د ولسمشرغني پروان پروان ولایت ته یو ناڅاپي سفر

د افغانستان جمهور ریس غني پروان پروان ولایت ته یو ناڅاپي سفر وکړ ځیني دولتی سرچینۍ ميډيا ته ویلي چې ولسمشر غني په پروان ولایت د سېلاب ځپلو پوښتنې ته ورغلۍ وو او هلته ېې د دغه ولایت مسولینو ته لازمې لارښوونې وکړې،

د افغانستان په پروان ولایت کې له خونړيو د سيلابونو له راوتو ۷ ورځي وروسته افغان ولسمشر محمد اشرف غني دې ولايت ته سفر کوي.خو تر دې مخکي ولسمشر غني لوړپوړو دولتي چارواکو ته امر کړی وی چې د پروان له سيلاب ځپلو سره ژر تر ژره کومک وکړي او دويي دې محفوظ ځایونو ته انتقال کړي، چې هغه وخت د سيلاب په اوله ورځ ډيری د افغان دولت لوړپوړي چارواکي دې ولايت ته سفر وکړ،د هغو له ډلي د فاع سرپرست وزير اسدالله خالد د، د ولسي جرګي مشر او ددې جرګي ډیری غړو د دې ولايت لیدنه وکړه،

لکه څنګه چې مونږ او تاسو ته معلومه ده چې پروان کې له نن څخه پوره ۷ مخکي د شپي ۲ سخت خونړي سيلابونه راووتل چې د پروان په مرکز چاريکار شاه خوا پروتو وسلواليو کې ۱۵۳ تنه شهيدان او تر ۲۰۰ زيات يې ژوبل او په زرګونو، او زرهاوو جريب ځمکه خرابه کړه.

هېره دې نه وي چې يوازي پروان نه وو چې سختو او خونړيو سيلابونو وځپه بلکي د افغانستان ډيری ولايتونو کې د سيلابونو را وتلو سخت وځپل. چې د هغو له ډلي پکتيا ، لوکر ، ميدان وردګ او کابل هغه ولايتونه دي چې د مالي زيان تر څنګ يې خلکو ځاني نقصان واړاو،

بلخوا بیا په پروان ولايت کې د سيلابونو له راوتلو وروسته سم د لاسه دولت او ځنيو خصوصي خيريه بنسټونو په دې ولايت کې له سلاب ځپلو سره په تېرۍ سره مستې وکړې او خلک ېې د سېلابونو څخه وژغورل، بازې هېوادوالو ته دا اندېښنه وه چې دا مرستي بايد د چورواکو لاس ته ونه لويږي بلکي په عادلانه ډول په عامو وګړو ته ورکړل شي او د دويي ژوند وژغورل شي،

اوس داسي راپورنه ورکول کيږي چې مرستي يوازي د پروان ولايت په ښار ميشتو ويشل شوي دي هغه ولسواليو ته بيخي مرستي نه دي ليږدول شوی چې سيلابونو سختي ځپلي. د دغه ځاۍ خلک په چارواکو باندې نیوکې کوي چې ورکړل شوي کومکونه په سمه توګه ندي تقسیم شوي، او د دويي په وینا دغه کومکونه چارواکې خپلو جيبونو ته اچوي،

د دغه ځاي د خلکو څخه یو تن رسینو ته ویلي چې په دې اړه څو څو ځله والي ته هم ورغلۍ خو چا ېې خبرو ته اهمیت ندۍ ورکړۍ. اوهتا بازې چارواکو ورته وخت هم ندۍ ورکړۍ نوموړۍ وايي چې که دولت زمونږ غم ونکړي نو مونږ به ډېر ستونزو سره مخ شو او ژوند کول به هم راته ستونزمند شي،

ولسمشرغني د امریکا د ملي امنیت سلاکار سره تلیفوني خبرې کړي دي

ولسمشرغني د امریکا د ملي امنیت سلاکار سره تلیفوني خبرې کړي دي د امریکا د ملي امنیت شورا سلاکار «رابرټ اوبراین» د جمهور ریس «اشرف غني» سره تلیفوني خبرې اترې شوي او د افغان سولې اړوندو موضوعاتو په اړه ورسره بحث کړۍ،

د متحده ایالاتو د ملي امنیت شورا اړوند ټویټر پاڼه باندې لیکل شوي، چې په دې تلیفوني خبرو کې «رابرټ اوبراین» پرته له ځنډه د خپملنځي مذاکراتو په پیلېدو ټینګار کړی او د امریکا متحده ایالات یې یوه ډيموکراټيک، یو موټي او خپلواک افغانستان ته چې بیا ځلې د «تروریستانو ځاله» نشي؛ ژمن بللي.هغه ددې تر څنګ له دولتي عسکرو خپل ملاتړ اعلان کړی، چې دده په خبره «د افغانانو لپاره يې خدمت کړۍ دۍ،

ولسمشرۍ ماڼۍ که څه هم په دې تړاو څه نه دي ویلی؛ خو دا تلیفوني خبرې داسې مهال دي، چې د پاتې طالب بندیانو د خلاصون لړۍ بیا ځلې پیل شوې او په دې برخه کې د طالبانو او دولت څو میاشتنی اختلاف حل شوی ښکاري.ځکه نړیوال غواړي چې ژر تر ژره د خپلمنځي خبرو پیل وشي او دولت هم دې خبرې ته ژمن ښکاري، اوس صرف د دولت او طالبانو د لومړي پړاو پیلیدو ته خبره پاتې ده،

