پي ایس اېل کې شل پښتانه لوبغاړي وپېژنئ

د پاکستان د کورني کرېکټ سوداګریزو سیالیو یا پاکستان سوپر لیګ پنځم پړاو ته شپږ لوبډلو بېلا بېل پښتانه لوبغاړي غوره کړي دي. په دې لوبډلو کې تر ټولو زیات پښتانه لوبغاړي کوټه ګلیدیئټرز نومې لوبدله کې اخیستل شوي دي.

د کوټې اوسېدونکی عبدالناصر، احمد شهزاد، محمد نواز، سهیل خان، انور علي او د کوز دیر نسیم شاه هغه پښتانه لوبغاړي دي چې دې سیالیو کې د کوټې لوبډلې لخوا اخیستل شوي دي.

ورپسې تر ټولو زیات پښتانه لوبغاړي ملتان سلطانز نومې لوبډله کې اخیستل شوي.

نامتو لوبغاړی شاهد خان اپرېدي، جنید خان، محمد الیاس، عثمان قادر او د بنو خوشدل شاه په لومړي ځل ملتان سلطانز نومې لوبډلې ته غوره شوی دی.

په درېیم ځای کې زیات پښتانه لوبغاړي د کراچي کینګز نومې لوبډله کې اخیستل شوي چې شمېر یې څلور دی

.

پي ایس اېل کې شل پښتانه لوبغاړي وپېژنئ

د پاکستان سوپر لیګ لاهور قلندرز نومې لوبډلې هم درې پښتانه لوبغاړي، فخر زمان، عثمان شینواری او د خیبر ایجنسۍ شاهین شاه اپرېدی خپلې لوبډلې ته غوره کړي

خو جالبه دا ده چې د پېښور زلمي لوبډلې، چې تر ‌‌‌‌‌‌ډېره د پښتنو لوبډلې په نامه هم یادیږي، سږ کال یوازې دوه پښتانه لوبغاړي، عامر خان او محمد محسن خپله لوبډله کې اخیستي دي.

د پاکستان سوپر لیګ سیالیو کې ټولټال شپږ لوبډلې لوبیږي.

دا سیالۍ تر دې وړاندې په متحده عربي اماراتو کې ترسره کېدلې او ځينې لوبې به یې په پاکستان کې کېدلې.

خو دا لومړی ځل دی چې د ۲۰۲۰ م کال پنځم پړاو ټولې لوبې او ان پاېلوبه هم په پاکستان کې ترسره کېږي.

د افغانستان د کرکټ تر ۱۹ کلنو کم عمره لوبډله د پاکستان لوبډلې سره لوبه لري

د غه سیالۍ چې په سوېلي افریقا کې د افغانستان په وخت د غرمې په ۱۲:۰۰ بجو ترسره کېږي ګټونکی ټیم به د یادو سیالیو نیمه پای‌لوبې ته لار پیدا کوي.

د د کرکټ ټیم مسؤلین وايي، افغانستان دغې سیالۍ ته بشپړ تیاری نیولی او هیله ده چې دغه سیالي وګټي.

د افغانستان د کرکټ بورډ ویاند فرید هوتک رسنیو ته وویل، د افغانستان د کرکټ تر ۱۹ کلنو کم عمره ټیم د دغه جام په سیالیو کې د ښه توپ اچونې، ښه توپ وهنې او ښه توپ نیونې په برخو کې وتوانېد، خپلو سیالو لوبډلو ته ماتې ورکړي او ځان د دغو سیالیو منځ‌لوبو ته ورسوي.

ښاغلي هوتک د افغانستان او پاکستان ترمنځ د کرکټ د نننۍ لوبې په اړه رسنیوته وویل: “د افغانستان لوبډله د نړیوال جام د سیالیو په لړ کې د کوارټر فاینل لوبه د پاکستان د کرکټ د ۱۹ کلنو پر وړاندې ترسره کوي. دغې لوبې ته افغان لوبډله پوره تیاری لري او تمه لرو چې په دې لوبه کې افغان لوبغاړي، وکولای شي ښې لاسته راوړنې ولري.”

