دهند حکومت افغانستان سره دغنمو مرسته کړې

دهند حکومت افغانستان سره دغنمو مرسته کړې ده افغان دولت سره د هند همکاریو په دوام یوځل بیا د غنمو مرسته کړې  چې تر ډیره بریده به غریبو هېواد والو ته ورکړل شوې او د هغوی اړتیا وي يې  تر ډیره بریده پوره کړې.

یاده مرسته په لسو پړاونو کې له افغانستان سره کړې چې په کرونايي حالت کې يې د عامو افغانانو د اقتصاد او خوراک لپاره تر یوه بریده بسنه کړې په هند هېواد کې د افغانستان سفارت ویلي چې هند دغه مرسته په لسو پړاونو کې له افغانستان سره کړې چې  تر ډیره بریده يې  اړتیا وي پوره کړې هغوی وویل چې د هند له یادو مرستو مننه کوي د دوی په وینا چې د لسو چوپو په ترڅ کې افغانستان سره د هند مرسته ۷۵ مټریکه ټنو غنمو ته رسیږي دغه هېواد وايي چې مرستو به لا نور دوام ورکړي.

نور خبرونه: دکرونا ناروغی تازه حال

د راپورونو له مخې دغه مرسته به د کرونا ځپلو او بیوزلو ته ورکول سوې او لاهم دوام لري ترڅو د اړتیاوو په نظر کې نیولو سره دا مرستې توزیع سي.له افغانستان سره په کرونايي حالت کې د هند په ګډون زیاتو هېوادونو او نړیوال بانګ میلیونونه ډالر مرسته وسوه خو  د افغانستان هیڅ وګړي  ته نه هم په کرونا او نه هم بغیر کرونا ګټه کړې

دغه مرسته یوازي څو محدودو کسانو ووېشله او غریبو هېواد والو ته یوازي څو وچې ډوډۍ ورسیدې او نور هيڅ داسې مرسته ورسره نده شوې.د افغانستان په لویه څارنوالي او محکمه کې اوس هم د یو شمېر ولایتونو د والیانو او چارواکو د کرونا پیسو کې د فساد دوسیې پرتې دي چې یا يې دا پیسې بې ځایه لګولې او یا يې هم په جیب کې اچولې

دهند حکومت افغانستان سره دغنمو مرسته کړې

د افغانستان لويي څارنوالي موده وړاندې وویل چې د یو شمېر ولایتونو د چارواکو دوسیې يې تکمیل کړې او د نورو اجراتو لپاره محکمې ته لیږل سوې او د یو شمېر نورو ولایتونو دوسیې چې د باز رس ادارې دوی ته سپارلې پرې کار کوي ترڅو هغه هم محکمې ته و سپاري

د ساها کمالي اووارنرتوپوهنې په کومک، حېدراباد ستره بريا ترلاسه کړه

د ساها کمالي اووارنرتوپوهنې په کومک، حېدراباد ستره بريا ترلاسه کړه د ممبۍ انډينز لخوا ورکړل شوى هدف ډيويډ وارنر او وريديمان ساها په خپله زبردسته او کمالي توپوهنه پوره کړ او حېدراباد د ١٠ ويکټو په ستر توپير بريا خپله کړه چې له دې سره پلى اف پړاو ته هم نږدې شو.

بلخوا بیا د کلکته نايټ رايډرز ټيم هيلې هم کم شوې اومخکې لا نړې .د هند تجارتي ليګ يا اى پي ايل ٥٦مه لوبه د ممبۍ انډينز او سنرايزرز حېدراباد لوبډلو ترمنځ په شارجه کرکټ لوبغالي کې ترسره شوه.د لوبې په پيل کې سنرايزرز حېدراباد پچه وګټله او لومړى يې د ممبۍ انډينز لوبډلې ته د توپوهنې بلنه ورکړه.ممبۍ انډينز په ټاکلو ٢٠ اورونو کې د ٨ لوبغاړو په سوځېدو ١٤٩ منډې وکړې، چې له ډلې يې کيرون پولارډ د ٤ شپږيزو او ٢ څلوريزو په مټ په ٢٥ توپونو ٤١، سوريا کمار يادو ٣٦، ايشان کشن ٣٣ او کوانټين ډي کوک ٢٥ رنز جوړ کړل.

پروني میچ کې روهيت شرما هم له انجري وروسته ولوبېده، خو يوازې په ٤ منډو يې خپله ويکټ له لاسه ورکړه.د کنګز اليون پنجاب له لوري سنديپ شرما په زړه پورې توپ اچونه ترسره کړه او ٣ لوبغاړي يې وسوځول، جېسن هولډر او شهباز نديم ٢-٢ او راشد خان بيا ١ ويکټ واخيسته.د ١٥٠ منډو هدف د سنرايزرز حېدراباد لوبډلې پيليز توپوهونکو په ١٧.١ اورونو کې پوره کړ او د ١٠ ويکټو په ستر توپير يې بريا خپله کړه. ډيويډ وارنر د ١ شپږيزې او ١٠ څلوريزو په مټ په ٥٨ توپونو ٨٥ ناسوځېدلې منډې وکړې او وريديمان ساها د ١ شپږيزې او ٧ څلوريزو په مټ په ٤٥ توپونو ٥٨ ناسوځېدلې منډې وکړې.