پرون د څرخي پله او یو شمېر ولایتونو له زندانونو څخه ۱۰۴ تنه طالب بندیان خوشې شول او د سرچینو په خبره، دا لړۍ ښايي تر راتلونکې جمعې پورې پای ته ورسېږي.او زیات شمېر زندانیان خوشې شي اوس باید دولت ټول بندیان خوشې کړي ترڅو دا بهانه هم ختمه شي او د سولې خبرو ته لاره نوره هم هواره شي،

دولت له اوږدې مودې راپدېخوا د یو شمېر طالب بندیانو له خلاصون سره مخالفت درلود او طالبانو بیا د خپلو بندیانو خلاصون د بین الافغاني مذاکراتو لپاره شرط باله؛ چې له امله یې د افغانانو خپلمنځي خبرې ځنډېدلې وې.خو اوسمهال داسې ښکاري چې د ډېرو بهرنیو فشارونو دواړه لورې دې ته اړ کړل چې څومره ژر کيږي باید د سولې خپلمنځي خبرې پیل شي،

ولسمشرغني د امریکا د ملي امنیت سلاکار سره تلیفوني خبرې کړي دي
ولسمشرغني د امریکا د ملي امنیت سلاکار سره تلیفوني خبرې کړي دي

دواړو لوریو ته پکار دي چې باید سولې ته قرباني ورکړي او د خپل شخصي ګټو پر ځاۍ د مملکت ګټو ته ژمن پاتې شي ترڅو افغانستان کې نور سوله راشي او افغانان په سمه توګه خپل ژوند پیل کړي ځکه افغانانو د ډېر وخت راهیسې په بد بختیو باندې وخت تېر کړۍ او ټول هېوادوال د سولې تګي دي او سوله غواړي،

ولسمشر غني د تاجکستان له ولسمشر امام علي رحمان سره ټلیفوني خبرې وکړې

د افغانستان جمهور ریس غني د تاجکستان له ولسمشر امام علي رحمان سره ټلیفوني خبرې کړې او افغانستان کې د سولې پروسې پرمختګ او نورومهمو موضوعاتو پا اړه ېې خبرې کړي د تاجکستان ولسمشر د افغان دولت په مشرۍ اومالکیت د سولې پروسې ټینګ ملاتړ ډاډ ورکړ،

د ولسمشرۍ ماڼړۍ څخه په خپرې شوې بیانیه کې لیکل شوي چې د تاجکستان ولسمشر امام علي رحمان د سولې په پروسه کې د ولسمشر غني له دریځ څخه د ملاتړ ترڅنګ ډاډ ورکړی چې تاجکستان به په نړیوالو او سیمه ییزو غونډو کې د افغانستان ترڅنګ وي او د افغان دولت د دریځ ملاتړي به هم وي، یاد ټلیفوني مکالمه کې دواړو مشرانو د دوه اړخیزه اړیکو په ځانګړي ډول د سوداګرۍ، ترانزیټ او سیمه ییزو همکاریو په لا پیاوړتیا او د امو سیند سواحلو په اوږدو کې د همکاریو پر زیاتېدوهم خبرې اترې وشوې،

ښاغلي غني په خپلو خبرو کې ویلي ، د افغانستان او تاجکستان سرحد د دوستۍ او پرمختګ په نقطې بدلېږي او د دواړو ګاونډیو هیوادونو ترمنځ به د دوستۍ او ښو همکاریو بېلګه وي.ښاغلۍ ولسمشر دا تلیفون په داسې حال کې وکړ چې اوس وخت په افغانستان کې د سولې لپاره منتقوي اجماع ته ډېر ضروري ده په اوس وخت کې باید ولسمشر د نورو هېوادونو ولسمشرانو سره هم وغږیږي ترڅو یو ښه اچماع رامنځته شي او دسولې خبرې مخکې لارې شي،

په دې تلیفوني مکالمې کې امام علي رحمان ولسمشر غني ته د دوه اړخیزه او څو اړخیزه اړیکو او همکاریو د پراختیا په موخه تاجکستان ته د سفر بلنه ورکړه او جمهورریس غني هم دغه بلنه قبوله کړه اود تاجکستان ولسمشر تع ېې هم افغانستان ته د سفر دعوت ورکړ، دواړه سربرهان به ډېر ژر د یو بل هېوادونو ته سفر وکړي،

دواړولسمشرانو دیوبل سره د دوستي جوړلو او قایم ساتلوو باندې هم ټينګار وکړ، دواړو مشرانو هوکړه کړې چې د افغانستان د بهرنیو چارو سرپرست وزیر محمد حنیف اتمر په مشرۍ به په نږدې ورځو کې بین الوزارتي پلاوی تاجکستان ته سفر وکړي او د دواړو ولسمشرانو کتنې ته د زمینې او د لا زیاتو همکاریو اجنډا برابرولو باندې به کار وکړي.