د کرکټ د ۱۹ کلنو نړیوال جام د روان میلادي کال د جنورۍ په نیمايي کې د سوېلي افریقا د بینوني په ښار کې پیل شو.

د افغانستان د کرکټ بورد د معلوماتو له مخې د کرکټ په دغو سیالیو کې د نړۍ د ۱۶ هېوادونو د کرکټ تر ۱۹ کلنو کم عمره ټیمونو برخه اخیستې وه.

په دغو ټیمونو کې د افغانستان په ګډون اته ټیمونو چې نیوزیلاند، سوېلي افریقا، استرالیا، پاکستان، بنګله‌دېش، سریلانکا او وېسټ انډیز شامل وو، د یاد جام نیمه پای‌لوبې ته لاره وموندله.

د افغانستان تر ۱۹ کلنو کم عمره لوبډلې په سږني نړیوال جام کې تر دې دمه خپلې دوه لوبې چې یوه له کوربه جنوبي افریقا او بله له متحده عربي اماراتو سره وه، دواړه ګټلې دي.

د کرکټ مینه‌وال وايي، دا چې د افغانستان ټیم د کرکټ ۱۹ سیالیو په ۱۶ ټیمونو کې منځ‌لوبو ته ځان ورساوه، ډاډمن یو چې له پاکستان نه هم دغه لوبه ګټلی شي.

د کابل ښار اوسېدونکو دوو ځوانانو نورباز او عبدالباسط وویل: “د افغانستان د کرکټ ټیم اوس ډېر ښه شوی دی، کرکټ چې نن له پاکستان سره دی، موږ ډاډمن یو چې افغانستان‌یې ګټي.”

“د افغانستان د ۱۹ کلنو د کرکټ بېټنګ، بالېنګ او فیلډنګ درې واړه برخې ښه دي او دغه لوبه به وګټي.”

د افغانستان د کرکټ تر ۱۹ کلنو د کم عمره ټیم سر روزونکی رئیس خان احمدزی وایي چې دغه ټیم له یوه کال راهیسې دغو لوبو ته تمرینونه کړي او بشپر تیاری یې ورته نیولی و. د افغانستان د کرکټ تر ۱۹ کلنو د کم عمره ټیم مخکې تر دې څلور ځلې د پاکستان د کرکټ تر ۱۹ کلنو د کم عمره ټیم لوبډلې ته ماته ورکړې ده

د پي اېس اېل سيالۍ په پېښور او کوټه کې نه کيږي

د سند محکمې وکیل عبدالجليل مروت وايي، سيند هايکورټ ته يې خواست کړی چې د پي اېس اېل پينځم ټولې سيالۍ په پنجاب صوبه او کراچۍ کې ټاکل شوي، بايد د پي اېس اېل سيالۍ په پېښور کې هم وشي.

رسنیو سره په خبرو کې مروت وويل په پېښور کې او کوټه کې هم خلک د پي اېس سيالۍ ليدل غواړي، او د پي اېس اېل د لارې دې په پېښور او کوټه کې هم خلکو ته د کاروبار په برخه کې ګټه وشي.

هغه وويل په سيند هايکورټ کې يې د کرکټ بورډ، وزیراعظم او نورو اړونده چارواکو پرضد خواست کړی ؤ چې په پېښور او کوټه کې د پي اېس اېل سيالۍ ولې نه کيږي؟ خو وايي هايکورټ يې خواست خارج کړی او اوس هغه پلان لري چې سپريم کورټ ته دغه خواست يوسي.

مروت زیاته کړه خوشبينه دی که سږ کال د پي اېس اېل سيالۍ په پېښور او کوټه کې ونه شوې بل کال له به ضرور وشي.

خو د پاکستان کرکټ بورډ چيئرمېن احسان ماني د شورو، چهارشنبې په ورځ په کراچۍ کې د پي اېس اېل د پرانستې د دستورې نه وړاندې خبري غونډې ته ويلي، د پېښور زلمي لوبډلې او کوټه ګلېډي اېټرز د لوبډلو د مالکانو سره يې په دغه اړوند خبرې شوي دي.

