شاه محمود قریشي: افغانستان کې سوله دپاکستان په ګټه ده

افغانستان کې سوله دپاکستان په ګټه ده د پاکستان خارجه وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره چې پرون په رسمي سفر اسلام اباد ته تللی، ملاقات کې ویلي چې افغانستان کې سوله پاکستان په ګټه ده او داداسې معنا لري لکه پاکستان کې چې سوله وشي.

ښاغلی قریشي ویلي د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي، هغه وایي طالبانو سره یې هم په همدې تالار کې چې له عبدالله عبدالله سره ګوري، ملاقات کړی ، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري باید د خبرو له لارې حل شي تر څو افغانان خپل ژوند په سمه توګه مخې ته یوسي اوهر وګړی دا احساس وکړي چې افغانستان اوس د سولې ارامش هېواد دی.

د مصالحې عالي شورا مشر ډاکټر عبدالله عبدالله بیا له شاه محمود قریشي سره ملاقات کې وویل، چې پاکستان ته دا ځل په بدلې روحیې سره راغلی، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له کوششونو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار هواره شي.اړو افغانستان به یو وار بیا دبد بختیو سره مخ شی. نو ښه دا ده چې شته فرصت ضایع نه کړو.او افغانستان کې دایمي سوله قایم کړو.

ښاغلي عبدالله عبدالله د پاکستان له حکومت مننه وکړه، چې طالبان یې د افغانانو خپل منځي خبرو ته وهڅول، خو ویې ویل مذاکرات چټک روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لویه ضربه ورسوي.هغه ویلي چې باید د تاوتریخوالي کچه کمه شي او د سولې مزاکرات د امن فضا کې وشي دا به دېره ښه وي.

عبدالله عبدالله پاکستاني چارواکو سره شوي ملاقات کې ورته وویل چې ترهګري د سیمې ټولو هېوادونو ته یو ګواښ دی او په افغانستان کې د یوې سر تا سري سولې ټینګښت بې له شکه چې د سیمې د ټولو هېوادونو په ګټه دی.باید د سیمې هېوادونه افغان سولې ته کار وکړي اوخپل پوره پوره ملاتړ ورڅخه وکړي. تر د سیمې هېوادونو کې هم امن پاتې شي

شاغلي عبدالله له پاکستاني چارواکو سره تر ملاقات وروسته د پاکستان بهرنیو چارو وزارت کې یو نیالګی هم کېناوه.د ښاغلي عبدالله د لیدنو مهالوېش کې پلان شوې چې نوموړی به سبا د پاکستان له لومړي وزیر عمران خان سره ملاقات او بیا به د پاکستان پوځ له لوی درستیز قمر جاود باجوه سره په راولپنډۍ کې د نوموړي په دفتر کې لیدنه تر سره کړي.

تر دې وړاندې چې کله ولسمشرغني پاکستان ته د سفر پر مهال جې ایچ کیو ته تللی وو، د عامو افغانانو له تندو غبرګونونو سره مخ شو.خو اوسمهال د ملاقاتونو د مهالویش پر بنسټ به عبدالله عبدالله د پاکستان د فوځ مشر سره په راولپنډی کې ګوري بلخوا بیا د مصالحې شورا سر چینی وايي چې نوموړی به راوپنډی کې د لوی درستیز سره نه ګوري.

د عبد الله عبدالله سفر اسلام اباد ته

عبدالله عبدالله د عمران خان په بلنه اسلام اباد ته په سفر روان شو.نن دوشنبه سپيدار ماڼۍ اعلان وکړ چې د مصالحې عالي شورا مشر ډاکټر عبدالله عبدالله د پاکستان د لومړي وزير عمران خان په غوښتنه د پاکستان په سفر ووت او نن سهر اسلام اباد ته ورسېد.

د مصالحې شورا څخه په خپره شوي خبرپاخبرپاڼه کې ويل شوي چې د دې لیدنې په جریان کې ، د ملي پخلاینې عالي شورا مشر به د پاکستان د اسلامي جمهوریت له مشرانو سره په افغانستان کې د تلپاتې ، وقار او عادلانه سولې د تعقیب په اړه بحث او خبرې وکړي.د دې سفر په جریان کې به ، د ملي پخلاینې عالي شورا مشر ډاکټر عبدالله عبدالله به د پاکستان د اسلامي جمهوریت له ولسمشر ډاکټر عارف علوي ، لومړی وزير عمران خان ،د ولسي جرګي له مشر اسد قیصر ، د پاکستان د مشرانو جرګې مشر سره به ملاقات وکړي

عبدالله عبدالله به جلالتمآب محمد صادق سنجراني ، د بهرنيو چارو له وزير قریشي او ښاغلي قمر جاوید باجوه ، د پاکستان د پوځ لوی درستیز سره لیدل کتل وکړي .د ملي پخلاینې عالي شورا مشر د پاکستان له اسلامي جمهوریت څخه د لیدنې پرمهال د ملي پخلاینې شورا له مرستیالانو ، سلاکارانو او یو شمیر سیاسي شخصیتونو سره په ګډه ملاقات لري.