ولسمشر غني د تاجکستان له ولسمشر امام علي رحمان سره ټلیفوني خبرې وکړې
ولسمشر غني د تاجکستان له ولسمشر امام علي رحمان سره ټلیفوني خبرې وکړې

دغه پلاوی به د دواړو هیوادونو ترمنځ د سیاسي، اقتصادي او امنیتي همکاریو په ځانګړي ډول له ترهګرۍ او نشه یي توکو سره د مبارزې پر لارو چارو بحث وکړي.دا هم باید یاده کړو چې تاجکستان د افغانستان په ګاونډیو هېوادونو کې شمېرل کيږي او د دې نه وړاندې هم په مختلفو سکتورونو کې له یو بل سره همکاري کړې ده په ځانګړي ډول بیا د تجارت او اقتصاد په برخه ډېر همکاري لري،

ولسمشرغني: سولې ته ژمن یو او مزاکراتو ته مو ټول خنډونه له لارې لري کړي

ولسمشرغني: سولې ته ژمن یو او مزاکراتو ته مو ټول خنډونه له لارې لري کړي جمهور ریس غني وایي، دولت یې د طالبانو سره د سولې مخامخ مذاکراتو لپاره پوره چمتووالۍ لري او شته ټول خنډونه له لارې لرې کړي دي،

د هېواد جمهور ریس اشرف غني پرون پنجشنبه په یوه ویډیویي پیغام کې یو ځل بیا له طالبانو نه غوښتي چې تل پاتې اوربند وکړي او ژر تر ژره دې خپلمنځي مزاکرات تر سره کړي د ښاغلي غني په وینا افغان دولت یوازې د سولې لپاره ژمن نه دی او نه یې اراده پخه ده، بلکې د سولې  لاره کې یې زیات عملي اقدامات هم کړي دي چې د زرګونو طالب زندانیانو ازادول او د سولې مشورتي لویې جرګې رابلل یې ټولو ته په ډاګه دي،

نوموړي ووویل : د تل پاتې او با عزته سولې لپاره یې ټولې زمینې مساعدې کړي.موږ د سولې لپاره یوازې خپله اراده او ژمنتیا نه ده ښودلې، بلکې عملاً مو هڅې او کوټلي اقدامات کړي دي. د زرګونو طالب بندیانو خوشې کول او د سولې مشورتي لویې جرګې رابلل زموږ د هڅو ژوندي مثالونه دي،

جمهور ریس غني زیاته کړه چې د داسې سولې غوښتونکی یم چې د افغانستان ټول قومونه او ولسونه په کې د امنیت په فضا کې د یو او بل تر څنګ ارام سره ژوند وکړي غني په ډاډ سره وویل: “با عزته او تل پاتې سوله حتماً راتلونکې ده، ځکه چې په خپلو ټولو هڅو، کوښښونو او پوخ عزم سره مو مو د افغانستان د سولې بحث په ملي، سیمه اییز او نړیوال بحث بدل کړ او مږ او تاسو ټول به ډېر ژر د باعزته سولې شاهدان اووسۍ،

لکه څنګه چې ټولو ته معلومه ده چې د افغان حکومت او طالبانو تر منځ د افغان سولې پروسه، د بندیانو د خوشې کولو او تبادلې د درېدو له امله له ځنډ سره مخ ده څو ورځې وړاندې مشورتي لویې جرګې د ۴۰۰ طالب بندیانو خوشې کېدل تایید کړل، خو اوس ولسمشر غني وایي که د امریکا په فشار دغه زندانیان خوشې کړي، نو نړۍ ته به له دې زندانیانو ستر مشکلات جوړ شي او له افغانستان نه به نړۍ ته د نشه یي توکو قاچاق بیا زیات شي،

حکومت د غټو جرمونو پاتې٣٤٠ طالب بندیانو د خوشې کولو نه مخکې له طالبانو غواړي چې د دوی ٢٠٠ سرتېري چې ٢٤ کومانډویي سرتېري هم په کې شامل دې ورازاد کړي ، طالبان بیا وایي چې د افغان دولت پوره زر بندیان یې خوشې کړي او تر هغې به د حکومت له پلاوي سره د مذاکراتو مېز ته حاضر نه شي څو د دوی پاتې ټول زندانیان ازاد نشي،

دولت بیا د طالب بندیانو په خوشې کولو کې د یو شمېر بهرنیو هېوادونو غوښتنه کړېچې دغه بندیان دې نه خوشې کوي ، هغه هېوادونه چې د ٣٤٠ طالب بندیانو چې په کې د نشه یي توکو ستر قاچاقبران او د اعدام پر حکم محکوم شوي مجرمین شامل دي او یادو هېوادونو ته یې زیان رسېدلی یا یې د اتباعو په وژنو تورن دي،

اوس دواړو لورو ته پکار دا دي چې د سولې مزاکرات ژر تر ژره پیل کړي او پاتې شته خنډونه هم له منځه یوسي او افغانستان کې باعرته سولې لپاره یو ځاۍ کار وکړي ترڅو افغانستان کې پېړیو راهیسې پیل وۍ جنګ ختم شي او افغانان په ارامه فضا کې ژوند وکړي ځکه افغانان نور ددې پردیو راتپل شوي جنګ څخه نتګ دي او سوله غواړي،