دغه مېچ د بريا ترلاسه کولو سره سنرايزرز حېدراباد د ١٤ نومرو سره ٣م مقام ته لاړه، چې له دې سره يې پلى اف پړاو سياليو ته هم لار پېدا کړه.د کلکته نايټ رايډرز لوبډله، چې نن د حېدراباد ماتې ته په تمه وه، ټولې هيلې يې مړاوې شوې او د پلى اف پړاو سياليو څخه بهر شوه.د اى پي ايل د ليګ سياليو له پاى ته رسېدو وروسته ممبۍ انډينز د ١٨ نومرو سره په لومړي، ډيلي کاپيټلز د ١٦ نومرو سره په دويم، سنرايزرز حېدراباد د ١٤ نومرو سره په دريم او رايل چېلنجرز بېنګلور د ١٤ نومرو سره په څلورم مقام خپل کړی

کلکته نايټ رايډرز هم ١٤ نومرې لري، خو رن رېټ يې کم دى او په پنځم مقام کې ده.له دوى پرته کنګز اليون پنجاب، چيناى سوپر کنګز او راجستان رايلز لوبډلو بيا ١٢-١٢ نومرې درلودې او ټولې له مخکې څخه د پلى اف پړاو سياليو ته ندی بریالۍ شوې.

د نومبر په ٥مه نېټه به لومړۍ کواليفاير لوبه د ممبۍ انډينز او ډيلي کاپيټلز لوبډلو ترمنځ ترسره شي، همدا راز د نومبر په ٦مه نېټه به ايليمينېټر لوبه د سنرايزرز حېدراباد او رايل چېلنجرز بېنګلور لوبډلو ترمنځ ترسره شوه.ئه کواليفاير ١ کې چې کومې لوبډلې ماتې وخوړه، هغه به کواليفاير ٢ ته لاړه شي او په ايليمينېټر کې چې کومه لوبډله بريالۍ شوه، هغه به په کواليفاير ٢ کې بيا له يادې لوبډلې سره ولوبېږي. د نومبر په لسمه نېټه به د کواليفاير ١ او کواليفاير ٢ لوبډلو ترمنځ پايلوبه ترسره شي

د یادونې وړ ده چې IPL په افغانستان کې تر ټولو خوښونکۍ لیګ دی هر افغان او پښتون ېې هره لوبه په شوق او زوق سره ګوري او خوند ترینه اهلي د IPL په څېر لیګونه افغانستان کې هم تر سره کیږي لکه شپږیزه او میلیون لیګ چې په خوست ښار کې به نږدې راتلونکي کې ترسره شي او خوستیان به ترینه خوند واخلي.که څه هم افغانستان کې د امنیتي ستونزو له امله ډېر مشکلات دي خو بیا هم ولس د کرکټ سره شوق لري او د مېچونو کتلو لپاره ګراونډونو ته زي.

ايوشمان وايي میرمن يې د هغه لپاره هرڅه ده

 ايوشمان وايي میرمن يې د هغه لپاره هرڅه ده د باليووډ فلمونو نوموتی اداکار ايوشمان کهرانه د واده پرون١٢مه کليزهولمانزله ،ایوشمان وايي مېرمن ېې د هغه ملاتړې، مينه او د هغه غوره ملګرې ده او د ژوند روزونکې ده.هغه همداراز وايي مېرمن ېې د هغه لپاره هر څه ده.

ښاغلي ايوشمان کهرانه له فلم جوړونکې طاهره کېشپ سره په ٢٠٠٨ کال کې واده شوی و، دواړو تر اوږدې يارانې وروسته واده وکړ، چې اوس اته کلن زوى ويراج وير او شپږ کلنه لور وروشکا هم لري.د واده د ١٢ کلونو په پوره کېدو، ايوشمان کهرانه د ټولنيزو رسنيو په مشهور اپليکېشن انسټاګرام کې له خپلې ښځې سره يو ګډ عکس خپور کړى دى او د هغه په اړه يې ډېر څه ليکلي دي.

نوموړي د کهرانه له عکس سره ليکلي دي، چې زما او ستا د ګډ وخت تېرولو ١٢٥ کلونه تېر شو، ښايي تر دې هم ډېر وي، ځکه زه فکر کوم چې زه تا له سليزو کلونو څخه پېژنم، دا هر څه لا محدوده دي.هغه همدا راز مخکې ليکي، ته زما ملاتړې، مينه، شخصي کوميډينه، د ژوند روزونکې او تر دې هر څه زيات زما غوره ملګرې يې، زه غواړم چې له تاسره زوړ شوم، موږ به په ژوند کې ډېر خوند واخلو، د واده کليزه دې مبارک وي.

