امریکا:هيچ چا ته اجازه نه ورکووچې افغانستان کې رامنځته شوئ فرصت زیانمن کړي.

د متحدو ایالتونو د بهرنیو چارو وزیر مایک پمپیووویل چې په افغانستان کې له شاوخوا دوو لسیزو وروسته یو سیاسي فرصت برابر شوی دی چې باید زیانمن نشي

پمپیو د نورو مسایلو تر څنګ له خبریالانو سره په افغانستان کې د سولې او ټاکنو په اړه خبرې وکړې.

هغه د تاوتریخوالي د کمولو په اړه وویل: “موږ په افغانستان کې یو بیساری سیاسي فرصت ترلاسه کړی دی. هېڅ یوې وړې ډلې ته چې فکر کوي دغه فرصت ته زیان رسولی شي، اجازه نه ورکوو چې دا کار وکړي. یو شمېر ډلې شته چې هڅه کوي زموږ لاس ته راوړنو ته زیان ورسوي، خو موږ به ورته اجازه ورنکړو.”

نوموړي ونه ویل چې دا کوچنۍ ډلې څوک دي.

ښاغلي پمپیو وویل چې په وروستیو کلونو کې لومړی ځل دی چې په افغانستان کې ټولو ښکېلو غاړو تاوتریخوالی راکم کړی دی.

ښاغلي پمپیو ټېنګار وکړ که دا هر څه همدغسې کامیاب پر مخ ولاړ شي، دوی به له طالبانو سره تړون لاسلیک کړي. هغه وویل: “د تاوتریخوالي ۷-ورځنی بهیر ډېر فوق العاده نه دی خو، بیا هم تر دې دمه ښه روان دی. که همدغسې بریالي پرمخ ولاړ شي، د ملي یوالي د حکومت سره په همغږۍ به له طالبانو سره تړون لاسلیک کوو. “

د امریکا د بهرنیو چارو وزیر ټېنګار وکړ چې له افغانستان څخه به امریکایي ځواکونه مرحله په مرحله ووځي. هغه وویل: “طالبان باید خپله هره ژمنه عملي کړي،موږ تر هغو نه وځو چې دا ژمني پلې شوې نه وي. “

تر ښاغلي پمپیو څو شېبې مخکې ولسمشر دونالډ ټرمپ وویل چې سولې ته نژدې شوي دي او په افغانستان کې به د امریکايي ځواکونو شمېر ۸۶۰۰ ته رسوي. دا مهال امریکا په افغانستان کې شاوخوا ۱۲۰۰۰ سرتېري لري.

ښاغلي پمپیو وویل چې د امریکا-طالبانو له تړون وروسته به بین الافغاني مذاکرات پیلیږي چې په ډېرو مسایلو به په کې بحث کیږي. هغه هیله وښوده چې په بین الافغاني مذاکراتو کې به یو سیاسي حل پیدا شي.

مایک پمپیو د افغانستان د ټاکنو د پایلو په اړه وپوښتل شو، هغه مشخصآ څه ونه ویل خو ټېنکار یې دا و چې “زموږ ژمنه دا ده چې د افغانستان اساسي قانون عملي شي، انتخابات وشي، انتخابات آزاد، عادلانه او د اعتبار وړ وي او د رایو شمېرل هم سم وي.”

د سولې په اړه د حامد کرزي څرکندونې

پخواني ولسمشر حامد کرزي خبرداری ورکړ چې افغاني لوری او طالبان باید ډیر دقت وکړي چې د سولې تر عنوان لاندې د پردیو اهداف و نه اوسي.

ښاغلي کرزي  پنجشنبه ورځ د (فبرورۍ ۲۷) یوې رسنئ سره په ځانګړې مرکه کې وویل د سولې په نتیجه کې باید په افغانستان کې قوي حکومت رامنځ ته شي

کرزی وايي “موږ به سوله غواړو، دوی به نور اهداف لري، نو هغه دقت بیا زموږ ملي وظیفه هغه زیاته کړه چې سوله د هر انسان اذمان دئ باید د سولې پزوسه به سم ډول سر ته ورسي.. “

ښاغلی حامد کرزی وايي په اوس وخت کې له ټولو بدبختیو، د پردي له لاس وهنو او مطلق استثمار څخه د خلاصون یوازینۍ لار سوله ده.

