سعودي عربستان عمره کوونکو ته وېزه نه ورکوي

عربستان د کرونا ویروس د ورتلو له وېرې دغه هېواد ته د عمره کوونکو ورتګ ځنډولی دی.

د سعودي عربستان د بهرنیو چارو وزارت خپلو اتباعو ته ویلي چې هغو هېوادونو ته له سفرډډه وکړي چې کرونا ویروس په کې خور شوی دی. د سعودي د بهرنیو چارو وزارت وایي داګام یې له کرونا څخه د وقایې په خاطر اخیستی دی.

 په دې تدابیرو کې  د عمره کوونکو لپاره د وېزو ځنډول، د نبوي جومات زیارت کوونکو او د سیلانیانو د وېزو لنډمهالي محدودیتونه هم شامل دي. سعودي چارواکو د هغو هېوادونو وګړو ته د سیاحت د وېزو ورکول هم ځنډولي، چې د کورونا وېروس پېښې پکې ثبت شوې دي.

سعودي  دغه راز خپلې خاورې ته د خلیجي هېوادونو د همکارۍ شورا غړو هېوادونو د وګړو ورتګ هم ځنډولی، چې مخکې به د یوه کارت په مټ دغه هېواد ته تلل او له دې هېواده یې د دغو هېوادونو د وګړو وتل هم ځنډولي دي. سعودي وايي په خلیجي هېوادونو کې د سعودي مېشت وګړي هم تر محدود وخت پورې سعودي ته نه شي ستنېدلی.

د ایران په ګډون د سعودي ګڼو ګاونډیو هېوادونو هم ویلي، چې د کورونا وېروس پېښې پکې ثبت شوې. په افغانستان، پاکستان، بحرین، عراق، کویت، عمان او لبنان کې هم د کورونا وېروس مشکوکې او ان ځینې ثابتې شوې

رپوټ لیکي د ایران ته د زیارت کوونکو تګ راتګ او په پولو کې د کنترول او تشخیص د بشپړ سیستم نشتوالی د دې لامل شوی چې په کرونا اخته کسان له دغه هیواده نورو هیوادونو ته لاړشي او دا ویروس ولیږدوي.

نیویارک ټایمز وایي ایران د کرونا له پاره ترچین وروسته دوهم مرکزګرځیدلی. د ورځپاڼې په باور له ایران څخه عراق، افغانستان، بحرین، کویټ، عمان، لبنان، متحده عرب اماراتو او حتی تر کاناډا پورې د کرونا ویروس لیږدول شوی دی.

د ایران د رسمي شمېرو له مخې په دغه هیواد کې تراوسه ۶۴ کسان په کرونا اخته شوي چې له امله یې تراوسه  ۱۴  کسان مړه شوي دي.

چین د ماسکونو جوړولوشرکت پرانیسته

لکه څنکه چې تاسو ته معلومه ده چین کې ورځ تر بلې په کرونا ویروس باندې زرګونه خلک اخته کېږي تېره شپه یې اعلان وکړ چې د ماسکونو د کمبود له امله یې په دغې هېواد کې ستره فابریکه پرانیسته.

د چینایي رسنیو د معلوماتو له مخې دغه فابریکه په ډیر لږ وخت کې بشپړه شوه او سمدستي یې په تولیداتو پیل وکړ چې تولید به یې د دې هېواد ټولو وګړو ته ورسیږي د معلوماتو له مخې دغه فابریکه خورا ستره ده چې پکې په سلګونه تنه کار کوونکي کار کوي او د کرونا څخه د ځان ساتلو پر موخه ماسکونه تولیدوي..

د دغې فابریکې په اړه ویل کېږي چې ماسکونه خورا په احتیاط او اغېز ناک ډول جوړ شوي دي چې د کرونا د انتقال او د راتګ مخنیوي کې مهم رول لوبولی شي چینایي رسنۍ وایي، دغه فابریکه په ګوانګژو ایالت کې پرانیستل شوه چې په یوه دقیقه کې خورا ډیر ۱۰۰۰ ماسکونه تولیدوي

چین وایي، چې دوی د دغې ویروس د انتقال د مخنیوي پرموخه عملأ له هر ډول لارو چارو کار اخلي او غواړي چې یاد ویروس کنټرول کړي.