نوموړي وويل تيار دي چې په کوټه کې سيالۍ وکړي او زياته يې کړه د پېښور زلمي لوبډلې د مالک جاوېد افريدي نه تمه لري چې په دغه لړ کې خپل رول ولوبوي او د خېبرپښتونخوا حکومت نه تمه لري چې د پېښور په لوبغالي کار ترسره کړي او راتلونکي کال په دغو ښارونو کې هم د پي اېس اېل سيالۍ وشي.

د پېښور زلمي لوبډلې مالک جاوېد افريدي وايي دوي په پېښور کې د پي اېس اېل د سياليو دپاره هڅې کړي چې هلته په لوبغالي جوړېدو کار زر ترسره شي او هلته هم دا سيالۍ وشي.

وي او ای ډيوه سره په خبرو کې نوموړي وويل د دوی هڅې دي او تمه لري چې د پي اېس اېل راتلونکې سيالۍ به په پېښور کې هم کيږي.

د پي اېس اېل پينځم ټولې سيالۍ په لمړي ځل په پاکستان کې کيږي، چې د کراچۍ، لاهور، راولپنډۍ او ملتان په لوبغالو کې ټاکل شوي دي.

په پي اېس اېل پينځم کې شپږ لوبډلې پېښور زلمي، کوټه ګلېډي اېټرز، اسلام اباد يونائيټډ، ملتان سلطان، لاهور قلندرز او کراچۍ کنګز برخه اخلي.

په پي اېس اېل پينځم کې ۳۴ سيالۍ ټاکل شوي چې لمړی سيالي يې نن د زیارت په ماښام د کراچۍ په نيشنل لوبغالي کې د کوټې او اسلام اباد د لوبډلو ترمنځ کيږي.

د شهزاد په دوو سترو جامونو کې اړتیا

شهزاد ټولو ته معلوم دی چې د افغانستان زړور، برید کوونکی او نامتو توپ وهونکی دی.

هغه په اوپننګ کې ډېری وخت غوره کرکټ کړی دی او د افغانستان لپاره یې ډېر ښه اوپننګ نندارې ته وړاندې کړی دی.

خو په راروانو دوو جامونو (اسیا شل اوریز جام او نړیوال شل اوریز جام) کې افغان لوبډله ښه اوپننګ ته اړتیا لري او د دې چارې لپاره شهزاد وړ توپ وهونکی دی.

دا منو چې ځاځی اوپنر دی، دا منو چې عثمان غني اوپنر دی او دا هم منو چې ګربز اوپنر دی، خو د پخوانیو لوبغاړو له ډلې د شهزاد ښه والی دا دی، چې هغه د نړۍ ډېرو بالرانو سره مخ شوی، ډېر بالران یې هم په رسمي او هم یې په سوداګریزو لیګونو کې ټکولي دي.

د اوپننګ زړورتیا ورسره شته، د بنګله دېش، سریلانکا، پاکستان، هندوستان او د اسیایي لوبډلو بالران ټکوي.

په ۲۰۱۶م نړیوال شل اوریز جام کې یې د افریقا کایل اباټ او نور بالران وټکول، لوبډلې ته یې له اوپننګ خورا ښه سټارټ ورکړ او بالاخره د کرېس مورېس په توپ اوټ شو.

شهزاد په دې وروستیو کې د هېټېنګ ترڅنګ تخنیکي توپ وهنه هم کوله، په وېکټ د پاتې کېدلو فکر ورسره پېدا شوی و او دې چارې له ده سره ډېره مرسته وکړه، چې دې د نړۍ په غوره توپ وهونکو کې حساب کړي.

شهزاد محمدي د ۲۰۱۹م تر لومړیو پورې په شل اوریزو لوبو کې د لسو غوره توپ وهونکو په قطار کې و او حتا تر ویرات کولي هم مخکې و.

