د افغان حکومت مذاکراتي ټيم د اسلامي علماوود نړیوالې ټولنې له مشرسره لیدلي

د افغان حکومت مذاکراتي ټيم د اسلامي علماوو د نړیوالې ټولنې له مشرسره لیدلي قطر ته له طالبانو سره د خبرو په موخه له کابله د تللي مذاکراتي ټیم یو شمېر غړو په دوحه کې د اسلامي علماوو د نړیوالې ټولنې مشر ملاقات کړی.

او د هغه نه ېې غوښتنهکړې چې له مذاکراتو ملاتړ وکړي تر څو اوربند ته لارههواره شي. د سولې په چارو کې د دولت وزات له ادرسه په همدې اړه خپره شوې خبرپاڼه کې ذکرشوي ، چې په دې ملاقات کې د کابل دمذاکراتي ټیم غړو د روانو خبرو پروسه تشریح کړې او له الریسوني یې غوښتي، چې له مذاکراتو ملاتړ وکړي تر څو «اوربند» ته لاره پرانستل شي.

بل خوا بیا د اسلامي علماوو د نړیوالې ټولنې مشر د مذاکراتو هر ډول همکارۍ ته چمتووالی ښودلی او افغانستان یې د امام اعظم ابوحنیفه ټاټوبی یاد کړی، چې دده په خبره، کولای شو د اسلامي هیوادونو په کچه یې د غوره بېلګې په توګه وبلو.او د نورو اسلامي هېوادونو به هم اوغواړو چې د سولې مزاکراتو ملاتړ وکړي تر څو یو منتقوي او سیاسي اجماع رامنځته شي. تر افغانستان کې دایمي سوله قایمه شي او افغانان په یو سولیز هېواد کې ‌ژوند وکړي.

یاده لیدنه داسې مهال ده، چې ویل کېږی، په دوحه کې د ناستو د طرزالعمل د دوو مادو په سر د جنجال له امله د طالبانو او له کابله تللي مذاکراتي پلاوي خبرې له ځنډ سره مخ شوې.او بازې موردداسې دي چې د حل لارې ورته سختې دي. ځيني سرچینی وايي چې ښايي دغه ځنډونه نور وخت هم واخلي.ځکه بازې مسایل ډېر پیچيده دي.او نور ډېر بحث ته هم ضرورت لري.

هېره دې نه وي چې طالبان ټينګار لري، چې ددوی او امریکا تر منځ شوی تړون باید د راتلونکو توافقاتو بنسټ وي او ټولې پرېکړې باید د حنفي فقه په اساس وشي؛ خو له کابله تللی پلاوی بیا د ولسي جرګې پرېکړې او د کابل-امریکا تر منځ شوی تړون د پرېکړو د بنسټ په حیث د وړاندې کولو هڅه کوي  او تیار نه دي، چې پرېکړې دې د حنفي فقهې پر بنسټ وي.

اوس دواړه لوریو ته پکار ده چې خپل شخصي ګټو نه تېر شي او سولې ته کار وکړي. دويي باید هر هغه قرباني ورکړي چې د کوم له امله چې سوله رازي او سوله شوني وي. دويي باید مزاکرات ونه ځنډوي او هر ممکن لارې نه ګټه پورته کړي. که چرته مزاکرات کامیاب شو افغانان به د نورو د احتیاج نه خلاص وي او اینده به ېې معلومه وي.

راشد خان دهېواد سېلاب ځپلو لپاره کومکونه راټولوي

اول ځل راشد خان اي پي ایل کې غوره پلیر شود هند یا انډیا کرکيټ په غوره ليګ I P L مشهور سياليو کې پرون په اول ځل افعان لوبغاړی راشد خان د لوبي د غوره لوبغاړي جايزه په خپل نوم کړه. او په دې جایزه ګټلو سره د کرکټ د مینه والو نور هم فیورټ شو

ښاغلی راشد خان په تېره ورځنی میچ کې چې تېر ماښام تر سره شوه په دغه لوبه کې راشد خان د ډهلي پلازمېنې کلپټيلز لوبډلي درې مهم لوبغاړي وسوځول او سنرایزرز حیدراباد لوبډلي ته يې لوبه وګټله. راشد خان په څلورو اورونو کې تر ټولو کمي ۱۲ منډې ورکړې او درې مهم لوبغاړي یې وسوځول.دغه سيالۍ چې تیره شپه په ابوظهبي لوبغالي کې تر سره شوه لومړی د لړبي پچه د سنرایزرز حیدراباد لړبډلي وګټله په ټاکل شوي ۲۰ اورونو کې يې د څلور لوبغاړو په سوځیدو سره ۱۶۳ منډې جوړې کړې ،

خو ډیلي کلپټلز لوبډلي دغه هدف ته ونه رسیده او د ۷ اوه لوبغاړو په سوځيدو یې۱۴۷ منډي وکړي.بايد وويل شي چې د راشد خان تر څنګ نور افغان لوبغاړي محمد نبي او مجيب ځدراڼ هم لوبه کوي چې ډير ښه برفامنس ېې شو کړې. دا هم باید یاده شي چې راشد خان په دې ورستيو کې د کرکيټ د نړيوالي شورا (ICC) له خوا په نړيواله درجه بندۍ کې په لومړي مقام اعلان کړ.