طاهره کېشپ هم د ايوشمان کهرانه سره عکس خپور کړى دى او د خپل ژوند او ايوشمان کهرانه په اړه يې ځينې له مينې ډکې جملې ليکلي دي او هغه ته يې د واده د کليزې مبارکي ويلې ده.د يادولو وړ ده چې د ٣٦ کلن ايوشمان کهرانه وروستى فلم د (ګلابو سيتابو) په نوم په روان کال په انلاين بڼه خپور شوى و.او د عامو وګړو هم ډېر خوښ شوی وو په افانستان کې دغ فلم ډېرو وګړو لیدلی وو.

  1. ايوشمان وايي میرمن يې د هغه لپاره هرڅه ده

دغه فلم کې هغه له اميتاب بچن سره کار کړى و او دا فلم خلکو ډېر زيات خوښ کړ. د هغه راتلونکى فلم د (چنديګړ کرى عاشقي) په نوم دى، چې واني کپور ورسره کار کوي او په ٢٠٢١ کال کې به نندارې ته وړاندې شي.هغه وايٍي چې کوشش کوي چې ډېر فلمونه به په راتلونکي کې جوړ کړي او نندارې ته به ېې وړاندې کړي.

د هند کرکټ بورډ دهوني ته د مخه ښې میچ برابروي

د هند کرکټ بورډ اداره غواړي چې د هند کرکټ ملي لوبډلې پخواني کپتان او مشهور توپوهونکي مهيندرا سينګ دهوني لپاره د مخه ښې لوبې ترتیب کړي،نوموړۍ د ډېر وخت راهیسې د هند لپاره په نړبیوالولوبو کې لوبیږي او هرې لوبې کې ېې هند لپاره ښه لوبه کړې،

د هندي ميډیا د راپورونو له مخې ، د هند کرکټ بورډ يو غړي ميډیا ته ويلي دي، چې اوسمهال هېڅ نړيواله لوبلړۍ نشته دى او د هند تجارتي ليګ (اى پي ايل) نږدې ورځو کې پيلېږي، چې له دې سياليو وروسته به دوى وګوري چې د مهيندرا سينګ دهوني لپاره د مخه ښې يوه لوبه ترتیب کړي ، ځکه د هند کرکټ لپاره د هغه خدمتونه خورا زیات دي او باید د هغه د خدمتونو درناوۍ وشي،دغه اداره زیاتوي ، چې دوى له مخکې څخه د مهيندرا سينګ دهوني لپاره د مخه ښې لوبې جوړولو په فکر کې و، خو هغه په داسې وخت کې خپله استعفا اعلان کړه، چې هېچا يې هم په اړه فکر نه و کړى، کرکټ بورډ به له هغه سره په دې اړه خبرې وکړي.

د يادونې وړ ده چې څو ورځې وړاندې مهيندرا سينګ دهوني په انسټاګرام باندې اعلان وکړ، چې هغه نور له هر ډول نړيوال کرکټ څخه استعفا اعلانوي د دهوني څخه وروسته د هند کرکټ ملي لوبډلې يو بل مخکښ لوبغاړي سرېش راينا هم د خپلې استعفا اعلان وکړ.او د نړیوالو لوبو سره ېې مخه ښه وکړه خو دويي دواړو لپاره هيڅ ډول د مخه ښې لوبه نده ترتیب شوې خو کرکټ بورډ وايي کوشش به وکړي چې یوه د مخه ښې لوبه برابره کړي

دهوني د هند يو له مخکښو لوبډلمشرانو، توپوهونکو او ويکټ ساتونکو څخه و، نوموړي د خپلې لوبډلمشرۍ پر مهال نړيوال جام، نړيوال شل اوريز جام او د چيمپينز ټرافۍ اتلولۍ هم ترلاسه کړې دي، نوموړي ډېرې سنچریانې او ففټیانې هم جوړې کړي دي، او ډېر نور رېکارډونه ېې هم جوړ کړي دي

دا هم یاده کړو چې د نړۍ په يو شمېر هېوادونو کې د لوبغاړو لپاره د مخه ښې لوبې برابرول هم ممکن نه وي، ځکه ځينې کرکټ بورډونه چې لوبغاړي له لوبډلو څخه ليرې کړي، نو وروسته د استعفا پر مهال هم هغوى ته دا چانس برابر نه شي چې د خپل هېواد لپاره وروستۍ لوبه ترسره کړي.