ولسمشر غني: د قانون مطابق به ټولو ولايتونو ته پاملرنه کېږي

ولسمشر غني: د قانون مطابق به ټولو ولايتونو ته پاملرنه کېږي جمهور ریس غني د اصلاحات اداري له مشر او د د غه کمېسيون له کمېشنرانو سره ولسمشرۍ ماڼړۍ کې مجلس وکړ او دويي ته ېې په ولایاتو کې د معارف په بستونو کې د ګمارنو په اړه لازمې سپارښتنې وکړې،

د ولسمشرۍ ماڼړۍ نه خپره شوي بیانیه کې ذکر شوي چې په دې کتنه کې چې د ویډیو کنفرانس له لارې ترسره شوه، د یاد کمېسیون رئیس او کمېشنرانو د ګومارنو، ازموینو او د ملکي خدمتونو ادارو په اړه د خپلو ارزونو، د بشري قواوو وضعیت، تعییناتو، څارنې او په ادارو کې د اهدافو پرمخ وړلو لپاره د کارکوونکو د سویې تثبیت، د دندو لایحې په برخه کې د کار او په عامې روغتیا او پوهنې وزارتونو کې د ارزونو په اړه خپل راپورونه مجلس ته واورول،

د دغه اداري مسؤلينو د تشو بستونو، لايحو او مقراراتو د نهايي کولو په اړه معلومات وړاندې کړل، دغه ادارې په پوهنې وزارت کې د ولایتونو په کچه د شته خالي بستونو په اړه معلومات ورکړل وې ویل، د کارکوونکو د ازموینو او ګومارنې کار به د بشپړېدو پورې روان وي او دويي به کوشش وکړي چې یو بست هم تش پاتې نشي.

ولسمشر غني د هغوی د راپور او خبرو تر اورېدو نه بعد، وویل داسې اداري فرهنګ بنسټ دې کېښودل شي چې خدمت محوره وي او خلکو ته د خدمت کولو په موخه باید وړ کادرونه وګومارل شي.ولسمشر وويل، داسې کسان بايد جزب شي چې نظام ته ژمن وي، نه زورواکو ته. قانون محوره فرهنګ دې وده وکړي او د ادارو کړنې دې د قانون په چوکاټ کې وي،

ښاغلي ولسمشر وویل چې پر ولایتونو دې یو ډول تمرکز وشي، منابع دې یو ډول عملي شي او د دولتي ادارو د منابعو وېش دې د ملي لید پر بنسټ وشي، افغانستان شموله برنامې دې پلي شي او ادارې دې د ملي وحدت سمبول وي او په ادارو کې دې د بې تفاوتۍ او مسوولیت نه منلوفرهنګ ختم شي،

ولسمشر غني: د قانون مطابق به ټولو ولايتونو ته پاملرنه کېږي
ولسمشر غني: د قانون مطابق به ټولو ولايتونو ته پاملرنه کېږي

نوموړي د دې په بیانولو سره چې د پوهنې وزارت خالي بستونه دې په عادلانه ډول په ټولو ولایتونو تقسیم شي هغه وویل، د اساسي قانون پر اساس دې ټولو ولایتونو ته یو ډول پاملرنه وشي او پوهنې وزارت باید ښوونځی محور وي.او داسې اساسي کارونه دې پکې وشي چې زمونږ اینده نسل لپاره یو بنیاد وي چې د دغه پلان د تدبیقولو سره اینده نسل زمونږ سم وروزل شي

ولسمشرغني عمران خان ته د اختر مبارکي ورکړه

ولسمشر غني عمران خان ته د اختر مبارکي ورکړه  دافغاسنتان جمهور ریس اشرف غني‌د ګاونډی هېواد پآکستان لومړي ‌وزیر ته د تلیفون له لارې د اختر مبارکي ورکړې او د کرونا ویروس په تړاو یې د پاکستان د دولت کوششونو ستاینه ېې وکړه.

د له لوري‌ په خپره شوې خبریپاڼه کې راغلي‌ چې اشرف غني‌عمران خان ته ویلي‌ چې سږ کال اختر په داسي‌ یو وخت کې راغلی چې ټوله نړۍ له کرونا وایرس نه کړیږي‌ او پاکستان هم یو له هم دغو هیوادونو دی.لومړي وزیر عمران خان له ولسمشر غني سره په افغانستان کې د کوېډ ۱۹ له امله د مړو شویو کسانو له امله غمرازي وښوده او هیله یې څرګنده کړه چې دغه ویروس به په کامیابۍ سره کنټرول کړای شي.‌

زاپورونه وايي چې صدراعظم عمران خان اشرف غني ته په پاکستان کې د کوېډ ۱۹ پرضد د حکومت د تګلارې په اړه معلومات وړاندې کړل په کومه کې چې د خلکو د ژوند په ژغورلو او اقتصادي رغونې باندې تمرکز شوی.د دغه هېواد د دولت لخوا په دې خپره شوې خبرپاڼه کې دا هم ویل شويچې دواړو مشرانو د افغان سولې د وروستیو پړاونو په اړه خبرې وکړې.