چینایي چارواکي وایي، چې دغې فابریکي په زرګونه جوړ شوي ماسکونه د چین لیرو پرتو سیمو، او ښارونو ته هم انتقال کړي دي او په یو شمېر خلکو یې په وړیا توګه ویشلي دي.

چینایي چارواکي وایي، چې دغې فابریکي په زرګونه جوړ شوي ماسکونه د چین لیرو پرتو سیمو، او ښارونو ته هم انتقال کړي دي او په یو شمېر خلکو یې په وړیا توګه ویشلي دي د چارواکو پر وینا د چین په ټولو ښارونو کې ځانګړي روغتونونه د کرونا ویروس اخته ناروغانو ته خالي شوي دي او یو شمېر یې نوي هم ورته جوړ شوي

د چین حکومت وایي، دوی د کرونا ویروس د مخنیوي پر موخه ناغیړي نه ده کړې او په پیل کې هم لوی روغتون د دغې ناروغیو اخته کسانو ته په یوې اونۍ کې جوړ کړ دا مهال په چین کې په کرونا ویروس د اخته کسانو شمېر نور هم لوړ شوی دی؛ او تر ۸۰ زرو کسانو پورې رسېدلی دی او د مړو شمېر هم تر ۳ زرو واوښت

کرونا ویروس په لومړي ځل د چین په ووهان ښار کې پیل شو چې بیا وروسته د افغانستان په ګډون ۳۳ نورو هېوادونو ته هم انتقال کړی شو.

د چین را وروسته په ایران کې هم دغې ویروس په چتکتیا سره پرمختګ کړی دی چې تر ۱۵ پورې کسان پکې مړه شوي او ۹۵ نور پرې اخته شوي دي.

دغه راز ایران چې له افغانستان سره پر پوله پروت هېواد دی د تګ راتګ له له امله دغه ناروغي هرات ولایت ته هم را ورسېدله چې امله یې یوه مثبته پېښه ثبت شوې او نهه نورې شکمنې وې، خو منفي ثابتې شوې .

هرات کې دکرونانورې شکمنې پيښې هم ثبت شوې

د افغانستان د هرات روغتيايي چارواكي په دې ولايت كې د كرونا ويروس ۴ نورې شکمنې پيښې یې هم ثبت کړې دي

 هرات کې له ياد ويروس سره د مبارزې لپاره د عامه پوهاوي وركولو كمېټې مسوول نذير احمد رسنیو ته ویلي، تیره ورځ دوی سره د یاد ویروس په اړه څلور شكمنې پېښې ثبت شوې دي دا په داسې حال کې ده ، چې وړمه ورځ هم په هرات کې ۳ شکمنې پیښې ثبت شوې وې، چېوروسته یې ۲ منفي او یوه یې مثبته ومنل شوه. په هرات کې د یوې مثبتې پيښې ثبتیدو وروسته د عامې روغتيا وزارت په یاد ولایت كې بېړنى حالت اعلان كړى دی

د روغتیا وزارت له ټولو هوايي او ځمكنيو ټرانسپورټي شركتونو غوښتي، چې دغه ولايت ته تګ راتګ محدود كړي

د عامې روغتيا وزير فېروزالدين فېروز تیره ورځ له رسنيو، ديني عالمانو، مدني ټولنو، ښوونكو او نورو خلكو غوښتنه وكړه، چې په دې اړه د عامه پوهاوي په برخه كې ورسره مرسته وکړي.

له دې وړاندې افغانستان له ایران سره خپله پوله هغه وخت وتړله کله ، چې په ایران کې د کرونا ویروس پيښې ثبت شوې او خلکو ته یې اندیښنې زیاتې کړې.

خو د ملي امنيت شورا وياند جاوېد فيصل تازه ویلي، ایران سره پوله بیرته پرانیستل شوه.

هغه زیاته کړې ، چې دا پریکړه د روغتيا نړيوال سازمان د سټنډرډونو د تطبيق په شرط نيول شوى دى.