نسبت شهزاد محمدي ته رحمان الله ګربز، عثمان غني او ځاځی ښایي ښه ونه ځلېږي او د اسټرالیا پیچونه بیا تر اسیایي ویشتن ځایونو تېز دي.

اوسني ځوان لوبغاړي له اسټرالیا پیچونو سره ډېره بلدتیا نه لري او ښایي چې اوپننګ کې د بشپړ غړیتوب لرونکو توپ اچوونکو لخوا ستونزو سره مخ شي.

خو دا لوبغاړي هغه وخت بریالي کېدای شي، کله چې له نړیوال جام وړاندې دوی په اسټرالیا او یا هم نیوزیلېنډ کې تمریناتي لوبې وکړي، چې له کنډېشن او لوبډلو سره اشنا شي.

خو شهزاد محمدي بیا دا وړتیا لري، چې په چټکو ویشتن ځایونو ښه توپ وهنه وکړي او د اوپننګ له برخې افغان لوبډلې ته ښه سټارټ ورکړي.

نوو لوبغاړو ته مشوره

که نوي لوبغاړي په راروان شل اوریز جام کې مثبته لوبېدنه غواړي، باید تخنیکي شاټونه ووهي، لاین کې توپونو باندې د کراس شاټ وهلو هڅه ونه کړي، بلکې په ټایمېنګ سره یې سټرېټ یا مخامخ ولوبوي، خو که لاین توپونه له وېکټو پورته وي، باډي لاین یا شاټ پیچ وي، بیا نو توپ وهونکی کولای شي چې ځان ورته جوړ کړي او د پول شاټ په لوبولو سره په مېډ وېکټ، لانګ ان او یا هم سکوېر لېګ لورو ولوبوي او بونډریانې پرې راولي.

د دې ترڅنګ اپر کټ شاټونه، پنچ شاټ، شفل، لېټ کټ، پېډل او سکوپ شاټونه لوبول هم اړین وي.

یعنې توپ په کتو باید توپ ته همغسې شاټ انتخاب شي او په همغه ډول ولوبول، چې څنګه یې اړتیا وي.

خو دا چاره هغه مهال شونې ده، کله چې توپ وهونکی داسې مهارت سره لوبوته تللی وي.

ځوانو لوبغاړو لپاره ډاډه لوبېدنه؛ په ځان اعتماد؛ له لویو ټیمونو وېره نه کول او ذهني، فکري او فزیکي چمتو والی ډېر مهم دی.

اوس مونږ له شهزاد بل ښه اوپنر نه لرو، که شهزاد په اسیا جام کې وي، نو افغان لوبډله تر یوه ځایه رسولای شي.

له تاسو نظر اخلو، چې د شهزاد لوبول په راروانو دوو جامونو کې مثبت دي که منفي؟

تر هغې چې اسیا جام پېلېږي، باید شهزاد خپل فېټنېس او روغتیا ډاډمنه کړي.

شاوخوا ۸ میاشتې وروسته اسیا جام د پاکستان په کوربتوب ترسره کېږي، چې ترهغه وخته د شهزاد محمدي بندیز پای ته رسېږي او بېرته لوبډلې ته راستنېدای شي.

نړیوال شل اوریز جام کابو ۹ میاشتې وروسته په نومبر کې اسټرالیا کې ترسره کېږي.

که شهزاد په اسیا جام کې ځان ثابت کړي، کولای شي چې نړیوال جام کې ځان ته ځای ډاډمن کړي او هلته هم په ښې کارکرده ګۍ د افغانستان بېرغ له نورو لوبغاړ سره یو ځای ورپوي

افغان لوبډله د ايرلېنډ سره د لوبو لپاره هند ته لاړه

د کرکټ ملي لوبډله په راتلونکې مياشت کې د ايرلېنډ لوبډلې سره د ٣ شل اوريزو لوبو لړۍ ترسره کولو لپاره نن له کابل څخه هند ته لاړه.

افغانستان او ايرلېنډ د افغانستان په کوربه توب د هند په ګريټر نويډا لوبغالي کې د ٣ نړيوالو شل اوريزو لوبو لړۍ ترسره کوي، چې دغه سيالۍ به د مارچ په ٦مه، ٨مه او ١٠مه نېټه ترسره شي.

