جمهورریس غني د ښځو عالي شورا د جوړولو فرمان صادرکړ

ولسمشرمحمد اشرف غني وايي د سولې بحث یوملي بحث دی او په ګډه به دایمي سولې ته د رسېدو هڅې کوي.

ولسمشرغني پرون ماښام د افغانستان د یو شمېر ولایتونو له والیانو سره د ویډیوکنفرانس د لارې د سولې وروستیو پرمختګونو په تړاو ویلي له طالبانوسره چې هره هوکړه لاس لیک کیږي په مشروط ډول به وي.

نوموړی وايي د شرطونو پربنسټ به له طالبانو سره مذکرات له یوې مرحلې بلې ته ځي او که دا ډله (طالبان) له جګړې لاس واخلي په شرطونو کې به هم بدلون راځي.

اشرف غني دغه څرګندونې په داسې حال کې کړي چې نن په دوحه کې د امریکا او طالبانو د سولې د موافقنامې په هوکړه لاسليک کېدل ټاکل شوي دي.

ښاغلي غني زیاته کړې افغان دولت د داعش په ګډون له ټولو نورو ترهګرو ډلو سره هیڅ راز اوربند نه لري او په وینا یې طالبان باید له دې ډلو ځانونه جلا کړي.

د ولسمشری ماڼۍ دمطبوعاتي ادارې د معلوماتو له مخې په دې وډيوي کنفرانس کې اشرف غني ویلي طالبان باید له پاکستان سره داړیکولرلو، د خپلوامن پټن ځایونو او د جرمي اقتصاد په تړاو خلکو ته وضاحت ورکړي.

محمد اشرف غني وویل (دافغانستان بهرنی سیاست روښانه دی،افغانستان دایمي دوست او دښمن نه لري او یوازې دایمي ګټې لري).

ولسمشرغني په سیمه کې وروستیو بدلونوته په اشارې وویل هیچا ته به اجازه ورنه کړي چې افغانستان د خپل ستراتیژیک عمق وګرځوي.

نوموړي د افغاستان یو شمیر والیانو ته په خبرو کې ویلي دافغانستان ټول مسایل به په تدبیرسره حل کیږي او په خبره یې زه مونږ دریځ اساسي قانون،ولسواکۍ،ملي حاکمیت اودهیواد دخلکو د درناوي دریځ دی.

اشرف غني ویلي له نړۍ سره یې اړیکې مهمې دي،له نړیوالې ټولنې او په ځانګړې توګه له امریکا متحدوایالتونواوناټو سره شوي ټول تړونونه پرځای دي او له نړیوالې ټولنې او امریکا سره دمشترکو ګټو پربنسټ ښې اړیکې لري.

د افغان سولې تړون به د پاکستان په حضور کې لاسلیک کیږي- قریشي

د پاکستان د بهرنیو چارو وزیر شاه محمود قریشي وايي چې په افغانستان کې د سولې او ثبات په اړه د پاکستان صادقانه هلو ځلو نتیجه ورکړه.

ښاغلي قریشي په یوې اعلامیې کې ویلي دي چې د پاکستان له هلو ځلو پرته دا ناممکنه وه چې طالبان دې د سولې خبرو ته حاضر شي او امریکا ته دې قناعت ورکړل شي چې دا خبرې بیا پیل کړي.

نوموړي په یوې اعلامیې کې ویلی دي چې د طالبانو او امریکا ترمنځ “تړون به د پاکستان په موجودیت کې لاسلیک کیږي، ځکه چې له پاکستان پرته دا کار ناممکن و.”

ښاغلي قریشي وویل چې له دې وروسته به د بین الافغاني مذاکراتو د پیلولو په اړه هم هلې ځلې وشي. شاه محمود قریشي دا خبرې داسې مهال کوي چې د امریکا او طالبانو ترمنځ د تاوتریخوالي د کمولو اونۍ پیل شوې ده.