هېره دې نه وي چې عبدالله عبدالله دا سفر په داسي حال کې د پاکستان هيواد ته کوي چې د افغان حکومت او طالبانو ترمنځ د سولي خبري جیریان لري خو ددغو خبرو ۱۷ ورځي کيږي چې هيڅ پرمختګ يې نه دی کړی. حتی په ميډيا کې خو لا داسي خبرونو هم خپاره شوي چې د سولي خبري شاید کامیابې نشي او نورې هم سختې شي.

خو اوسمهال باید دې خبرې ته ځواب پیدا شي. چې د ښاغلي عبدالله سفر پاکستان ته د سولي په ټپه ولاړ بهير څومره مثبت اغيز وشي که څه هم ددې ښه ځواب به راتلونکی وخت ووايو خو ولي حالاتو په کتو ويلای شو چې پاکستان په طالبان جوت او ښکار اغيز لري اوس هم هر پلان د پاکستاني پوځ سره په مشوره وړاندي کوي.
نو همدې ته په کتو ويلای شو چې شايد که پاکستان له زړه وغواړي حتمن طالبان دې ته مجبورولای شي چې اوربند پرې وکړي.

عبدالله عبدالله : لویه مشورتي جرګه فرمایشي نه وه
عبدالله عبدالله : لویه مشورتي جرګه فرمایشي نه وه

بلخوا بیا په افغانستان کې د سولي د خپل منځي خبرو د پيل راهسي جکړي زور نيولی دی. او اوس محال د افغانستان په ډيری ولايتو کې سخته جکړه روانه ده چې افغانان يې سخت انديښمن کړي دي عام افغانان له طالبانو او افغان حکومت څخه غواړي چې اوربند او دسولي لپاره دې صادقانه کار وکړي.او دا روان جنګ چې په هر قیمت کيږي په سولې بدل کړي. تر څو افغانان په سوله کې ژوند وکړي.

د عبد الله عبدالله سفر اسلام اباد ته

 دګاونډي هېواد پاکستان او افغانستان د بهرنيو چارو وزات څخه په خپرو شوو خبر پاڼو کې خپاره شوي چې افغانستان او پاکستان غواړي د سولي د پلان عملي کولو لپاره په پلازمينه کابل کې دوه اړخيزه غونډه ترسره کړي.

دهېواد د بهرنيو چارو وزارت د خبر پاڼي د خپرې وې اعلامیې پر بنسټ په دغه غونډده کې د دواړو هيوادونو د بهرنيو چارو مرستيال وزيزان برخه اخلي.خبر پاڼه زياتوي چې ياده غونډه د کابل او اسلام اباد د اړيکو په ټينګښت کې خورا اغيزمنه تماميدای شي.په خبر پاڼه کې ويل شوي چې ياده دوه اړخيزه غونډه به نن په پلازمينه کابل کې نر سره شي. د اعلاميې په وينا غونډه په عملي ډول په پنځو ډلګيو ويشل شوي چې له ترهګرۍ سره په جکړې ، سولې ،اقتصادي ، او امنتي همکاريو ، کډوالۍ او سياسي همکاريو تر څنګ د افغان سولي په اوسني وضعت به هم بحث وشي.

دا هم باید یاده کړو چې د سولې عملي پلان غونډه په کابل کې په داسي حال کې جوړيږي چې تيره اوني د پاکستان لومړي وزير عمران خان او د افغان سولې د مصالحې عالي شورا مشر ډاکټر عبدالله عبدالله هم د افغان سولي په تړاو يو له بل سره ټیليفوني خبري اترې وکړې.

د پاکستان صدراعظم د مصالحي عالي شورا مشر ته ډاډ ورکړ چې لنډ وخت کې به بين الافغاني مذاکرات پيل شي.د افغان سولې موضوع له هغه وروسته ګرميږي چې د طالبانو د قطر دفتر مشرتابه پلاوي څه موده مخکې پاکستان ته سفر وکړ.او هلته ېې د پاکستان د بهرنیو چارو وزارت وزیر شاه محمود قریشي سره ملاقات درلود،

که څه هم ددې پلاوې د سفر مشخصه اجنډا معلومه نه وه خو د طالبانو د قطر دفتر سياسي وياند سوهيل شاهين رسنيو ته ويلي وو چې د طالب مشرانو.د سفر موخه پاکستان ته پر افغان سولې له پاکستاني چاوراو سره خبري اتري کول دي.طالب مشرانو د پاکستان له سفر وروسته سم دلاسه ۲۱ کسيز د سولې د مرکچي پلاوي لست ميډيا ته وړاندې کړ،