پخوانی ولسمشر وايي د موازې ادارو اعلان د افغانستان لپاره خطرناک دی او د ټاکنو پایلې هیوادونو په رسمیت ندي پيژندلي او مخشوشې اعلامیې یې په اړه ورکړل شوي دي هغه وویل موږ پخوا هم په دې اړه ولسمشرغني سره خبرې اترې شوي او ولسمشر غني ته مو د سولې مزاکرات مخې ته بېولومشوره ورکړې .

پخوانی ولسمشر حامد کرزی وايي، د سولې له بین الافغاني مذاکراتو مخکې د انتخاباتو نه د راپورته شوې لانجې حل په کار دی او د ټاکنو د لانجې هوارول او یو جوړ جاړي ته رسېدل د ولسمشرۍ د ټاکنو د مخکښو کاندیدانو پورې اړه لري

ښاغلي کرزي زیاته کړه چې که انتخابات نوئ شوي او سولې ته اولیت ورکړئ شوئ وئ نو اس به د مملکت سیاسي حالات دومره نوئ خراب شوي خو اوس  انخابات چې  وشول نو باید داسې یو حکومت تشکيل کړئ شي جې ټولو اقوامو ته د منلو وړ وي.

د عبدالله او غني انتخاباتي ټيمونو ترمنځ مذاکرات پیل شوي

د عبدالله په مشرۍ د ثبات او همپالنې انتخاباتي ډلې د محمداشرف غني په رهبرۍ د دولت جوړوونکي له انتخاباتي ډلې سره د مذاکراتو د پیلېدو خبر وکړی دی.

د عبدالله عبدالله د انتخاباتي ډلې لومړي مرستیال عنایت‌الله بابر فرهمند ویلي، چې دواړو خواو دا مذاکرات د افغانستان د سولې لپاره د امریکا د ځانګړي استازي زلمي خلیلزاد په منځګړیتوب پیل کړي دي.

هغه په خپل ټویټر کې لیکلي: “د لوړې د مراسمو ځنډول او د والیانو د ګومارلو لړۍ ودرول ومنل شو. سوله د ثبات او همپالنې د انتخاباتي برنامې یو لومړیتوب وو / دی، خو د ملت د پاکو رایو څخه د دفاع لپاره د کرښې تر پایه ولاړ او ژمن یو“.

دواړو انتخاباتي ډلو د دغو مذاکراتو د جزئياتو په اړه تر اوسه له رسنیو سره معلومات نه دي شریک کړي.

ښاغلي خلیلزاد تېره ورځ وویل، چې د انتخاباتو د بهیر له پای ته رسېدو سره جمهور رئيس غني د دغو انتخاباتو ګټونکی اعلان شوی او نور مشران باید ډاډ ترلاسه کړي، چې نوی حکومت ټول‌شموله او د ټولو افغانانو د ارمانانو انعکاسوونکی دی.

د افغانستان جمهوري ریاست او دولت جوړوونکی انتخاباتي ټیم د دغو مذاکراتو د څرنګوالي په اړه تر اوسه ځواب ویلو ته حاضر شوي نه دي.

خلیلزاد: د ټاکنو ګټونکی معلوم دی او ټاکنوبهيرپائ ته رسېدلئ

ټاکل شوې وه د ولسمشر غني د لوړې مراسم سبا ترسره شي، خو د امریکا په غوښتنه یې یاد مراسم ځنډولي، او امریکا هم تر مننه کړې.