د ده په وينا، مسافر كولى شي د عامې روغتيا وزارت او د روغتيا نړيوال سازمان د پروسيجرونو تر تطبيق دا په داسې حال کې ده ، چې چین د کرونا ویروس کوربه هیواد بلل کیږي او لومړی هم د چین په ووهان ایالت کې وموندل شو وروسته ايران ته تګ راتګ وكړي.

د تازه راپورونو پر بنسټ په چين كې د ۷۱ نورو كسانو په مړه كېدو سره د كورونا ويروس د قربانيانو شمېر ۲۶۶۳ تنو ته ورسېد د راپورونو پر بنسټ، هلته په دغه ويروس د اخته كسانو شمېر ۷۷۶۵۸ ته لوړ شوى دى په دې هېواد كې د كورونا ويروس ۵۰۸ نوې پېښې ثبت شوې دي .

اوس مهال د چين، ايران، جنوبي كوريا، جاپان، ايټاليا، فرانسې او تايوان په ګډون د نړۍ په ۳۵ هېوادونو كې كورونا ويروس موجود دى. دغه ويروس په ايران، جنوبي كوريا او ايټاليا كې هم د ۲۷ تنو ژوند اخيستى او ګڼ شمېر نور پرې اخته دي

ایران: افغان کډوال دې په ایران کې پاتې شي

د کرونا ویروس د انتقال د مخنیوي په هدف یې تېره یکشنبه له ایران سره ټول بندرونه وتړل نن سې شنبه یې بېرته خپل بندرونه له دغه هیواد سره د تګ راتګ پر مخ خلاص کړه

کړل. د ملي امنیت شورا ویاند جاوید فیصل ویلي چې د کرونا ویروس د کاري کمېټې د پرېکړې په اسس به له ایران سره د مسافرت لړۍ د نیول شوو طرزالعملونو په اساس مخته ولاړه شي نوموړي زیاته کړې چې د افغانستان او ایران د پولو دواړو غاړو ته مسافرین تګ راتګ کولا شي. ..

ښاغلي فیصل نن سې شنبه پر خپل ټوېټر لیکلي:”د كرونا وايروس د كاري كمېټې له فیصلې سره سم به د ایران سره د مسافرت لړۍ د روغتیا د نړیوال سازمان د صحي لارښوونو په نظر کي نیولو، د روغتیا وزارت د کنټرولي اقداماتو په تطبیق او د بهرنیو چارو وزرات سره په تفاهم مخته ولاړه سي. اوس د پولي دواړو غاړو کي مسافرین تګ راتګ کولای سي.”

په هرات کې له ایران سر پر پوله اسلام قلعه بندر کې افغان روغتیايي ټېمونو هم تائید کړې چې له نن سې شنبې سهار راپدېخوا سلګونه افغان کډوال چې ښځې او ماشومان هم پکې شامل دي له ایرانه هرات ته داخل شوي دي.

په هرات کې له کرونا ویروس سره د مبارزې روغتیايي ټېم مشر داکټر نور احمد محمدي امریکا غږ ته وویل چې له ایران څخه افغان کډوال یوازي تر روغتیايي معایناتو وروسته هیواد ته داخلېدای شي.

بلخوا د هرات د روغتیا رئیس ډاکټر عبدالحکیم تمنا له امریکا غږ سره مرکه کې له ایران څخه افغانستان ته د را ستېدونکو کډوالو په اړه اندېښنه وښودله. هغه وویل چې له ایران څخه د را ستنېدونکو کډوالو د معایناتو لپاره کافي امکانات نه لري.

د افغانستان د روغتیا وزارت پرون دوشنبه په هرات ولایت کې د کروناویروس د یوې مثبتې پېښې ثبتېدو خبر ورکړ.

د روغتیا وزارت سلاکار او ویاند ډاکټر وحیدالله مایار نن سې شنبه امریکا غږ ته وویل چې په دغه ولایت کې د کرونا اووه نورې مشکوکې پېښې هم ثبت شوي چې نمونې دا مهال تر څېړنو لاندې دي.

د کرونا ویروس له ویري په هرات کې له تېرې شنبې راپدېخوا بېړنی حالت اعلان شوی دی.

بلخوا د غور والي ناصر خاضع هم نن سې شنبه په دغه لایت کې د کرونا د یوې مشکوکې پېښې ثبتېدو خبر ورکړ.