دیاد مرکچي پلاوي مشري شير محمد عباس ستانکزی کوي.ښاغلي ستانکزي رويټرز خبري اژانس ته ويلي وو چې طالبانو مشرانو داسي مرکچي پلاوی ټاکلی چې له هر ډول صلاحيت څخه برخمن دی.ښاغلي ستانکزي دا هم وويل چ که افغان حکومت د دوی پاتي ۳۲۰ بنديان خوشي کړي دوی بين الافغاني خبرو ته چمتو دي.خو افغان حکومت د ۳۲۰ طالب بنديانو د خوشي کولو لپاره دا شرط ايښي چې طالبان دي هم ۲۰۰ افغان کومانډويان او پليوټان خوشي کړي چې له طالبانو.سرهپه بند کې دي،

اوس که نړیواله ټولنه او نورې خواوې غواړي چې د سولې خبرې کامیابې کړي نو باید ټولې خواوې دبین الافغاني مزاکرات ژر تر ژره پیل ملاتړ اعلان کړي، ځکه که چېرې دغه مزاکراتو کې ځنډ رامنځته کړي نو دا به د سولې خبرو د فرست د منڅه تللو مترادف وي او افغانستان به یو وار بیا د خانه جنګې ښکار شي،

هېواد کې د سېلابونونوې لړۍ دپیلیدو امکان

افغانستان کې د څو ورځېو راهیسې د سېلابونو لړۍ پیل شوې ده .پرون چهارشبنه په ځيني ولايتونو کې درانه اورښتونه وشول چې تر ټولو سخته مرګ ژوبله يې د افغانستان په شمال کې پروان ولايت کې شوې پروان ولايت کې يې تر ۱۰۰ نه ډېرو کسان مږه شوي دي او تر ۱۱۵ زيات کسان ېې زخمیان کړي دي،

د پروان ولایت مرکز چاريکارو کې درنو سيلانو په زرکونو کورنه خراب کږي دي چې د شپې تر ناوخته د ژرغورني ډله لګيا وو له خټو او د ږنګ شویو کورونو له منځ يې پاتي شوي کسان راويستل.کابل او ميدان وردګ هم له هغو ولايتونو څخه دی چې دد درنو اورښتونو له امله يې زيات شمير خلک بې کوره او تر ۲۰ ژوبل او مړه شول.د افغانستان تر څنګ ګاونډي هېواد دپاکستان کراچۍ ښار کې هم د سختو اورښنونه له امله بيړنۍ حالت اعلان شوی دی ، او ددې ښار زيات وګړي يې بې کوره کړي او تر ۴۵ زياتو ته مرګ ژوبله اوښتي ده.

یاد سېلابونه په داسې حال کې دي چې د افغان د هوا پيژندي ملې ادارې هم د نورو بارانونه د اوريدو معلومات ورکړي د هوا پيژندني ملي اداري خبر کړي چې تر ټولو زيات بارانونه به د افغانستان په شمال ، مرکز او ختيځو سيمو کې وشي.د متحده ایالاتو د توپان پيژندې ملي ادارې خپلو امريکايې وګړو ته د نورو سترو.او خطرناکو سيلابونه د راتلوخبرداری کړۍ دۍ،

دا هم باید یاده کړوچې افغان دولت هڅه کوي چې دا سېلاب ځپلي خلک ژر تر ژره خوندي ځایونو ته انتقال کړي ترڅو دوي خوندي پاتې شي د دولت مامورین د دغه ځۍ څخه نظارت او ليدنې کوي او ځيني چارواکي اړوند ادارو ته د اقداماتو کولو امر هم کړۍ، نن سهار د مصالحې عالي شورا مشر ډاکټر صیب عبدالله عبدالله پروان ولایت ته سفر وکړ او د ولایتې ادارې مسولینو ته ېې د ژر او ښه اقداماتو لارښونې هم وکړې،

بل خوا د افغانستان نه علاوه امريکا کې هم د توپان پيژندنې ادارې خبر ورکړۍ چې تيره ورځ ددغه مملکت په جنوبي سيمو کې سختو بادنو او خطرناکو سيلابونو تر يو نيم ميليون زيات کسان بې کوره او تر ۳۰ زيات کسان يې مړه او ژوبل کړل.دغه خطرناک توپانونه تيره ورځ چهار شنبه ماسپښن مهال د تکزاس او لوييزيانا ايالتونو ته د څلور درجې په لوړ والي ته لاړه،

او د کاريب په سيمه کې يې تر ۳۰ زيات کسان له امله مړه شوي دي او تر يو نيم زيات کسان بې کوره کړي دي.د توپان ملې ادراې له خلکو غوښتي چې د توپان تر کابو کيدا پورې دې خپل کورونه پريږدې او ځانونه دې غوندي ځايونوته انتقال کړي

د امريکا جمهور ریس ټرمپ هم له امريکايې وګړو څخه غوښتي چې د ځايې چارواکو خبره دې ومني د توپان او سيلابونو تر کابو کيدا پورې دې غوندي ځايونو ته سفر وکړي .بايد وويل چې د نړۍ په بل کونج اسيا کې هم د درنو اورښتو او خطرناکو سيلابونو د راوتو خبرداری ورکړل شوی دی.