د هند کرکټ بورډ دهوني ته د مخه ښې میچ برابروي
د هند کرکټ بورډ دهوني ته د مخه ښې میچ برابروي

دهونې د يو ښه لوبغاړي ترڅنګ د ښه اخلاقو خاوند هم دی د نوموړي د اخلاقو ذکر ډېرو افغان لوبغاړو هم څوڅو ځلې کړۍ دۍ افغان لوبغاړو ویلي چې د هند په لوبډلې کې دهوني یو مینه ناک انسان دی او اخلاق ېې ډېر ښه دي خلکو سره ښه سلام کلام کوي او هر وخت ېې پر مخ مسکا وي،

د هند نوموتې هنرمندې کاجل ژوند په اړه معلومات

د هند نوموتې هنرمندې کاجل ژوند په اړه معلومات د انډیا د فلمو انډسټري نوموتې اداکاره کاجل، چې پوره نوم يې کاجل مکرجي دى، هغه په ١٩٧٤ د اګست په ۵مه ممبۍ کې پیدا شوې چې اوسمهال ٤٦ کلنه ده ،دهغې مور ننوجا هم اداکاره وه او پلار ېې په فلمونو کې د ډایریکټر او پروډیوسر په صفت کار کړۍ دۍ

د کاجل کشره خور تنيشا مکرجي هم اداکاره یا هنرمنده ده او خاله نوتن يې هم د هندي فلمونو مشهوره هندۍ اداکاره ده.نوموتې هنرمنده راني مکرجي، شرباني مکرجي، موهنيش بهل او فلم جوړونکى ايان مکرجي هم د کاجل خپلوان دي. همدا راز د کاجل د کورنۍ مشران له کلونو راهيسې له هندي سينما سره تړلي پاتې شوې دي.نوموړې په ١٩٩٢ کال کې، هغه مهال چې ١٧ کلنه وه په لومړي ځل په (بېخودي) فلم کې کار پیل کړ ،یاد فلم خو کامياب نه شو خودهغې کار خلکو لخوا وستایل شو . د دغې فلم نه بعد په ١٩٩٣ کال کې يې له شاه رخ خان سره په (بازيګر) فلم کې کار وکړ خو دغه فلم ېې بریالۍ شو ، په دې فلم کې د کاجل او شاه رخ خان تر څنګ شلپا شيټي هم کار کړى و. دې فلم ١٨٢.٥ ميليونه هندي کلدارې عاید درلودل،

په کال ١٩٩٤ کې هغې په ادهار کې زندګي فلم کې کار وکړ ، خو دا فلم هم کامیاب نشو د کاجل کار خلکو خوښ کړ، په همدغه کال کې بيا هې په (يه دل لګي) فلم کې له اکشى کمار او سېف علي خان سره يو ځاۍ وه او ډېر کامياب شو، چې کاجل يې هم ډېره مشهوره کړه.په ١٩٩٥ کال کې کاجل په (کرن ارجن) او (دل والى دلهنيا لى جاينګى) فلمونو کې کار وکړ، دا هغه فلمونه و چې کاجل يې د هندي انډستري د اول کتار ښځينه هنرمنده کړه.

نوموړې دل والى دلهنيا لى جاينګى کې د شاه رخ خان سره ګډ کار وکړ او دا هغه فلم دى چې له ١٩٩٥ څخه تر ٢٠٢٠ پورې په سينماګانو کې لګېدلى و او خلکو ډېر په مينه کتلو.په ١٩٩٤ کال کې چې کله کاجل د ګنډا راج فلم ثبت کاوه، له هاغه وخت راپدیخوا يې له اجى دېوګن سره تعلق جوړ شو وروسته دواړو په ١٩٩٩ کال کې د فبرورۍ په ٢٤ تاریخ واده وکړ او تراوسه پورې دواړه يو ځاى دي. او بچیان هم لري

کاجل د نورو ډېرو او سترو جايزو تر څنګ په ٢٠١١ کال کې د پدما شري جايزه هم ورکړل شوه، دا د هند څلورمه ستره ملکي جايزه ده. نموړې د ښو اخلاقو خاونده ده او تعلیم یافته هنر منده ده د هند دږلت لخو څو څو ځله ستایل شوې او تشویق شوې هم ده،

د هند نوموتې هنرمندې کاجل ژوند په اړه معلومات
د هند نوموتې هنرمندې کاجل ژوند په اړه معلومات

د کاجل فلمونه د افغانستان په سینما ګانو کې هم لیدل کيږي او د نوموړې فلمونه په کابل کې ډېر خوښوي او د دوي بلخوا ستایل کیږي هم دوي زي او په ګډه ېې په سینماګانو کې ګوري او خوند ترینه اخلي څکه په افغانستان کې اکثره خلک په اردو پوهيږي نو دويی په دغه فلمونو پوهيږي اوخوند ترینه اخیستۍ شي،

هند افغانستان سره همکارۍ باندې ټينګار وکړ

هند افغانستان سره همکارۍ باندې ټينګار وکړ د پاکستان او هند لومړي وزیرانو سره د ولسمشر غني ټیلیفوني خبرې شوي او د مبارکي ترڅنګ ېې په دوه اړخيزه اړیکو باندې خبرې اترې شوي دي .هند افغانستان ته د پراخه همکارۍ ډاډ ورکړۍ دۍ،

پرون د ولسمشر غني د هند صدراعظم سره ټیلیفوني خبرې کړي دي.د سرچينیو له مخې د هند صدراعظم نریندرا مودي له افغانستان سره د خپل هېواد د اقتصادي همکاريو پر دوام ټینګار کړی او دواړو خواوو د سولې بهیر په ګډون د افغانستان او سیمې سیاسي او امنیتي وضعیت په اړه خبرې کړي دي.