ولسمشر غني هم وویل چې افغان ځواکونو ته یې لارښونه کړې ده چې په دغې مودې کې پر طالبانو بریدونه ونکړي. که د سولې اونۍ کامیابه ختمه شي، بله شنبه (فبروري۲۹) به د طالبانو او امریکا ترمنځ د سولې موافقه لاسلیک شي

ولسشمر غني د تاوتریخوالي د کمولو اقدام د سولې او اوربند پر لوري یو مهم ګام بللی دی.

پومپیو:دطالبانواوافغان خکومت ترمنځ خبرې به مشکلات ولري

د متحدو ایالتونو د بهرنیو چارو وزیر مایک پمپیووویل چې په افغانستان کې له شاوخوا دوو لسیزو وروسته یو سیاسي فرصت برابر شوی دی چې باید زیانمن نشي

پمپیو د نورو مسایلو تر څنګ له خبریالانو سره په افغانستان کې د سولې او ټاکنو په اړه خبرې وکړې.

هغه د تاوتریخوالي د کمولو په اړه وویل: “موږ په افغانستان کې یو بیساری سیاسي فرصت ترلاسه کړی دی. هېڅ یوې وړې ډلې ته چې فکر کوي دغه فرصت ته زیان رسولی شي، اجازه نه ورکوو چې دا کار وکړي. یو شمېر ډلې شته چې هڅه کوي زموږ لاس ته راوړنو ته زیان ورسوي، خو موږ به ورته اجازه ورنکړو.”

نوموړي ونه ویل چې دا کوچنۍ ډلې څوک دي.

ښاغلي پمپیو وویل چې په وروستیو کلونو کې لومړی ځل دی چې په افغانستان کې ټولو ښکېلو غاړو تاوتریخوالی راکم کړی دی.

ښاغلي پمپیو ټېنګار وکړ که دا هر څه همدغسې کامیاب پر مخ ولاړ شي، دوی به له طالبانو سره تړون لاسلیک کړي. هغه وویل: “د تاوتریخوالي ۷-ورځنی بهیر ډېر فوق العاده نه دی خو، بیا هم تر دې دمه ښه روان دی. که همدغسې بریالي پرمخ ولاړ شي، د ملي یوالي د حکومت سره په همغږۍ به له طالبانو سره تړون لاسلیک کوو. “

د امریکا د بهرنیو چارو وزیر ټېنګار وکړ چې له افغانستان څخه به امریکایي ځواکونه مرحله په مرحله ووځي. هغه وویل: “طالبان باید خپله هره ژمنه عملي کړي،موږ تر هغو نه وځو چې دا ژمني پلې شوې نه وي. “

تر ښاغلي پمپیو څو شېبې مخکې ولسمشر دونالډ ټرمپ وویل چې سولې ته نژدې شوي دي او په افغانستان کې به د امریکايي ځواکونو شمېر ۸۶۰۰ ته رسوي. دا مهال امریکا په افغانستان کې شاوخوا ۱۲۰۰۰ سرتېري لري.

ښاغلي پمپیو وویل چې د امریکا-طالبانو له تړون وروسته به بین الافغاني مذاکرات پیلیږي چې په ډېرو مسایلو به په کې بحث کیږي. هغه هیله وښوده چې په بین الافغاني مذاکراتو کې به یو سیاسي حل پیدا شي.

مایک پمپیو د افغانستان د ټاکنو د پایلو په اړه وپوښتل شو، هغه مشخصآ څه ونه ویل خو ټېنکار یې دا و چې “زموږ ژمنه دا ده چې د افغانستان اساسي قانون عملي شي، انتخابات وشي، انتخابات آزاد، عادلانه او د اعتبار وړ وي او د رایو شمېرل هم سم وي.”