جرمني: مونږ د سولې مزاکراتو ملاتړي یو

د ملا برادر په مشرۍ طالب پلاوۍ پاکستان ته ورسېد څو ورځې مخکې د پاکستان خارجه وزارت د ملا برادر په ګډون پر طالب مشرانو د امنیت شورا بندیزونه لکولي وو،خو پرون بیا د دغه ډلې د همدغه ملا بردار په مشرۍ یو پلاوی اسلام اباد ته په سفر لاړل ،

د دغه ډلې د سیاسي دفتر ویاند سهیل شاهین تېره ورځ اګست۲۳په خپل ټویټر ولیکل چې د طالبانو سیاسي مرستیال او د دغه ډلې د قطر دفتر مشر ملا عبدالغني برادر د یو لوړپوړي پلاوي په مشرۍ د پاکستان په بلنه هغه هیواد ته په سفر روان شول ، د پاکستان دولت تر دامهاله په رسمي ډول هغه هیواد ته د ملا برادر سفر تائید او یا هم رد کړی نه دی، خو یو شمېر رسنیو د هغه هیواد د بهرنیو چارو وزارت د چارواکو په حواله راپور ورکړی چې ملا برادر د پاکستان د بهرنیو چارو د وزیر شاه محمود قریشي په دعوت پر افغان سولې د بحث لپاره هغه هیواد تهبلل شوی دی.

د طالبانتو ویاند ښاغلي شاهین هم ویلي چې برادر به پروروستیو جریاناتو، په پاکستان کې د افغان مهاجرینو او د دواړو ګاونډیو هیوادونو ترمابین د ولسي تګ راتګ او تجارت د اسانتیاوو برابرولو او نورو اړوند موضوعاتو له پاکستاني چارواکو سره خبرې کوي دويي غواړي چې د دغه هېواد سره د افغانستان اړېکې نورې هم پراخې شي،

شاهین زیاته کړې چې د کرونا ویروس خپرېدو د طالب استازو سفرونه له ځنډ سره مخامخ کړي ول او زیاتو هېوادونو ته ېې سقرونه ونکړاۍ شو چې په وینا یې په نژدې راتلونکې به طالب استازي نورو هیوادونو ته هم سفرونه وکړي.د یادونې وړ ده چې تېره حفته د پاکستان د بهرنیو چارو وزارت پر ویب سایټ یوه اعلامیه خپره شوه چې پکې د افغان طالبانو د ځینو مشرانو په ګډون د نورو وسله والو ډلو پر مشرانو هم د ملګرو ملتونو د تعزیراتو کمېټې د بندیزونو پر وضعه کېدلو باندې ټینګار کړۍ وو، او بندیزېې پرې ولګول،

د دغه هېواد لخوا د وسله والو ډلو پر مشرانو د بندیزونو په نوملړ کې په قطر کې د طالبانو د سیاسي دفتر مشر ملا برادر او د طالبانو د مشر مرستیال سراج الدین حقاني او د حقاني د کورنۍ نور غړي هم شامل وو.د پاکستان د بهرنیو چارو وزارت په اعلامیه کې ذکر شوي فدرال حکومت خوښ دی چې د ملګرو ملتونو د امنیت شورا د تعزیراتو کمېټې پرېکړه په بشپړ ډول عملي شي،

د افغان سولې په اړه د پختونخوا د خلکو نظرونه
د افغان سولې په اړه د پختونخوا د خلکو نظرونه

دا هم باید یاده کړو چې د طالبانو پاکستان ته اول بندیز او بیاېې سفر کول د خلکو غبرګونونه راپارولي دي او وايي چې څنګه طالبان یو هېواد په رسمي ډول سفر کوي او هلته بیا د هېواد په مهمو مسایلو باندې بل هېواد سره بحثونه کوي دويي وايي چې اول ېې په بندیز ولګوو او بیا ېې ورته د سفر بلنه ورکړه دا څه معنی لري اوچې افغانستان رسمي حکومت لري ولې دولت سره په دغو موضووعګانو باندې خبرې نه کوي،

د محمد بن سلمان له باجوه سره ليدو نه ډډه ولې وکړه؟

د عربستان سعودي وليهعد محمد بن سلمان د پاکستان له لوی درستيز یا ارمي چيف جاويد قمر باجوه سره د لیدو نه ډډه وکړه او وخت ورنکړ او د محمد بن سلمان پر ځاۍ ورسره دعربستان مرستیال دفاع وزیر وليدل او په مختلفو موضوعاتو باندې ېې بحث وکړ،