د هند لومړي وزیر له غني سره په ټلېفوني خبرو کې ویلي، چې هېواد به ېې له افغانستان سره پر ټولووعدو ولاړ وي او باثباته افغانستان چې د سیمې او نړۍ هېوادونو ته په ګټه دی، هیله یې لري جمهور ریس غني د هند حکومت له همکاریو او مرستو مننه وکړه او د لا دوام ټینګار یې وکړ.په دې خبرو کې د سولې بهیر، د بین الافغاني خبرو پیلېدو او بېلا بېلو نورو موضوعاتو په تړاو هم بحث او خبرې شوي دي.په ورتهۍوخت د ولسمشر غني له لوري د پاکستان لومړي وزیر عمران خان هم سره ټیلیفوني خبرې شوي دي.د راپورونو له مخې په دې ټیلیفوني خبرو کې د سولې په بهیر، د بین الافغاني خبرو پیلېدو او دغه راز د بندیانو خلاصون په اړه خبرې شوي دي.

د ګاونډي هېواد پاکستان لومړي وزیر هیله مندي ښودلي چې د دوحې په توافق لیک کې ټول توافق شوي موارد په بشپړه توګه عملي شي څو هر څه ژر د بین الافغاني خبرو پیلېدو لپاره زمینه برابره شي.ولسمشر غني د سولې بهیر کې د پاکستان د ریښتنې همکاري غوښتنه کړي او عمران خان هم ژمنه ورکړي ده چې په افغانستان کې د تلپاتې سولې او ثبات او دغه راز د بین الافغاني خبرو پیلېدو لپاره زیاته آسانتیا برابره کړي.

دا په داسې حال کې چې افغانان د افغان سولې په تړاو د پاکستان پر نیت شک لري، د دوی پر وینا چې د افغانستان جګړه د پاکستان د استخباراتو په مرسته روانه ده، که طالبان سوله وکړي نو جګړه به بیا د پاکستان له لوري په بل نوم روانه وي.د اختر په مناسبت د طالبانو اوربند کې هم امتیاز د پاکستان حکومت غواړي، د اوربند په تړاو د پاکستان د بهرنیو چارو وزیر شاه محمود قریشي هم ویلي وو چې د طالبانو په اوربند کې ډېره مرسته د پاکستان وه چې طالبان یې اوربند ته راضي کړل.

خوعام افغانان اندېښنه لري چې پاکستان به د طالبانو له سولې وروسته د افغانستان جګړه د داعش او نورو ډلو په واسطه پر مخ وړي.يه سوشل ميډیا کې عام وګړي وايي چې باید افغانان په دې زان نور پوه کړي چې د جګړې اصلي علملین څوک دي نو دې سره به د سولې مزاکراتو کې سولې ته د رسېدو لار اسانه وي،

که مونږ او ګورو د ننګرهار پر محبس د برید وه چې داعش ډلې یې مسؤولیت پر غاړه واخیست خو خبریال وېب پاڼې خه په لاس ورغلي معلومات ښیي چې دا برید د پاکستان کومانډو ځواکونو کړی او پاکستان حکومت هم د ننګرهار د محبس د برید په تړاو څه ندي ویلي،

هند ته افغان صادرات نورهم مخ په زیاتېدو دي

هند ته افغان صادرات نورهم مخ په زیاتېدو دي د ملګري مملکت هند ته د افغانستان اوسني صادرات د تېرو کلونو په پرتله ٢١ سلنه زيات شوي دي. د دغه هېواد دولت وايي که چېرته نور ملکونه له دې چارې سياسي استفاده ونه کړي،دوي به افغانستان سره تجارت نور هم ښه کړي،

دسرچينیو له مخې ، په انډیا کې د افغانستان سفارت سرپرست طاهر قادري ويلي دي، چې هند ته د افغانستان د ٢٠٢٠ کال صادرات ٥٣٠ ميليونه امريکايي ډالرونه زیات شوي دي ، د څېړنو به بنسټ د تېرو کلونو په پرتله ٢١ سلنه زياتوالى پکې راغلى دى.همدا رنګه بل لوري ته هندي رسنيو په ځينو راپورونو کې ويلي دي، چې په واګه بندر د افغانستان او هند ترمنځ سوداګريز فعاليتونه ډېر شوي دي.کوم چې به افغانستان د اقتصاد لپاره یو ښه زېرۍ وي اوو دې سره به د افغانستان اقتصاد ښه شي،

دغه هېواد په خپلو راپورونو کې زياته کړې ده، له هغه ورځې چې پاکستان د افغانستان سوداګرو ته د واګه بندر له لارې له هند سره د سوداګرۍ اجازه ورکړې ده، ١٤ لارۍ د پاکستان له لارې په واګه باندې هند ته راغلې دي.دويي وايي باید پاکستان د تل أباره دوي ته اجازه ورکړي چې افغانستان سره تجارت وکړي ترڅو دواړو هې،ادونو ته پکې فاید اوشي او افغانستان اقتصاد هم ښه شي