اوس راشد خان په نړيواله کچه په بالينګ کې اول مقام لري.راشد خان په ۱۸۹۸ کال کې زيږدی دی چې لومړي ځل د کرکيت ډګر ته په ۲۰۱۵ زيږديز کال د زمبابي خلاف لوبه تر سره کړه چې په اوله لوبه کې ډير ښه وځليد په ډير کم وخت کې يې نړيوال حيران او ګوته په غاښ کینول.راشد خان تر دې دمه ۴ ټيست، ۷۱ يوه ورځنۍ او ۴۸ شل اوزيزي لوبي تر سره کړي دي.

او د ويکټو شمير يه په ټيسټ کې ۲۳ په يوه ورځنۍ لوبو کې ۱۳۳ او شل اوريزو کې ۸۹ ويکټې خپلې کړي دي.راشد خان په ډير کم وخت کې په ټوله نړۍ کې مشهور شو چې اوس هم د هند په غوره ليګ ای پې ايل کې د سنرايزر حيدر اباد لوبډلي سره لوبه کوي.نوموړۍ یو ښه بالر تر څنګ کله کله بیټنګ کې هم ښه پرفامنس کوي او خپل ټيم ته ویاړونه راوړي.

د هغه په ویل کیږي چې د کورنيو ليګونو په پرتله د تجاراتي ليګونو ډير شوقي دی چې له عمدي امله ګڼو افغانانو ډير ځله پرې سخته نيوکې هم کړيدي.بايد دا هم وويل چې راشد خان د افغانستان په شپږيزه ملي ليګ سياليو کې نه وو بلکي په دوبي کې په يوه تجارتي ليګ کې لوبيد

راتلونکې هفته ټول دولتي مکتبونه پیلیږي

راتلونکې هفته ټول دولتي مکتبونه پیلیږي د افغانستان د معارف وزارت ویانده نوریه نزهت وایي، د کابینې د پرېکړې پربنسټ راتلونکې اوونۍ د شنبې په ورځ له اول تر لسم ټولګي ټول مکتبونه شروع کیږي. د دې نه وړاندې د یولسم او دولسم تولګې درسونه لا مخکې يبل شوي.

باید یاده وکړو چې ,څه باندې پنځه میاشتو راپدېخوا د کرونا ویروس نه د خوندیتوب په موخه ټول ښوونځي بند شوي وو او د وږي په میاشت کې یوازې له لسم تر دولسم ټولګیو ښوونځي پیل شوي وو، خو تازه کابینې پرېکړه وکړه چې له اول نه تر لسم هغه ټولګیو پورې چې نه وو پیل شوي یو ځل بیا به د شنبې په ورځ خلاص شي .دويي له شاګردانو غوښتي دي چې باید مکتب ته د تلو په وخت کې د روغتیا وزارت په لارښوونو عمل وکړي تر څو د بیا ځلې کرونا خپرېدو نه مخنیوۍ وشي.

د لسم تر دولسمو ټولګیو پورې ښوونځي د وږي میاشتې پهېلومړۍ نېټه پیل شول، خو د عامې روغتیا وزارت او د پوهنې وزارت ښوونځیو ته امر کړی وو چې د کووېډ١٩ ناروغۍ نه د خوندیتوب په موخه دې ټول روغتیایي تدابیر مراعت کړي.د پوهنې وزارا ویلي وو، که په ښوونځیو کې د کووېډ١٩ ناروغۍ مثبتې پېښې ثبت شوې، د هغې په صورت کې به بیا د ښوونځیو د تړلو په اړه پر پرېکړه غوروکړي.

د مکتبونو په پیلېدو سره ځای ځای په پلازمېنه کابل کې هم په یو شمېر ښوونځیو کې د کووېډ١٩ ناروغۍ مثبتې پېښې ثبت شوي دي.دا ځکه پیل شوې چې ځینې شاګردان د کویډ۱۹ ناروغي مخنیوي لپاره په سمه توګه تدابیر نه کوي او نه هم د روغتیا وزارت په لارښوونوعمل کوي.

هېواد کې د هوا په ګرمېدو او د دوبي په راتلو سره د کرونا ویروس یا کووېډ١٩ ناروغۍ د مثبتو پېښو ثبت را کم شو چې په دې توګه د عامې روغتیا او پوهنې وزارتونو په ګډه سره د ښوونځیو د پرانیستلو طرحه جوړه کړه او د کابینې له لوري په تایید سره دولتي ښوونځي له لسم تر دولسم او خصوصي ښوننځي له اول تر دولسم تولکي شروع شول.