د باجوه ليدنه په داسي حال کې د سعودي عربستان د وليهعد له لوري لغوه کيږي چې په دې وروستو کې د پاکستان او سعودي اړيکي خرابې شوي دي، تيره دوشنبه د پاکستان لوی درستيز جنرال جاويد قمر باجوه او د استخباراتي ادراي مشر فيض محمد د سعودي عربستان پلازميني رياض ته سفر وکړ.او غوښتل يې د سعودي عربستان له وليهعد سره ملاقات وکړي او د پاکستان د ترينګولو اړيکو د رغولو لپاره له هغه سره تفصیلي بحث وکړي

خو د عربستان وليهعد د پاکستاني پوځ له لوی درستيز سره ليدنه ردکړه. چې هغه وروسته جنرال باجوه ددفاع له مرستيال وزير سره وکتل.د رپوټونو له مخې داسې ويل کيږي چې د سعودي عربستان او پاکستان اړيکې له هغه وروسته ترينګلي شوي چې په يوه غږيز پيغام کې د پاکستان د بهرنيو چارو وزير شاه محمود قريشي سعودي ګرم وبلل او يې ويل چې سعودي د يوه اسلامي هيواد په توګه يې د کشمير په مسله کې د پاکستانملتړ ېې ونکړ،

قريشي په دغه ويډيوي پيغام کې دا هم ويلي چې که سعودي ورسره ملاتړ هم ونه کړي دوی يې په خپله په يوازي سر د کشمر د کشالي په وړاندي ودريږي.د سياسي شنونکو په وينا د سعودي او پاکستان د اړيکو خړ پړتيا ځني دلايل هم شته.د شنونکو په باور چې سعودي غواړي په پاکستان کې د ترکيې نفوذ کم کړي او هلته خپل نفوذ زیات کړي،

د یادونې وړ ده چې سعودي له پاکستان څخه د هغه ترکيې سريال ارل طغرل د بنديدو غوښتنه هم کړي وه چې په تاريخي مسايلو راڅرخي.له بله پلوه بېا پاکستاني چارواکو په رسنيو کې د پاکستان او سعودي عربستان تر منځ د اړيکو ترينګلتيا رد کړي او سعودي يې د پاکستان يو ښه دوست بللی دی.تيره ورځ د پاکستان لومړي وزير عمران خان ميډیا ته ويلي چې سعودي عربستان د پاکستان تر ټولو نيږدي دوست مملکت دۍ او مونږ غوواړو چې عربستان سره تعلقات همیشه لپاره وساتو،

ښاغلي خان د خپلو خپرو په ترڅ کې د سعودي وليهعد خپل ديني ورور ياد کړ.د پاکستان له بهرنيو چارو وزارت څخه په يوه خپره شوي اعلاميه کې ويل شوي چې سعودي د پاکستان دوست هيواد وو او تل به.وي.پاکستاني چارواکو سعودي عربستان دغه چاپلوسي له هغه وروسته شروع کړه چې سعودي اعلان وکړ چې په د نا امنينو له ويرې به په پاکستان کې د دوی ځيني پروژي بیرته ختموي، او نوره همکاري پاکستان سره نه کوي،

اوس وخت سعودي عربستان غاړي چې په مختلفو لارو زور راولي او پاکستان دې ته اړ کړي چې عربستان څه وايي پاکستان ېې ومني بلخوا بیا د پاکستان دولت غواړي چې سعودي عربستان د کشمیر موضوع کې له پاکستان سره یو ځاۍ شي او د هندوستان د موقف مخلفت وکړي خو دا خبره سعودي عرب رد کړې او له همدې امله سعودي اوس د پاکستان سره تعلقات خراب شوي دي،

د باجوه سفر

سعودي عربستان ته د باجوه سفر د پاکستان د پوځ مشر جنرال قمر جاوېد باجوه د راتلونک هفتې کې په وروستیو ورځو کې عربستان ته سفر لري او هلته به د سعودي عربستان اعلۍ چارواکو سره لیدل کتل کوي او په مختلفو موضوعاتو به بحث کوي،

لکه څنګه چې تاسوو معلومات لرۍ چې د پاکستان او سعودي عربستان دولتونو سیاسي تعلقات په دې وروستیو کې تر بل هر وخت ډېر خراب شوي دي او بل باندې ېې نیوکې کړي دي، د ریوټرز د راپور پر بنسټ د جاوېد باجوه موخه د دواړو هېوادونو تر منځ د تاوتریخوالي را کمول دي.د ګاونډي هېواد د پوځ مشر غواړي سعودي ته ننواتې وکړي، چې له دوی سره یې سیاسي اړیکې را جوړې شي شياو د کشمیر په مسله کې ورسره کومک وکړي

د دغه هېواد دولت له سعودي عربستان غوښتنه کړې -چې د کشمیر په لانجمنه مسله کې دې د پاکستان لپاره د اسلامي همکاریو سازمان غونډه را وبلي، چې دا غوښتنه یې د سعودي عربستان له لوري نه وه منل شوې او پاکستان ویلي وو چې د سعودي عربستان په مشرۍ د اسلامي همکاریو سازمان د کشمیر د مشکل د حل وړتیا نه لري. چې له امله یې سعودي عربستان پر پاکستان غوسه شو او ترمنځ ېې اړېکې هم خرابه شوې