د یوې خبر پاڼې له مخې عمران خان د افغان سولې په بهیر کې د پاکستان د مثبت رول ذکر هم کړۍ او د سولې راتګ یې یو ضرورت بللۍ .‌عمران خان همداراز هیله څرګنده کړې چې د اوسني حالات به نور هم برابر شي تر څو د امریکا او طالبانو ترمنځ د سولې شوی تړون په بشپړه توګه پلی او بین الافغاني مذاکرات ژر تر ژره پیل کړي

دولت له لوري‌ ددې راپور تر لیکلو پورې دې راپور ته هیڅ غبرکون نه دی ښودل شوی؛ خو پاکستاني‌ اخبارونه وايي چې اشرف غني‌عمران ان ته د کندهار د سپین بولدک ولسوالي ‌د پېښي په تړاو هیڅ هم نه دي ‌ویلي.

بلخوا بیا افغاانو دا تمه لرله چې د سپین بولدک او چمن تر پېښي وروسته به افغان حکومت ټول پآکستاني ‌دیپلواتان وشړي او پاکستان به دښمن هیواد وبلي ؛ خو بیا هم د افغانستان د ولسمشري‌پر څوکۍ ناست اشرف غني‌ عمران خان ته د اختر مبارکي ‌تلیفون کړی او د هغوی په هیواد کې د کرونا ویروس نه د وژل شویو کسانو په تړاو یې غمرازيښکاره کړې ده، او غټه ضایع بللې،

ښاغلي عمران خان د دې وړاندې هم ویلي وو چې د تحریک انصاف ګوند تر مشری لاندې حکومت به یې له خپلو ګاونډیو سره ښې اړیکې ولري. نوموړي ویلي وو د پاکستان ثبات د افغانسان له سولې سره تړلی دی او له همدې امله پاکستان په افغانستان کې امنیت او ثبات غواړي.نو اوس باید افغان عوام د ې تلیفون ته په مثبت ډول وګووري او دولت لا نوورې هڅې وکړي چې ګاونډیو سره ښه اړیکې جوړې کړي،

ولسمشرغني:دلوګرامنیتي مسولینو ته ویلي د لوګرلپاره دې امنیتي پلان جوړکړي

ولسمشرغني: دلوګرامنیتي مسولینو ته ویلي د لوګرلپاره دې امنیتي پلان جوړکړي ولسمشرپرون د لوګر ولايت د عمومي وضعيت اروزنې په موخه دغه ولايت ته سفر درلود او له ځايي امنيتي چارواکو ېې په دغه سفر کې غوښتي چې لوګر لپاره دې یو منظم امنیتي پلان جوړکړي

ولسمشر غني د لوګر ولایت عمومي امنیتي وضعیت وارزاوهپه دغه سفر کې د جمهوري ریاست لومړي مرستیال امرالله صالح، امنیت شورا سلاکار ډاکتر حمدالله محب، د ملي دفاع وزارت لوی درستیز سترجنرال بسم الله وزیري، د کورنیو چارو وزارت ستر امنیتي معین ستر پاسوال عبدالصبور قانع، د سیمه ییزه ارګانونو خپلواکې ادارې عمومي رئیس شمیم کټوازي، د ملي امنیت عمومي ریاست مرستیال ډګرجنرال عبادالله عباد او یو شمېر نورو لوړ پوړو دولتي مقامات هم ولسمشر سره په دغه سفر کې شریک وو،

د ولسمشرۍ ماڼۍ په راپور کې ذکر شوي جمهوررئیس غني ته په لوګر ولایت کې د یاد ولایت ملکي او نظامي مسوولینو، د ولایتي شورا غړو او متنفذینو هرکلی ووایه او وروسته یې له والي او نظامي مسوولینو سره په امنیتي غونډه کې د لوګر ولایت د عمومي امنیتي وضعیت په اړه د هغوی د کړنو راپور واورېد. اول د لوګر والي اجمل شاپور د لوګر ولایت د عمومي امنیتي وضعیت او د ملکي او نظامي ادارو ترمنځ د همغږۍ په اړه معلومات وړاندې کړل وې ویل، دښمن د لوګر د امنیت د ګډوډولو وړتیا نه لري او زموږ مېشت امنیتي او دفاعي ځواکونه په لوړه روحیه د دښمنانو د ګواښونو دفع کولو توانمندي لري.

دغه راپور کې ذکر شوي نوموړي د دې ترڅنګ چې د لوګر ولایت د امنیتي او دفاعي ځواکونو د لا زیات تمویل او تجهیز غوښتنه وکړه وې ویل، موږ په دریو مرحلو کې امنیتي برنامې لرو چې په لنډمهال کې لویې لارې امن کوو، په منځمهال کې په پنځو سیمو کې ګډ بېسونه جوړوو او په اوږدمهال کې به په ولسوالیو او لرې پرتوسیمو کې لا زیات قوتونه او منسوبین ځای پر ځای کړو.»

د دغه ولایت والي اجمل شاپور د ځانګړو عملیاتو ترسره کېدو، هوایي بریدونو، د اردو او پولیسو او همداراز د ولسي پاڅونونو د پرسونل د لا زیات اکمال غوښتنه وکړهوروسته د ۲۰۳ تندر قول اردو قوماندان تورن جنرال خان الله شجاع د عمومي امنیتي وضعیت، د ګواښونو کچې او په لوګر ولایت کې د دښمن د شومو پلانونو په اړه معلومات ورکړل.نوموړي ه، موږ به د خپلو ځواکونو د تدارکاتو، تجهیز او تمویل په اړه لا زیاته هڅه وکړو او په راتلونکي کې به لوګر او میدان وردګ ولایتونه د غزني په څېر خپلواکه لِوا ولري.