راتلونکې هفته ټول دولتي مکتبونه پیلیږي
راتلونکې هفته ټول دولتي مکتبونه پیلیږي

بلخوا بیا هم د هوا په سړېدو سره د کرونا ویروس ناروغۍ د بیا تیزی خپرېدنې او دویمې څپې وېره موجوده چې د روغتیا وزارت وایي له وړاندې ورته چمتووالی لري، خو که د امکان په صورت کې د کووېډ١٩ ناروغي بیا چټکه خپره شي ترې نه د خوندیتوب او مخنیوي په موخه به یو ځل بیا پوهنتونونه، ښوونځي او ټولې ښوونیزې ادارې بند شي.نو اوسمهال باید ټول شاګردان احتیات وکړي او د خپل ځانونو خیال وساتي.

شاه محمود قریشي: افغانستان کې سوله دپاکستان په ګټه ده

افغانستان کې سوله دپاکستان په ګټه ده د پاکستان خارجه وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره چې پرون په رسمي سفر اسلام اباد ته تللی، ملاقات کې ویلي چې افغانستان کې سوله پاکستان په ګټه ده او داداسې معنا لري لکه پاکستان کې چې سوله وشي.

ښاغلی قریشي ویلي د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي، هغه وایي طالبانو سره یې هم په همدې تالار کې چې له عبدالله عبدالله سره ګوري، ملاقات کړی ، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري باید د خبرو له لارې حل شي تر څو افغانان خپل ژوند په سمه توګه مخې ته یوسي اوهر وګړی دا احساس وکړي چې افغانستان اوس د سولې ارامش هېواد دی.

د مصالحې عالي شورا مشر ډاکټر عبدالله عبدالله بیا له شاه محمود قریشي سره ملاقات کې وویل، چې پاکستان ته دا ځل په بدلې روحیې سره راغلی، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له کوششونو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار هواره شي.اړو افغانستان به یو وار بیا دبد بختیو سره مخ شی. نو ښه دا ده چې شته فرصت ضایع نه کړو.او افغانستان کې دایمي سوله قایم کړو.

ښاغلي عبدالله عبدالله د پاکستان له حکومت مننه وکړه، چې طالبان یې د افغانانو خپل منځي خبرو ته وهڅول، خو ویې ویل مذاکرات چټک روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لویه ضربه ورسوي.هغه ویلي چې باید د تاوتریخوالي کچه کمه شي او د سولې مزاکرات د امن فضا کې وشي دا به دېره ښه وي.

عبدالله عبدالله پاکستاني چارواکو سره شوي ملاقات کې ورته وویل چې ترهګري د سیمې ټولو هېوادونو ته یو ګواښ دی او په افغانستان کې د یوې سر تا سري سولې ټینګښت بې له شکه چې د سیمې د ټولو هېوادونو په ګټه دی.باید د سیمې هېوادونه افغان سولې ته کار وکړي اوخپل پوره پوره ملاتړ ورڅخه وکړي. تر د سیمې هېوادونو کې هم امن پاتې شي

شاغلي عبدالله له پاکستاني چارواکو سره تر ملاقات وروسته د پاکستان بهرنیو چارو وزارت کې یو نیالګی هم کېناوه.د ښاغلي عبدالله د لیدنو مهالوېش کې پلان شوې چې نوموړی به سبا د پاکستان له لومړي وزیر عمران خان سره ملاقات او بیا به د پاکستان پوځ له لوی درستیز قمر جاود باجوه سره په راولپنډۍ کې د نوموړي په دفتر کې لیدنه تر سره کړي.

تر دې وړاندې چې کله ولسمشرغني پاکستان ته د سفر پر مهال جې ایچ کیو ته تللی وو، د عامو افغانانو له تندو غبرګونونو سره مخ شو.خو اوسمهال د ملاقاتونو د مهالویش پر بنسټ به عبدالله عبدالله د پاکستان د فوځ مشر سره په راولپنډی کې ګوري بلخوا بیا د مصالحې شورا سر چینی وايي چې نوموړی به راوپنډی کې د لوی درستیز سره نه ګوري.

د عبد الله عبدالله سفر اسلام اباد ته

عبدالله عبدالله د عمران خان په بلنه اسلام اباد ته په سفر روان شو.نن دوشنبه سپيدار ماڼۍ اعلان وکړ چې د مصالحې عالي شورا مشر ډاکټر عبدالله عبدالله د پاکستان د لومړي وزير عمران خان په غوښتنه د پاکستان په سفر ووت او نن سهر اسلام اباد ته ورسېد.