د پاکستان دخارجه وزارت د سعودي عربستان د نه منلو په غبرګون کې ویلي، که د کشمیر په مسله کې یې سعودي عربستان ملاتړ کوي که نه، خو وخت راغلی چې خپله لاس په کار شو، که د اسلامي همکاریو سازمان هېوادونه غونډه نه رابلي نو موږ به پرېکړه نیسو چې د دې سازمان سره پاتې شو که نه، دا په داسې حال کې ده، چې سعودي عربستان له پاکستان یو بیلیون ډالر خپل پور هم بېرته اخیستی او د نورو د پورونو بېرته اخیستلو یاده یې هم کړې او د تېلو او نورو بېلابېلو برخو کې یې ورسره د همکارۍ بندولو خبرهم ورکړۍ چې دا به سیمه کې یو نوۍ کړکېچ رامنځته کړي،

د سعودي عربستان او پاکستان تعلقات او همکارۍ سره خرابې شوي او عربستان اوس نه غواړي پاکستان سره په کومه برخه کې همکاري وکړي خو د پاکستان دولت کوشش کوي چې د عربستان سره خرابې شوې اړیکې بېرته را ورغوي او دې لپاره یې یو شمېر هېوادونه هم واسطه کړي دي چې سعودي ته د دوی لپاره واسطه شي څو اړیکې ورسره بېرته بحالې شي. ترڅو بیا د عربستان په مرستو مزې وکړي خو سعودي عربستان ورو ورو خپلې اړیکې ورسره خرابوي او نورو اپشنونو باندې غور کوي،

دغه مملکت اوس مهال په دنیا کې له ستر اقتصادي بحران سره لاس او ګریوان دی، په کور دننه یې د پیسو ارزښت هم ټیټ شو او په سیمه او نړۍ کې هم له انزوا سره مخ شوی دی.دوي ډېراقتصادي تاوانونه هم وکړل اوس غواړي چې دولت ېې پاکستان په خپلو پخو ودروي او نورې نړۍ سره خپل تعلقات ښه کړي ترڅو یوازې پاتې نشي،

سعودي عربستان ته د باجوه سفر
سعودي عربستان ته د باجوه سفر

د یادونې وړ ده چې پاکستان اوسمهال د کرونا ویروس مخنیوږي لپاره هڅې روانې کړي دي او دې له امله هم اقتصادي ستونزو سره مه دۍ دغه هېواد باندې د کلونو راهیسې قرضونه هم پراته دي او ګڼ شمېر هېوادوال ېې د غربت ژوند تېروي نو اوس وخت کې د دويي تعلقات خرابېدل ډېر په تاوان دي ورته او لا نور اقتصادي ستونزو سره مخ کېدۍ شي،

ولسمشرغني عمران خان ته د اختر مبارکي ورکړه

ولسمشر غني عمران خان ته د اختر مبارکي ورکړه  دافغاسنتان جمهور ریس اشرف غني‌د ګاونډی هېواد پآکستان لومړي ‌وزیر ته د تلیفون له لارې د اختر مبارکي ورکړې او د کرونا ویروس په تړاو یې د پاکستان د دولت کوششونو ستاینه ېې وکړه.

د له لوري‌ په خپره شوې خبریپاڼه کې راغلي‌ چې اشرف غني‌عمران خان ته ویلي‌ چې سږ کال اختر په داسي‌ یو وخت کې راغلی چې ټوله نړۍ له کرونا وایرس نه کړیږي‌ او پاکستان هم یو له هم دغو هیوادونو دی.لومړي وزیر عمران خان له ولسمشر غني سره په افغانستان کې د کوېډ ۱۹ له امله د مړو شویو کسانو له امله غمرازي وښوده او هیله یې څرګنده کړه چې دغه ویروس به په کامیابۍ سره کنټرول کړای شي.‌

زاپورونه وايي چې صدراعظم عمران خان اشرف غني ته په پاکستان کې د کوېډ ۱۹ پرضد د حکومت د تګلارې په اړه معلومات وړاندې کړل په کومه کې چې د خلکو د ژوند په ژغورلو او اقتصادي رغونې باندې تمرکز شوی.د دغه هېواد د دولت لخوا په دې خپره شوې خبرپاڼه کې دا هم ویل شويچې دواړو مشرانو د افغان سولې د وروستیو پړاونو په اړه خبرې وکړې.