اوس ټاکل شوې چې د اشرف غني د لوړې مراسم د کب میاشتې په ۱۹ مه نېټه ترسره شي، چې افغان سولې لپاره د امریکا ځانګړي استازي زلمي خلیلزاد هم له دې پرېکړې هر کلی کړی دی خلیلزاد پر خپل توېټر پاڼه لیکلي د افغانستان د بهرنیو چارو وزارت اعلان کړی چې د ولسمشر غني د لوړې مراسم به د مارچ په ۹ مه نېټه ترسره شي، او د اوس مهال لپاره یې ځنډولي چې نوموړي له دې ګام څخه هرکلی کړی دی.

افغان سولې لپاره د امریکا ځانګړي استازي زلمي خلیلزاد تازه پر خپل ټوېټر لیکلي چې د ټاکنې پای ته رسېدلي، او ولسمشر غني یې ګټونکی دی.

هغه ویلي چې نور افغان مشران باید ډاډه ورکړي چې د افغانستان نوی حکوت ټول شموله وي، تر څو ټول افغانان پکې ځان وویني.

تېره ورځ ( سه شنبه کب ۶ ) د امریکا د بهرنیو چارو وزارت وویل چې افغانستان کې د موازي حکومت رامنځته کولو هڅې له قانون سره په ټکر کې دي او باید ترې ډډه وشي.

دا په داسې حال کې ده چې تېره اونۍ ټاکنو خپلواک کمېسیون د ۱۳۹۸ کال د ولسمشریزو ټاکنو وروستۍ پایلې اعلان کړې او له مخې اشرف غني د ټاکنو ګټونکی شو.

د ټاکنو کمېسیون لخوا اعلان شوې پایلې عبدالله عبدالله ته د منلو وړ ندي، او اعلان شوې پایلې له درغلیو ډکې بولي، چې له همدې امله یې د ټاکنو له پایلو سره مخالفت وښود او ځان یې د ټاکنو ګټونکی اعلان کړ.

د ټاکنو د پایلو له اعلان مخکې د عبدالله عبدالله په مشرۍ د ثبات او همپالنې ټېم غړیو خبرداری ورکړ که دوي د ټاکنو ګټونکي اعلان نشي نو موازي حکومت به رامنځته کړي.

دعربي اماراتو ولیعهد ولسمشرغني ته د ټا کنوګټلومبارکي ورکړه

د ابوظهبۍ ولیعهد شیخ محمد بن زاید آل نهیان د یوه ټیلیفوني تماس له لاري ، ولسمشر محمد اشرف غني ته په ټاکنو کې د بیا ځلې بریا مبارکي وویله د ارګ له لوري په خپره شوې خبر پاڼه کې راغلي دي چې د ابوظبۍ ولیعهد او د متحده عربي اماراتو د وسله وال پوځ اعلی سرقومندان مرستیال والاحضرت شیخ محمد بن زاید آل نهیا ارګ وایي، په دغه ټلیفوني تماس کې دواړو لوریو د افغانستان او متحده عربي اماراتو ترمنځ اړیکې د ورورۍ او دوستانه وبللې او د دواړو هیوادونو ترمنځ یې د ستراتېژیکو او اقتصادي اړیکو پر پراختیا ټینګار وکړ دواړو ولسمشر غني ته مبارکي ورکړه.

په دغې تماس کې د ابوظبۍ ولیعهد ژمنه وکړه چې د افغان ولسمشر محمداشرف غني د ریاست په دویمه دوره کې به د افغانستان او متحده عربي اماراتو اړیکې لازیاتې پیاوړې شي.

د ابوظهبۍ له ولیعهد له لوري د مبارکۍ وړاندې ولسمشر غني ته د کویټ، هند، چین،سریلنکا او اروپایي ټولنې له لوري هم په ټاکنو کې د بریا له امله مبارکي ورکړل شوې.

دغه راز یو شمېر پخوانیو بهرنیو سیاسي مشرانو او په پاکستان کې د پښتون ژغورنې غورځنګ مخکښو مشرانو هم ولسمشر غني ته په ټاکنو کې د بریا مبارکي ورکړې ده.