نوموړي زیاته کړه چې دغه کس تر قرنطین وروسته د غور ولایت مرکزي روغتون ته لېږدول شوی دی.

خو د افغانستان د عامې روغتیا وزارت ویاند وحیدالله مایار بیا له رسنیو سره مرکه کې په غور کې د کرونا د مشکوکې پېښېدو ثبتېدو په اړه راپورونه رد کړل.

د هرات سیمه ییز چارواکي وايي چې نن سې شنبه ترکمنستان هیواد هم د کرونا ویروس د انتقالېدو له ویري له افغانستان سره خپل پوله د هر ډول تګ راتګ پر مخ وتړله.

امین الله ازاداني د هرات ولایت د بهرنیو اړیکو رئیس امریکا غږ ته وویل چې د سې شنبې ورځې له سهار نه ترکمنستان له افغانستان سره د هرات په ولایت کې د تور غونډۍ بندر د هر ډول تګ راتګ پر مخ تړلی دی. نوموړي زیاته کړه هڅې روانې دي چې دا بندر بېرته د تګ راتګ پر مخ پرانیزي

د کرونا ویروس څخه د ځان ساتلو طريقه

چین هېواد کې د کرونا ویروس د پیدا کېدلو له امله د مړو شمېر آن تر ۲۳۰۰ سوه پورې ورسېد او له بده مرغه چې دغه ویروس د افغانستان ګاونډي هېواد ایران ته د رارسېدو سره سم د افعانستان هرات ولایت ته هم راورسېد.

د افغانستان د عامې روغتیا وزارت هم خبر ورکړ چې په هرات ولایت کې د کرونا په ویرس درې تنه افغانان هم اخته شوي دي، د دغې ټکان ورکوونکي خبر په خپریدا سره سم ګڼو افغانانو خواشیني ښودلې ده، خو مونږ تاسې ته د احتیاط په خاطر هغه څو ټکي در په ګوته کوو چې په کرونا ویروس د اخته کېدا او د خپریدو مخه نیسي چې تاسې یې باید مراعت کړئ.

۱- که چېرې غواړئ د کرونا په وژونکې ناروغۍ باندې اخته نه شئ، نو تاسې هره ورځ په اوبو او صابون باندې خپل لاسونه بیا بیا پریمنځئ.

۲- دغه راز د ټوخي او پرنجي پر مهال پزه په ماسک، دستمال، څادر او یاهم په لاس وپوښئ.

۳- له هغو کسانو څخه ځان لېرې وساتئ چې په زکام او یاهم ریزش باندې اخته وي، هغوی ته هم مشورې ورکړئ چې د زکام او ریزش ناروغي عادي ونه نیسي .

۴- که چېرې تاسې په تبې، ټوخي، سالنډي او یاهم زکام اخته یاست لومړی ډاکټر ته ولاړ شئ له روغتون نه بېرته د تګ پرمهال د کورنیو غړو څخه بېل په یوې خونه کې تر هغې اوسئ څو پورې چې جوړ شوي نه یاستئ.

۵- تاسې نور د هګیو او غوښې خوړلو څخه لاس واخلئ، که چېرې له کرونا ویروس بچ کېدل غواړئ له دغې دواړو خوړو پر ځای تازه ترکاري وخورئ، څو مو روغتیا ته ګټه ورسوي او بدن مو قوي کړي.

۶- هغوی چې په کورونو کې څاروي لري، یاهم د څاریو پلورلو کاروبار کوي له خپلو څاریو سره د ماسک، موضو، د سکشو بغیر مه کېنئ.

۷- که چېرې سفر پر مهال یاستئ ضرور مو د ناروغۍ نښې نښانې د الوتکې مسولینو ته ووایئ، یاهم که په کومه سیمه کې یاستئ ناروغي مو مه پټوئ نېغ په نېغ روغتون ته ولاړ شئ.

یادونه که چېرې د کرونا ویروس څخه د ځان او کورنۍ د غړو ژوند ژغورل غواړئ نو په دې ترتیب دا پورته لارې چارې په ځان عملي کړئs\s;.