یادو ١٤ لاريو کې چې د واګه له لارې هند ته تللې دي، په دې کې د افغان سوداګرو سوداګريز توکي چې تر ډېره پورې پکې وچه مېوه ده، هند ته صادره شوې ده. او افغانستان واحد هېواد دۍ چې وجه مېوه پکې ډېره ده باید افغان تجارران هم وچه مېوې تلیدات زیات کړي او دې لپاره کار وکړي ترڅو وچه نوره هم زیات شي او د هند په شمول نورو هېوادونو ته هم صادر کړي،

د انډیا دولتي چارواکي وايي، چې دوى کوشش کوي له افغانستان سره د سوداګرۍ پهسکتور کې له خپل لوري نورې اسانتياوې هم رامنځته کړي او تمه يې ښکاره کړې ده چې پاکستان به له دې تجارت څخه سياسي استفاده ونه کړي. دوى همدا رنګه له پاکستان غوښتنه کړې چې افغان سوداګرو ته دې اجازه ورکړي چې په بېغمه او ارام ذهن خپلې سوداګرۍ ته دوام ورکړي،

هند ته افغان صادرات نورهم مخ په زیاتېدو دي
هند ته افغان صادرات نورهم مخ په زیاتېدو دي

د يادونې وړ ده چې د افغانستان او هند ترمنځ د تجارانو لپاره لنډه لار واګه ده، چې افغان سوداګر د پاکستان له لارې خپل سوداګريز توکي هند ته صادر کړي ههداراز دا یولاره ده چې افغانستان ته هم خپل مال را صادر کړي ترڅو د دواړو هېوادنو پکې اقتصادي فایده وشي او دواړه هېوادونه په یو ځاۍ ووده وکړي افغان دولت ته هم پکار دي چې په تجارت باندې نور هم کار وکړي ترڅو د هېواد تجارت نورو ملکونو سره نور هم ښه شي،

د هند دولت افغان سکهان هند ته راغواړي

د هند دولت افغان سکهان هند ته راغواړي د انډیا پریکړه کړې چې افغان سېکهان او هندوان خپل هېواد ته راوغواړي، اوهلتع ورته د اوسېدو زمینه برابره کړي ترڅو دغه هېواد کې د دويي ژوند په امن کې وي

د ملکري هېواد هند دولت دا پرېکړې دې لپاره هم کړې، چې دغه مذهبي لږکۍ په افغانستان کې د پاکستان د ملاتړو ترهګرو له لوري پازابيږي ،حملې پرې کېږي اوژوند ورڅخه اخیستل کيږي، اوس د هند حکومت غواړي چې ٧ سوه افغان سېکهانو او هندوانو ته د هند ایمې ویزې ورکړي او هند ته یې وغواړي.د هند رسنیو هم په دې اړه راپورونه ورکړي، چې دولت یې د افغان سېکهانو او هندوانو ته د هند د دایمي ویزو د ورکړې لپاره ټول پړاوونه چمتو کړي او ډېر ژر به دويي هند ته وغواړي،

په هېواد کې د نورو افغانانو سره سره د افغان سېکهانو، هندوان او مذهبي لږکیو ژوند په خطر کې دی ، چې څو ځل پر دې مذهبي لږکیو هم بریدونه شوي او وژل شوي دي.دې خبرې ته په کتو سره هند غواړي چې هندي سکهان له افغانستان هند ته انتقال مړي او هلته ورته د ژوند زمینه برابره کړي ترڅو دويي وکولۍ شي خپل عبادتونه او ژوند په ارامه فضا کې وکړي،

دغه هېواد له دې وړاندې هم افغان سېکهانو او هندوانو ته هند ته د ورتګ او هلته د تابعیت د ورکولو خبره کړې وه، چې یو شمېر هندوان او سېکان اوس هند او نورو هېوادونو کې ژوند کوي او له دوی پاتې سېکهانو او هندوانو ته د هند حکومت هند ته د ورتګ بلنه ورکړې.

د هېواد سېکهان او هندوان، چې ډېر په ننګرهار، پکتیا، خوست او نورو ولایتونو کې یې له کلونو کلونو راهیسې ژوند کولو، د نورو هېوادوالو له لوري ځورول کېدل، ځمکې یې غصب شوې او ملکیت ترې واخیستل شو، په وروستیو کې د هېواد د امنیتي وضعیت په خرابېدو سره هم چې دا مذهبي لږکۍ ټارګېټ او ووژل شول، د دوی له منځه زرګونه سېکهان او هندوان له افغانستان ووتل او په بېلابېلو اسیایي او اروپایي هېوادونو کې یې پناه واخیسته.

په پلازمینه کابل او ننګرهار کې د افغان سېکهانو او هندوانو پر عبادت ځایونو حملې وشوې ، چې د سر مشران یې په کې د لاسه ورکړل او له دې کبله اړ شول چې افغانستان پرېږدي او د خپل سر د خوندي کولو لپاره په نورو هېوادونو کې پناه واخلي.یو شمېر داسې هندوان او سېکهان هم شته چې  وایي، که هر څه کیږي خو افغانستان نه پرېږدي، دوی تر بل هر وخت او هر چا افغانستان ته ژمن دي، افغانستان پردی نه ګڼي او وایي، چې خپل هېواد افغانستان به په هېڅ صورت نه پریږدي.