ولسمشر غني ته د بهرنیو هېوادونو د استازو له لوري د مبارکۍ پیغامونه په داسې حال کې را روان دی چې په تېرو ولسمشریزو ټاکنو کې بل نوماند عبدالله عبدالله د غني دوهمه بریا نه مني.

خو ولسمشر غني لا له وړاندې د خپلې بریا جشن نمانځلی دی او د افغانستان د ټاکنو خپلواک کمیسیون له لوري د ولسمشرۍ باورلیک هم ترلاسه کړی دی.

دغه راز د ولسمشر محمد اشرف غني ټاکنیزې ډلې اعلان کړی دی چې په ولسمشریزو ټاکنو کې له بریا وروسته راتلونکې پنجشنبه د لوړې مراسم کوي، خو یو شمېر سرچیني وايي ښایي یاد مراسم د څه مودې لپاره وځنډول شي.

دغه راز د روانو لانجو او نانندریو پر مهال د عبدالله عبدالله ټیم هم اعلان کړی دی؛چې دوی هم په ټاکنو کې له بریا وروسته د لوړې مراسم کوي.

دواړه لوري ادعا کوي چې افغان ټاکنې یې ګټلي دي، خو ټاکنو کمیسیون رسمآ ولسمشر غني بریالی اعلان کړ.

عبدالله عبدالله وایي، چې په ټاکنو کې د شفافو رایو په ترلاسه کولو سره هغه بریا خپله کړې ده، خو کمیسیون محمد اشرف غني بریالی اعلان کړی دی.

Related

پاکستان عبدالله عبدالله ته بلنه ورکړې ده

د متحده ایالاتودبهرنیوچارووزارت چارواکو افغان سیاسي مشرانو ته خبرداری ورکړی، چې د موازي حکومت له جوړولو دې ډډه وکړد وزارت وايي، سیاسیون دې د اساسي قانون او د قانون د حاکميت پرضد د موازي حکومت د د امريکا د بهرنيو چارو وزارت داسې مهال دا خبرداری ورکړی، چې د عبدالله عبدالله په مشرۍ د ثبات او همپالنې ټاکنیزې ډلې د ځينو ولايتونو لپاره واليان ګمارلي دي جوړولو په ګډون له بې ثباتوونکو اقداماتو ډډه وکړي.

ډآکترعبدالله، چې د ولسمشرۍ ټاکنو وروستۍ پایله نه مني ویلي، یو ټولشموله حکومت جوړوي.

د امريکا د بهرنيو چارو وزارت تیره ورځ ناوخته په يوه خبرپاڼه کې د افغانستان له سياسي مشرانو او د هغوى له ملاتړو غوښتي، چې سياسي بحث په ارامه بڼه د تاوتريخوالي له خبرداري پرته پرمخ بوځي.

د خبرپاڼې پاى کې له افغان حکومت نه مننه شوې، چې د ولسمشر په توګه د محمد اشرف غني د لوړې د مراسمو له ځنډولو سره يې هوکړه کړې ده.

خبرپاڼه وایي، د سياستوالو او د هغوى د ملاتړو دا ډول اقدامات د افغانستان حاکميت او اتحاد زيانمنوي.

خبرپاڼه کاږي دا دوه هغه اصله دي، چې امريکا يې هم په کلکه ملاتړ کوي.

د امريکا د بهرنيو چارو وزارت ویلي، افغانان سوله غواړي او د دې وخت راغلى، چې پر ټاکنیزوسياستونو د تمرکز پر ځاى د افغانستان پر سياسي جوړجاړي تمرکز وشي.

د یادونې ده، چې تیره ورځ  د امريکا د بهرنيو چارو وزير مايک پامپيو ویلي وو، چې افغانستان ته د سولې لپاره يو تاريخي فرصت برابر شوى دى.

د ناټو د خبرپاڼې په پای کې د سټولټنبرګ له قوله ویل شوي، چې ناټو سازمان به د اوږدې مودې لپاره د افغان امنیتي او دفاعي ځواکونو سره مرستې او همکارۍ ته دوام ورکړي.

