دولت له ډېرو ناندریو وروسته د طالبانو پاتې بندیان ور ازاد کړل او ټاکل شوې وه چې د دولت مرکچي پلاوی به پرون قطر ته له طالبانو سره د مذاکراتو په موخه روان شي، خوپرون ورځ د حکومت د مرکچي پلاوي تګ په دوحه کې د طالبانو د پلاوي د نه بشپړېدو له کبله وځنډېد او د سفر خبره یېنور هم وځنډوله،

د حکومت سرچینو نن شنبه ميډيا ته د مرکچي پلاوي د سفر خبر رد کړ دويي وویل چې تر څو چې اسلام اباد ته د سلا مشورو په موخه تللي طالبان قطر ته نه وي ستانه شوي، قطر ته د افغان دولتي د مرکچي پلاوي تګ به تر نا معلوم وخت پورې معطل وي.او د نوي تاریخ او ورځ اعلان به وروسته د رسنیو سره شریکیږي.

د حکومت مزاکراتي ټيم قطرته سفر نور هم وځنډېده
د حکومت مزاکراتي ټيم قطرته سفر نور هم وځنډېده

ځيني سیاسي شنوشنکي وايي چې دولت او طالبان باید نور هيڅ ډول ځنډ رامخې ته نکړي او خپلمنځي مزاکرات پیل کړي.دويي زیاتوي چې څومره په دې خبرو کې ځنډ رازي همدومره به د سولې خبرې مشکلې وي او د دواړو لورو مزاکرات به نور وخت هم ډېر واخلي او عام افغان وګړي به د جنګ قرباني کیږي. په سوشل ميډيا کې هم عام وګړي د بین الافغاني خبرو لپاره اندېښمن دي او وايي چې دواړه لورې دې ژر تر ژره خبرې پیل کړي،

مجیب الرحمن شېرزاد څوک دی؟

مجیب الرحمن شېرزاد د ننګرهار ولایت د خوګياڼو ولسوالۍ اوسېدونکۍ دی، نوموړی د کابل پوهنتون د طب پوهنځي څخه په اعلۍ درجې فارغ شوی، ښاغلي شېرزاد خپله لومړۍ ماستري د پاکستان هېواد څخه په اداره او منجمنټ برخه کې کړې او دوهمه ماستري ېې ډيولپمنټ پالیسي (Development Policy) برخه کې په سوېس هېواد کې سر ته رسولې،

ښاغلي شېرزاد د نورو تحصیلاتو تر څنګ د هېواد نه بهر مختلفو برخو کې لندډمهاله کورسونه یا (Short Courses) او نورو پروګرامونو کې هم برخه اخيستې نوموړۍ د ښه تحصیلي بیک ګراونډ تر څنګ یو ښه مدیر هم دی. ښاعلي شېرزاد ګڼ شمېر دولتي او نړیوالو ادارو سره کار کړۍ دۍ نوموړۍ د ښه تجربې خاوند دۍ او ټاپ منجمنټ یا رهبري مدیریت کې له ۹ کالو نه زیاته تجربه لري،

نوموړي خپل د کیریر اغاز د نړیوالو ادارو سره ترسره کړی هغه د HNLAND ,Serve/ PBL AMI سره ډېر وخت په ښه پوسټونو کارکړی، نوموړي د ایسا ادارې سره هم د کار تجربه لري او د هغه نه وروسته د برېشنا شرکت د شرقي زون عمومي مسول په توګه دنده ترسره کړې،

ښاغلی شېرزاد په ۲۰۱۲ کال کې د ازادې سیالۍ له لارې د مالیې وزارت د عوایدو د پلان عمومي ریس په توګه وګمارل شو.او په دغه ریاست کې خورا زیات اصلاحات راوستل، نوموړۍ په کال ۲۰۱۵ کې د افغانستان د عوایدو عمومي ریس په توګه په دنده وګمارل شو، ویل کیږي چې کله ښاغلی شېرزاد د عوایدو عمومي ریس وو نو هر کال به د هېواد د عوایدو هدف پوره کېده،نوموړي چې دغه ریاست کې کامیابه دنده ترسره کړه نو د جلالتماب جمهور ریس لخوا په کال ۲۰۱۷ کې تفتیش عالي ادارې د اداري معین په صفت وټاکل شو،