دامریکايي پوهنتون پخوانی برمته شوی استاد قطر ته ورسېد

کابل کې دامریکايي پوهنتون پخوانی ښوونکی ټیموټی ویکس چې درې نیم کاله یې د طالبانو په بند کې تېر کړي د امریکا متحده ایالاتو او طالبانو تر منځ د سولې توافق په مراسمو کې ګډون کوي.

د طالبانو ویاند ذبیح الله مجاهد نن پنجشنبه په خپل ټویټر پاڼې کې ویلي چې ښاغلی ویکس دوحې ته رسېدلی دی. د اسټرالیا اصلي اوسېدونکی ۴۸ کلن ټیموټي ویکس او ۶۰ کلن امریکايي کیفن کینګ د ۲۰۱۶ زېږدیز کال د اګسټ په اومه کابل کې د طالبانو له خوا برمته شول

یادو کسانو کابل کې د امریکايي پوهنتون ښوونکي و چې د څه باندې درې نیم کاله بند وروسته را خوشې شول څلور میاشتې مخکې طالبانو دغه ښوونکي د خپلو هغو درې مهمو غړو هر یو انس حقاني، مالي خان، او عبدالرشید سره تبادله کړل چې د افغان حکومت په بند کې و

افغانستان سره د ټیموټي ویکس مینه اوس مهال ډېره شوې.

د ټویټر ځینې کاروونکي وايي چې د (افغانستان سوله) په نامه ټویټر پاڼه د ټیموټي ویکس پاڼه ده.

په دې پاڼې کې چې د ټیموټي عکس هم پرې شته تر ډېره د سولې پیغامونه خپریږي او د ټیموټي له قوله ویل شوي چې “طالبانو سره زما درې نیم کاله بند، دغه هېواد او افغانانو سره زما ژوند د تل لپاره ونښلوه.”

ټاکل شوې چې راروانه شنبه قطر کې د طالبانو او امریکا د سولې تړون لاسلیک شي.

ولسمشر ډونلډټرمپ: عربستان به هم له عربي اماراتو سره د اسرايلو په تړون کې یوشي

د متحدو ایالاتو ولسمشر ډونالډ ټرمپ پرون د فبرورۍ په ۲۵مه، وویل چې په افغانستان کې د خپلو سرتېرو شمېر به ۸۶۰۰ ته را کم کړي.

ټرمپ نن دا خبره  خبریالانو ته کړې ده هغه همدا راز ویلي چې په افغانستان کې د سولې د ټينګښت لپاره هڅې یې ستایل شوې ديټرمپ نن ونه ویل چې څه وخت به د سرتېرو شمېر کموي. د امریکا حکومت او وسله وال طالبان د تاوتریخوالي د کمولو پرېکړه عملي کوي او نن یې څلورمه ورځ ده.

د امریکا د بهرنیو چارو وزیر مایک پامپیو ویلي چې که د تاوتریخوالي د کمولو پرېکړه ښه عملي شوه، د فبرورۍ په ۲۹مه به له طالبانو سره د سولې هوکړه لاسلیک کړي

د سولې تړون لاسلیک ته چمتودئ او یاد تړون به د امریکا ولسمشر لخوا لاسليک شياو او د لاسلیک وروسته به سمدست بین الافغاني مزاکرات شروع شي.

دیادونې وړ ده چې د لاسلیک مراسمو ته د مختلفو هېوادانو خارجه وزیران او نور استازی هم بلل شوۍ دوی به د شاهدان په ډول بادې غونډې کې ګډون کوي. 

له بلخوا یادې غونډې کې به د حکومت استازي ګډون نه کوي.

د سولې د هوکړې تر لاسلیک سره به بین الافغاني خبرې پېلېږي چې په هغه کې به د دایمي اروبند پر اعلان، د امریکايي سرتېرو د کمېدو او داسې نورو مهمو مسئلو په اړه پرېکړې کېږي.