د مصالحې شورا څخه په خپره شوي خبرپاخبرپاڼه کې ويل شوي چې د دې لیدنې په جریان کې ، د ملي پخلاینې عالي شورا مشر به د پاکستان د اسلامي جمهوریت له مشرانو سره په افغانستان کې د تلپاتې ، وقار او عادلانه سولې د تعقیب په اړه بحث او خبرې وکړي.د دې سفر په جریان کې به ، د ملي پخلاینې عالي شورا مشر ډاکټر عبدالله عبدالله به د پاکستان د اسلامي جمهوریت له ولسمشر ډاکټر عارف علوي ، لومړی وزير عمران خان ،د ولسي جرګي له مشر اسد قیصر ، د پاکستان د مشرانو جرګې مشر سره به ملاقات وکړي

عبدالله عبدالله به جلالتمآب محمد صادق سنجراني ، د بهرنيو چارو له وزير قریشي او ښاغلي قمر جاوید باجوه ، د پاکستان د پوځ لوی درستیز سره لیدل کتل وکړي .د ملي پخلاینې عالي شورا مشر د پاکستان له اسلامي جمهوریت څخه د لیدنې پرمهال د ملي پخلاینې شورا له مرستیالانو ، سلاکارانو او یو شمیر سیاسي شخصیتونو سره په ګډه ملاقات لري.

هېره دې نه وي چې عبدالله عبدالله دا سفر په داسي حال کې د پاکستان هيواد ته کوي چې د افغان حکومت او طالبانو ترمنځ د سولي خبري جیریان لري خو ددغو خبرو ۱۷ ورځي کيږي چې هيڅ پرمختګ يې نه دی کړی. حتی په ميډيا کې خو لا داسي خبرونو هم خپاره شوي چې د سولي خبري شاید کامیابې نشي او نورې هم سختې شي.

خو اوسمهال باید دې خبرې ته ځواب پیدا شي. چې د ښاغلي عبدالله سفر پاکستان ته د سولي په ټپه ولاړ بهير څومره مثبت اغيز وشي که څه هم ددې ښه ځواب به راتلونکی وخت ووايو خو ولي حالاتو په کتو ويلای شو چې پاکستان په طالبان جوت او ښکار اغيز لري اوس هم هر پلان د پاکستاني پوځ سره په مشوره وړاندي کوي.
نو همدې ته په کتو ويلای شو چې شايد که پاکستان له زړه وغواړي حتمن طالبان دې ته مجبورولای شي چې اوربند پرې وکړي.

عبدالله عبدالله : لویه مشورتي جرګه فرمایشي نه وه
عبدالله عبدالله : لویه مشورتي جرګه فرمایشي نه وه

بلخوا بیا په افغانستان کې د سولي د خپل منځي خبرو د پيل راهسي جکړي زور نيولی دی. او اوس محال د افغانستان په ډيری ولايتو کې سخته جکړه روانه ده چې افغانان يې سخت انديښمن کړي دي عام افغانان له طالبانو او افغان حکومت څخه غواړي چې اوربند او دسولي لپاره دې صادقانه کار وکړي.او دا روان جنګ چې په هر قیمت کيږي په سولې بدل کړي. تر څو افغانان په سوله کې ژوند وکړي.

د کرونا روغتونونود مدیریت چارې به غیر دولتي ادارو ته ورکړل شو

د کرونا روغتونونود مدیریت چارې به غیر دولتي ادارو ته ورکولکیږي  دهېواد د عامې روغتیا وزارت په پلازمېنه کابل او ولایتونو کې دکرونا ناروغیو روغتونونو مسؤولیت غیر دولتي بنسټونو ته ورکړل شو

صحت وزارت وایي، په تېر کې د غیر دولتي بنسټونو تر مدیریت لاندې د کووېډ١٩ ناروغۍ روغتونونو چارې بریالۍ وې او له دې کبله به د یادو روغتونونه مسؤولیتونه نور غیر دولتي ادارې مخ ته وړي.د عامې روغتیا وزارت سرپرست نن خبریالانو ته ویلي چې پرېکړه یې دحکومت، نړیوال بانک او مرستندویه بسنټونو په همغږۍ وکړهدې سره به خلکو ته د ښه خدماتو تر څنګ نور اسانتیاوې برابرې کړي.

د یاد وزارت سرپرست احمد جواد عثماني وایي، د روغتونونو لګښت به دحکومت له بودجې او نړیوالو مرستو له لوري پرې کیږي، مدیریت به یې د غیر دولتي بنسټونو له لوري ترسره کیږي او روغتیا وزارت به یې پر چارو څار ولري.چې دې سره به دا کنترول شي چې فساد نه کيږي. د عامې روغتیا وزارت دا راز ویلي په هېواد کې د هوا په سړېدو یو ځل د کووېډ١٩ ناروغۍ د چټکې خپرېدنې ګواښ شته.یاد وزارت تر دې وړاندې ویلي وو چې د کرونا وبا د دویمې څپې پر وړاندې مبارزې ته بشپړ چمتو یو.