ښاغلی شېرزاد اوسمهال هم د تفتیش ادارې معین په توګه دنده پر مخ وړي، نوموړي دغې ادارې ته مسلکي کسان جزب کړل او یاده اداره ېې په پخو ودروله نوموړي هر وخت ځوان کل ته ځانګړې پاملرنه کوي، او غواړي چې ځوانان د ادارو مدیریتونه په غاړه واخلي،

مجیب الرحمن شېرزاد څوک دی؟
مجیب الرحمن شېرزاد څوک دی؟

اوسمهال دولت ته لازم دي چې د نوموړي د تجربو نه ګټه پورته کړي، د یادونې وړ ده چې نوموړی د ماليې وزارت سستمونو سره بلد دی او کولۍ شي چې د مالې وزارت یو معینیت پر مخ بوزي او یا هم د کوم بلې اداري مشري ورپه غاړه کړي ځکه نوموړی د ښه مدیریت خاوند دۍ او کولۍ شي چې په هره اداره کې اصلاحات راولي، دا هم باید یاده کړو چې نوموړۍ ښه پوهې تر څنګ یو ښه شخصیت خاوند هم دی،

جرمني: مونږ د سولې مزاکراتو ملاتړي یو په داسې حال کې چې په قطر کې د طالبانو او افغان دول د مذاکراتي پلاوو ترمنځ بین الافغاني مذاکرات پیل شوي ، د نړۍ یو شمېر هېوادونو د سولې پروسې د کامیابۍ په صورت کې طالبانو ته ډاډ ورکړۍ چې مونږ هر ډول همکارۍ ته چمتو یو.

افغان دولت: بازې مطرح طالبان کابل ته رارسېدلي د ارګ د عامه اړیکو او ستراتیژیکو چارو مشر او د ولسمشر سلا کار وحید عمر ویلي ، د طالبانو نفوذي کسان په کابل ښار کې ډاډه او عادي تګ راتګ کوي.

وحید عمر چې د ولسمشر سلاکار هم دۍ د ځوانانو د ورځې په مناسبت په ځانګړو مراسمو کې ویلي، له طالبانو سره سوله د سیاسي جوړ جاړي او مذاکراتو له لارې نا ممکنه ده، د دولتي سرحدونو وړاندې باید سولې ته کار وشي، نوموړي کابل ښار کې د طالبانو نفوذ او ځانګړو ځواکونو شتون خبره تاید کوي دهېواد ولسمشرۍ ماڼۍ په داسې حال کې په کابل کې د طالبانو د حضور خبره را پورته کوي، چې طالبان اوس مهال د کابل کوتل، خیرخانې او سرای شمالي پورې کار کوي

دغه ډله په کابل کې له کلونو کلونو راهیسې شتون لري ، خو ادولت اوس د طالبانو د شتون خبر تاییدوي، له دې ښکاري چې اوس د طالبانو حضور تر ارګه رسېدلې ځکه افغان حکومت هم پوه شوی او غږ یې اوچت کړ.اوس مهال افغان دولت اندېښمن دی او ځکه ټینګار کوي، چې له طالبانو سره د سیاسي جوړ جاړي او مذاکراتو له لارې هم سوله نه شي کېدی، نو باید د دولت له کړیو او بسنټونو ها خوا سولې ته په صداقت کار وشي

یاده ډله د ډېرې مودې را هیسې د کابل ښار په شاوخوا او دننه کې لیدل شوي دي، خو افغان دولت هم نن دا خبره ښکاره کړه، عام افغانان اندېښنه لري، چې د طالبانو نفوذي کسان څنګه او د څه لپاره تر کابل راغلي کابل کې د طالبانو د نفوذي کسانو د حضور خبر داسې مهال را پورته کیږي، چې افغان دولت او طالبان خپلمنځي مذاکراتو د پیلېدو په درشل کې دي او که د طالبانو له لوري بیا کومه پلمه جوړه نه شي، ممکن په روانه اوونۍ کې د دواړو خواوو د مذاکراتو پلاوي د مذاکراتو پر مېز را حاضر شي،