د پښتو نامتوسندرغاړې ماه‌جبین قزلباش مړه شوه

وتلې سندرغاړې ماه‌جبین قزلباش پرون د فبرورۍ په ۲۶مه، له نړۍ سترګې پټې کړې

قزلباش پرون د پېښور په لېډي ريډنګ روغتون کې مړه شوې ده. د راپورونو پر اساس، هغې د زړه ناروغي درلو د. پر هغې د زړه حمله راغلې وه او په لېډۍ رېدنګ کې بستر وه ماه‌جبین قزلباش کلونه کلونه سندرې وبللې او په افغانستان کې هم ډېره پېژندل شوې ده

په خېبر پښتونخوا کې د پاکستان راډيو مشر لایق‌زاده لایق پرون ماخوستن له ازادي راډیو سره په مرکه کې وویل چې هغه د پلار له‌خوا د ایران د مشهد او د مور له‌خوا پېښورۍ وه.

لایق‌زاده لایق وویل چې ماه‌جبین قزلباش په ۱۹۷۱ میلادي کال کې په پېښور راډيو کې له سندرو ویلو خپل هنري سفر پیل کړ.

د ماه‌جبین قزلباش درې زامن او یو لور پاتې دي.

لایق‌زاده لایق ازادي راډیو ته وویل چې ماه‌جبین قزلباش د ژوند په وروستیو وختونو کې له ډېر کمزوري اقتصاده کړېده او حتی د ژوند په وروستیو ورځو کې یې د ځان د درملنې وس هم نه‌درلود.

د هغې د مړینې پر خبر پر ټولنیزو رسنیو ډېرو خلکو تبصرې کړې دي.

د پاکستان د پارلمان پخواني غړي او سیاستوال، افراسیاب خټک پر ټویټر لیکلي چې د قزلباش خدمت به تل د خلکو په یاد پاتې وي او مرګ‌یې د پښتنو د موسیقۍ لپاره لوی زیان بولي.

دعربي اماراتو ولیعهد ولسمشرغني ته د ټا کنوګټلومبارکي ورکړه

د ابوظهبۍ ولیعهد شیخ محمد بن زاید آل نهیان د یوه ټیلیفوني تماس له لاري ، ولسمشر محمد اشرف غني ته په ټاکنو کې د بیا ځلې بریا مبارکي وویله د ارګ له لوري په خپره شوې خبر پاڼه کې راغلي دي چې د ابوظبۍ ولیعهد او د متحده عربي اماراتو د وسله وال پوځ اعلی سرقومندان مرستیال والاحضرت شیخ محمد بن زاید آل نهیا ارګ وایي، په دغه ټلیفوني تماس کې دواړو لوریو د افغانستان او متحده عربي اماراتو ترمنځ اړیکې د ورورۍ او دوستانه وبللې او د دواړو هیوادونو ترمنځ یې د ستراتېژیکو او اقتصادي اړیکو پر پراختیا ټینګار وکړ دواړو ولسمشر غني ته مبارکي ورکړه.

په دغې تماس کې د ابوظبۍ ولیعهد ژمنه وکړه چې د افغان ولسمشر محمداشرف غني د ریاست په دویمه دوره کې به د افغانستان او متحده عربي اماراتو اړیکې لازیاتې پیاوړې شي.

د ابوظهبۍ له ولیعهد له لوري د مبارکۍ وړاندې ولسمشر غني ته د کویټ، هند، چین،سریلنکا او اروپایي ټولنې له لوري هم په ټاکنو کې د بریا له امله مبارکي ورکړل شوې.

دغه راز یو شمېر پخوانیو بهرنیو سیاسي مشرانو او په پاکستان کې د پښتون ژغورنې غورځنګ مخکښو مشرانو هم ولسمشر غني ته په ټاکنو کې د بریا مبارکي ورکړې ده.