د یوې خبر پاڼې له مخې عمران خان د افغان سولې په بهیر کې د پاکستان د مثبت رول ذکر هم کړۍ او د سولې راتګ یې یو ضرورت بللۍ .‌عمران خان همداراز هیله څرګنده کړې چې د اوسني حالات به نور هم برابر شي تر څو د امریکا او طالبانو ترمنځ د سولې شوی تړون په بشپړه توګه پلی او بین الافغاني مذاکرات ژر تر ژره پیل کړي

دولت له لوري‌ ددې راپور تر لیکلو پورې دې راپور ته هیڅ غبرکون نه دی ښودل شوی؛ خو پاکستاني‌ اخبارونه وايي چې اشرف غني‌عمران ان ته د کندهار د سپین بولدک ولسوالي ‌د پېښي په تړاو هیڅ هم نه دي ‌ویلي.

بلخوا بیا افغاانو دا تمه لرله چې د سپین بولدک او چمن تر پېښي وروسته به افغان حکومت ټول پآکستاني ‌دیپلواتان وشړي او پاکستان به دښمن هیواد وبلي ؛ خو بیا هم د افغانستان د ولسمشري‌پر څوکۍ ناست اشرف غني‌ عمران خان ته د اختر مبارکي ‌تلیفون کړی او د هغوی په هیواد کې د کرونا ویروس نه د وژل شویو کسانو په تړاو یې غمرازيښکاره کړې ده، او غټه ضایع بللې،

ښاغلي عمران خان د دې وړاندې هم ویلي وو چې د تحریک انصاف ګوند تر مشری لاندې حکومت به یې له خپلو ګاونډیو سره ښې اړیکې ولري. نوموړي ویلي وو د پاکستان ثبات د افغانسان له سولې سره تړلی دی او له همدې امله پاکستان په افغانستان کې امنیت او ثبات غواړي.نو اوس باید افغان عوام د ې تلیفون ته په مثبت ډول وګووري او دولت لا نوورې هڅې وکړي چې ګاونډیو سره ښه اړیکې جوړې کړي،

هند ته افغان صادرات نورهم مخ په زیاتېدو دي

هند ته افغان صادرات نورهم مخ په زیاتېدو دي د ملګري مملکت هند ته د افغانستان اوسني صادرات د تېرو کلونو په پرتله ٢١ سلنه زيات شوي دي. د دغه هېواد دولت وايي که چېرته نور ملکونه له دې چارې سياسي استفاده ونه کړي،دوي به افغانستان سره تجارت نور هم ښه کړي،

دسرچينیو له مخې ، په انډیا کې د افغانستان سفارت سرپرست طاهر قادري ويلي دي، چې هند ته د افغانستان د ٢٠٢٠ کال صادرات ٥٣٠ ميليونه امريکايي ډالرونه زیات شوي دي ، د څېړنو به بنسټ د تېرو کلونو په پرتله ٢١ سلنه زياتوالى پکې راغلى دى.همدا رنګه بل لوري ته هندي رسنيو په ځينو راپورونو کې ويلي دي، چې په واګه بندر د افغانستان او هند ترمنځ سوداګريز فعاليتونه ډېر شوي دي.کوم چې به افغانستان د اقتصاد لپاره یو ښه زېرۍ وي اوو دې سره به د افغانستان اقتصاد ښه شي،

دغه هېواد په خپلو راپورونو کې زياته کړې ده، له هغه ورځې چې پاکستان د افغانستان سوداګرو ته د واګه بندر له لارې له هند سره د سوداګرۍ اجازه ورکړې ده، ١٤ لارۍ د پاکستان له لارې په واګه باندې هند ته راغلې دي.دويي وايي باید پاکستان د تل أباره دوي ته اجازه ورکړي چې افغانستان سره تجارت وکړي ترڅو دواړو هې،ادونو ته پکې فاید اوشي او افغانستان اقتصاد هم ښه شي

یادو ١٤ لاريو کې چې د واګه له لارې هند ته تللې دي، په دې کې د افغان سوداګرو سوداګريز توکي چې تر ډېره پورې پکې وچه مېوه ده، هند ته صادره شوې ده. او افغانستان واحد هېواد دۍ چې وجه مېوه پکې ډېره ده باید افغان تجارران هم وچه مېوې تلیدات زیات کړي او دې لپاره کار وکړي ترڅو وچه نوره هم زیات شي او د هند په شمول نورو هېوادونو ته هم صادر کړي،

د انډیا دولتي چارواکي وايي، چې دوى کوشش کوي له افغانستان سره د سوداګرۍ پهسکتور کې له خپل لوري نورې اسانتياوې هم رامنځته کړي او تمه يې ښکاره کړې ده چې پاکستان به له دې تجارت څخه سياسي استفاده ونه کړي. دوى همدا رنګه له پاکستان غوښتنه کړې چې افغان سوداګرو ته دې اجازه ورکړي چې په بېغمه او ارام ذهن خپلې سوداګرۍ ته دوام ورکړي،

هند ته افغان صادرات نورهم مخ په زیاتېدو دي
هند ته افغان صادرات نورهم مخ په زیاتېدو دي