بلخوا بیا سویلي کوریا وریا د روغتیایي توکو بنډل چې د کووېډ١٩ ناروغۍ د تشخیص کېټونه هم په کې شامل دي د افغانستان عامې روغتیا وزارت ته وسپارل، د دې بنډل بیه ٨٠٠ زره ډالر ښودل شوې ده.افغانستان کې د کرونا وبا له خپرېدو سره د هېوادونو او نړیوالې ټولنې مرستې د سېلابونو په شان راغلې خو د نا سم مدیریت له کبله مرسته شوې پیسې ورکې او غلا شوې. او نه پرې د کووېډ١٩ ناروغۍ پر وړاندې سمه مبارزه وشوه.

ډبلیو ایچ او هم په افغانستان کې د کرونا وبا یا کوېېډ١٩ ناروغۍ د دویمې څپې د راتګ په اړه خبر ورکړۍاوس مهال کووېډ١٩ ناروغي د ټولې نړۍ لپاره یو ننګونه ده، زیات شمېر هېوادونو یې د تداوۍ او واکسین جوړولو هڅې روانې کړي دي، د امریکا، برېټانیا، روسیې او یو شمېر نورو هېوادونو واکسین جوړ کړي دي خو تر دې دمه یې له نورو هېوادونو ته ېې نه دي لېږدولي.

ولسمشر ډونالډ ټرمپ ویلي وو چې د کووېډ١٩ ناروغۍ ضد واکسین به په ټوله امریکا کې په نږدې راتلونکې کې کې شریککړي ، د روسیې ولسمشر ولاديمیر پوتین بیا ویلي وو، د روسیې واکسین بریالي دي او ټولو هېوادونو ته به یې پرته له پیسو مفت ورکړي

د یادونې وړ ده چې امریکا بیا په نړۍ کې د کرونا وبا یا کووېډ١٩ ناروغۍ د ډېر ځپوونکوهېوادونو له ډلې ده، او لا هم په کې د ناروغۍ او د ناروغانو د مړینې لوړ شمېر ثبتیږي.بلخوا بیا په ځینې هېوادونو کې د کرونا ناروغان م شوي دی او د بازې مریضان ېې د ریکورۍ پلو روان دي.خو بیا هم د روغتیا نړیوال سازمان خلکو ته شپارښتنه کړې چې احتیات دې وکړي.

مالیې وزارت :سږ کال تر دې دمه ١١٥ میلیارد افغانۍ عواید راټول شوي

مالیې وزارت :سږ کال تر دې دمه ١١٥ میلیارد افغانۍ عواید راټول شوي د هېواد مالیي وزارت تر دې دمه په روان کال کې ١١٥ میلیارده افغانۍ عواید را ټول کړي ویل کیږي چې د سږ کال راټول شوي عواید د تېر کال په پرتله کم دي

ماليې وزارت وایي، ملي بودجه کې د تعدیلاتو له وجهې ټاکلی ١٧٧ میلیارد افغانیو ته واوښت، دې نه مخکې د روان کال د عوایدو را ټولولو لپاره ٢٠٨ میلیارده افغانۍ هدف ټاکل شوی وو.دغه وزارت یې لامل په ملي بودجه کې تعدیلات او د کرونا وبا له کبله هدف ته نه رسېدل بولي دويي وايي چې سږ کال کرونا ویروس له امله ډېر کاروبارونه بند پاتې وو او مالیه نه وه راټوله شوې له خلکو نو ځکه

یاد وزارت پروسه کال تر دا مهاله ١٣٣ میلیارده افغانۍ عواید را ټول کړي وو، خو سږ کال یې دا مهال ١١٥ میلیارد افغانۍ عواید را ټول کړي چې د تېر کال سره نږدې ١٨ میلیارده افغانۍ کمې شوي ، خو مالیې وزارت وایي، دوی به د کال تر پای عواید نور هم لوړ کړي.سږ کال د کرونا وبا له کبله چې د سیمې او نړۍ له هېوادونو سره سوداګریزې اړیکې په ټپه ودرېدې او د افغانستان دننه د ګمرکاتو چارې هم ټکنۍ شوې وې له کبله یې د افغانستان عواید کم شول او اقتصادي راغلل.

بلخوا بیا د اسیا پراختیایي بانک د افغانستان د اقتصادي ځوړتیا په اړه وړاندوینه تأیید کړه.د اسیا پراختیایي بانک د افغانستان د اقتصاد په تړاو راپور خپور کړی وو او ویلي وو، چې د افغانستان اقتصاد مخ پر بحران رواندۍ یاد بانک خپور کړي راپور کې ویلي وو، چې د افغانستان اقتصاد به روان زېږدیز کال کې ډېر پر شا راشي.په راپور کې ویل شوي وو، چې د افغانستان نا خالص تولیدات به منفي ٥ سلنې ته ټیټ شي، د دغه بانک د وړاندوینې پر بنسټ د افغانستان اقتصادي وده به روان کال یو نیم سلنې ته لوړ شي.