خو يادو سياليو ته افغان لوبډله څه کم يوه مياشت مخکې د هندوستان په لور وخوځېدله، چې افغان کرکټ بورډ يې د مخکې تګ په اړه وايي، چې په هندوستان کې به افغان لوبډله شاوخوا درې اونۍ تمرينات ترسره کړي

Afghanistan squad left to India today where they will play a three-match T20I series against @Irelandcricket in March. The squad will participate in a three-week training camp ahead of the series which will be held at the Greater Noida Ground, India. #AFGvIRE

پخوا هم افغان لوبډلې په متحده عربي اماراتو کې د دوه اونيو لپاره د مشر روزونکي لانس کلوزنر په مشرۍ کې تمرينات ترسره کړي و، چې د خلکو له سخت غبرګون سره هم مخ شوي و.

د کرکټ مينه والو ويل، چې لوبې نشته نو تمرينات د څه شي لپاره ترسره کېږي، خو ښکاري داسې چې ښايي سږ کال د افغانستان ملي لوبډلې د لوبو پر ځاى تمرينات زيات دي، چې د متحده عربي اماراتو د دوه اونيو له تمريناتو وروسته اوس د ايرلېنډ پر وړاندې د ٣ شل اوريزو لوبو لړۍ لپاره هم درې اونۍ تمرينات په هند کې ترسره کېږي.

ايرلېنډ پر وړاندې د ٣ شل اوريزو لوبو لړۍ ته د افغانستان کرکټ بورډ غوراوي کمېټې څو ورځې مخکې ١٥ کسيزه لوبډله اعلان کړې وه، چې په هغې کې اصغر افغان (لوبډلمشر)، رحمان الله ګربز، حضرت الله ځاځى، کريم جنت، نجيب الله ځدراڼ، ګلبدين نايب، راشد خان، نوين الحق، شاپور ځدراڼ، مجيب الرحمان، قېس احمد، عظمت الله عمرزى، سميع الله شينوارى او عثمان غني شامل و.

په لوبډله کې په لومړي ځل عظمت الله عمرزى او قېس احمد اخيستل شوي دي، چې تر دې مهاله يې نړيوالې شل اوريزې لوبې نه دي ترسره کړي، همدا راز شاپور ځدراڼ يو نيم کال وروسته لوبډلې ته راستون شوى او سميع الله شينوارى هم اخيستل شوى دى.

خو د شاپور ځدراڼ او سميع الله شينواري يو ځل بيا په لوبډله کې په اخيستو د کرکټ مينه والو سختې نيوکې کړې دي او له کرکټ بورډ نه يې غوښتي دي، چې هغه ځوان لوبغاړي چې ډېر ځلېدلي دي، بايد د مشرانو لوبغاړو پر ځاى نور هغوى ته ځاى ورکړل شي.

افغانستان،پاکستان اوچين د کرکټ دوستانه میچ کوي

غواړي د لوبډلو سکواډ د ۲۳ څخه تر ۲۵ پوري ورسوي ICC

د ممبی ميرور ويبپاڼي د خبر له مخي د کريکټ نړيواله شورا غواړي د لوبډلو هغه ستونزه چي د نوملړ په برخه کي يې درلودې حل کړي.

مخکي به د هري لوبډلي سکواډ د ۱۶ لوبغاړو څخه جوړ وو چي د کوچ او نورو غړو ترڅنګ به ۳۰ کسانو ته رسيده او ځيني لوبغاړي به په غير رسمي ډول په سفرونو کي شامل وه.

د مثال په ډول د هند کريکټ لوبډلي چي اوس يې نيوزلينډ ته د لوبو لپاره سفر کړی،۲۸ غړي د ۱۵ نفري سکواډ په شمول دوه ځانګړي کسان،څلور روزونکي ،يو فزيو تراپيست،یو منيجر،يو مساج کوونکی،د لوجستيک مدير،د رسنيو مدير، دا هغه کسان دي چي په يو سفر کي شامل دي که څه هم د کريکټ نړيوالي شورا د اصولو څخه خلاف دي.