د ارګ د عامه اړیکو او ستراتیژیکو چارو مشروحید عمر له دې خبرېچې د دطالبانو سره سوله د سیاسي جوړ جاړي له لارې نه ناممکنه ده ، ښکاري چې افغان دولت پر طالبانو باور نه لري، چې ګواکې د بین الافغاني مذاکراتو له لارې له افغان دلت سره سولهمزاکرات تنیجه ورکړي،

طالبانو تر اوسه پورې په کابل کې د خپلو مهمو او نفوذي کسانو د حضور په اړه د افغان حکومت پر ادعا کوم غبرګون نه دی ښکاره کړۍ ، په داسې حال کې چې د طالبانو مهم غړي کوٸټې ته د طالبانو د یو مهم او لوړ پوړي چارواکي جنازې ته تللې وو.او هلته ېې جنازه کړې وه،

اوس وخت کې باید دولت او نور سیاسیون سره راغونډ شي او د افغانستان د سولې مزامراتو لپاره هر هغه ګام پورته کړي کوم کې چې د افغانانو هم خیر دۍ او د نووروو ګاونډیو هم په همدې سوله کې خیر دي ځکه د ولسمشر غني په خپلو خبرو کې ویلي وو چې که افغانستان کې سوله راشي دا دپاکستان لپاره هم په خیر ده او که دلته سوله رانشي نو دا به ټولې منتقې لپاره ښه خبره نه وي،

طالبانود مزاکراتو پيل کې د اوربند هیله مندي ښودلې

سوله د هر افغان ارمان دی او هر افغان ورته سترګو په لار دی خو هر یو وګړی ریشتینې سوله غواړي داسې سوله نه غواړي چې تش په نامه ورته سوله نوم کېږدي او نور جنګ یو نوۍ بيل وي افغان وژنه پکې د تېر په څېر نوره هم زیاته شي،

دهېواد د ۵ زره کلن تاریخ  واقعات یو خوا خو وروستي څلوېښت کلنه خونړۍ او له درده ډک کلونه هغه خفه کوونکي څلور لسیزې ګڼل کېږي، چې په کې اکثریت شهیدان، معیوب، یتیمان او د اوښکو ډکو سترګو کوربانه یې ګرځولي یو.اوس هم دغه ناتار پرافغان ملت او خاوره خپلې بوږنونکې وزرې لا پسې غوړوي او د وير ټغر یې خور ساتلی دی.زمونږ مشهور او منل شوی متل دی چې ” ځمکه هغه سوځي چې اور پرې بل وي ” طبعاً افغانان د سولې ارمانجن او هغه قشر دی، چې د دې نوم لپاره یې ځانونه قرباني کړل خو بیا هم دغه د سکون وږم مرور او لارې یې لاپسې جلا کړي دي.

فعلي کوششونه سولې په برخه کې مظلوم ولس ته هیله بخښونکې، خو په حقیقت کې هغه نوی داستان پیلیدونکی دی، چې بیا ځلې افغاني غرور له خاورو سره خاورې او د یوه نوي ویرجن فصل صفحې پرانېستل کېږي.د سولې تړون هغه کیلي وه، چې باید د ښکېلو خواو تر منځ لاسلیک شوی وای خو له بده بخته، چې هلته اصلي لوبغاړي ته د یوه لوري خطاب کېږي، چې خپله مستقیماً د سولې پروسې بطلان ښکاره کوي.

نن ورځ د سولې تفاهملیک د هغو ډلو ترمنځ لاسلیک کېږي چې اصلاً نه په جګړه کې زیانمن شوي او نه د جګړې د لومړۍ کرښې جنګېدونکی ځواک بلل کېږي.روانې ناندرۍ هغه غولونکې غوغا ده، چې په کې ګټونکي مالوم او د تمثیلي پارچې د لوبغاړو او لوبغالي لپاره افغان ملت او خاوره غوره ډګر بلل شوی.همدارنګه د یادې پروسې د بطلان ښکاره ثبوت د هغو پټو مسايلو نه څرګندتیا ده چې بېچاره مظلوم ولس څه، آن د رأس حاکم دولت ترې ناخبره او د نورو خولو ته یې سترګې غړولي ناست دي.