د يادونې وړ ده چې د افغانستان او هند ترمنځ د تجارانو لپاره لنډه لار واګه ده، چې افغان سوداګر د پاکستان له لارې خپل سوداګريز توکي هند ته صادر کړي ههداراز دا یولاره ده چې افغانستان ته هم خپل مال را صادر کړي ترڅو د دواړو هېوادنو پکې اقتصادي فایده وشي او دواړه هېوادونه په یو ځاۍ ووده وکړي افغان دولت ته هم پکار دي چې په تجارت باندې نور هم کار وکړي ترڅو د هېواد تجارت نورو ملکونو سره نور هم ښه شي،

ددور بابا ولسوالۍ ولسوال پاکستان سره بغاوت له دندې ګواښه شو

ددور بابا ولسوالۍ ولسوال له دندې ګواښه شو يو څه وخت وړاندې د جلال اباد د دور بابا ولسوال په دغه ولسوالۍ کې د پاکستاني له وړاندې راتګ خبر ورکړ او ویې ویل چې د پاکستان دولت د دوربابا ولسوالۍ په حدودو کې څو کلو مېتره مخکې راغلي دي،

د جلال اباد په دور بابا ولسوالۍ کې د پاکستاني ملېشو د وړاندې راتګ خبر له اوچتولو سره دولت د دغې ولسوالۍ ولسوال له دندې لرې کړ.له سیمې څخه په راغلیو معلوماتو په اساس د دور بابا ولسوال ته ورته له هغه د ولایت له ادارې څخه د نوموړي د ګوښه کېدو لپاره زنګ ووهل شو چې نوموړي په دغه سیمه کې د پاکستاني ملېشو د وړاندې راتګ خبر رسنیز کړ او دا معلومات ېې وړاندې کړ چې پاکستان مخکې راغلۍ،

بازې سرچینۍ وايي دور بابا ته را مخکې شوي پاکستاني غسکرود قېمتي ډبرو په را ویستلو بوخت دي خو مرکزي حکومت پر چوپتیا غوره کړې ده.په ورته وخت کې رسنیو ته ته رسېدلي معلومات ښیي چې پاکستاني ‌پوځ د ننګرهار ولایت د دوربابا ولسوالي د څڅوبي‌ زرۍ سیمې ته ځان رسولی او د ډیورنډ کرښې دې غاړه دافغانستان لور ته  یې د اوبو په مهارولو او د قیمتي ‌ډبرو په کیندلو لاس پورې ‌کړی دی .د ننګرهار د دور بابا ولسوالي‌ ګڼو اوسېدونکو خبریال وېیب پاڼې ته وویل چې پوځیانو هغه اوبه مهار کړې او د ډیورنډ‌ کرښې هغه بل لورته اړولې دي چې د موجوده افغانستان په خاوره کې بهیږي ‌او ددغه هیواد ملکیت دی .

پاکستاني پوځیانو دجلال اباد د دور بابا ولسوالي د څڅوبي‌ په زرۍ سیمه کې ژورې کېندنې پیل کړې دي .‌د دور بابا ولسوالي یوه اوسېدونکي‌ تاج محمد په ننګرهار کې د خبریال وېب پاڼې همکار ته ویلي‌ چې پخوانی والي شامحمود په دغه موضوع خبر وو خو هغه هیڅ اقدام ونه شو کړای .

د یاد ولایت د ملي‌امنیت یوې سرچینې رسنیو وېب پاڼې ته وویل چې یاده موضوع یې تر کابله رسولې خو دولت پر دا خبره پټه خوله دی .د دښمن هیواد پاکستان له لوري ‌د دا ډول سپین سترګي عمل په وړاندي‌لا هم د پلازمېني ‌کابل چارواکي پټه خوله دي . ‌که څه هم د افغانستان له حکومته د پاکستان په وړاندي ‌د ودرېدلو ګټه نه لري خو خلک غوښتنه کوي چې افغان چارواکي ‌دي د وطن دفاع کې ناوخته کوي نه،

د هېواد ډېری خلک د افغان چارواکو چوپتیا ته په پام سره داسي‌انګېري چې ګوا کې د اشرف غني‌ حکومت په پا کستان سره پر ډویرنډ کرښه معامله کړې او اوس پآکستان ته د ځواب ویلو لپاره څه نه لري .تر اوسه حکومت په دې هکله کوم وضاحت وړاندې کړی نه دی.

اوس وخت د دې رازسېدلۍ دۍ چې باید افغان دولت ولس ته یو خبري کنفرانس کې خپل دريځ واضح کړي ترڅو ولس په دې پوه شي چې دولت په دې اړه کومه تګلاره غوره کوي که مونږ اوګورو په دې اړه په سوشل ميډیا کې هم ګڼ شمېر خلکو په دې اړه لیکنې کړي او ویلي ېې دي چې دولت باید په دې مورد کې خپل پيغام واصحه کړي ترڅو پاکستان نور زیاته مداخله ونکړي که داموضوع همداسې چپ پاتې شوه نو ښايي دا هېواد ډېرو مشکلاتو ورته مخې ته راشي،