د دې نه بعد د ولسمشر اول مرستیال امرالله صالح او د ملي امنیت سلاکار ډاکتر حمدالله محب خبرې وکړې او د امنیتي او دفاعي ځواکونو د زړورتیا او سرښندنو د ستاینې ترڅنګ یې د دښمن د تهدیدونو د دفع کولو لپاره د خلکو د لا زیاتې همکارۍ په جلبولو ټینګار وکړ.ولسمشر غني د یاد راپور او معلوماتو تر اورېدو وروسته، په لوګر ولایت کې د مېشتو امنیتي او دفاعي ځواکونو د اجراآتو مننه وکړه وې ویل، د قوې پر استعمال، د حکومتولۍ پر ډول او ولسي کار بیاکتنې ته اړتیا ده.

اوس وخت د دې رارسېدلۍ دۍ چې باید دولت او امنیتي مسولین په ګډه سره کينۍ چې یو امنیتۍ پلان ټول افغانستان لپاره جوړ کړي ترڅو دلوګر په شمول ټول افغانستان کې یو داسې امنیت قایم شي چې هيڅ ډول ستونزه پکې نه وي څکه که مونږ اوګورو افغانستان یو داسې حالات کې قرار لري چې ټوله نړۍ ورنه غواړي چې فوځیان اوباسي او افغانستان نتها پاتې شي نو اوس باید عام وګړي او دولت سره یو غږ شي او پراخه امنیتي پلان د ټوول افغانستان د امنیت أباره جوړ کړي،

افغان دولت لویه جرګه رابلي

ولسمشرغني له کابينې سره په اقتصادي ودې خبرې کړي دي پرون د کابینې غونډه د ولسمشر غني په مشرۍ جوړه شوې وه ، د کرونا وايروس، امنيتي پېښو او نورو موضوعاتو ترڅنګ پکې پر اقتصادي ودې هم خبرې وشوې.

اول جمهوررئیس په ملک کې د ترهګریزو پېښو د شهیدانو روح ته د دعا ترڅنګ، د عامې روغتیا وزارت چارواکو سره د کرونا پېښو د غیر رسمي شمېرو په تړاو د خپلې غونډې په اړه د کابینې غړو ته معلومات وړاندې کړل او وۍ ویل ، د مطالعې او څېړنې لپاره په کرونا ویروس د اخته کسانو د غیر رسمي شمېرو دقیق او مشخص کېدل ډېر وخت ته اړتیا لري، ترڅو دغه شمېرو په اړه خلکو ته معلومات وړاندې شي

د دې ترڅنګ ریس جمهور غني دمالیې وزارت سرپرست څخه د هیواد په بندرونو او ګمرکونو کې د امنیتي کامرو د نصب لپاره د اقداماتو او نوښتونو ستاینه وکړه او دغه نوښت یې فساد سره د مبارزې په برخه کې ارزښتناک وباله ولسمشر وویل چې دغه رقم کړنې باید ټول همدې ترتیب، ولسمشر د پاسپورټونو د وېش په موخه د افغان پُسټ اداره کې د شته ظرفیتونو په اړه معلومات وړاندې کړل او اړوندو ادارو ته یې دنده وسپارله ترڅو په دې برخه کې ستونزې حل کړي، همداراز والیانو پخپلو ولایتونو کې د پاسپورټونو د وېش بهیر د چټکتیا لپاره خپل مشخص وړاندیزونه اړوندو ادارو ته وړاندې کړل.

په دوام د اداري اصلاحاتو او ملکي خدمتونو خپلواک کمیسیون ته دنده وسپارل شوه، ترڅو د تشکیلاتي تورم او د موازي ادارو د موجودیت مخنیوي لپاره د دولتي ادارو تشکیل وارزوي او راپور یې د سلاکارانو او بالمقطع کارکوونکو او د هغوی موثریت په یادولو سره ترتیب او د حکومت رهبرۍ غونډې ته وړاندې کړي.

کابینې تر هر اړخیزو بحثونو وروسته د سیمه ییزو ارګانونو ادارې ته دنده وسپارله ترڅو په یوه اونۍ کې غیر رسمي شمېرې او د کرونا له امله د ولایتونو د وضعیت څرنګوالي راپور راټول او عامې روغتیا وزارت سره شریک کړي.

همداراز عامې روغتیا وزارت موظف شو ترڅو د حکومت د رهبرۍ غونډې د لارښوونو پر اساس له ولایتونوڅخه د مړو شویو او ښو شویو کسانو را رسېدلي شمېر ته په پام په کرونا ویروس د اخته کسانو غیر رسمي شمېر په دقیق او واضح ډول ترتیب او د حکومت رهبرۍ غونډې ته تر وړاندې کولو وروسته یې د کابینې راتلونکې غونډې ته وړاندې کړي.کابینې کرونا سره د مبارزې د عامه پوهاوي په برخه کې د جمهوري ریاست د عامه او ستراتيژيکو اړیکو ادارې تېر اغېزناک فعالیتونه وستایل، مننه یې ترې وکړه او هدایت یې ورکړ چې د تېرو فعالیتونو په دوام دې یو ځل بیا کرونا سره مبارزې د عامه پوهاوي د برخې مسوولیت واخلي، اړونده ادارو ته یې په دې برخه کې د همکارۍ سپارښتنه وکړه.