بازې افغان سېکهان او هندوان چې په نورو هېوادونو کې اوسیږي، اوس هم هیله لري، چې افغانستان ته سوله راشي او بېرته خپل هېواد ته را ستانه شي، دوی وایي که په بل هېواد کې په امن کې دي خو بیا هم افغانستان پسې ځوریږي او د هېواد د لېرې والي درد نه شي زغملی.

له کرونا ویروس له امله په نړۍ کې د مړو شمېر ۴لکه ۳۹ ته ورسېد

له کرونا ویروس له امله په نړۍ کې د مړو شمېر۴۲۳۰۰۰ ته او په امریکا کې دغه تعداد ۱۱۴۴۴۶ ته ورسید.د امریکې جانزهاپکنزپوهنتون د شمېرو ترمخه په نړیواله کچه د کرونا وایرس د مریضانو شمیر ۷۵۸۹۸۳۸ دی.

انډیا کې د جمعې په ورځ د کرونا وایرس ۱۱۰۰۰نوي پېښې ثبت شوې چې په ملک کې په ۲۴ ګنټو کې د ناروغۍ تر ټولو زیاته شمېره ده.پاکستان د جمعې په ورځ ۶۳۹۷ پېښې ثبت کړې او متخصیصین وايي په هېړادکې ویروس د تېرې میاشت راهسې خپور شوی کله چې د پاکستان صراعظم عمران خان په هېواد کې ویروس د مخنیوي په خاطر لاک ډاون لېرې کړ.په هندوستان کې د کرونا نوي پېښې په داسې حال کې رپورټ شوي دي چې په ملک کې دوکانونه، مالونه، کارخانې او د عبادت ځایونه د دوو میاشتو د بند وروسته بیا پرانیستل شوي دي خو د زیات خطر په ځایونو کې بندیزونه پرځای دي.

د کرونا ناروغۍ د تازه پېښو وروسته انډیا د نړۍ څلورم هېواد شو چې د ناروغۍ زیاتې شمېرې لري. دا وخت په امریکا تر ټولو زیات د کرونا ویروس پېښې لري، ورپسې برازیل او بیا روس دی.د امریکې د جانز هاپکنزپوهنټون د راپور له مخې هندوستان کې د کرونا ویروس مجموعې شمېرې ۲۹۷۵۳۵ دي او په نړیواله کچه دغهشمېر اووه اشاره پنځه مېلین ته رسېدلی دی.د امریکې د کرونا ویروس شمېر د دوه مېلین نه زیات دی. په برازیل کې ۸۰۰۰۰۰ او روس کې ۵۱۰۰۰۰ دی.امريکا د کرونا وایرس د دنیا تر ټولو زیات مرګونه لري چې تعداد یې ۱۱۳۸۰۰ دی. په نړیواله کچه دغه شمېر ۴۲۲۰۰۰ دی.

او یو امریکنۍ کمپنۍ ویلي اینده میاشت به په پراخه کچه د کرونا وایرس د ممکنه وېکسین ازموینې شروع کړي. موډرنه نومې کمپني د امریکې د نېشنل انسټېټیوټس اف هېلت سره په شریکه په دغه وېکسین کار کوي. کمپني وايي په ۳۰۰۰۰ رضاکارانو په ازموینې شروع کوي د صحت نړیوالې ادارې د اندازو تر مخه دا مهال لاتیني امریکا د کرونا وبا نوی مرکز ګرځیدلی چرې چې په نژدیو ورځو کې د کرونا اغیزمنو شمیره د یو میلین یا لس لکو نه سېوا او مرګونه د ۷۰ زرو نه زیات شوي.

بلخوا په لاتیني‌ امریکا کې بیا ټولو زیات اغیزمن هیواد برازیل دی چې د مرګونو او ناروغانو په حساب په امریکا پسې په دویم نمبر دی. د برازیل وروسته پیرو کې د اغیزمنو خلکو شمیره د دوه لکه نه زیاته شوې. چلي بیا په دریم نمبر او میکسیکو په څلورم نمبر دی.‌

د متحده ایالاتو جان هاپکنیز پوهنتون په ویب پاڼه خپرو شوو شمیرو تر مخه برون د سهر پورې په امریکا کې د کرونا ناروغانو شمیره شل لکه ۴۶۴ ته ورسیدله او د یاد وایرسه ۱ لک ۱۲ زره او ۹۲۴ تنه مړه شوي دي.د کرونا ناروغۍ له امله دمرګونو او ناروغانو په حساب امریکا په ټوله نړۍ کې تر ټولو زیاته په دغه هېواد کې خپره شوې ده.‌