د(Asian Development Bank) د افغانستان مسؤول نارندرا سینګرو بیا هیله مندي ورکړې وه، که دوحه کې د سولې مذاکرات بریالۍ پایله ورکړي، دا به راتلونکی زېږدیز کال د افغانستان پر اقتصادي وده مثبت سیوری وغوړوي.د اسیا پراختیایي بانک د افغانستان د اقتصادي ودې په تړاو خپور کړي راپور کې د افغانستان اقتصادي ودې زیانمېدو عوامل، د کرونا وبا یا کووېډ١٩ ناروغي، امنیتي ستونزې، سیاسي ننګونې او د افغانستان د خلکو بې کاري ښودلې وه

د کويد۱۹ وبا، سیاسي او اقتصادي ننګونې، امنیتي ستونزې، سوداګریزو لارو او بندرونو تړل د افغانستان همېشنۍ ستونزې دي چې پر اقتصاد یې بد اثر کړی .افغانستان به د اقتصادي ودې د ځوړ پور هله پرې کړي، چې د سولې خبرې بریالۍ شي او د نړیوالو مرستې دوام ولري، د افغانستان اقتصاد به ښه شي

داهم باید یاده کړو چې امید شته چې دوحه کې د افغان سولې بین الافغاني مذاکراتو پر ښې پایلې به افغانستان له بې وزلۍ او بې کارۍ را ووځي.افغانستان کې د بې وزلۍ ستر لامل جګړه او طالبان بلل کیږي.د ځينې سرچینیو له مخې افغانستان ته به یو ځل بیا بهرني کومکونه را جلبیږي او دې سره هم شاید ډېرې پروژې پیل شي دې سره به هم د افغانستان اقتصاد مخ په ښه کېدو شي.

عبدالله عبدالله: اوسني وخت کې اړتیا ده چې د وحدت او له یو بل سره د روغې جوړې غږ پورته شي

د پخلاینې عالي شورا مشر «عبدالله عبدالله» وایي، په اوسني وخت کې اړتیا ده چې د وحدت او له یو بل سره د روغې جوړې غږ پورته شي؛ که چېرې داسې ونکړو نو د افغانستان دننه اختلافات به د حکومتي ټیم مؤقف د طالبانو په وړاندې کم کړي.

ښاغلي عبدالله که څه هم په مشخص ډول د اختلافونو کومه بېلګه یاده ونکړه ؛ خو دغه څرګندونې یې د سولې عالي شورا د پخواني رییس «برهان الدین رباني» د نهم تلین په مناسبت رابلل شویو مراسمو کې وکړې، چېرې چې د حکومت د بهرنیو چارو پخواني وزیر «صلاح الدین رباني» د سولې چوکاټ نیمګړی یاد کړ او یاده يې کړه چې له کابله تللی پلاوی د ټول افغانستان استازیتوب نشي کولای.

ښاغلي غبدالله وویل، چې د مذاکراتو په مېز د دوو ټیمونو تر منځ اختلاف یو عادي کار دی؛ خو د افغانستان دننه باید اختلافونه ختم او وحدت رامنځته شي او که داسې ونشي، د «دولتي پلاوي» مؤقف به د طالبانو په وړاندې ټيټ شي.دا به بیه افغانانو ته ټولو غټ چیلنج وي. هغههمداراز ویلي چې باید اوس ټولې خواوې په اتفاق شو سره او سولې ته کار وکړو

هغه وړاندې زیاته کړه، چې له طالبانو سره د دښمنۍ پاڼه باید نور وتړل شي او دی په همدې موخه قطر ته تللی وو «د سولې خبرې باید دښمني پای ته ورسوي، او اوسنی د سولې فرصت باید ضایع نکړل شي، هره ورځ تر سلو زیات افغانان وژل کېږي.نو که سوله راشي نه به افغانان وژل کیږي او نه به هم بې امني وي. نور باید ټول یو موټۍ شو ترڅو افغانان د دغه شته فرست نه ګټه واخلي او افغانستان کې سوله راشي.

د عبدالله عبدالله په خبره ، له کابله مذاکراتي ټیم له طالبانو سره ښه بحثونه کړي، په ځینو برخو کې توافق ته رسېدلي او تر څنګ یې داسې موضوعات هم بحث شوي، چې لا یې هم په اړه د نظر اختلاف موجود دی.نو باید په دې اړه هم دولا او طالبان نورې خبرې وکړي او سولې ته لاره نوره هم هواره کړي هغه وویل چې دواړه لورې به اول په هاغه څه بحث وکړي کوم چې د حل او د توافق وړ وي.