ولسمشر غني ته د بهرنیو هېوادونو د استازو له لوري د مبارکۍ پیغامونه په داسې حال کې را روان دی چې په تېرو ولسمشریزو ټاکنو کې بل نوماند عبدالله عبدالله د غني دوهمه بریا نه مني.

خو ولسمشر غني لا له وړاندې د خپلې بریا جشن نمانځلی دی او د افغانستان د ټاکنو خپلواک کمیسیون له لوري د ولسمشرۍ باورلیک هم ترلاسه کړی دی.

دغه راز د ولسمشر محمد اشرف غني ټاکنیزې ډلې اعلان کړی دی چې په ولسمشریزو ټاکنو کې له بریا وروسته راتلونکې پنجشنبه د لوړې مراسم کوي، خو یو شمېر سرچیني وايي ښایي یاد مراسم د څه مودې لپاره وځنډول شي.

دغه راز د روانو لانجو او نانندریو پر مهال د عبدالله عبدالله ټیم هم اعلان کړی دی؛چې دوی هم په ټاکنو کې له بریا وروسته د لوړې مراسم کوي.

دواړه لوري ادعا کوي چې افغان ټاکنې یې ګټلي دي، خو ټاکنو کمیسیون رسمآ ولسمشر غني بریالی اعلان کړ.

عبدالله عبدالله وایي، چې په ټاکنو کې د شفافو رایو په ترلاسه کولو سره هغه بریا خپله کړې ده، خو کمیسیون محمد اشرف غني بریالی اعلان کړی دی.

Related

پاکستان عبدالله عبدالله ته بلنه ورکړې ده

د متحده ایالاتودبهرنیوچارووزارت چارواکو افغان سیاسي مشرانو ته خبرداری ورکړی، چې د موازي حکومت له جوړولو دې ډډه وکړد وزارت وايي، سیاسیون دې د اساسي قانون او د قانون د حاکميت پرضد د موازي حکومت د د امريکا د بهرنيو چارو وزارت داسې مهال دا خبرداری ورکړی، چې د عبدالله عبدالله په مشرۍ د ثبات او همپالنې ټاکنیزې ډلې د ځينو ولايتونو لپاره واليان ګمارلي دي جوړولو په ګډون له بې ثباتوونکو اقداماتو ډډه وکړي.

ډآکترعبدالله، چې د ولسمشرۍ ټاکنو وروستۍ پایله نه مني ویلي، یو ټولشموله حکومت جوړوي.

د امريکا د بهرنيو چارو وزارت تیره ورځ ناوخته په يوه خبرپاڼه کې د افغانستان له سياسي مشرانو او د هغوى له ملاتړو غوښتي، چې سياسي بحث په ارامه بڼه د تاوتريخوالي له خبرداري پرته پرمخ بوځي.

د خبرپاڼې پاى کې له افغان حکومت نه مننه شوې، چې د ولسمشر په توګه د محمد اشرف غني د لوړې د مراسمو له ځنډولو سره يې هوکړه کړې ده.

خبرپاڼه وایي، د سياستوالو او د هغوى د ملاتړو دا ډول اقدامات د افغانستان حاکميت او اتحاد زيانمنوي.

خبرپاڼه کاږي دا دوه هغه اصله دي، چې امريکا يې هم په کلکه ملاتړ کوي.

د امريکا د بهرنيو چارو وزارت ویلي، افغانان سوله غواړي او د دې وخت راغلى، چې پر ټاکنیزوسياستونو د تمرکز پر ځاى د افغانستان پر سياسي جوړجاړي تمرکز وشي.

د یادونې ده، چې تیره ورځ  د امريکا د بهرنيو چارو وزير مايک پامپيو ویلي وو، چې افغانستان ته د سولې لپاره يو تاريخي فرصت برابر شوى دى.

د ناټو د خبرپاڼې په پای کې د سټولټنبرګ له قوله ویل شوي، چې ناټو سازمان به د اوږدې مودې لپاره د افغان امنیتي او دفاعي ځواکونو سره مرستې او همکارۍ ته دوام ورکړي.