همدارنګه ولسمشر غني د هرات، خوست او جلال اباد ښارونو د چوکاټي پلانونو د بشپړولو او د مزار شریف او کندهار ښارونو د مقدماتي پلانونو د نهایي کولو په موخه غونډې ته معلومات ورکړل؛ د ښار جوړولو او ځمکو وزارت یې موظف کړ ترڅو د دې چوکاټونو د معیارونو پر اساس د هیواد د نورو ښارونو د پلان جوړولو لپاره اقدام وکړي.»

په دوام، د کندهار والي د ټولو والیانو په استازیتوب د ویډیو کنفرانس له لارې د ولایتونو په کچه د حکومتي مسوولینو د بیا، بیا او لنډمهالي تغییر او تبدیل مخنیوي؛ د ښارونو په کچه د انکشافي پروژو د پرمخ وړلو په موخه له مالیې وزارت څخه ښارواليو ته د ښاري خدمتونو د راټول شوي ټکس د انتقال او پر وخت د پروژو د قسطونو پیسو د نه ورکړې له امله د پروژو د چارو د ځنډ په اړه خبرې وکړې، په هره برخه کې یې خپل وړاندیزونه غونډې ته وړاندې کړل چې کابینې په دې برخه کې اړوندو بنسټونو ته مشخصې دندې وسپارلې.

اوس وخت د دې رارسدلۍ دی چې باید ټول د کابینې وزیران د هېواد د عامو وګړو ته د خدمت وړااندې کولو ترڅنګ د ولسمشر هدایاتو ته غوږ کيږدي او باید د ولس خدمت ته کار ووایي ځکه د افغانستان خلک د ډېر وخت راهيسې په بدبختیو باندې اخته دی نو اوس باید حکومت عامو وګړو ته باید خدمت وکړي او د یو ارام ژوند فضا ورته وړامدې کړي،

افغان دولت لویه جرګه رابلي

ولسمشرغني وايي امنیتي مسولین دې د دښمن د حملو پر وړاندې د خپلو خلکو ساتنه وکړي د سرقوماندانۍ غونډه چې د ریس جمهور غني په مشرۍ جوړه شوې وه او پر امنيتي موضوعاتو بحث وکړپه دغه غونډه کې اول له اړوندو مسولینو څخه راپورونه واورېدل شول،

د راپورونو وړاندې کولو وروسته ولسمشر غني يو شمېر سپارښتنې هم وکړې.ياده غونډه په ارګ کې د ویډیو کنفرانس له لارې ترسره شوه، په پیل کې د امنیتي او دفاعي ارګانونو مسوولینو د هیواد په کچه د امنیتي وضعیت او د بریدونو د زیاتوالي په اړه خپل راپور وړاندې کړ،دغه مجلس ته د افغانستان لوی درستیز سترجنذال بسم الله وزیري د افغان ملي اردو د تحرکاتو او احضاراتو د کچې، فعالیتونو، د د ښمن د بریدونو د دفع او شنډولو او دغه راز دښمن ته د اوښتو تلفاتو په اړه هراړخیز معلومات وړاندې کړل،

د دې ترڅنګ د افغانستان د ملي امنیت لوی ریاست سرپرست احمدضیا سراج وینا وکړه، د ملي امنیت منسوبینو یوه تروریستي ډله چې کابل کې یې پر یوه روغتون او جومات د خونړيو بریدونو پلان درلود، نیولې او دا مهال ترې پوښتنې روانې دي،د ملي امنیت ریس نه وروسته د جمهور ریاست لومړي معاون امرالله صالح د امنیتي او دفاعي ځواکونو د شهیدانو کورنیو ته د پر وخت رسېدګۍ ټینګار وکړ وې ویل، دا کار باید د امنیتي ارګانونو د پلان عمده برخه واوسي.نوموړي وکړ، جرمونو سره د مبارزې په اړه ملي پولیس باید د هیواد په ښارونو او بېلابېلو سیمو کې خپل فعالیتونه زیات کړي، ترڅو د جرمونو کچه راټیټه او خلک د ملي پولیسو له کړنو راضي شي.

د صالح نه بعد استاد محمدسرور دانش چې د دوهم مرستیال دۍ وویل،د تېرو دوو میاشتوراهيسې تاوتریخوالی زیات شوی چې دغه کار د خلکو پر روحیه بد اثر کوي ، په داسې حال کې چې ټولو له تاوتریخوالي څخه د پاک او سوله ییز افغانستان هیله لرله هغه له افغان امنیتي او دفاعي ځواکونو غوښتنه وکړه چې د دښمن د بریدونو او پلانونو د شنډولو پر مهال د ځان او خلکو خوندیتوب ته جدي اقدامات وکړي.

‎جمهوررئیس غني د یادو راپورونو له اورېدو وورسته له ټولو امنیتي او دفاعي ځواکونو مننه وکړه چې د دښمن د بریدونو پر وړاندې د خپلو خلکو ساتنه کوي، هغه د امنیتي او دفاعي ځواکونو ټولو شهیدانو ته د فردوس جنت د دعا پرمهال اړوندو ارګانونو ته لارښوونه وکړه چې د دغو ځواکونو د شهیدانو کورنیو او ټپیانو ته دې پر وخت رسېدګي وشي.