امریکا وروسته له هغې افغان سیاسي مشرانو ته خبرداری ورکوي، چې په ټول هيواد کې د تاوتریخوالي د کمښت اونۍ جریان لري او خلک تر بل هروخت ډیر سولې ته هیله من شوي دي.

چین: د افغانستان نوي حکومت سره کار ته چمتو یو

د چین د بهرنیو چارو وزارت وايي چې د افغانستان د انتخاباتو د نتایجو په اړه خبر دي او د افغانستان د راتلونکي په اړه د افغانانو د پرېکړې هرکلی کوي. ویاند “ژو لیان” د دوشنبې په د چین د بهرنیو چارو وزارت ورځ (فبروري۲۴) خبریالانو ته وویل چې هغوی خبر دي چې د افغانستان د ټاکنو کمېسیون ولسمشر غني د ټاکنو ګټونکی اعلان کړی دی

هغه وویل: “افغانستان زموږ ملګری ګاونډی دی. چین د افغانستان د ولسمشریزو ټاکنو د بهیر درناوی کوي، د آینده په اړه د افغانانو د خپلواکی د پرېکړې ننګه کوي او د نوي منتخب حکومت او د افغانستان د خلکو سره د سولې، ثبات او پرمختګ لپاره ګډ کار کولو ته چمتو دی.”

د ټاکنو خپلواک کمېسیون تېره اونۍ ولسمشر غني د ټاکنو ګټونکی اعلان کړ، خو عبدالله عبدالله ادعا کوي چې په ټاکنو کې درغلي شوې ده. هغه دا پایلې ونه منلې او اعلان یې وکړ چې خپل حکومت جوړوي.

د چین د بهرنیو چارو د وزارت ویاند همدغه راز د امریکا او طالبانو ترمنځ د سولې د خبرو په اړه هم وغږېده. هغه وویل چې د افغانستان د سولې د مذاکراتو په اړه له اړوندو خواو سره نژدې تماسونه او همکاري لري.

هغه وویل: “چین د افغانانو په مشرۍ او د افغانانو له لورې د سولې او بیا پخلاینې د همه شمول بهیر کلکه ننګه کوي. د امریکا-طالبانو ترمنځ د تړون ( ممکنه تړون) د لاسلیک کېدو هرکلی کوو او هیله لرو چې دا بهیر په ښه توګه پلي شي چې د افغانستان مسئلې ته نهايي سیاسي حل پیدا شي. “

نوموړي وویل چين په افغانستان کې د سولې، ثبات او بیا پخلاینې لپاره له اړوندو غاړو او نړیوالې ټولنې سره کار کولو ته چمتو دي.

ولسمشر ټرمپ تېره ورځ اعلان وکړ چې له طالبانو سره به د سولې تړون لاسلیک کوي. په افغانستان کې د شنبې په شپه د طالبانو، امریکا او افغان ځواکونو ترمنځ د تاوتریخوالي د کمولو ۷-ورځنی بهیر پیل شو.

چارواکي وايي که دا بهیر بریالی ختم شو، د طالبانو-امریکا ترمنځ به د سولې تړون لاسلیک شي.

دولسمشر غني به مشرۍ د اقتصاد شورا غونډه جوړه شوه

رویټرز خبري آژانس د امریکايي سرچینو له قوله لیکلي، واشنګټن له ولسمشر محمد اشرف غني غوښتي، چې خپل د لوړې مراسم وځنډوي؛ خو باوري سرچینو وویل چې غني د امریکا غوښتنه رد او ټینګار يې کړی چې مراسم به پر خپل ټاکلي وخت چې د ۵ شنبې ورځ ده، ترسره کوي او هغه ټول خلک به پکې ګډون وکړي چې دغه مراسمو ته غوښتل شوې دي د یادونې وړ ده چې یادې غونډې ته د پختون ژغورنې غورځنک يو غړئ محسن داوړ هم غوښتئ.