امریکا وروسته له هغې افغان سیاسي مشرانو ته خبرداری ورکوي، چې په ټول هيواد کې د تاوتریخوالي د کمښت اونۍ جریان لري او خلک تر بل هروخت ډیر سولې ته هیله من شوي دي.

غزني کې کور په کور نجونې خلکو ته د واکسین ګټې بیانوي

افغانستان کې د پولیو یا د ماشومانو د ګوزڼ ناروغۍ پروړاندې له پرله پسې مبارزې او په دې برخه کې له ګڼو لګښتونو نه وروسته لا هم دغه ناروغي په دې هېواد کې د کوچنیانو د قرباني کېدو لامل ګرځي.

د پولیو د ناروغي د زیاتېدو له ویرې اوس په ځینو ولایتونو کې نجونې په ډله ییزه توګه کور په کور ګرځي او د واکسینو د ګټو په اړه کورنیو ته معلومات ورکوي د پولیو ضد واکسینو سره مخالفتونو او ددې ناروغۍ د پراخېدو وېرې، د نجونو یوه ډله اړ کړې چې د خلکو دروازې وروټکوي ددې لپاره چې میندې او د کورنیو نور غړي د پولیو له واکسین سره اشنا کړي او د ګټو په اړه یې ورته ووایي.

دوی په لومړي قدم کې د یوې ۲۵ کلنې مور خدیجې، په قانع کولو بریالي کیږي.

نوموړې په دې ورستیو کې له مقر ولسوالۍ د غزني ښار ته راغلي.

له کمپایني نجونو سره له خبرو وروسته هغه وايي، راتلونکې کې به خامخا خپل ماشومان واکسین کړي.

خو یوه مور رحیمه بیا په واکسینو د کورنۍ د نارینه غړو له نه باوره سرټکوي. او وايي همدا لامل شوی چې ماشومان یې له واکسین محروم شي.

د پولیو د واکسین د ګټو پروګرام د غزني د عامي روغتیا د ریاست له لوري د یونیسف د موسسی په مالي مرسته پلی کیږي.

د غزني ولایت دعامي روغتیا ریاست د رسمي شمېرو له مخې په دغه ولایت کې له ۳۵۰ زره ماشومانو، یو برخه یې چې په لیرو کلیوالو سیمو کې اوسي، له واکسین نه پاته کیږي.

په غزني کې د واکسین د کمپاین مشر حفیظ نوري وايي، که څه هم د دغه ولایت د ماشومانو کره شمیره په واک کې نه شته خو له ډېرو هلو ځلو سره سره بیا هم ددغه ولایت ټول ماشومان نه دي واکسین شوي.

د افغانستان د عامی روغتیا وزارت وايي، په ۲۰۱۹ میلادي کال کې د دغه هېواد په جنوبي حوزه کې د پولیو ۲۹ مثبتې پېښې ثبت شوې دي.

په همدې کال کې د هېواد په کچه تر دوه میلیون ډیر ماشومان چې عمرونه يي تر پینځه کلنۍ کښته و، د پولیوله واکسین نه محروم شول.

د افغانستان د عامي روغتیا د وزارت د پولیو د ورکاوي د پروګرام مشر میر جان راسخ وايي، د نورو لاملونه ترڅنګ دا چې په ګاونډي هېواد پاکستان کې هم د پولیو مثبتې پېښې شته، نو کېدای شي یو لامل یې هغه هېواد ته د افغانانو تګ راتګ وي.