عبدالله عبدالله: اوسني وخت کې اړتیا ده چې د وحدت او له یو بل سره د روغې جوړې غږ پورته شي
عبدالله عبدالله: اوسني وخت کې اړتیا ده چې د وحدت او له یو بل سره د روغې جوړې غږ پورته شي

هېره دې نه وي ، چې له تېرو څو ورځو راپدېخوا د افغان جهتونو او طالبانو مذاکراتي ټیمونو له طالبانو سره د مجلس د کاري اصولو او طرزالعملونو په وروستي کولو بحثونه کوي؛ خو لا هم په ټولو برخو کې موافقې ته نه دي رسېدلي.د ځیني سرچینیو له مخې بازې نور مورد او موضوع ګانې به هم ډېر ژر د دواړه خواو تر منځ په توافق ورسیږي.

دخپلمنځي مزاکراتو ناستې ته د شیخ عبدالحکیم پر مهال متن

بسم الله الرحمن الرحیم الحمد لله الذي صدق وعده,  ونصر عبده و اعز جنده , وهزم الأحزاب وحده, والصلاة والسلام على من لانبي بعده, الذي بلغ الرسالة , و أدى الأمانة , ونصح الأمة , و على آله و اصحابه  و من سار على دربه اجمعين.

اما بعد فاعوذ بالله من الشيطان الرجيم بسم الله الرحمن الرحيم:وَلَيَنصُرَنَّ اللَّهُ مَن يَنصُرُهُ  إِنَّ اللَّهَ لَقَوِيٌّ عَزِيزٌ )40( الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ ۗ وَلِلَّهِ عَاقِبَةُ الْأُمُورِ (41)

د خپلمنځي مذاکراتو د غونډې ټولو درنو برخوالو !

السلام علیکم ورحمت الله وبرکاته دا یو ښه فرصت دی چې له ډیرو ستونزو او مشكلاتو وروسته مونږ د هیواد د تیر څلویښت کلن بحران د حل په اړه  د تفاهم په فضا کې سره راغونډ او د هغه په اړه خبرې کوو.اسلامي امارت د تفاهم اصل ته په احترام سره متعهد دی چې له بهرني اشغال څخه را ولاړو شویو مشكلاتو ته له نورو  أفغاني جهتونو سره په مشترك تفاهم کې د پای ټکی کیږدي.په دې کې شک نشته چې افغانان د یوه مسلمان ملت په حیث ټول یو  وجود او افغانستان د ټولو مشترک کور دی .کوم مشکلات چې په تیرو څلورو لسیزو کې په دې کور کې د افغانانو ترمنځ راغلي هغه د بهرنیو یرغلګرو د اشغال او نامشروعې مداخلې له وجې دي.

دا سمه ده چې افغانان د یوه کور د غړیو په حیث مختلف فکري، تنظیمي او سیاسي تمایلات لري ،خو هغه څه چې ټول افغانان ورباندې متفق دي هغه د دوي إسلامي هويت دى چې ټول سره په یوه محور را ټولوي.د اشغال تر سیوری لاندې ترویج شوې ځیني نامأنوس مصطلحات هغه بهرني وارادات دي چې نه په اسلامي قاموس کې ځای لري او نه هم د افغانانو ستونزې حل کولا شي.لهذا په دې مذاکراتو کې زمونږ هره خبره باید د مسلمانانو په حیث د خپل هيواد د ستونزې د حل لپاره وي , نه د نورو د خوشاله کولو لپاره.اسلامي امارت متعهد دی چې د اسلام د مقدسو ارشاداتو په رڼاکې د بین الافغاني مذاکراتو پروسه پر مخ بوزي.

په بین الافغاني مذاکراتو کې ټول اړخونو بايد د يو بل منلو ، زغم او تحمل په روحیه سره را غونډ شو ،په همدې روحیه یو له بل سره تفاهم وکړو او  په همدې روحیه د خپل جګړه ځپلي هیواد د امن او سوکالۍ لپاره لاس په کار شو.دې هدف ته د رسیدو په لاره کې مو باید د سرو او شنو کرښوټاکل او وړاندې کول خنډ نشي،بلکې د مسلمانانو په حیث ټولو ته د اسلامي ارشاداتو تعمیل اساسي نقطه وي کوم چې الله تعالی یې په اړه په قرآن کریم کې داسې فرمايلي:وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ (85)او بل ځای یې ارشاد کړی:يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنكُمْ ۖ فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا (59)په بين الافغاني مذاكراتو کې زمونږ ګډون د دې لپاره دی چې په خپلواک افغانستان کې د اسلامي نظام د قیام په اړه په ګډه پرېکړه وکړو.مونږ د هيواد د خپلواکۍ مقدسه مبارزه د جهاد ، شهادت، زخمونو او اسارتونو په بدل کې  تر دې ځايه را ورسوله،

دخپلمنځي مزاکراتو ناستې ته د شیخ عبدالحکیم پر مهال متن
دخپلمنځي مزاکراتو ناستې ته د شیخ عبدالحکیم پر مهال متن