د کرونا وایروس اول ځل پيژندلو واله ډاکټر خپله د دغه وایروس له امله ومړ

کلن ۳۴ کلن ډاکټر ونلیانګ چینایي روغتیا پال، چې د لومړي ځل لپاره د کرونا ویروس خبر ورکړی وو، پخپله د همدې ناروغۍ له امله ساه ورکړه.

نوموړي ډاکټر چې خپله د سترګو متخصص وو، د لومړي ځل لپاره خبر ورکړ، چې سارس ته ورته ویروس ته متوجه شوی دی.

د هغهله لوري د دې خبر تر خپرېدو څلور ورځې وروسته، پولیسو لي د آوازو په خپرولو تورن کړی وو.

لي څو ورځې وړاندې اعلان چې په کرونا ویروس اخته شوې او د جمعې په شپه ناوخته یې د دې ناروغۍ له امله ساه ورکړه.

راپورونه ،چې (بي بي سي) او (سي ان ان) لخوا خپاره شوي وو، ویل شوي د ډسمبر په وروستیو او د جنورۍ په لومړیو کې، د لي ونلیانګ په نوم روغتیاپال چې د وهان په روغتون کې په خدمت بوخت دی، د ناروغانو د معاینې او کتنې پر مهال د سارس ناروغۍ ته ورته نښې ليدلې او خپلو همکارانو ته یې د یو نوي ډول ویروس د خپرېدو خبر ورکړ.

د چین پولیسو لي ته ګواښ کړی وو، چې د دې خبر له خپرولو دې ډډه وکړي، کنه نوموړی به د عامه اذهانو  مغشوش کولو په تور، قانوني چلند سره مخ شي.

ډاکټر لي، چې ۳۴ کلن وو، د آمریکا سي ان ان ته ویلي وو، د تېرې شنبې په ورځ تائید شوه ، چې نوموړی پخپله هم پدي ناروغۍ اخته شوی دی.

اوسمهال د کرونا په ناروغۍ ۲۸۲۰۰ تنو د اخته کېدو او د ۶۱۸ تنو د مړینې خبر ورکړل شوې. دا شمېره په چټکۍ د زیاتېدو په حال کې ده.

د کرونا ویروس پراختیا تر اوسه په خطرناک حد کې نه ده د روغتیا نړیوال سازمان

د روغتیا نړیوال سازمان وایي چې کرونا ویروس تر اوسه په نړۍ کې چټکه او خطرناکه پراختیا نه لري. ددغه سازمان د ساري ناروغیو د برخې مشر په ژنیو کې د خبرو پر مهال ویلي، چې د نورو نړیوالو ساري ناروغیو په پرتله د کرونا ناروغۍ ځاني زیانونه تر دې دمه کم دي

. د سرچینې په خبره دغه ناروغۍ تر اوسه ۴۲۵ کسه وژلي چې تر ډېره په چین کې دي. همدا راز تر دې دمه ۲۰ زره کسان په دغه ناروغۍ اخته دي. یاد سازمان د چین هڅې یو ځل بیا ستایلې دي چې ددغه ویروس د پراختیا مخه یې ونیوله.

 د روغتیا نړیوال سازمان لا هم بېړنی حالت دوامداره بولي او پر هېوادونو غږ کوي چې ددغه مرض د پراختیا په مخنیوي کې له چین سره همکاري وکړي.

د کرونا ویروس یو شمیرهیوادونو ته رسیدلۍ‎  چی زیاته فیصدي یی په چین هیواد کی شتون لري او لا هم چین کی  بېړنی حالت دوام لري دغه بیړنی حالت به د پوره مخنیوۍپوری دوام ولری

په چین هیواد کی د یادو ویروسو لپاره ډاکټرانو عامو وګړو ته د احتیاتي تدابیرو نیولو لارښونه کړی دوي ته یی د ماسکونو اچولو او په ورځ کی یی ۵ ځل د مخ او لاسونو وينځلو او د بی ځایه ګرځیدلو د  ډډی لارښونه هم کری. د یادونی وړ ده چی په آفغانستان کی هم د کرونا ویروس د مخنيوي لپاره د ډاکټرانو لخوا د احتیات کولو لارښونه شوی او د حکومت لخوا د خارج نه راتلونکی مسافرو د معاینه کولو حکم شوی دی د شک وړ  مسافرو ته د روغتون کی د معاینی امر هم شوی.