د سرچینې په وینا، ولسمشر غني په تونده امریکا ته ویلي، له طالبانو سره د مذاکراتو د پرمخ وړو لپاره یو واحد جهت او قوي حکومت ته اړتیا ده او امریکا دې دې معقولیت ته غاړه کېږدي چې د خلکو په رایو رامنځته شوی حکومت په تدبیر او واحد دریځ د سولې مذاکرات پرمخ وړلی شي.

سرچینه زیاتوي، له لومړي سره د امریکا فشار د همدې لپاره و چې یو مصلحتي حکومت رامنځته شي، خو د ولسمشر غني ټینګار پر ټاکنو ځکه و، چې د سولې د مذاکراتو د بریالي کولو او په نظام کې د طالبانو د راګډولو لپاره یو واحد او غښتلي حکومت ته اړتیا ده او د پخوانیو تجربو پر اساس څو جهتي حکومت حد اقل یو واحد مذاکراتي پلاوی هم نشي رامنځته کولی.

یوې بلې سرچینې رسنیو ته څرګنده کړه، چې امریکا د ټاکنو لانجو برخه کې د اشرف غني د مخالفو سیاسي جهتونو غوښتنو ته غاړه ایښې ده، ځکه خو د لوړې مراسمو ځنډولو خبره کوي.

پر دې سربېره، کرزي او یو شمېر نورو سیاسي جهتونه چې ښاغلي غني سره وران دي او ټاکنو کې د هغه ناکامي غواړي، له امریکا يې غوښتي وو، چې د ټاکنو پایلې باطلې اعلان کړي.

د ولسمشر غني د لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې.

بلخواد عبدالله عبدالله لخوا هم لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې. او کمېسون ورته خم تشکيل شوئ.

ضیاالحق امرخېل: ټاکنې مونږ ګټلي

د ولسمشر غني سلاکار ضياالحق امرخېل تېره شپه د یو ټلویزیون سره په مرکه کې وویل، ټاکنې مو ګټلي، هيچا ته باج نه ورکوو او هېڅ فشار ته نه تسليمېږو.

امرخېل چې د ولسمشر محمد اشرف غني ستر سلاکار بلل کېږي په ولسمشریزو ټاکنو کې د محمد اشرف غني له بریا وروسته په رامنځته شویو ستونزو باندې وغږید او ډاډ یې ورکړ چې هر څه به بېرته سم شي.

هغه د خپلو څرګندونو پر مهال د ولسمشر غني د بریالیتوب وروسته د روان کړکیچن حالت په اړه وویل، چې یو شمېر سياسيون د خپلو ګټو او سهم لپاره پر حکومت فشار راوړي، نه د افغانستان لپاره.

نوموړي د ډاکتر عبدالله عبدالله وروستیو خپلسریو کړنو ته هم په اشارې سره وویل، چې په ټاکنو کې له ماتې وروسته د یو شمېر ولایتونو لپاره د والیانو ګومارنه غیر قانوني ده او لاهم د بحران رامنځته کولو په هڅه کې دی.

خو امرخېل د عبدالله عبدالله د پرېکړو په اړه ولس ته ډاډ ورکړ چې د غير قانوني واليانو د معرفي کولو په هکله دئ هيڅ تشويش نه کوي، ځکه موږ پياوړي امنيتي ځواکونه لرو او هیڅوک به پرېنږدو چې غیر قانوني راشي او دنده پیل کړي.

امرخېل د مرکې په دوام سیاسیونو ته په خطاب کې او افغان ولس ته په ډاډ سره وویل، چې د لوړي مراسم او د نوي کابينې جوړول، هر څه به د مهالوېش مطابق مخ ته ځي؛ هيڅ ځنډ به په کي را نه شي.

د ولسمشر سلاکار یو شمېر سیاسیون هم د نوم نه ښودلو په شرط یاد کړ او وې ویل چې یو شمېر افغان لوړ پوړي چارواکي سياسیون د ولسمشر غني سره د عقدې او کينې له کبله د لېونتوب تر حده رسېدلي دي.