د افغان سولې پروسه د هغه ډلو په کنټرول او رهبریت ترسره کېږي چې د نني ناورین او خونړۍ جګړې اصلي سپوټران او ملاتړې ادارې بلل کېږي.هغه څوک یې ملاتړ کوي چې څلوېښت کاله یې د خپلو ګټو لپاره نه ختمېدونکې جګړه جاري ساتلې او په خپل مغروره تاریخ کې تر ټولو لوی اقتصادي تاوانونه یې پرې زغملي، نو څنګه شونې ده چې دغه ملاتړې ادارې دې هغه فصل ختم کړي، چا چې پرې مالي او ځاني ربړونې او سختۍ تجربه کړي او لا یې هم د فصل پای نه ده جوته شوې.

هغه ګاونډي هېوادونه هم د افغان سولې پروسه کې دخیل دي، کوم چې زمونږ پر خاوره د توپونو مرمۍ وروي او بېګناه د سولې ارمانجن ملت همداسې له خپلو هیلو سره د تورو خاورو کوربه کوي.په هغه سوله به څه باور وشي چې د رنګ بدلون ورکوي او د جګړې د نوي فصل پرانېستلو ته یو نوی باب پرانېزي.

بل اړخ ته داخلي کشمکشونه د شخصي ګټوپر بنسټ د سولې هغه لمر ته کله د بارذیت اجازه ورکوي، کوم چې له وجهې یې دوی سره د حساب کتاب تر مېز د راوستلو لارې چارې جوړږي،افغانا باید په دې پوه شي چې شخصي ګټو ته په ملکي ؛ټو ډېره ترجیح ورکړو ترڅو افغانستان ته خپلواکي نصیب شي،اوس باید ټول افغان سیاسیون سره په مېز کېني او طالبانو سره خبرې وکړي ترڅو افغانان د یو ادرس نه طالبانو سره خبرې وکړي او طالبان هم باید په ټول صداقت او رېښتینولي سره کار وګړي،

ګلبدین حکمتیار:دسولې لپاره دې یو طرحه جوړه شي

د حزب اسلامي امیر  ګلبدين حکمتيار وايي افغانستان اوس وخت کې هيڅ کوم ولسمشر نلري ، د غني په مشرۍ د حکومت هیڅ پروګرام کې ګډون نه کوو او نه د دويي په کوم پلان یا تصمیم کې برخه اخلو نوموړي د دې وړاندې هم په اوسني حکومت نیوکې کړي دي,

د دغه ګووند مشر ګلبدين حکمتيار له خوا په يوه خپره شوې اعلاميه کې ذکرشوي دي چې په افغانستان کې اوسمهال هېڅ منتخب ولسمشر نشته دى. هغه و زیاتوي د ولسمشر غني تر مشرۍ لاندې حکومت په هېڅ پروګرام کې به تر هغه پورې ګډون ونه کړي، چې له دوى سره د سولې د شوې هوکړې ټول موارد عملي شوي نه وي.

هغه د دولت د عالي شورا او سولې پروسه کې دهمکارۍ لپاره هم شرطونه وړاندې کړي دي. ګلبدين حکمتيار وايي، که د حکومت له لوري د سياسي اپوزيسيون په توګه منل کېږي، د سولې عالي شورا د دريو ګوندونو او پخواني ولسمشر له ترکيب جوړېږي او د سولې اړوند ټولې پرېکړې له دې درکه کېږي، نو دوى د سولې په پروسه کې همکارۍ ته تيار دي

نوموړي وايي، چې په افغانستان کې اوسمهال منتخب ولسمشر نشته دى، هغه د پېسو له نړيوال صندوق څخه د حکومت د پور اخيستو پرېکړې سره هم مخالفت ښکاره کړ، هغه وايي چې دغه رنګې قرض د افغانستان د اقتصاد لپاره خه ندۍ د افغانستان ګمرکونه دومره عواید نه لري چې بیا دغه قرض نه شي ادا کولۍ،