د امریکا په کېلیفورنیا سټیټ کې بیا د کرونا ویروس زیاتیدونکې شمیرو دروغتیا ځايي چارواکي په دې مجبوره کړل چې دغلته هرکال د اکتوبر په میاشت کې کیدونکي دوه مشهورې ځايي د موسیقۍ میله یا دستور وځنډوي. دغه دواړه دستورې په شورو کې د اپریل په میاشت کې اعلان شوې وې خو بیا د کرونا وبا خوریدو وروسته دغه دواړه د اکتوبر میاشتې پورې ځنډول شوې وې.‌

دنورې نړۍ ترڅنګ افغانستان کې هم د کرونا ویروس له امله د مړو شمېر ورځ تربله زیاتيږي د کابل په شمول ولایاتو کې هم دغه ویروس لا هم خپريږي اوسمهال په افغانستان کې د کرونا ویروس پېښو شمېر د ۲۰ زرو نه زیات شوۍ دۍ بل خوا د روغتیا وزارت وايي چې د کرونا ویروس د مخنيوي لپاره ورسره فنډ ختم شوۍ دۍ،

د هندي فلمونو ستوري سوشانت ولې ځان وژنه وکړه؟

د انډیا فلمونو یو مشهور ستوری سوشانت سېنګ راجپوت، په ممبی کې په خپل کور کې مړ موندل شوی دی. د ممبی ښار پولیس وایي، داسې ښکاري چې ۳۴ کلن سوشانت ځان وژنه کړې ده. دويي وايي چې کله چې د فامیل غړي ېې کور ته ننوتل نو سوشانت مړ وو،

دغه ستورۍ په تلویزیوني خپرونو او فلمونو کې ډېر مشهور و، خو د شهرت لوی لامل یې د (اېم اېس دهوني: ناویلې کیسه) په نامه هغه فلم و چې ده پکې د هند د کرېکټ اتل مهېندر سېنګ دهوني رول ادا کوۍ وو.د دغه هیواد لومړي وزیر نرېندرا مودي سوشانت ته خپل درناوی وړاندې کړی او هغه یې یو داسې تکړه ځوان ممثل بللی چې دېر ژر ېې خپل ژوند له لاسه ورکړ،

نوموړۍ د هند په ختیځ بیهار ایالت کې پیدا شوۍ وو او د فلمونو او نڅا د شوق لپاره یې د انجینرۍ پوهنځي ېې تکمیل نکړ،په بالیووډ سینما کې د نوموړي لومړی رول په ۲۰۱۳ کال کې د (کای پوچې) په نامه فلم کې و، چې د برلېن فلمونو په فیستیوال کې د نوموړي سخته ستاینه وشوه،هغه هند کې د دې نه بغیر هم ډېرو فلمونو کې کار کوۍ دۍ او په فلمونو کې ستتایل شوۍ هم دۍ،

د هغه اخيري فلم د (چیچورې) په نوم و چې پروسکال نندراې ته وړاندې شو. د دې فلم ډایرکټر نیتېش تیواري ویلي، همدا تېره اوونۍ یې سوشانت سره خبرې کړې وې.سوشانت د جون میاشتې پر ۳مه نېټه پر انسټګرام، چېرې چې ده تر لس میلیونو ډېر مینه وال درلود، په خپل وروستي پوسټ کې د خپلې مور یو عکس هم خپور کړی وو

نوموړي دغه عکس سره ډسکريپشن کې لیکلي و”له اوښکو د مخکينۍ تت انځور راپورته کېږي”. د نوموړي مور په ۲۰۰۲ کال کې هغه مهال مړه شوې وه چې دی لا زلمی و.د سوشانت پخوانۍ منجره، ۲۸ کلنه دیشان سالیان هم تېره اوونۍ په ممبی کې د یوې ودانۍ له څوارلس پوړه لاندې ولوېده او خپل ژوند ېېله لاسه ورکړ،

د دیشان له مړینې وروسته سوشانت د هغې په اړه پوسټ کړۍ وو”سخت ځوروونکی خبر دی. زما خواخوږي د دیشان له کورنۍ او ملګرو سره ده. ستا روح دې په ارام وي”. نووموړۍ سخت پرې خفه وو او د پوسټ نه ېې معلومېدل چې نوموړي د دیشان سره سخته مينه لرله او د خه ملګرې او همکاره ېې هم وه،

د نړۍ په لر او بر کې د بالیووډ سیمنا مینه وال به په داسې حال کې د سوشانت راجپوت په مړینه ویر کوي چې همدا تېره اپرېل میاشت کې د ریشي کپور او عرفان خان په څېر دوه لوی هنرمندان هم مړه شول.

د یاونې وړ ده چې د سوشانت په څير ډېرو هنر مندانو او عامو خلکو هم ځان وژنه کوې بازې خلک د دې لاملونه فقر او غربت بولي او بازې دغه رنګې ځان وژنه د مینې له امله هم کوي مطلب چې بو کس چاسره مینه لري او هغه ورسسره واده ونکړي بیا ځان وژني ډېرۍ دغسې پېښې په افغانستان کې هم پېښ شوي دي،