امرخېل د سولې په اړه هم وویل، چې خلک دې تشویش نه کوي افغان حکومت سولې ته په بشپړه توګه ژمن دى او مکمل چمتووالى لري، هغه خبر ورکړ چې د امريکا او طالبانو تر توافق وروسته به ژر د افغان دولت او طالبانو تر منځ خبرې پيل شي.

د ولسمشر سلاکار د سولې پروسې په برخه کې یو شمېر پرېکړو ته په اشارې سره وویل، چې د طالب بنديانو خوشې کېدل د امريکا اوطالبانو د توافق برخه نه ده، دا تصميم به افغان حکومت د بين لافغاني مذاکراتو په لړ کې نيسي.

امرخېل د سولې پروسې په اړه داهم وویل چې افغان حکومت او امريکايان د سولې د روانې پروسې په هکله بشپړه همغږي لري او په ډیر دقت سره پرمخ روان دي.

ضیاالخق امرخېل د مرکې په پای کې وویل، چې د سولي په خبرو کي د موجود حکومت پنځه کلنه دوره د بحث او معاملې وړ نه ده.

امرخېل په داسې مهال په یوې مرکه کې راښکاره شو چې په ولسمشریزو ټاکنو کې ولسمشر غني یوځلي بیا بریا ترلاسه کړه او د افغانستان لپاره به د پنځو کلونو نوره ولسمشري هم وکړي.

د یادولو ده چې په ټاکنو کې به ولسمشر غني له بریا وروسته راتلونکې بنجشنبه لوړه وکړی چې پکې به بیلابیل کورني او بهرني مېلمانه هم ګډون وکړي.

د ولسمشرغني په مشرۍارګ کې دکابينې غونډه تر سره شوه

پاکستان ويلي په افغانستان کې په صدارتي انتخاباتو کې د اشرف غني د ګټې په اعلان خبر دی او په مناسب وخت کې به دې ته ځواب وايي.

د افغانستان د ټاکنو خپلواک کمېسون په صدارتي انتخاباتو کې د اشرف غني د ګټې اعلان کړی ؤ. خو د غني رقيب عبدالله عبدالله ويلي د انتخاباتو نتيجې نه مني او هغه به ځان ته حکومت جوړوي.

د پاکستان د بهرنيو چارو د دفتر د وياندې عايشه فاورقي نه د ، پنجشنبې په ورځ په اوونيزه خبري غونډه کې پوښتنه شوې چې د اشرف غني په بريا پاکستان رسمي غبرګون نه دی څرګند کړی، پاکستان د افغانستان د انتخاباتو پرمختګ او د اشرف غني برياته په څه نظر ګوري؟.

فاروقي په ځواب کې ويلي،”مونږ (پاکستان) د افغانستان د ټاکنو د خپلواکه کمېشن په اعلان خبر دی، مونږ د پرمختګونو څارنه کوو او په مناسب وخت به ورته خپل غبرګون وايو”.

د اغلې نه دا پوښتنه هم شوې چې د طالبانو پخوانی وياند احسان الله احسان په وروستيو کې د پاکستان نه تښتېدلی، ايا د افغان د سولې د عمل سره د دې څه تړاؤ شته؟.

هغې په ځواب کې ويلي، “مونږ د افغانستان د سولې عمل ته ګورو چې دا مخ په وړاندې بېن الافغاني خبرو پله لاړ شي”.

د احسان الله احسان په اړه هغې ويلي، “دا خبره د افغان سولې د عمل سره تړل قياسي زاويه ده او د نظر شريکولو وړ نه ده”.

د امریکې او طالبانو ترمنځ د سولې د تړون کېدو په اړه پوښتنې ته په ځواب کې فاروقي ويلي، “پاکستان څو ځله په دغه اړه خپل نظر وړاندې کړی او پاکستان د بل هر چا نه زيات په افغانستان کې سولې ته لېواله دی، او مونږ هيله لرو چې د سولې تړون وشي، بېن الافغاني خبرو ته لاره هواره شي او په افغانستان کې سوله راشي”.