د بین الافغانی مذاکراتو له لارې مونږ په افغانستان کې د يوه داسې افغان شموله اسلامي مرکزي نظام غوښتونکي يو چې سياسي،‌ اقتصادي او ټولنيزه پالېسۍ يې د افغانستان د اسلامي هويت استازيتوب وکړي، داسې يو نظام چې نه نورو ته ګواښ وي او نه د نورو له خوا وګواښل شي.مونږ په دې باور يو چې افغانستان د ټولو افغانانو ګډ کور دی، د دغه ګډ‌ کور اداره کول، ‌ابادول،‌ د اسلامي او ملي ارزښتونو ټينګول، او له استقلال او ځمکنۍ تمامیت څخه يې دفاع كول د دغه کور د هر غړي مسؤوليت دی،او د دغه مسؤوليت د تر سره کولو لپاره د اهليت په چوکاټ کې مساوي فُرصت ته لاسرسی د هر افغان حق دی.زمونږ جهاد او مبارزه د قدرت د تصاحب په غرض نه ؛ بلکې د اسلامي نظام د رامنځ ته کولو لپاره ده,

په اخیر کې ستاسې ټولو برخوالو له توجه څخه مننهوالسلام علیکم ورحمت الله و برکاتهد وینا متن په في ډي ایف بڼه په لاندې لینک کتلای شئ

شپږیزه لیګ کې د کابل بازانو ټیم مس عینک سره پای لوبه لري

د شپږيزې لیګ ډېر وخت راهیسې پیل شوې او مختلف ټیمونه له یو بل سره لوبې لري خو د ځيني لوبډلو لوبې بیا ډېرې جالبې وي اوسمهال دغه لیګ کې اووم پړاو سیالیو کې مس عینک د شپږیزې پای لوبې ته ووته.او دغه ټیم به د کابل بازانو سره پاۍ لوبه کې ولوبیږي.

د مس عینک لوبډلې پرون له بند امیر سره لوبه وکړه او ویې کولی شول، چې بند امیر لوبډله د پنځو ویکټو په توپیر وروسته کړي او ځان نته تر پای لوبې پورې لاره هواره کړي .لومړی بیټنګ د بند امیرټیم لخوا ترسره شوه، چې مقابلې مس عینک ټيم ته یې ١٧٩ هدف کېښود او مس عینک لوبډلې وکولی شول چې د پنځو ویکټو په توپیر بند امیر له پای لوبې را وګرځوي او بریالۍ شي.

د بند امیر ټيم د بېټنګ په برخه کې عثمان غني ٦٤، میرویس اشرف ٢٢ ناټ اوټ، او اصغر افغان او ناصر جمال د ٢٣ منډو په جوړولو هدف تر ١٧٩ ورسولو، د مس عینک لوبډلې له منځه، بهار علي شینواري ٤٧، شاهدالله کمال ٤٢، افسر ځاځي ٣٥ او حشمت الله شهیدي ٢٢، منډې جوړې کړې چې په پنځو ویکټو یې د بند امیر لوبډلې ته ماتې ورکړه.

د دې نه مخکې پای لوبې ته د کابل بازانو لوبډله لاره پیدا کړې وه ، چې د مس عینک لوبډله به سبا د کابل بازانو سره د پای لوبې لپاره په میدان کې مخامخ کیږي.د شپږیزې لیګ اووم پړاو کرېکټ سیالۍ چې باید لا پخوا ترسره شوي وی د کرونا وبا د خپرېدو او ترې د خوندیتوب له کبله ځنډول شوې وه.دا هم باید یاده کړو چې د کرونا ویروس له امله بازې نور ټورنمنټونه هم ځنډېدلي وو.

بل خو ا بیا په ورته وخت کې په کابل کې د نجونو فوټبال لیګ پای لوبې ته د عدالت او سنګر ټیمونه بریالۍ شوي دي.تېره ورځ د استقلال او عدالت لوبډلو تر منځ نیمه پای لوبه ترسره شوه چې عدالت لوبډله وتوانېده استقلال لوبډلې ته ٢/١ ماتې ورکړي او د فوټبال پای لوبې ته ځان وباسي. او همدا راز د نجونو فوټبال لیګ وروستۍ سیالۍ یا پای لوبه به سبا د فوټبال فدراسیون په لوبغالي کې د عدالت او سنګر لوبډلو تر منځ تر منځ پیل شي.

شپږیزه لیګ کې د کابل بازانو ټیم مس عینک سره پای لوبه لري
شپږیزه لیګ کې د کابل بازانو ټیم مس عینک سره پای لوبه لري

اوس وخت کې افغان کرکټ بورډ او نورو ورزشي ادارو بازې تجارتي ټورنمنټږنږ ته ډېره پاملرنه پیل کړې. باید همداسې په اینده کې هم د ټورنمنټونو نه ملاتړ وکړي او نور انټرنيشنل پلیران هېواد ته د لوبو لپاره راولي ترڅو د اي سي سي او نورو ادارو په افغانستان باندې اعتماد نور هم یات شي او افغانستان په سيمه کې یو با اعتماده هېواد وګرزي.