ګلبدین حکمتيار د دې وړاندې هم د دولت خلاف کړۍ او دغه دولت ېې د افغانستان لپاره ضرري بللۍ او ویلي دي چې دغه دولت د درغلیو په نتيجه رامنځته شوۍ دۍ باید بیا د سسر نه انتخابات وشي ترڅو افغانستان کې یو سیاسي اسلامي او ازاد حکومت ته رامنڅته شي او افغانان ازاد په ځان بسیا هېواد ولرو،

د ګلبدین حکمتیار دغه څرکندونو سره په اجتماعي شبکوکې  غبرګون ښودلۍ او ویلي ېې دي چې دغه رقم بیانونه د یو رهبر لخوا هيڅ خه خبره نده عاموخلکو په سوشل ميډیا کې په حکمتیار تور پورې کړۍ دۍ چې دا خبرې ملک سره خیانت دۍ او دا خبرې باید د رهبر د اددرس نه داسې څرکندونې د افغانستان او د افغانانو د اتفاق او اتحاد ته ضرر رسوي،  

اوس وخت د دې رارسېدلۍ دۍ چې ټول هېوادوال او سیاسي څېرې باید ټول یو ځاۍ شي ترڅو افغانستان نورد دغې بد بختیو نه وژغورل شي سیاسي او جهادي رهبران باید د دغه رقم څرکندونو نه ډډه وکړي ترڅو بهرني قوتونه په دې پوه شي چې افغانان ټول سره په یو اتفاق دي او دښمن ته ماتې ورکولو کې بې اتفاقي نه لري،

د شمالي کوریا دولت ادعا کوي چې په هیواد کې یې په کورونا ویروس یو کس هم ندۍ اخته شوۍ

د شمالي کوریا دولت ادعا کوي چې په هیواد کې یې “یو فرد نه دی” په کورونا ویروس اخته شوی زیاتیدونکي . دې د دې بریا لپاره د کنټرول سخت تدابیر او د هغې د پولو وتلو سخت کنترول دۍ. خو په سویلي کوریا کې د متحده ایالاتو لوړپوړي قوماندان ویلي چې دا “درواغ” دی او دا یې “ناممکن ادعا” بولي. د شمالي کوریا یوه کارپوه بي بي سي ته وویل چې امکان لري داسې قضیې وې خو احتمال شتون نه لري چې لویه پیښه رامنځته شوې وي.

د نړيوالو رسنيو د راپورونو په وېنا، د شمالي کوريا د وبايي ناروغيو د مخنيوي ادارې مسوولين وايي، چې زموږ په هېواد کې د کورونا ويروس باندې اخته هېڅ ناروغ نشته دى، څنګه چې په چين کې دغه ويروس خپور شو او دوى خبر شو، نو سم له لاسه يې خپل سرحدونه وتړل.

د يادې ادارې مشر پاک ميانګ سو په خپلو خبرو کې وويل، چې هېواد ته راغلي ټول مسافر يې په وخت سره کرنټين کړل، هلته يې د دوى ټولو ټيسټونه او معاينه ترسره شوه او هڅه وشوه چې داسې څوک نه وي چې هغه په کورونا ويروس اخته وي.

هغه همدا راز په خپلو خبرو کې زياته کړه، چې موږ په وخت سره سم هوايي او سمندري لارې ټولې بندې کړې، تر څو دغه وبايي ناروغي زموږ هېواد ته رانه شي او موږ په خپل دې هدف کې بريالي شو.

د يادولو ده چې په شمالي کوريا ډېر نړيوال بندېزونه لګېدلي دي او هغه له مخکې په داسې يو حالت کې دى، لکه چې ګرځبندېز پکې لګېدلى وي.

د شمالي کوريا دغه هڅې چې په چين کې د ويروس له خپرېدو سره سمې پيل کړې، شمالي کوريا په دې وتوانېده چې د کورونا ويروس مخنيوى وکړي او دغه هېواد ته کورونا ويروس ور نه شي.

که څه هم يو شمېر رسنيو په خپلو راپورونو کې دا دعوه کړې وه، چې د شمالي کوريا يو شمېر پوځيان په کورونا ويروس ککړ دي، خو د شمالي کوريا حکومت دا خبر رد کړ او وې ويل چې د دوى کوم پوځي په کورونا ويروس نه دى اخته.