هند،اسټراليا او انګلستان په ۱۹ کلنو کم عمره نړيوال جام کي هم د لوبډلو سکواډونه او د غړو شمير تر ټاکلي اندازې اړولی وو.

د سکواډ د ډيرښت اصول به په روان کال کي تطبيق سي او دا د اسټراليا،هندوستان او انګلستان په څير لوبډلو لپاره ښه خبر دی.

د ۲۰۲۰ز کال نړيوال جام کي به هم همدا اصول وي.

د ممبی ميرور په حواله د يادو اصولو تطبيق به د رواني مياشتي په ۲۱مه نيټه پيل سي.

دافغانستان او ایرلینډ ترمنځ راتلونکې لوبې ولې,مهمې دي

د کرکټ ملي لوبډله د مارچ میاشتې په لومړۍ لسیزه په هندوستان کې د ایرلېنډ کوربتوب کوي، دواړه لوبډلې درې شل اوریزې لوبې لري.په ۲۰۲۰م کې مخکې له دې چې اسیا جام او نړیوال جام ترسره کړي، د زیاتو شل اوریزو لوبو اړتیا شته.

افغان کرکټ بورډ باید په ۲۰۲۰م کې له مالي امکاناتو څخه په استفادې باید له نورو لوبډلو سره، لکه ایرلېنډ، بنګله دېش، ویسټ انډیز او نورو انډولو لوبډلو سره باید لوبې وکړي، چې لوبغاړي د اسیا جام لپاره په تول وتلل شي.

دا چاره افغان لوبډلې او لوبغاړو ته دوه ګټې لرلی شي:

په افغان لوبغاړو کې به هغه لوبغاړي په ډاګه شي، چې ښه فوم کې دي او راتلونکي کې یوه ښه افغان لوبډله پکې انتخابولی او دوو سترو جامونو ته یې لېږلی شو.

که افغان لوبغاړي اوس پرله پسې لوبلړۍ ولوبوي، نو هغه لوبغاړي به پکې معلوم شي، چې تخنیکي، مثبت او زړور لوبېږي، کله چې لوبغاړي په ډاګه شول، بیا باید غوراوي کمېټه له همدغو مثبتو لوبغاړو متوازنه لوبډله جوړه کړي.

کله چې له دغو لوبغاړو لوبډله جوړه شي، بیا به یې پایله په اسیا جام او نړیوال جام کې حتمن مثبته وي.

دویمه ګټه

که افغان لوبډله له انډولو او لوړو لوبډلو سره مناسب سیریزونه وکړي، نو د مقابلو لوبډلو وړتیاوې به ورته په ډاګه شي، د توپ وهونکو او توپ اچوونکو اطمینان به حاصل شي، د توپ وهونکو د شاټونو سټرانګ او ویک زونونه به وپېژني.

له دې سره سره به افغان توپ وهونکي د نورو لوبډلو بالرانو سره اشنا شي او هم به یې ورسره د مخامخ کېدو وېره ختمه شي.

که بیا له لوبلړیو ور اخوا افغان لوبغاړي  له هندي، پاکستان، انګلستاني او نورو بالرانو سره مخ کېږي بیا به یې وېره نه وي.

له ایرلېنډ د لوبو ګټلو ارزښت

له ایرلېنډ څخه افغان لوبډلې ته د لوبو ګټل څو ګټې لرلای شي.

لومړی د افغان لوبډلې مُرال ځواکمنېږي، له دویمه او درېیمه درجه غوره لوبډلو څخه د لوبو ګټل، د لویو لوبډلو پر وړاندې زمونږ لوبې بیا مرال امیزه کېږي او تر ډېره که لوبه ونه ګټو نو لوبېدل به مو روحاً او فزیکي ډول ارام او پیاوړي وو.

بله خبره له ایرلېنډ څخه د لوبو ګټل موږ ته په رېنکېنګ یا درجه بندۍ کې پرمختګ رامنځته کوي.