ایران: افغان کډوال دې په ایران کې پاتې شي

د کرونا ویروس د انتقال د مخنیوي په هدف یې تېره یکشنبه له ایران سره ټول بندرونه وتړل نن سې شنبه یې بېرته خپل بندرونه له دغه هیواد سره د تګ راتګ پر مخ خلاص کړه

کړل. د ملي امنیت شورا ویاند جاوید فیصل ویلي چې د کرونا ویروس د کاري کمېټې د پرېکړې په اسس به له ایران سره د مسافرت لړۍ د نیول شوو طرزالعملونو په اساس مخته ولاړه شي نوموړي زیاته کړې چې د افغانستان او ایران د پولو دواړو غاړو ته مسافرین تګ راتګ کولا شي. ..

ښاغلي فیصل نن سې شنبه پر خپل ټوېټر لیکلي:”د كرونا وايروس د كاري كمېټې له فیصلې سره سم به د ایران سره د مسافرت لړۍ د روغتیا د نړیوال سازمان د صحي لارښوونو په نظر کي نیولو، د روغتیا وزارت د کنټرولي اقداماتو په تطبیق او د بهرنیو چارو وزرات سره په تفاهم مخته ولاړه سي. اوس د پولي دواړو غاړو کي مسافرین تګ راتګ کولای سي.”

په هرات کې له ایران سر پر پوله اسلام قلعه بندر کې افغان روغتیايي ټېمونو هم تائید کړې چې له نن سې شنبې سهار راپدېخوا سلګونه افغان کډوال چې ښځې او ماشومان هم پکې شامل دي له ایرانه هرات ته داخل شوي دي.

په هرات کې له کرونا ویروس سره د مبارزې روغتیايي ټېم مشر داکټر نور احمد محمدي امریکا غږ ته وویل چې له ایران څخه افغان کډوال یوازي تر روغتیايي معایناتو وروسته هیواد ته داخلېدای شي.

بلخوا د هرات د روغتیا رئیس ډاکټر عبدالحکیم تمنا له امریکا غږ سره مرکه کې له ایران څخه افغانستان ته د را ستېدونکو کډوالو په اړه اندېښنه وښودله. هغه وویل چې له ایران څخه د را ستنېدونکو کډوالو د معایناتو لپاره کافي امکانات نه لري.

د افغانستان د روغتیا وزارت پرون دوشنبه په هرات ولایت کې د کروناویروس د یوې مثبتې پېښې ثبتېدو خبر ورکړ.

د روغتیا وزارت سلاکار او ویاند ډاکټر وحیدالله مایار نن سې شنبه امریکا غږ ته وویل چې په دغه ولایت کې د کرونا اووه نورې مشکوکې پېښې هم ثبت شوي چې نمونې دا مهال تر څېړنو لاندې دي.

د کرونا ویروس له ویري په هرات کې له تېرې شنبې راپدېخوا بېړنی حالت اعلان شوی دی.

بلخوا د غور والي ناصر خاضع هم نن سې شنبه په دغه لایت کې د کرونا د یوې مشکوکې پېښې ثبتېدو خبر ورکړ.

نوموړي زیاته کړه چې دغه کس تر قرنطین وروسته د غور ولایت مرکزي روغتون ته لېږدول شوی دی.

خو د افغانستان د عامې روغتیا وزارت ویاند وحیدالله مایار بیا له رسنیو سره مرکه کې په غور کې د کرونا د مشکوکې پېښېدو ثبتېدو په اړه راپورونه رد کړل.

د هرات سیمه ییز چارواکي وايي چې نن سې شنبه ترکمنستان هیواد هم د کرونا ویروس د انتقالېدو له ویري له افغانستان سره خپل پوله د هر ډول تګ راتګ پر مخ وتړله.

امین الله ازاداني د هرات ولایت د بهرنیو اړیکو رئیس امریکا غږ ته وویل چې د سې شنبې ورځې له سهار نه ترکمنستان له افغانستان سره د هرات په ولایت کې د تور غونډۍ بندر د هر ډول تګ راتګ پر مخ تړلی دی. نوموړي زیاته کړه هڅې روانې دي چې دا بندر بېرته د تګ راتګ پر مخ پرانیزي