‎جمهوررئیس غني په ټینګار وویل: « د افغانستان حکومت، امنیت ته د یوې جدې موضوع په توګه ارزښت ورکوي او د ولایتونو او ولسوالیو په کچه دا ډېره مهمه ده چې د مسوولو اشخاصو د ګمارنې پر مهال د هغوی وړتیا او مسلکیتوب ته زیاته پاملرنه وشي.»

‎د افغانستان د اسلامي جمهوریت جمهوررئیس اړوندو ارګانونو ته لارښوونه وکړه چې د علماو، قضایي څارنوالانو او متنفذینو د امنیت د تامین په اړه دې لازیاتې هڅې وکړي، د دښمن له لوري د ترور او قتلونو مخنیوی دې وکړي.د غونډې په پای کې د هیواد جمهوررئیس وویل، امنیتي مسایل د افغان حکومت له لومړیتوبونو څخه دي او د دولت د رهبرۍ تمرکز د خلکو پر امنیت دی،

دولت او امنیتي مسولین باید امنیت تامین ته کار وکړي او طالبان باید نور ترهګریز بریدونه ونه کړي ترڅو افغانان نور په برامه فضا کې ژوند وکړي مه مونږ اوګورو په افغانستان کې د څو لسیزو راهيسې د جنګ په حالت کې دۍ نور افغانان د دې جګړو نه تنګ دي د هر یو افغان ارزوع دا ده چې په هېواد کې ېې امنیت وي،

دولسمشر غني به مشرۍ د اقتصاد شورا غونډه جوړه شوه

دولسمشر غني به مشرۍ د اقتصادعالي شورا غونډه جوړه شوه د نورو اقتصادي موضوعاتو ترڅنګ پکې د چرګانو د صنعت د ارزښت پر زنځير او په دې اړه تفصیل سره بحث وشو، په دغه غونډې کې د اړوندو چارواکو نه راپورونه هم واورېدل شول،

یاده غونډه کې د چرګانو روزنې سکتور محصولاتو د وارداتو مدیریت د ګروپ کاري په راپور، په هیواد کې د غیر معیاري او قاچاقي روغتیایي محصولاتو اودایانو د وارداتو مخنیوي پر طرحه او د افغانستان برښنا شرکت د نوري فایبر مزو او د برېښنا پایو کرایه ورکولو پر موضوع بحث او وارزول شول.اول د کرنې وزارت مرستیال د چرګانو روزنې سکتور محصولاتو د وارداتو مدیریت د کاري ګروپ راپور غونډې ته تشریح کړ،

د کرنې او مالدارۍ وزارت مرستیال حشمت الله غفوري په ډاګه کړه چې اوسمهال هیواد د چرګانو روزنې صنعت کې په تدریجي ډول د ځان بسیاینې پر لور روان دی او خصوصي سکتور توانېدلی په خپلې پانګونې سره د چرګانو روزنې صنعت د محصولاتو لپاره د هیوادوالو د اړتیاوو لویه برخه په ځانګړي ډول د چرګانو غوښه او هګۍ، پوره کړي.

«اقتصادي عالي شورا تر هر اړخیزو بحثونو وروسته کرنې، اوبولګولو او مالدارۍ وزارت ته دنده وسپارله چې د اړوندو بنسټونو په همکارۍ، په هیواد کې د چرګانو روزنې صنعت د ارزښت پر زنځیر کار وکړي، خپله مشخصه طرحه د طرحې په تطبیق کې د دولتي ادارو ظرفیت، په دې برخه کې د تقاضا او عرضې تعادل او د هغو لنډمهالو او اوږدمهالو اغېزو ته په پام، ډېر ژر بېرته اقتصادي عالي شورا ته وړاندې کړي.» همداراز د اقتصادي عالي شورا غړي په دې برخه کې د خصوصي سکتور د لا زیاتې پانګونې غوښتونکي شول ترڅو د مشخص زماني جدول پر اساس، هیواد بشپړې ځان بسیاینې ته ورسېږي.

جمهوررئیس غني په دې اړه وویل، د افغانستان دولت د مطبوعاتو له لوري د هغو خپرو شویو راپورونو چې د شفافیت د رامنځته کېدو او د فساد مخنیوي لامل کېږي، نه یوازې هرکلی کوي، بلکې په دې برخه کې د مطبوعاتو کلک ملاتړ هم کوي.

همداراز د اقتصادي عالي شورا غړو د پروسې د شفافیت او قانوني کولو په موخه، په حقوقي چارو کې د جمهوري ریاست ارشد مشاوریت ته دنده وسپارله، چې د افغانستان برښنا شرکت د نوري فایبر مزو او د برېښنا پایو د کرایې د پخوانیو قراردادونو د تداوم څرنګوالي پر حقوقي اړخونو له مخابراتي شرکتونو سره کار وکړي، پایله یې د لازم تصمیم نیولو په موخه وړاندې کړي.

دولت او د اقتصاد شورا باید ټولې اقتصادي ستونزې وڅيړي او د حل لارې وزته اوګوري ترڅو د مملکت اقتصادي ستونزو سره مخ نشي او ترقي وکړي ځکه افغانستان یوه ستونزه دا هم ده چې امنیت پکې نشته او همدغه د اقتصادي ستونزو یو لامل دي،