خو برعکس که لوبې وبایلو په درجه بندۍ کې منفي تاثیر غورځوي، لوبغاړي مو مُرال له لاسه ورکوي او د سترو لوبډلو پر وړاندې بیا د لوبډلې ثبات له ستونزو سره مخ کېدای شو.

مطلب دا چې نسبت سترو لوبډلو لکه اسټرالیا، انګلستان، پاکستان، هندوستان، نیوزیلېنډ او افریقا په پرتله د ایرلېنډ لوبډله څو ځله کمزورې ده، خو کله چې یوه کمزورې لوبډله مونږ مات کړي، نو بیا مو د سترو لوبډلو پر وړاندې د ګټلو هیلې رژیږي.

يو اوور! سچن ټنډولکر د ايلايز پيري په وړاندې

ننيکشنبه په اسټراليا کي د اورځپلو سره د مرستي په خاطر ۱۰ اووريزه لوبه ترسره کيږي

پدې لوبه کي چي د نړۍ تقاعد سوي مشهور لوبغاړي لوبيږي په ۲ لوبډلو کي به يې ريکي پونټينګ او ادم ګلګريسټ لوبډلمشران وي.

که څه هم سچن ټنډولکر به د ريکي پونټينګ د لوبډلي روزونکی وي خو اسټرالياوۍ ايلايز پيري ترې په يو ويډيو کي د لوبي کولو غوښتنه کړې.

ټنډولکر يې غوښتنه منلې او ايلايز پيري به ورته اوور ترسره کوي.

اسټرالياوۍ ايلايز پيري ويلي:

((سلام سچنه، دا ډيره په زړه پوري ده چي تاسو په اسټراليا کي د خيريه لوبي ملاتړ کوئ.

زه پوهيږم چي تاسو د يوې لوبډلي روزونکی ياست خو تيره شپه موږ بحث سره وکړ او دا مو وويل که چيري ټنډولکر لوبغالي ته راکښته سي دا به ډيره په زړه پوري وي.

زه غواړم تاسو ته اوور وکړم او تاسو بونډرۍ ووهئ، او زه پوهيږم که تاسو لوبه وکړئ نو دا به د اورځپلو لپاره د پيسو ټولولو يو عالي لار وي که څه هم تاسو مخکي هم ډير څه کړي.

که تاسو چمتو ياست موږ ته خبر راکړئ، موږ تا لوبغالي ته راولو او دلته ډيری انجوني دي چي ليوالتيا لري ستا د توپوهني پر محال ډګرساتنه وکړي.

يوځل بيا هم د هرڅه کولو څخه مننه.))

سچن ټنډولکر چي وروستۍ لوبه يې په ۲۰۱۳ز کال نومبر مياشت کي کړې ډير ژر يې ايلايز پيري ته ځواب ورکړی او په ټويټ کي يې ليکلي دي:

په زړه پوري خبره ده ايلايز، زه مينه لرم چي يو اوور لوبه تر سره کړم که څه هم ډاکتر د اوږې د درد په خاطر اجازه نه راکوي.هيله لرم چي موږ به په کافي اندازه پيسې وګټو.

اسټراليا کريکټ بورډ ويلي چي دا لوبه به په نړيواله سطحه ډير قوي انلاين او ټلويزيونيپوښښ ولري. پوښښ ولري.

دایرلینډ خلاف سیریزلپاره افغان لوبډله اعلان شوه.

افغانستان د روان کال په مارچ میاشت کي له ۶ نېټې سره سم د ایرلینډ کرکیټ ملي لوبډلي خلاف درې شل اوریزي لوبي په خپل کوربتوب د هند په ګریټر نویدا کرکیټ لوبغالي کي ترسره کوي.

د افغانستان کرکیټ بورډ د یادو سیالیو لپاره لاندي ۱۵ کسه افغان لوبغاړي اعلان کړل

لوبډلمشر اصغر افغان، ویکیټ ساتونکی رحمن الله ګربز، حضرت الله ځاځی، کریم جنت، نجیب ځدران، ګلبدین نایب، محمدنبي، مجیب الرحمن، راشدخان، سمیع الله شینواری، عثمان غني، شاپور ځدران، قیس احمد، نوین الحق او یو نوی افغان لوبغاړی عضمت الله عمرزی دئ.

عمرزی د لومړي ځل لپاره افغان لوبډلي ته د الراونډر لوبغاړي په حیث راغلئ.نوموړی اوس مهال ۲۴ کلن دئ او تر دې مخکي د افغان ۱۹ کلنو، میس عینک اتلانو، کابل او اتفاق په نامه لوبډلو کي لوبېدلئ دئ.

دی په کورني شل اوریزو ۳ لوبو کي دوې ویکیټي او ۲۲ منډي لري، چي په توپ اچونه کي تېز بالر او د راسته لاس توپ وهونکئ دئ.

عمرزی په تېر ۱۹ کلنو کرکیټ نړیوال جام کي د نیوزلینډ خلاف په ښې لوبي سره د لوبي غوره لوبغاړی انتخاب سوی وو.

د افغان لوبډله خلاف د کرکیټ نړیوالي شورا د لوبو د مهال وېش سره سم ایرلینډ په خپل کوربتوب د مالي ستونزو په بهانه درې شل اوریزي لوبي لغوه کړي وې، خو په بل اړخ کي دا لوبډله د افغان لوبډلي لخوا راضي سوه، چي په هند کي لوبي ورسره وکړي.

غفاري دریم ځل لپاره بیا غوره لوبغاړی شو

د کرکټ لوبډله د اوو مقام ګټلو په موخه تېره ورځ د کوربه سویلي افریقا کرکیټ ملي لوبډلي په وړاندي ولوبېده، چي یادي لوبډلي ته ئې په ۵ ویکیټو سخته ماته ورکړه.په یاده لوبه کي افغان سلو توپ اچونکي شفیق الله غفاري یو ځلي بیا ښه توپ اچونه وکړه او د سویلي افریقا ۴ لوبغاړي ئې وسوځول، چي د لوبي غوره لوبغاړی هم وټاکل سو.

غفاري د سویلي افریقا څخه تر لوبي ګټلو وروسته وویل، ډېر خوشحاله یم، چي د دریم ځلي لپاره د لوبي د غوره لوبغاړي جایزه راکول کیږي.

هغه د دې ترڅنګ په پرونۍ لوبه کي د بریا په پار ټولو هیوادوالو ته مبارکي وویله

هغه زیاته کړه ((ټولو هیوادوالو ته د بریا مبارکي وایم، ما تېر ځلي هم د سویلي افریقا ۶ لوبغاړي وسوځول، چي د همدې په خاطر د هغې لوبډلي د ټولو لوبغاړو کمزورې نقطې راته معلومي وې، نو ښه توپ اچونه مي وکړه او ۴ ویکیټي مي واخیستې، زه ډېر خوشحاله یم، چي د درېیم ځلي لپاره د لوبي غوره لوبغاړی ټاکل کیږم))

د ۱۹کلنو په نړیوال جام کي دا د افغانستان شپږمه لوبه وه، چي د یادو لوبو له ډلي ئې درې وګټلي، دوې ئې وبایللې او یوه لوبه ئې بیا د باران له امله لغوه اعلان سوه.

په یادو درو ګټلو لوبو کي درې سره ځلي په افغان لوبډله کي سلو توپ اچونکی شفیق الله غفاري د لوبي غوره لوبغاړی وټاکل سو.

هغه په ګروپي پړاو کي د سویلي افریقا ۶ او د متحده عربي آماراتو ۵ لوبغاړي وسوځول او دادئ پرون ئې بیا د سویلي افریقا ۴ لوبغاړي وسوځول.

د یادونی وړ ده چې غفاري د دې ترڅنګ د آسټرالیا په وړاندي لوبه کي هم یوه ویکیټ واخیسته او په نړیوال جام کي ئې خپلي ویکیټي ۱۶ ته رسولي